Muzikland

來自一套1969年的粵語電影“餐搵餐食餐餐有” ﹐由譚炳文及狄娜主演﹐2003年風行唱片把這張唱片以“歲月留聲”系列﹐首次CD化。

“餐搵餐食餐餐有”屬於香港60年代粵語電影尾聲之作﹐當時TVB已開台﹐並且為市民提供無線免費廣播。回看這套電影﹐參演的都是當時的明星﹐極為星光。電影廣告中以黑色方塊遮蓋女主角狄娜的胸脯﹐並劃上“兒童不宜觀看”﹐而且註明由首席玉彈狄娜領銜主演﹐可見這部戲屬當時艷情之作。收錄的12首歌曲﹐全數由電影中的演員演唱﹐估計可能全是該電影的插曲﹐不過“我伴你左右” ﹑“新貴妃出浴”及“勞力創新生”中的女聲﹐不像狄娜的聲音﹐可能是幕後代唱。歌曲大多為老掉牙的改編﹐部份則屬60年代末非常流行的國語及西洋流行歌曲﹐屬於60年代流行的粵語歌曲製作模式。

這張唱片佔歌曲數量最多為譚炳文及沈殿霞﹐譚炳文最為人熟識的歌曲為“舊歡如夢”﹐60-70年代﹐他灌錄的唱片頗多。至於沈殿霞在60年代電影圈中屬諧趣配角﹐別名“肥肥”﹐灌錄的唱片多為合唱歌曲﹐至70年代才算有個人專輯﹐另外又與羅文組成情侶合唱團﹐1975年又與汪明荃﹑王愛明及張圓圓 (張德蘭) 經電視台力捧﹐組成“四朵金花”﹐ 並在百代唱片灌錄過兩張專輯﹐在電視台因為經常在“歡樂今宵”演出﹐為歡眾帶來歡笑﹐故又有另一別號“開心果”。她最後一張專輯﹐乃是跟女兒鄭欣宜合唱的“給親愛的”(1991/Polydor) 專輯。

餐搵餐食餐餐有 (2003/風行) Track List:
01 我伴你左右 - 譚炳文 / 狄娜
02 為食經 - 沈殿霞
03 做闊佬 - 梅欣　
04 兄妹相罵 - 沈殿霞 / 陳良忠
05 冇水冇得傾 - 杜平
06 罵十窮 - 譚炳文
07 滾財神 - 周吉 / 高魯泉 / 戴偉光
08 拋生藕 - 譚炳文 / 沈殿霞
09 爛賭的人 - 戴偉光　
10 新貴妃出浴 - 狄娜　
11 鄉下仔出城 - 譚炳文　
12 勞力創新生 - 沈殿霞 / 杜平 / 狄娜 / 戴偉光


我伴你左右﹕原曲為韓國歌曲﹐但最著名的改編有美黛 (1965/合眾) 及湯蘭花的國語版“我在你左右”(1969/環球) 。
曲﹕朴椿石
詞﹕佚名
主唱﹕譚炳文 / 狄娜


(炳) 哥妹喜沖沖 相約在步頭 相見手拖手
(娜) 柔情萬縷 欲言還語 暗帶羞
(炳) 啊 大哥愛慕妹妹已久
(娜) 我亦跟哥兩情投
(炳) 郎情蜜意恩義厚
(娜) 我時常伴你左右
(炳) 情花一朵獻密友

(炳) 哥妹手牽手 相約共遊 鴛鴦河畔水秀
(娜) 遨遊樂趣 海闊天空 悅忿似海鷗
(炳) 啊 盡解心中暗憂
(娜) 樂觀心曠忘愁
(炳) 情人石試出密友
(娜) 她在你身邊左右
(炳) 情比金堅更義厚

(炳) 哥妹手牽手 相約聚頭 今宵明月照佳偶
(娜) 互憐互愛 投郎懷抱 半帶羞
(炳) 愛花獲得雨露滋長燦開
(娜) 萬般恩愛樂忘愁
(炳) 郎情蜜意恩義厚
(娜) 我願意伴哥左右
(炳) 明春花開結鳳友

