Muzikland

近年唱片公司流行復黑版﹐把CD裝成當年的黑膠唱片以低價發售﹐其實這風氣始於環球的“重頭認識”系列﹐當時他們把過去80/90年代紅歌星的CD以 Boxset 再版﹐後來 EMI 也緊貼把陳百強﹑羅文﹑林子祥的黑膠唱片推出CD﹐可是最令我驚訝竟是風行唱片於2003年也把一批60/70年代的唱片﹐首次以CD形式發售﹐而且還是超低價。當時挑選了好幾張﹐其中一張為鄭君綿的“世界大情人”。

世界大情人 (2003/風行) Track List:
01世界大情人 - 鄭君綿 / 梅欣 / 俞明 / 西瓜刨
02 拋浪頭 - 鄭君綿 / 鄭幗寶
03 四傻遊太空 - 鄭君綿 / 梅欣 / 俞明 / 西瓜刨
04 跪地餵豬乸 - 鄭君綿
05 電燈著 - 鄭君綿 / 梅欣
06 係唔係既者 - 鄭君綿 / 鄭幗寶
07 摩登觀音兵 - 鄭君綿 / 李紅
08 行正桃花運 - 鄭君綿 / 李紅
09 賭仔回頭 - 鄭君綿
10 和氣生財 - 鄭君綿 /李紅
11 煲濃粥 - 鄭君綿 / 林艷

這張“世界大情人” 專輯﹐據CD封套記載原於1965年出版﹐但實際可能是1968年﹐CD版比唱片版少了一首歌﹐收錄的11首歌曲﹐來自幾張60年代中期的Single或 EP ﹐包括“四傻狂想曲”﹑ “四傻遊太空” ﹑“係唔係既者”﹑“賭仔回頭”﹑“和氣生財”。

其實購買這張CD純為一種懷舊心情﹐若論真心喜歡的﹐還是50年代的粵語流曲﹐感覺較為洋化﹐也見幽雅。60年代的音樂因為受著 Band Sound熱潮影響﹐音樂較嘈吵﹐而且旋律及題材都過於重覆﹐有些市井味甚濃﹐有些又過於潑婦罵街﹐個人喜愛程度略遜。

不過若細心留意歌詞﹐這些歌曲還是記錄著不少昔日香港的生活片段﹐就如“電燈著﹑鬼盟腳”﹑“拋浪頭”﹑“觀音兵”都是舊日較流行的廣東話講法﹐現在已少講。還有“四傻遊太空”都見證著當時太空發展﹐是當年既熱門又摩登的話題﹐於是取用為歌曲的題材﹐至於“賭仔回頭” 則是鄭君綿經常重覆的歌曲題材。至於CD中的歌曲﹐最令筆者喜愛的是“係唔係既者”。

世界大情人﹕原曲為 Cliff Richard的 Outsider﹐收錄於“21 Today”(1961/Columbia EMI) 專輯中。
曲﹕Bennett / Tepper
詞﹕佚名
主唱﹕鄭君綿 /梅欣 / 俞明 / 西瓜刨

(鄭梅) 男共女確實難分渾沌 淨著裝束笑壞人
成日鍾意弄琴音 腳震 艷舞高歌心興奮
(四狂) 實際太癲太臂 自己當作萬能 不與外界人接近
(鄭梅) 年近四十未成婚大笨 欲置家室嘆未能
其實心裡極難堪老襯 獨抱孤衾真可憫
(四狂) 為了結識愛侶 大家四處密尋
手抱六線琴輕施挑引 向淑女賣弄吓技能 想與她閃電結婚
(鄭梅) 堤岸柳樹綠成蔭 附近 望見不少過路人
蓮步經過動人心香噴噴 絕世嬌娃多風韻
(四狂) 為了想她答允 自稱世界大情人 花底共訂盟一親香吻
堤岸柳樹綠成蔭 就近 玉臀纖腰誘惑人
盲目走去亂求婚無癮 艷女狠心拒絕人
受了幾番教訓 撞啱個個鶴神 只怨命也唔夠運
隄岸柳樹綠成蔭 蜜運 伴侶雙雙挽住行
人地親愛喚甜心接吻 獨有寡公真可憫
(女聲合唱) 莫再半癲半腎 欲稱世界大情人
須態度溫文資質聰敏 應敬重愛神 忠心不泯
咁我係女人都應允

