Muzikland

鄧寄塵其實早在1956年已經開始灌錄唱片﹐1959-1962年間﹐曾為娛樂唱片與鄭君綿﹑鄭碧影﹑李寶瑩及陳鳳仙等灌錄了三張合輯﹐分別是兩傻遊地獄 (1959) ﹑電影名曲選 (1961) 及馬來亞之戀 (1962) ﹐約1992年娛樂唱片便把這三張唱片的歌曲輯錄成兩張CD發售﹐分別名為“兩傻遊地獄”及“歡場三怪” ﹐而以後者的選曲最為動聽。

娛樂唱片錄音﹐雖早在50年代末﹐但是錄音水準奇高﹐就以這幾張合輯﹐大多已經是立體身歷聲 (Stereo) 錄音﹐可說是香港最早一批立體聲錄音﹐而且編曲西化﹐雖然多改自國語時代曲或歐西流行歌曲﹐但是卻很有RCA Living Stereo的錄音水準﹐音場廣闊﹐另外編曲更有Cha Cha, Off-Beat Cha Cha﹐Calypso等節奏﹐極具Lounge Music的味道﹐而歌詞方便更是生動有趣抵死﹐不過有時歌詞卻意思難明﹐但求把字填滿﹐出現令人摸不著頭腦的情況。

以下介紹的便是“歡場三怪”CD內輯錄的歌曲﹕



才子佳人﹕鄭君綿﹑鄭碧影合唱﹐曲調取自“康定情歌” ﹑“馬車夫之戀”及張露50年代早期的名曲“迎春花”。
(中國民歌/姚敏曲﹐佚名詞)

(女唱) 擰柳腰好似蘇菲亞羅蘭 又似野火寶烈吉妲
佛見到都日會起大痰 花靚仔想到心爛
嫩坑中坑都無限 No Money一概斬纜
(男唱) 我係大闊佬派駕嗤佛蘭 袋美金都起碼一萬
伴女人好似加利格蘭 心郁郁想錫一淡
(女唱) 喂 慢慢先生 摩登八萬 飲杯先兼吃餐飯
(男唱) 同你遊車河丫
(女白) No
(男白) 同你跳番Part舞丫
(女白) No 最好去食餐叻
(男白) No
(女白) 食咖哩雞丫
(男白) No
(女白) 哼 樣樣都話No
(男唱) 樣樣我吃慣攬腰好過吃飯 現在拍拖等我盟纜
(女唱) 拖砵有拖例 傍水先至駁纜 任你拖喇要兩萬
(男唱) OK 多多有照寶 先拖再傍 我會贈送多兩萬
(女白) 真慨
(男白) 係
(女唱) 係我一於照辦 睜開風騷柳眼 拍拖拍緊的咪斷纜 去咯
(女唱) 等我拖你小心 慌你跌落泥板
(男唱) 大眾小心 兩家拍硬駛乜慌跌 我地行慢
(女唱) 背夾汗流 踱咁遠路程 我實在不習慣
(男唱) 用私家車砵一聲 車你去中上環
(女唱) 個的貨物真合眼
(男唱) 嘩襯佢岳頭四邊望 靜靜鬆買親嘅就梗一頸血 確係寧願斬斷條纜

**********

十月芥菜 (剪輯試聽版)﹕由鄭君綿﹑陳鳳仙合唱﹐原曲為白光上海時期的名曲“假正經”。
(金鋼曲﹐佚名詞)


