Muzikland

風行唱片自2003年出版了首批“歲月留聲” 系列之後﹐多次把好些當年的黑膠專輯/合輯首次以CD面世﹐這些歌曲雖然大多環繞60年代中期以後的錄音﹐不一定是我的杯中茶﹐但對喜歡懷舊歌曲的筆者還是帶來許多驚喜的﹐其中一張由陳良忠主唱的“萬能老倌”﹐ 筆者做夢也沒想過會有再版的一天呢。

這張“萬能老倌”原於1973年出版﹐算是一張摩登諧趣歌劇﹐若跟50/60年代鄧寄塵的鬼馬諧趣比較﹐其實只是一個延續而已﹐算不上是新意。70年代筆者家裡首次擁有 Cassette Deck ﹐父親帶了大量卡帶返家﹐不過許多都是翻版貨﹐其中一盒便是這個“萬能老倌”﹐但設計卻用上了“風行金唱片第一輯”的封面。首次聽這卡帶的兩套短劇﹐感到非常爆笑﹐事實上這種諧趣歌劇當年非常流行﹐屬大眾歡迎的表演模式﹐有時電台轉播一些大型戶外表演﹐都會有這類短劇的環節。可是每次播唱這卡帶﹐都會有殘餘磁粉留在 Cassette Deck 的磁頭上﹐清理麻煩。80年代初曾想過要買一張正版唱片﹐但全新的已不可見了﹐所以相隔許多年後﹐風行於2006年以CD格式重版﹐雖然再重溫時已有點 Outdate 的感覺﹐但重拾這種懷舊情懷﹐總令人樂上半天。

提起陳良忠﹐在60年末的粵語電影中﹐不時會發現他的影蹤﹐他原籍廣東南海﹐在上海長大﹐在香港仿林中學求學﹐他以唱歌起家﹐20歲時曾為名作曲家姚敏擔任“抄曲”工作﹐其後在電影中擔任一些不太重要的角色。1966年獲粵劇紅伶鄧碧雲賞識﹐邀請隨行到星馬登台﹐因為他懂七種方言 (國語﹑粵語﹑滬語﹑潮語﹑客家語﹑英語及馬來語) ﹑擁有四聲帶 (可一人分飾男女老少四種角色)﹐加上他能自編自導趣劇﹐演諧劇又有一手﹐故大受歡迎。回港後﹐他便繼續拍電影及於歌廳獻唱﹐並且灌錄唱片﹐也不時在亮相“歡樂今宵” 電視節目﹐屬60/70年代炙手可熱的歌影視紅星﹐所拍的電影包括“郎如春日風”(1969)﹑ “嫁衣”(1970) 及“滿肚密圈”(1970) 等﹐不過近年已鮮有他的消息。

而杜平在60年代末是電影紅星﹐早在1962年已拍電影“苦海明珠”﹐其後進入電視台演出﹐70年代是主要的電視紅星﹐後來聽說移民澳洲。至於陳齊頌也是60年代出道的歌影視紅星﹐她的代表作有“情花開”(1965/歌樂)﹐ 也常在早期的“歡樂今宵”演出﹐婚後曾退出娛樂圈﹐後來重返TVB ﹐80年代仍主持下午的婦女節目。