**********

為食經 (剪輯試聽版)﹕原曲為1948年的“載歌載舞” ﹐最流行的改編為鄭君綿的“賭仔自嘆”(年份不詳/和聲) 。
曲﹕胡文森
詞﹕佚名
主唱﹕沈殿霞


燒雞翼 我自細中意食 燒乳鴿 好過食筵席 甘香可口我最恨食
日日辛勞原為了揾食 雞鴨魚蝦應該多進食
提醒你 多食有益 脂肪蛋白 最有熱力
我認真肥壯十分有型 體格想健美 學我密咁食
我強壯兼有力 實無生積 我出名大食 食野真刺激 花生水菓 更富活力
豬肝兼豬肚 每日食過至心息 肥圓蹄更重有益 係野都想食

**********

做闊佬﹕原曲為 Paul Anka 的 I Love You Baby (1957/ABC Paramount) ﹐另一個較流行也較早期改編為鄭君綿的“扮靚仔”(1961/和聲)。
曲﹕Paul Anka
詞﹕佚名
主唱﹕梅欣　

做闊佬 精叻聰明就要到處欠數 你爭得多多表示信用夠好
冤鬼自然係無法欠數 貧窮就信用全無
噢~ 我這個闊佬 遇時入當舖 西裝亦要補 唔袋錢係最好
良朋又免了照顧 算我遇強徒 荷包也都無

做闊佬 應該經常預備戲法兩套 見官商紳應要直認有寶
出街須防人地抆你衫尾 無錢就免受煩惱
噢~ 我這個闊佬 唔會被人禁鷓鴣 講錢就無親 錢大人係最好
奇謀妙算夠老到 我買定金庫唔怕賊光顧 唔怕賊光顧

**********

兄妹相罵﹕同一調子其後有另一個改編版﹐乃是櫻花的“點解我中意你”(1972/百代)。
曲﹕佚名
詞﹕佚名
主唱﹕沈殿霞 / 陳良忠

(霞) 你全無聊賴 越做越怪 日日要躝街
(忠) 你專揾交嗌 認真保你大 我日日係咁捱
長捱捱壞 易患病痛 病就快扑街
(霞) 你心思思想躝街者 生意無掛在懷
(忠) 你成世人濛查查 豬腦蒸肉蟹 肥妹又為食 多多你掙埋
有態 有傻態 你情動心懷 時時恨揾哥仔
(霞) 好過你著舊鞋 (忠白) 啼我 (霞白) 係
(忠) 唔似你姣騰騰 生藕通度派 人唔吼你面木木 失戀怪狀態
的確霎管我事 咪恃住肥當自大 成世人濛查查 識得食同嗌
(霞) 你至成世人濛查查 週處冤孽債
(忠) 肥妹你重論盡 相思通處賣 對付你 要懲戒
週處些 膽大 時時重些雞脾 的衰野你學埋
(霞白) 關你乜野事呀
(忠) 你由細唔成人乜都偷食晒而家你重大食 通街欠食債
(霞) 抵你折墮口太壞 我好食未曾夠你壞
(忠) 難怪人人黎嘈 專吼你黎嗌

**********

冇水冇得傾﹕原曲為Guantanamera﹐是古巴民謠﹐1963年民歌手 Pete Seeger 便曾採用其曲調灌唱﹐收錄於 Pete Seeger’s Greatest Hits (1972/Columbia) 中﹐不過最流行的版本首推 The Sandpipers (1967/A&M)﹐國語改編版有姚蘇蓉的“關達拉美娜”(1968/海山)。
曲﹕佚名
詞﹕佚名
主唱﹕杜平

No Money No Talk 舞廳靚女吼住去索 夜晚雷雷嗊 揾米路要搏亂籠
我衣著光鮮夠威風 財路有著百事亨通 無水吊罉都要死充 舞女見我開心輕鬆
來伴舞更有 Money 相送 保証得米 永無話窮
乜都All Right 夠偈夠精 膽大夠勇 做舞女湯圓 不怕譏笑 我無面紅
最叻送小姐去番工 財路有著我賺雙工 有的懶女好怕番工 要對吓我開心輕鬆
成就我靠索靠鋸個槓 三兩度佢對我服從
No Money No Talk 無水既我汞落個槓 另結識新寵 呢個光棍永無話窮