(男) 查隻籮叫賣菜
(女) 街邊呼賣孭國袋
(男) 好食菜心會開
(女) 正式三月官達菜
(男) 芥菜新上市面無耐
(女) 菜心花地正話運來
(男) 波菜合時
(女) 甕菜白菜 (白) 買菜呀
(男) 新芥蘭靚莧菜
(女) 薑蔥香滑香滿腮
(男) 旱芹菜做正上菜
(女) 包好個玻璃生菜
(男) 瓜菜妹叫賣菜
(女) 飛哥聲大好氣袋
(男) 似賣藕郁吓腮
(女) 似足煲飯冚鍋蓋
(男) 靠賣俏搶客一心靠害
(女) 靠搶鬼叫你笨又呆
(男) 邊個話呆 共你鬥快賣菜嗱 (白) 敢唔敢鬥呀
(女) 好呀 真笑話當食菜
(男) 一於出術擺檔開
(女) 鬥賣菜 別有妙計 搶生意擺開的菜
(男白) 喂 先生大姑 請嚟幫襯吓喇
(女白) 先生 大姑 埋嚟黎幫趁我啦 我的菜靚過佢好多架
(男白) 哎哋敝叻 點解靜係幫趁佢唔幫趁我
(女白) 哈哈 我的菜賣晒
(男白) 好叻呀
(女) 的確叻 菜賣晒
(男) 今番失敗我死過你睇 你正十月芥菜 未有伴侶 起心去揾番棵菜

**********

歡場三怪﹕由鄭君綿﹑鄭碧影合唱﹐原曲為1948年Dinah Shore的“Button & Bows” ﹐而國語版就有姚莉“莫奔跑”。
(J. Livinton / R. Evans曲﹐佚名詞)

(女唱) 眉目笑起又夠酥 生藕起碼劈成壘
花靚仔 起勢趙 答過話 甜夾滑 唔見辣 坭醬未抹 話佢好吃喎
(甲白) 飽死咯 (乙白) 係呀 (甲續) 我識你個碟咪
(甲唱) 你成日企街望靚仔 知你鍾意就食牛雜 係未呀
(乙白) 係 (甲唱) 盟雞咜咜上額 雙眼大 唇雪白 人潑辣 你成個賤相 貌似三殺
(乙白) 你重有樣衰呀
(乙唱) 嫌面皮打摺 用雪花膏貪佢滑 用手捽一撻撻 東一撻 西一撻 遮遮掩靠呃
(女白) 啋 (女唱) 撩事鬥非亂咁嗡 安我名叫造牛雜
(乙白) 你唔係個碟
(女續) 啋一啋 啋過就衰到極 牙會吮 你無發達 唔夠運會遇見鬼責
(甲白) 責我呀的銀紙
(女白) 你就想啦 (乙白) 正一醜人多八怪 (女白) 哎哋 我好醜樣咩
(甲白) 吓 都萬中無一咯 (乙白) 唔該你照吓鏡啦
(女白) 我無鏡 (甲白) 吓 無鏡就照吓塊玻璃嗱
(乙白) 睇真未呀
(女白) 哼
(乙唱) 眉又太粗亂咁擝 擝晒揾過墨嚟畫
你尖筆甩 頂上額 睇見就暈半日 傻半日
你唇向上曉 又似扁鴨
(女白) 你好靚 (女唱) 黃面瘦鬼又帶青 好似紙刮落油臘
烏碎碎 漿滿額你塊面又唔夠白 唔夠滑 嫌佢辣撻 用利刀刮
(甲白) 你重衰 啦
(甲唱) 牙又唔駛刷 又似鑲金不見白
禁到鷓鴣乜都殺 不守法 真抵殺 應該拉去拍
(女唱) 曳在個口落到陰司會將你落油烚
把口衰 兼夾絕 梗折墮 你隨處吮 你無發達 成個賤格 話你衰格
(女白) 懶鬼睬你呀
(甲白) 哦 走啦 走啦 唔夠我地嗌呢 (乙白) 係呀 哈哈

**********

飛哥跌落坑渠﹕鄧寄塵﹑李寶瑩及鄭君綿合唱﹐原曲為 1954年電影“Three Coins In The Fountain ” 羅馬之戀的插曲﹐其後有無數巨星翻唱﹐計有Four Aces﹐Frank Sinatra, Doris Day, Pat Boone等等。
(J. Styne / S. Cahn ﹐胡文森詞)