萬能老倌 (1973/風行) Track List:
01 萬能老倌 - 陳良忠
02 游龍戲鳳 - 陳良忠 / 杜平 / 陳齊頌


萬能老倌 (剪輯試聽版)
主唱﹕陳良忠


(一陣噴射機降落機場的聲音)
(播音員宣佈) 咖哩啡航空公司由孟加拉黎既701號班機經已抵達
(父) 哈哈哈到囉噃 (旱天雷) 乖仔 就出黎
(母) (接唱) 乖仔認真威威威威
(父) (接) 乖仔讀書成功贏得博士回黎
(母) 一定時時勤力至得博士銜既名位
(父) (接) 父母亦憑佢帶挈富貴 乖仔自少都叻仔
(母) (接) 不枉一雙老夫老妻捱到錢唔敢使 完全寄去供書教養
我地捱到食餐白粥 情願自己甘願豆泥 嘻嘻嘻嘻嘻
(父) 哈哈哈 真係苦盡甘來呀老婆啦
(母) 嘻嘻嘻 而家我至慌過咋
(父) 車 使乜驚既 坐飛機好閒既事者
(母) 你話囉 呢排成日聽見炸飛機劫飛機的新聞 唔驚就假囉
(父) 又係噃
(母) 阿仔平平安安到埗真係還得神落呀
(父) 哈哈哈 喂 我地行過去秤佢出黎囉
(一陣口哨吹著桂河橋調子 來了一個嬉皮士青年)
(子) 哈囉 My Dear Daddy﹐Mammy (擁父母而吻)
(父) 喂喂喂你認錯人咩
(母) 采乜哄口哄鼻架 你認錯人啦
(子) 噢 Wonderful 我從來未見過的咁烏龍既 Daddy﹐Mammy連仔都唔認喎
(父) 吓 你係新潮
(母) 乜你係阿仔咩
(子) 如假包換啦
(父) 點解你變成咁樣既
(母) 咁肉酸都有既
(子) 留學生梗係要留鬚留髮哩
(父) 吓 去你蘇聯法國讀書咩
(子) 呵呵呵 我話真係濛渣渣 我話留鬚留髮 即係長長鬚 長長頭髮咁解
咁你都唔明 真係係越老越懵董叻
(父) 哎也 居然鬧老豆 我一見你個衰樣 我宜得殺左你個頭呀 等我無摑醒你至得
(母) 喂 響享公眾場合咪郁手郁腳 番屋企至講啦
(父) 哼 正一慈母多敗兒
(母) 亞仔你又係既 激老豆做乜呀 快的跟爸番屋企至講啦
(子) 喔 (汽車開行及停頓聲)
(母) 仔呀 你做到博士番黎 阿爸同我都唔知幾開心
(子) 叻仔有番咁上下啦
(父) 你得到邊科博士
(子) 戲劇博士
(父) 吓 使咁多錢學戲
(子) 吓 話你老糊
(母) (禁子再說白) 殊
(子) 亞爹地學戲都係藝術黎架 好失禮咩
(父) 唉 真係無你咁好氣呀
(子) 梗係啦 邊過唔讚我係好戲之人呀 有名萬能老倌噃
(父) 嘔血囉
(子) 咁真係嘔心瀝血至得倒咁既名譽地位架
(母) 咁重唔表演俾阿爸睇吓
(子) 易過借火啦 (唱西班牙曲)
(父) 我都唔知你嗡乜
(子) 呢枝係世界名曲你都識
(母) 唱過第二枝啦 仔
(子) 好 Where's Your Mama Gone Where’s Your Baby Gone
Where's Your Mama Gone Far Far Away Far Far Away
(父) 哎 頭痛 頭痛
(母) 仔呀 爸爸唔鍾意聽西曲既 你做過第樣戲啦
(子) 得得得 (今天不回家) 爸爸怕媽媽 媽媽出嫁 嫁了爸爸
她很像雌老虎嘩嘩嘩 嘩嘩嘩嘩嘩 我爸爸見她害怕
(父) 唉 我就黎氣絕啦
(母) 哎呀 使乜咁嬲呀 爸爸鍾意睇大戲既 你做場大戲俾佢睇吓啦
(子) 最拿手啦 做場胡不歸相妻你睇啦
(母) 車 胡不歸慰妻 邊有相妻架
