NetNetCat's Blog

  今次我賞試...鉤左幾個6-7cm高o既公仔...分別有熊仔, 貓仔, 兔仔...又為佢地
  整埋衫仔....跟住仲將佢地製作成為....手提電話掛飾...諗住送比一班好朋友
  o既...以後我都會以呢個size..用不同類型o既毛冷...繼續製作...所以...特別為
  佢地起左個名...為"Cutie Baby Series"

  今次我o既手鉤公仔...係一個只有4cm高o既小熊...   仲有微型系列...鞋..帽&手袋....實在太好玩o刺...
  對於我呢個大懶人...細小o既手鉤公仔就最o岩我o刺...因為只雖要
  鉤幾行...就攪掂o刺...呵..呵..呵~~~好玩!!!!

  今年為中秋製作左....戟絨月餅及我最愛o既兔兔燈籠...
  祝各位有個愉快o既中秋節la....

  我係用hamanaka o既冷o黎製作呢隻熊仔o既....用呢隻冷o黎鉤公仔...其實都
  有d難o既... 基本上係數唔到針數...唯有靠死記... 今次我無跟圖...但其實可
  以跟任何一個圖都可以...

  毛冷我係o向屯門時代果間毛冷店買o既...淨色$40/個...我鉤呢個公仔..
  約10cm左右高...都用唔到1/3舊冷...因為冷夠粗...可以用粗o既鉤針(6.5mm
  左右)...手&腳就最好用普通冷鉤...會幼細d...

  其實hamanaka仲有出其他手工材料o既(如羊毛氈"felt"等...)

  如果大家都有興趣o既...可以參考下以下有用網址....

  日本あみぐるみ協会
  Japan Amugurumi Associaion
  http://www.amigurumi.jp/
  鉤針公仔o既協會...每年都會選舉出色o既鉤針公仔...並會定其
  出版書刊("あみぐるみコレクションの本")　呢個網內附日本
  鉤針公仔逹人o既網址...供大家欣賞...

  [轉貼]"創意鉤針玩偶 & 超可愛手編動物玩偶"
  http://www.pbase.com/monkwan_petit/root
  2本書o既鉤圖...內附基本鉤法....

  "Bonnie & Crafts"
  http://blu927.blogspot.com/
  一個台灣人o既blog...內有鉤針公仔o既基本教程...一d日本網
  o既網址(附圖)...

  呢個係我新做o既熊仔與迷你栗子撻及士多啤利puff.....   大家估下...呢個熊仔...係用咩方法&咩物料做架呢???....
  我一見呢種物料...就已經瘋狂愛上左o刺...
  呢個就係人都知係用戟絨做架la...   答案明天揭曉~~

  我覺得鉤公仔o既過程...其實都算容易...但有幾個工序...係好難掌握o既...
  1. 鉤手,腳及耳o既時後...鬆緊度要平均...唔係..就會出現大細唔同o既情況o刺...
  2. 如果係用毛冷鉤公仔...就唔好太鬆手...以免出現太大o既洞...
  3. 縫合o既時候...應先用大頭針固定位置...咁就唔會邊高邊低o刺...

  自上次o既貓草公仔之後...呢個都可以話係我第2個鉤針公仔o刺
  .. 而今次就用左毛冷..代替綿線...最後都係覺得綿線會較易鉤...但我又好
  鍾意毛冷鉤出o來o既公仔...有d笨笨o既感覺....
  呢隻熊仔...係跟日本網o既圖o黎鉤o既...雖然出鉤出o黎...同個圖有好大
  出入(因為用料唔一樣)...今次呢個公仔...都算係失敗之作...希望下次我會鉤得
  好d啦...

  雖然呢個公仔...係無貓草o向裏面o既..但因為係用毛冷鉤o既...所以糖糖對個
  公仔都好有興趣ar..

  pattern係o向日本網度搵o既...如果大家有興趣可以試試(pdf檔o黎o既)...
  http://www.clover.co.jp/kyan/knit/amigurumi.shtml

  我終於學識鉤公仔o刺...
  而我第一個作品...當然係要送比我致愛o既net貓們la...
  公仔內藏貓草及天蓼粉...所以都好受net貓歡迎....
  由灰灰 & 糖糖試玩....

  西餅3件...係跟日本手工書做o既....我o向 Apita o既日本書店買o既....
  吉島 & Sogo o既旭屋書店...都應該有得賣o既
  呢本書我個人覺得...比較o岩d初學者....而且都幾平(約HK$79)...呢個
  價錢...就算只係睇精美o既圖片都抵番晒o刺....

  フェルトで作る
  スイーツ