(鄭唱) 飛哥跌落坑渠 飛女睇見流淚
(李唱) 似醬鴨臭腥攻鼻 飛女夾硬扶住佢
(鄧唱) 飛哥跌落坑渠 飛女心痛流淚
(李唱) 臭夾壓個的滋味 飛女索著唔順氣
(鄭唱) 索野索著Ammonia
(鄧唱) 跳舞好似隻蟚蜞
(李唱) 應該跌落坑渠 百厭終歸會跌跛
(鄭唱) 猛咁跳盞卟崩鼻
(鄧唱) 一交撻直唔順氣
(合唱) 蠄渠氣難下氣難下氣
(鄭唱) 索野索著Ammonia
(鄧唱) 跳舞好似隻蟚蜞
(李唱) 應該跌落坑渠 百厭終歸會跌跛
(鄭唱) 猛咁跳盞卟崩鼻
(鄧唱) 一交撻直唔順氣
(合唱) 蠄渠氣難下氣難下氣

**********

肥人應跳舞﹕鄭君綿﹑鄭碧影合唱﹐原為古典樂曲﹐Johann Strauss (1925-1899) 的Blue Danube。
(Johann Strauss曲﹐佚名詞)

(男唱) 絃樂好 (女唱) 肥人學跳舞
(男唱) 人肥大兼高 (女唱) 肥人最風騷
(男唱) 肥人皮唔皺 (女唱) 容顏又唔老
(男唱) 妙在夠風騷 (合唱) 泵泵圈一步步時興Style
(男唱) 新法要大步 好似去出操 行唔吸搖哋哋嗚咯
(女唱) 起勢轉大運 肥大應跳舞 氣噓噓吹著廚房風爐
(男唱) 呢吓最獨步 好似舞關刀 華容道前聞曹操到
(女唱) 呢吓更獨步 肥大應跳舞 似足的跑馬牛仔亂奧
(男唱) 泵吓哏吓練高
(女唱) 姿態咁肥唔好
(男唱) 一味要貼面轉圈
(女唱) 攬埋有阻事關沙煲咁肚
(男唱) 攬到緊過柴箍
(女唱) 驚隻鞋窄硤唔好
(男唱) 一味焾骨節嗷鬆
(女唱) 得開去跳Quick Wal乜收縮小肚
(男唱) 仍係好
(女唱) 肥人學跳舞 (男唱) 全憑擰出膏
(女唱) 愉情又歡呼 (男唱 ) 長年人唔老
(女唱) 長年人唔老
(合唱) 運動會身高 人年青 壯力健 長春不老

**********

坐茶監﹕鄧寄塵及鄭君綿合唱﹐原曲有1950年Doris Day的版本﹐也是同名電影的主題曲﹐不過這裡的改編版本就近似Tommy Dorsey Orchestra的Cha Cha演奏版本﹐收錄於1958年Tea For Two Cha Chas 專輯內。
(Y. Caesar曲﹐佚名詞)