(子) 我話你聽呀 相妻係睇老婆 等我娶老婆至有妻慰架媽咪
(母) 又係道理 咁做啦做啦
(子) (薛腔長二流) 呢個宜男相 可惜個咀長 雙耳兜風和腮漲
堂眉低陷 相對淒涼 呢個夠瀟湘 孤寒相 雙目無神傻又傻夾
發狂睄住我驚惶 奇在鼻如大笨象
(母) 哈哈哈 真係好笑呀
(父) 吱都唔笑呀
(子) 唔好笑又做第二齣呀
(馬腔二王) 我有藝術天才 好似一匹行空既天馬 野花香做教授
寶鼎明珠都督 真係到家 一齣苦鳳鶯憐 演個乞兒 都算鬼馬 (腔)...
(父) (冷笑) 豈成個乞兒相
(子) (合花下句) 而家爸爸讚好戲 幾乎笑甩佢的假牙
(父) 哼 下流賤格
(子) 嘻 我又會者 (越王怨) 穿鞋破襪 成塊灰色面皮 令我真傷心
唉唔著上鋪粉引 想戒也未能 無食半餐當堂週身震 親朋無人憐憫
夜晚踎街瞓|呀 粉呀 粉呀
(母) (大笑) 哈哈哈
(父) 衰成咁重笑得落既 正式非洲和尚
(子) 呵 呵呵和尚戲我重首本呀爹地
(醉頭陀) 笠埋假髮將花採 携美去酒樓先示愛
(序) 排場香檳例要開 我嘆完鮑翅又吃生菜
(序) 瑪利夠風騷 碧姬夠身材 兩位神仙伴如來
(序) 我醉左酒 你地兩家抬 弊啦最弊假髮跌落來
(女聲瑪利) 采 大吉利是咩
(子) (尾腔) 不 瑪利 碧姬 瑪利 碧姬 你人在那方快出來
(母) 哈哈哈 好野 好野 呀仔呀你唱既子喉真係駛得噃
(子) 無番三兩度點做萬能老倌媽咪
(父) 唉 真係抵佢瓜
(子) 喔 爹地鍾意帝女花 我又會者
(妝臺秋思) (女) 你落番個邊百葉窗啦
(男) 你驚重會俾人望
(女) 個個陰濕伯父佢實會裝既 我昨晚沖涼就領當啦
佢偷偷看偷偷望 好彩個陣我尚未脫清光即
(男) 吓 個老色狼 係咁猖狂 整一㷛最杰野懲戒佢無狀
(母) 你係得既仔
(父) 無哩貴格
(子) 車 你想我做貴格戲好易者
(青梅竹馬) 搶番口大雪茄 兼拖住隻胭脂馬 坐架卡多力 車去美麗華
飲酒跳舞睇科羅蘇 聽歌唱 確係夠聲價 身邊美人兒享處將嬌詐
(女聲) 唉也 緣份到 我今晚肯嫁咯
(男聲) 一啤去香閨 我重一樂也 兩個傾心事 卒之收服隻胭脂馬
(母) 嘻嘻嘻
(父) (望神位感慨) 我既家都幾難有金馬玉堂咯
(子) 玉堂容易做極啦 (花上句) 怪不符人人讚萬能老倌 生旦丑武俺憧
想當年黃飛虎反五關 真果是何等威風 曾記得三審玉堂春 藝壇傳頌
頂瓜瓜人讚譽 俺做十奏嚴嵩
(父) 虛毛管鬆呀
(母) 哎呀 佢唱做都咁好 真係旦家婆打醮無彈架 若果佢出黎做我包佢紅
(父) 紅紅紅
(子) 紅派我又識 (雪底遊魂) 佢週身搖 我冷汗當堂亂咁標
炒豆苗 每日八餐呢埋溫咁趙 花癲大少 夠晒無聊 傻傻笑
痴心揾阿嬌 終日隨街跳 遇啱姑娘叫阿嬌
(母) 哈哈哈叻仔叻仔真係似亞女喎
(父) 可歌可泣添呀
(子) 講起泣呢 你要我用鄉音唱泣荊花
(二王買邑聲) 你叫我開門 你都唔使指意 事關瓜田李下 事避嫌疑
(父) 唔該你叻衰仔 聽到我慌
(子) 喔 芳控我又灑者 我常著迷你裙玉腿真相襯咯 打令覺開心
佢話條裙夠短真正令佢暈 拍親拖 佢攬腰 令我成身覺震 但存心挑引
(父) 唉也 (暈倒)
(子) 嘻嘻嘻阿爸聽到暈左
(母) 仔呀 唔多妥噃 佢連手腳都凍埋 仲唔快的打電話叫十字車黎啦
(子) 媽咪 呢的戲考起我噃 唔識做
(母) 唉 俾你激死我咯

