Pariah

唔覺唔覺有成個月冇出post。

其實又算不上特別忙，不過有時d野就係咁，唔覺唔覺就丟低一排。睇返友人d blog，又發現有好多都真係好耐冇睇，都唔知佢地生活成點。

話時話自問都唔算係寡情薄義d friend，但係唔知點解永遠同d朋友一少見面就會唔覺意斷左聯絡。要去搵返佢地，又算唔上有咩reluctant。似乎係，冇咩momentum去特別維繫大家既感情。

當然諗返轉頭，朋友又係咪一定要經常聯絡呢？似乎所謂「方便」既溝通渠道已經多到一地步，太理所當然。以前o個d所謂故人一別經年既故事，都已經成為歷史了。三個月唔搵你，已經冇朋友做。