**********

罵十窮﹕另一著名改編版為鄭君綿的“明星之歌”(1968/百代)﹐ 之後還有達明一派的“排名不分先後左右忠奸”(1990/Philips)。
曲﹕佚名
詞﹕佚名
主唱﹕譚炳文

你係第一窮 驚官動府應該註定窮 成日打官司太亂籠
你好賭你稱第二窮 呢每逢地下檔開賭博就成日槓
呢位道友第三窮 驚你唔襟掉你兜命凍 你錯做採花蜂 更好兩杯 色酒交煎就心動
你害到體魄日日潺第四窮 拿你頂好食 兼懶隋 排列第五窮
二叔封你第六窮 一味死充 無端端度度逢人湧 好似打劫既賊公
講到第七位窮友名字叫傻忠 不分早晚嗜好通街槓
第八位窮朋友 祇識玩雀良田賣到窮
窮漢第九老兄 享舞場度舞女既錢用 唔計無陰功
我妻包第尾 終日享床上瞓 十窮呢懶做工

**********

滾財神﹕由兩曲組合而成﹐分別是Rico Vacilon及1847年美國民謠Oh Susanna﹔Rico Vacilon 最經典的改編版為鄧寄塵與鄭碧影合唱的“詐肚痛”(1961/娛樂)。
曲﹕Rosendo Ruiz Jr / Stephen C. Foster
詞﹕佚名
主唱﹕周吉 / 高魯泉 / 戴偉光

(吉) 確有趣 佢咁樣求財神 猛咁拜 燒香燭最無癮
(泉) 最有趣 用金銀求財神 太過腎 咁樣最老襯
(吉) 正豬麥 不識得理應問人 其實你領教佢實贏銀既
你當衰 心驚青 驚揾你笨 財帛星君不稀罕你燒金銀
(泉) 領教我 學點樣求財神 (光) 救吓我 輸傷我無癮
(泉) 我教你 實請倒靈財神 (光) 你教我 必遵你教訓
(泉) 教會你就揾錢來還神 要孝敬 等師尊過吓癮 哈哈哈哈哈

(泉) 財神大把水 使乜要 你燒的金銀呢 財神係星君 一朝一晚 將他攪攪震
(吉) 啱叻財神大把水 憎死你 香燭將佢燻
財神係星君 必討厭 你燒陰司紙呃氹
(泉) 你要出了哥 先先知佢心 財神係寡佬 孤衿枕冷 用女仔將他氹
(吉) 啱叻財神冷清清 孤單一個 必應揾女人既
財神實索野既 週身癮 一見女仔心興奮
(泉) 靚女仔邊個靚得過夢娜 佢最風騷 週身曲線令人暈
呢佢一出馬 拋的生藕實會暈 擔保你寶勝不必震

**********

拋生藕﹕原曲為韋秀嫻的“一水隔天涯”(1966/風行)
曲﹕于粦
詞﹕佚名
主唱﹕譚炳文 / 沈殿霞

(炳) 你精乖兼伶俐 (霞) 我心裡好歡喜
(炳) 認真好人事 (霞) 我誠意你都知啦
(炳) 知 尊範真矜貴兼福氣 他朝必嫁美男兒
(霞白) 唉也 炳哥呀 係唔係既者 (炳白) 唔係 係過公共關係啦
(霞) 我內心理想既男士 好似炳哥你
(炳白) 有無攪錯呀 (霞白) 無
(炳) 未敢講個情字 我窮到無心機 終日掹掹緊真谷氣
(霞) 他朝必有運來時 (炳白) 唉 我都唔知幾閉翳呀
(霞白) 炳哥呀 你成個發達之人樣 使咩閉翳者
(炳) 只為家窮多憂慮 (霞) 我情願捱窮使乜悲
(炳) 你每日七餐時時慣 無錢點能養嬌妻
(霞白) 好閒者 (唱) 大家講情義
(炳) 呵呵 包你徒心機 (霞白) 點解者 (炳) 共你邊有情義
(霞白) 吓 (炳) 你肥到似裁豬 (霞白) 唔
(炳) 亂與賣的生藕邊過個吼你 你心肝想愴恨男兒
(霞) 哼 衰仔真膽大 俾你激奀我絕氣