**********

游龍戲鳳 (剪輯試聽版)
主唱﹕陳良忠 / 杜平 / 陳齊頌


(齊) (賽龍奪錦引子) 當爐賣酒 名酒樣樣有 重有飯菜 最棧牛柳
呢搶手貨白雲豬手 已經夠鐘 要開門賣酒
(平) (內場今天不回家引子) 今天不回家 一生多鬼馬 愛靚又愛奢華
遊遊蕩好食懶做 我爸爸家財大把 任我瞓常尋樂也
天公都不怕 最怕漸老年華 長年月嘆寂寞 快三張依然未置家
月中仙何時幻化 佳人無著 亦覺刁架 玉人貌美方可孖我享榮華
我為人就算係迓迮 我不算好心花 剛啱憶起啦 索野莫怕肉麻
前日發現鎮上那酒家當爐艷娃 近吓佢能成事掛 艷女下嫁 樂也樂也
(平入店見無人招呼叫喚)
(平) (白) 夥計 (龍飛鳳舞) 黎啦 (序)
(齊) (曲) 黎啦 (序齊出唱) 為乜企處亂咁敲者
(平) 你又為乜無個在店前
(齊) (曲) 亂敲我個心柳咁亂 我黎左你都詐未見
(平) (白) 哎呀 原來你係到呀 我真係暈晒浪 睇唔到 算我對你唔住
Excuse me I am very sorry
(齊) 有乜幫襯者 Sit down please
(平) (白) 哎呀 使它亂咁快幫襯即 慢慢坐低傾吓偈都未遲呀嗎 係呢
(知道不知道) 因乜野東東 今天客稀少 不似日前
客滿亂叫囂 清淨冷落難描
(齊) 呢排酒家生意淡 烏蠅拍左不少
(平) 今天我特來慰問阿嬌 相伴免寂寥
(齊) 先生幫襯真叨光 哥頓氈好過花彫
(平) 做乜你近來 瘦了弱柳腰 體態更苗條
(齊) 衰鬼多手多腳 做人因乜咁輕挑
(平) 單思美人兒 見你我就發燒 早為你墮情潮
(白) 哎呀埋黎啦 驚乜野即 嘻嘻
(齊) (白) 我怕你囉 你正一滾友黎既 咁鬼衰
(平) (減字芙蓉) 我美酒都未沾唇 你居然先來一碗貓面
(齊) (序白) 鬼叫你多手多腳呀 梗係鬧你啦
(平) (由) 你鬧就隨便鬧 我係要摸你一摸添
(齊) (白) 哎呀 咪咁鬼衰啦 有人黎喇 (忠粘鬚化妝出﹑齊平分開)
(忠) (啞子背瘋) 我乃當今在朝帝主 (序) 暗探貪污入民間去
(序) 實情係我中意專門理閒事 (序) 腳疲勞 龍鳳店 抖陣間都未遲
(忠入店坐下 齊欲上前招待 被平纏住)
(板眼) 叫聲夥計 咪理個臭飛 同我整個白雲豬手 先黎兩匹拔爛地
今日唔想食沙爹 改食白汁煎鎗魚 一份牛排半熟 半隻鹽焗雞手撕
唔使驚我食霸王 我有大疊銀紙 快的三扒兩撥救濟我肚皮
(平) (白) 喂喂喂你唔使顧住個壽頭既
(齊) (過大橋) 我小心招待客仔 豪關大客仔 先上酒Two匹共扎諦 其他馬上就黎
(平) (曲) 你潮氣媚人又侍靚 難怪個壽頭錢無計
(忠) (曲) 誰個壽頭你咁諦 寒飛拈酸頂肺
(平) (白) 哎呀 哎呀 激嬲我就照頭亂砌
(忠) (曲) 哎呀 哎呀 摸親我就顧住黎
(平) (白) 哎呀 你話我唔敢摸你 摸吓你又點呀