(鄭唱) Hello鄧 Good Morning 亞生
(鄧唱) 喂老鄭 吃早餐你請
(鄭唱) 無研究同你去華廈茶廳
(鄧白) 個度有乜野好呀
(鄭白) 等我教你啦
(鄭唱) 呢處啡最好 靚點心靚餅
(鄧唱) 粉麵靚食西餐重靚
(鄭唱) 飲咖啡吃多士最好搽Jam
(鄧白) 搽Jam ? (鄭) 係
(鄧唱) 喂老鄭 我憎死吃餅
(鄭唱) 貪吃鬼你偏偏抝頸 好啦 你隨便你即管叫喇唔驚
(鄭白) 我大把錢 即管食啦
(鄧白) 好 伙記 (唱) 燒雞半隻蟹兩件 VO拔蘭地溝梳打 蟹黃麵牛柳要脾下骨炳
(鄧白) 喂伙記照單拈嚟 (待役白) 哦 好呀 阿生
(鄭白) 個隻野咁識食吓 好 撚化佢至得
(鄧白) 喂 老鄭呀 你走開去做乜野呀 拎左餐嚟啦噃 埋手喇噃 我唔拘先 啦吓
(鄭白) 哎吔, 哎吔,
(鄧白) 吓 做乜野呀 胃痛呀 胃痛呀
(鄭白) 唔係胃痛呀 哎吔 弊啦 我肚痛呀 哎吔 我個肚作反添
你等我一陣 我去一去洗手間我就番嚟架啦 就番嚟啦
(鄧白) 好 你有你去到夠 哈哈 我有我吃到夠 (待役白) 鄧生 鄭生請你聽電話
(鄧白) 哦 乜話 鄭生叫我聽電話 哎吔 弊 呢趟領野啦 哎吔 死啦 喂喂
(鄧唱) Hello鄭唔見你我驚
(鄭唱) 喂老鄧你今番碰釘呢
(鄧唱) 你無謂離去了華廈茶廳 (鄧白) 唔好咁撚我丫吓
(鄭唱) 我請咖啡 你貪心食餐 餐係靚 吃監餐重靚 由你驚我鬆頂闊佬唔聽
(鄭白) 老鄧 唔夠再叫 唔飽再食
(鄧唱) 喂老鄭你不應靠撚
(鄭唱) 抵你死你應該碰釘 我計奇妙唔怕你平日造人精 (鄭白) 拜拜
(鄧白) 喂 收線啦哎吔
(鄭唱) 整鋪我嘆確無命 一身蟻眼淚運成 蟹籠密成隻蟹鉗住裝正
(鄭白) 哎吔 無法 鬼叫自己貪心 唯有洗乾淨個八月十五 唉

**********

兩仔爺﹕鄧寄塵﹑鄭碧影及鄭君綿合唱﹐原曲為1960年電影Never On Sunday的主題曲﹐其後有 Connie Francis於1961年演唱版本。
(M. Hadjidakis曲﹐佚名詞)

(父唱) 同老豆去玩度吓橋揾女仔傾吓偈 出去要稱兄弟
(子白) 梗係啦 (子唱) 陪老豆去玩認細佬 揾女仔傾吓偈 包拍硬檔無乜計
(子白) Hello 蘇小姐
(女唱) 迎接大少爺共伯爺 請坐低傾吓偈 請食口煙有規例
(子白) 唔該唔該 (子唱) 人地係細佬認錯仔
(父唱) 好細佬 (子唱) 喂好呀哥 多數認錯確心翳
(女白) 吓 佢係你細佬 (女唱) 佢年齡又細 大阿哥幼弟
(父白) 佢係妾侍仔 (女唱) 查實有無詐偽 (子白) 無講大話 (父唱) 無一的詐偽
(女白) 唔係掛 (子唱) 人唔係細 (父白) 佢廿歲架喇
(子唱) 又好玩愛美麗 (父白) 正一人細鬼大
(女唱) 查實你都幾美麗 (女白) 你套西裝幾靚呀
(父唱) 著得緝緝齊 (子唱) 成世學正經未會滾
(父唱) 好細佬的確好 (子唱) 專敬阿哥無所謂
(父白) 佢對我幾好架
(女唱) 年少又細心又靚仔 憎伯父貪靚仔 貪你貌美夾英偉
(父白) 喂 你倆個攪乜鬼呀 (子白) 無野 學人拍拖唧
(女白) 姐兒愛俏 我梗係鍾意後生仔喇 唔通鍾意你的老鬼
(父白) 唉 泵心咯
(女白) 喂我同你傾吓偈呀前世
(子白) 哎吔 噱死咯
(父白) 嘩重Kiss添哎吔 嘩你個衰仔 當老豆死嘅你咁膽大 摑醒你至得
(女白) 哈哈 我老早就知你倆個係兩仔爺啦
(父白) 哦 你早知架嗱 吓
(子唱) 查實係你認我小幼弟 (子白) 你重鬧我
(父白) 誰料你咁壞 (女白) 你教壞個仔就真呀
(父唱) 恃靚仔作弊 (子白) 佢鍾意我之嘛
(女唱) 胡塗混賬 (子白) 佢胡塗咋
(女唱) 認細佬駁亂 (子白) 你抵死咯 爹地
(女唱) 行動太幼稚 (父白) 唔好咁晒法禍
(女唱) 正一衰所為 (女白) 快的走呀你
(子唱) 唔趕又要趕又無面 爹呀爹通氣的
(父唱) 好啦益吓我仔無所謂
(女白) 你都要扯呀
(子唱) 陪老豆靠滾又要趕 揸掃把將你打 (父子唱) 呢趟大眾一身蟻 哦哦
(父白) 烏蠅嬲馬尾 (子白) 一拍兩散 (父白) 衰仔 (子白) 爹地