**********

爛賭的人﹕原曲為渡邊はま子的“支那の夜”(年份不詳/Nippon Columbia)﹐但此曲最為華人熟識﹐乃是因為李香蘭在1940年的同名電影中主唱了。
曲﹕竹岡信幸
詞﹕佚名
主唱﹕戴偉光　

輸完又黎賭過 賭令到人興奮真正係妥
十三張最爽揸三花 骰寶呢中啱三只大六
我又最擅長十五湖 度馬度狗都要問我 越賭越多
番攤稱高手 講到賭沙蟹 鍾意扮傻 偷雞技能都不錯

輸神又來冤死我 賭極都崩真正激壞我
又怕老千出了哥 心驚輸清闖大禍
我跪拜財神望賜周日光大勝咁就妥 越撈越多
我燒多的金銀陰司紙你 雞鴨共鵝輸睦一於賭過 賭神望扶助我

**********

新貴妃出浴
曲﹕佚名
詞﹕佚名
主唱﹕狄娜　

認真擔心呢度公寓真雜 一班冤鬼夠衰 我心中明白
成日顧忌 賍洗白白 無計劃防止 偷窺的好方法 啦~
雪白雪白 肌肉嬌嫩光滑 皮膚夠潤澤 全身雪咁白
肉體線條誘惑 玉腿夠圓夠滑 嫁夫帶夫婿大發達

**********

鄉下仔出城﹕原曲為1929年王人美及黎莉莉合唱的“桃花江”﹐ 還有周璇/嚴華﹑姚莉﹑凌雲/櫻花等多個版本﹐還有甄秀儀及櫻花的“香港靚女多”(1974/麗歌)。
曲﹕黎錦暉
詞﹕佚名
主唱﹕譚炳文　

離家鄉 來香港 告別了家鄉 告別了家鄉
坐火車到香江 未識東方之珠 日夜神往
心中景仰 坐在火車裡 遙望城外風光
綠油油郊野 風飄野花香 又見洋化屋宇 古老屋宇
寺觀幽雅心裡真歡暢 啊~紅砵車 啊~晨香港

香港是天堂 繁盛馳譽東方 立宏願苦幹
一發達返家鄉 立志勤奮 謙信公正守法
重禮 要走錯好方向 啊~離家鄉 啊~來香港
坐火車到香江 未識東方之珠 日夜神往 心中景仰

**********

勞力創新生﹕原曲為 Tea For Two﹐較早期的有 Doris Day的版本 (1950/Columbia)。
曲﹕I. Caesar / V. Youmans
詞﹕佚名
主唱﹕沈殿霞 / 杜平 / 狄娜 / 戴偉光

(娜/霞) 我承認 以往確胡混
(欣/光) 我承認 以往確無行
(娜/霞/欣/光) 覺悟 我懺悔自種窮根
(炳白杬) 餐搵餐食餐餐有
(娜/霞/欣/光/泉/吉白杬) 餐搵餐食餐餐有
(欣/俞) 我承認 以往太愚笨
(杜) 我承認 受罪孽遺恨
(瓜/忠/俞/泉/吉) 覺悟 決以血汗維生
(炳白杬) 餐搵餐食餐餐有
(眾白杬) 餐搵餐食餐餐有
(眾合) 創新生 肩上重任 多操作 益身心
我地以往確胡混 用勞力集力量成陣 靠勞力 個個快樂興奮
(重二句) (炳) 餐搵餐食餐餐有 (眾合) 靠勞力個個快樂興奮



筆者相關文章介紹﹕
湯蘭花 - 負心的人
和聲唱片 - 周聰 / 呂紅 / 鄭君綿 / 許艷秋
Paul Anka - Diana / Put Your Head On My Shoulder
姚蘇蓉名曲精華第三集 今天不回家
Tommy Dorsey Orchestra - Tea For Two Cha Cha / Rico Vacilon
Robert Shaw Chorale - Stephen Foster Song Book
金鳳 - 一水隔天涯
支那の夜 (1940) - 長谷川一夫 / 李香蘭
Doris Day - 四五六十代歌影雙棲巨星
譚炳文 - 舊歡如夢
拜倒迷你裙 - 陳均能 / 鄭君綿