(忠) (白) 吓 你個死靚仔都未死過 放罵過黎呀拿
(平) (白) 哎呀 放就放啦使驚你摩 (白) 你個難蝦仔 未死過 我擠你兩槌呀拿
(齊) (白) 唉呀 好囉好囉 你兩位唔好嘈囉 你睇下面有幾多貴客係到
如果打上黎 有乜好睇呢平 恕我唔著 待慢你倆位係啦
(平) (白) 好啦 睇你份上 至多就唔同個老坑嘈既即 但係我要你招呼我既噃
(齊) (白) 我而家唔係招呼緊你囉
(平) (白) 咁又唔同 我問吓肋 你地呢間叫龍鳳店呀 究竟有乜根據既呢
(齊) (慢板) 講到龍鳳店 以龍鳳為名 因為兄是龍時妹是鳳 都算改得自然
(忠) (白) 原來你叫鳳姐呀
(齊) (轉向忠白) 係呀 先生
(忠) (平湖秋月) 甜甜甜乜你叫鳳姐咩確係甜
(平) (曲) 應該我與鳳姐結情緣
(忠) (曲) 鳳與龍亂配真係笑話 應該孖我結鳳鸞
(平) (曲) 今日龍鳳店 擺下龍鳳宴 我地兩家至係龍鳳配 配得好啱線架
(齊) (曲) 乜你禮教全唔念 有心點菜就快的 我唔願聽等到你埋年
(平) (曲) 任你龍腸鳳翅呀 我不要亦要鳳姐將心獻咯
(齊) (曲) 躝開躝開 乜你個口得咁賤 咁耐唔扯 真真討厭
(忠) (曲) 你個臭飛仔莫再痴纏 我地奇逢萬里緣牽一線噃
(平) (曲) 我做到當今帝主至係龍
(齊) (曲) 龍你就會飛上天啦
(平) (曲) 何必疑心暪騙
(齊) (曲) 你家陣確係確係發左癲
(平) (曲) 有憑據 當今寶印在目前
(齊) (四皮) 哼 你真瘋癲 膽包天 居然冒至尊 盼玉人相眷戀
我呢一世與你無緣 何必再冤
(平) 哈哈哈 (南音) 鳳姐呀 你休多疑惑 望真我個玉印先
姐你重要低頭 然後至睇得見呀嘛 睇吓內中文字 姐呀你就心甜
(齊) (白) 你真係皇帝
(平) (白) 唔信你就睇真吓啦
(忠) (戲水鴛鴦) 你個黃泡仔 人作偽 你休巧語甜言騙女仔
呢度成個金印 精工矜貴 無躺箱當今皇帝
(平) (曲) 你咪做老襯 但既一定唔係 我瀟灑夠照週身貴格 當今皇帝
(忠) (白) 你個面就黃喇 拿我除比你睇吓啦 (交印)
(平) (白) 哎呀 你會除俾佢睇 我又唔會徐俾佢睇吓 (交印)
(齊) (接二印看後白) 嘩 你地兩個印都咁名貴 我都分唔出邊個至係真既
(平/忠) (同白) 當然我既真啦
(齊) (白) 哎呀我又未見過真皇帝印 叫我點分得出者
(忠) (白) 唔 我有辦法 (取出鈔票) 拿 你攞去對吓啦
(平) (白) 車銀紙之嗎 我夠有咯 我重多過你呀
(齊) (接鈔白) 哎也 究竟對乜者
(忠) (白) 拿 你對真吓銀紙上面皇帝樣 似唔似我個樣 嘻嘻
(齊) (認出白) 哎呀 原來你真係當今聖上
(忠) (白) 嘻嘻今時信囉麼
(齊) 哎呀 (七字清中板) 晴天霹靂真龍現 奴奴自悔太失言
聖上請將奴赦免 惶惶跪拜聖君前