**********

一身蟻﹕鄭碧影﹑鄭君綿合唱﹐原曲為1955年Harry Belafonte的 Banana Boat Song﹐同期香港也有方靜音的國語版“香蕉船”。
(Belafonte / Burgess / Attaway曲﹐胡文森詞)

(男唱) 唉唷唉唷 週身躝得一身都蟻
(女唱) 唉唷唉唷 週身躝得一身都蟻
(男唱) 拮得猶如用利錐拮入格肋底 拮一拮拮得有郁身郁勢
(女唱) 拮得痕痕癢癢真犀利似錐仔 拮幾拮拮得西身西勢
(男唱) 西吓西吓 西幾西西甩呢一身蟻
(女唱) 郁吓郁吓 心急急急得擺手擺勢
(男唱) 蟻咬暗暗抵咯 詐詐諦諦
(女唱) 喂 猛跳震跌的蟻 詐詐諦諦。
(女白) 吓 邊個咁抵死 放的蟻落我地身上面呢吓
(男白) 泵大力的躉甩佢喇
(女白) 死叻 泵到鞋踭都甩左囉
(男白) 除左佢喇傻鬼
(女白) 係噃 哎吔 嘩撞鬼你咩 泵親我隻腳趾添
(男白) 對唔住 我除埋鞋陪你
(女白) 喂 不如唔好跳咯
(男白) 唔得架 跳舞比賽呀嘛 不能夠中途退出口架
(女白) 你睇吓 跳到我週身都濕哂咯 成額頭都係汗
(男白) 我唔止出汗添 而咦 罩忌咯
(男唱) 哎吔 弊 皆因搖頭泵地衫盟爛 褲都甩 架刁清今晚認真倒米
唉唷唉唷 西不甩點西都一身蟻
(女唱) 唉唷唉唷 西不甩點西都一身蟻
(合唱) 當作跳舞姿勢詐詐諦諦 我當跳舞新法夠晒架勢
個個讚我好野你咪當曳噃 失禮 失禮

**********

詐肚痛﹕鄧寄塵與鄭碧影合唱﹐原曲為Rico Vacilon﹐筆者首次認識此曲為Tommy Dorsey Orchestra的演奏版本﹐收錄於1958年Tea For Two Cha Chas 專輯內。
(Rosendo Ruiz Jr曲﹐胡文森詞)

(女) 你詐肚痛去廁所排長龍 詐詐諦做工夫詐肚痛
(男) 你去買餸又吼岩蛇王榕 你兩個拍起拖四處貢
(女) 你正哀公枝竹正孤獨蟲
(男) 唔在怕我夠靚做人輕鬆
(女) 你似足一碌竹一生無用
(男) 我大疊水週身西紙刮左粗龍
(女) 你無貴格鼻哥尖時時紅
(男) 正貴格馬票都會買中
(女) 我咒你病躝疸成年窮
(男) 我咒你手生瘡夾眼痛
(女) 你詐肚痛去廁所排長龍 詐詐諦做工夫詐肚痛
(男) 你去買餸又吼岩蛇王榕 你兩個拍起拖四處貢
(女) 你耳兜風週身郁眼圈又紅
(男) 你唇上竅夾斜膊擰頭偃胸
(女) 你腳瓜浪生孖瘡一個個烘
(男) 病壞豬週身都腫似足碌棕
(女) 我發惡撞起火無人同
(男) 當臭四我識穿你個櫳
(女) 喂我摑你亂巴冚玲玲瓏
(男) 你掂我當偷雞咪靠碰