(忠) (曲) 你骨似梅花人絕艷 盈盈秋水肖生憐 大好名花堪眷戀
願為粉蝶繞裙邊 (花) 賜封為皇第四夫人 即日回宮行大典
(平) (白) 我反對
(忠) (白) 吓 你冒認皇帝我重未罰你 你居然夠膽反對孤王婚事
(平) (白) 你雖然係當今皇帝 但係而家民主時代 百姓婚姻係有自由
你家強迫婚姻 違反民主精神呀
(忠) (白) 好呀 我見你一片其誠 我以平民身份
向鳳姐求婚 睇吓佢鐘意嫁邊個至得
(平) (白) 咁就係叻 咁樣至係民主皇帝呀嗎
(忠) (白) 嘻嘻鳳姐 (齊) (白) 吓
(忠) (白) 以我萬聖之尊 唔使講 你都係鍾意嫁我啦
(平) (白) 鳳姐呀你千祈唔好呀 侯們一入深如海
何況嫁俾個皇帝做第四夫人 不知嫁俾我一對一重好啦
(齊) (白) 嗯嗯嗯
(忠) (白) 爺鳳姐你鍾意嫁邊個唔怕講呀
(齊) (白) 呀 乜你地真係要我講呀
(忠/平) (白) 當然啦
(齊) (白) 唔 我兩個都唔嫁
(忠/平) (同白) 唔嫁 留番攝灶罅咩
(齊) (百鳥和鳴) 繁華 繁華 無心護情苗情芽 何必把青春棄下
唔貪慕洋場繁華 一於決定了唔嫁 朝朝共暮暮 我聽得多假說話
朝朝共暮暮 我若聞嫁就會心驚怕
(平) (曲) 你咪話唔嫁咁話 當心變左紙扎下扒
(忠) (曲) 你咪話唔嫁咁話 包你他日會變掛
(齊) 決意致力奮鬥 我已誓言自立 不貪百萬身家 只望有飽飯淡茶
皇宮內無疑豪華 皇宮內小心說話 唔貪慕浮雲榮華
芳心中堅決唔嫁 芳心中堅決唔嫁 (平/忠二人跪下向齊懇求)
(平) (白) 鳳姐 鳳姐 你是我的靈魂 你是我的月亮 請你不要拋棄我
我而家跪係到向你求婚 你如果唔應承我 我就惟有跳…跳…跳
(齊) (白) 哎呀 你跳乜野呀
(平) (白) 嗯 我跳落個台到囉
(忠) (白) 唉鳳姐 我睇全世界既皇帝 至多情都係我既咯 鳳姐 你嫁俾我吧
(齊) 哎呀你地唔使跪叻 快的起身先啦
(忠) (白) 從命 我聽晒你話吓
(齊) (轉向平白) 咁你呢
(平) (白) 我要你拖我至起來
(齊) (白) 哎也 而家咁多人睇住 有咩好意思者 快的起身啦
(平) (白) 唔制
(齊) (白) 咁你瞇埋眼先啦
(平) (白) 哦 好啦 我而家瞇埋眼喇
(平) (白) 好喇鳳姐 咦乜鮑魚刷黎既
(平) (白) 鳳姐 鳳姐 你嫁俾我啦
(忠) (白) 係囉鳳姐 你嫁邊個呀
(齊) (白) 哎呀 你兩個都唔好嘈叻 等我講清楚你聽啦
(忠/平) (同白) 講啦
(齊) (順德音白) 我係順德大良既 我梳起唔嫁既呢
(忠/平) (同聲嘆) 吓喎呵
(平) (花下句) 唉咁我就疊埋心水 (半句)
(忠) (接句) 惟有先治國後齊家




筆者相關文章介紹﹕
餐搵餐食餐餐有 - 譚炳文 / 狄娜 / 沈殿霞 / 陳良忠
陳齊頌 - 情花開