**********

扭六壬﹕鄭君綿主唱﹐原曲為“阿里山的姑娘”﹐又名“高山青”﹐乃是 1949年電影“阿里山風雲” 的插曲﹐原唱者為陳明律。
(張徹 曲﹐胡文森詞)

六壬盡扭得五千 扭極我都未曾掂
開聲要二萬 膽粗粗去辦
求梅麗借好彩崑得佢掂
但係現時祇得五千 想落確係唔掂
出千用術卑污夾賤 完全為過骨逼於博亂
又妨外母識穿 個陣我攞黎賤
空心夾大話 婚姻梗無望 回頭稔確係牙又煙
為求度橋通處捐 捐極我都未曾掂
開聲借閘住 手踭都托盡 完全無收心慌亂
袋住港紙五千 想落個心嗱嗱亂
想賭博幸運輸左更弊 琉璜馬先斬開左兩段
又唔敢出老千 車大炮一樣唔掂
講得出要兌現 聽朝點見面 回頭稔落確係牙又煙

**********

情侶配給難﹕鄧寄塵與鄭君綿合唱﹐原曲為1946-1948年間﹐吳鶯音的名曲“好春宵”。
(徐朗曲﹐佚名詞)

(鄭唱) 二對一梗多幾咭 難題是分配結合
誰能讓俾對方結合 自己得連累兄希望失
(鄧唱) 大眾手足講真實 求其大家有配合
無如白欖有一個欖核 二拖一同樣分點樣得
(鄭唱) 呢趟多一位尤物 緣份配成又無突
(鄧唱) 你配番一個無乜餂問賺 何愁分配誤時日
(鄭唱) 玉女青春肯加入 良緣大家兩配合
猶如食酸梅得兩粒核 今時唔同往日
(鄭唱) 邊個娶邊個是為合 其實最難自抉擇
(鄧唱) 你想邊個你可以隨便 無庸多作狀幾咭
(鄭唱) 任你揀先早的抉擇
(鄧唱) 你唔能自私要老實
(合唱) 如何劃分各得配合 商量妙計終不得

**********

載歌載舞﹕鄧寄塵﹑李寶瑩及鄭君綿合唱﹐原曲取自1955年Georgia Gibbs的Sweet & Gentle。
(G. Thorn / O. Del. Portal曲﹐胡文森詞)

(鄭唱) Calypso Cha Cha
(李唱) 行動型學阿飛
(鄭唱) Calypso Cha Cha
(李唱) 其實唔係阿飛
(合唱) 自己學扭擰扭擰扭擰快活無比
(鄭唱) 盡地學輕鬆共遊戲
(合唱) 大家學扭擰扭擰扭擰快活無比 盡地學輕鬆共遊戲
(鄭唱) 牛肉羊肉味美
(鄧唱) 鵝翼魚滑乳豬
(鄭唱) 頭號肥大肉蟹
(鄧唱) 頭號肥大扇雞
(李唱) 又炆又蒸熟煮熟煲熟襯熱唔拘
(鄭唱) 料本共三蒸共尋醉
(合唱) 大家大家共煲共撈親切亦唔拘 食飽又傾樽共尋醉
(鄭唱) 頭上明月夜照
(鄧唱) 同學齊集戲嬉
(鄭唱) 檯上陳列食品
(鄧唱) 咸味甜味滿堆
(李唱) 月餅豆沙或雞肉豬肉與共蓮子
(鄭唱) 荔甫芋甘香味甜美
(合唱) 大家大家共歡聚賞月快活無比 趁今夜中秋共遊戲