**********

拋浪頭
曲﹕佚名
詞﹕佚名
主唱﹕鄭君綿 / 鄭幗寶

(生唱) 連褲都輸光番歸見老婆 點都要梗口
要演吓威風裝腔作勢 否則無定走
(旦唱) 你學人地去賭鬼賭馬 重輸到你無氣抖
(生唱) 無錯叻你老公賭狗 輸晒咯點呀又
(旦唱) 唔發火當病貓 拋番轉頭 不准你硬口
正一無天裝 整蠱作怪 睇倒作嘔
(生唱) 大條道理老公叻晒
(旦唱) 飽死呀 (生唱) 又點到你駁我口
(旦唱) 要摑過你隻喪家狗 走呀我追到你瘦
(生白) 嘩 走慢的重無命既
(旦唱) 何必慌慌失失衰到要走
(生唱) 唔走等死咩 點會咁餂藕
(旦唱) 人賭錢無賭得你咁吽豆 人之中好似你少有
(生唱) 成世當烏龜 一生作馬牛 有氣無定抖
(旦唱) 你只會賭錢 點撈世界 不知天高與地厚
(旦白) 睇見就眼冤咯
(生唱) 你直情係當老公死既 大聲夾惡踢我走
(生白) 我偏偏唔走
(旦唱) 揾膠布貼住你把衰口 俾你呀激到我瘦
(旦白) 哎也怕你叻 各行各路把叻
(生唱) 如果分手死啦確無你收 從今斬手指不再賭狗
(旦唱) 從今天起咪再落後
(生唱) 從今天起我要奮鬥
(旦白) 亞綿 重敢唔敢拋浪頭呀
(生白) 唔敢咯

**********

四傻遊太空
曲﹕佚名
詞﹕佚名
主唱﹕鄭君綿 / 梅欣 / 俞明 / 西瓜刨

(鄭唱) 乘火箭越行越快 (刨插白) 嘩 幾快
(梅唱) 遊太空小見多怪 (俞唱) 離開左地球避債
(鄭唱) 你係得既 (鄭唱) 月球理 咭女多到通街派
(梅唱) 帶定副牌 聚賭包無拉 (俞唱) 你想法直情壞
(鄭唱) 學我就唔壞 日夜跳阿高高 腰都扭吓擺吓扭吓擺吓絕唔壞
(梅唱) 太空人 遊月球直情大晒
(鄭唱) 遊太空睇吓古怪
(梅俞刨合唱) 遊月球盡情愉快
(刨插白) 真爽咯 (鄭唱) 若然有咭女鍾意輕鬆晒
(梅唱) 無咁大隻蛤乸 亂跳走滿街
(俞唱) 咁想法實無賴 (梅唱) 咁做法直情壞
(鄭唱) 揾路掘金 深入險地 攞夠一擔擔佢番去地球賣
(梅唱) 太空船 唔受你安排 (鄭唱) 一於飛抵火星
(俞唱) 一於飛抵金星 (梅唱) 隨我去邊處我至會擰軚
(鄭唱) 唔聽指當心科的快 原子彈飛機氫彈 盡變作廢鐵 鎗炮碎晒
(梅唱) 遊月球盡情愉快 (刨插白) 梗係啦
(梅俞刨合唱) 行快的撈正笋蟹 (刨插白) 喂 我有份架
(鄭唱) 太空船蒞臨月球地帶 (刨京插白) 嘩乜的女人咁架
(鄭唱) 無骨扭吓扭吓真古怪
(梅唱) 的大隻佬 順手拉兩拉 機器立時壞 氣力確實強大
(包插白) 幾叻 (鄭唱) 大步覽 拚命走避 跑呀跑呀 雙腳酸軟就行壞
(梅唱) 太空人 如飛機越行越快 (刨插唱) 飛咁快
(鄭唱) 咦 斬眼不見真快 如妖精還重怪
(俞刨合唱) 佢面戴黑罩好似豬八戒
(鄭唱) 撞正板 爭的扑晒街
(梅唱) 好彩我命大 (鄭唱) 都係我命大
(四人合唱) 大步覽衝越險地 番去清債
謹記不要學人壞 太空遊 原是夢 確詼諧

**********

跪地餵豬乸
曲﹕佚名
詞﹕佚名
主唱﹕鄭君綿

我唔係糊塗大傻瓜 講野口花花
講到養豬畜牧 我係最專家
功夫到家全無花假 方法最妙全照歐西化
唔同別人家 祇會呃東家
我響文卡喇畢業 可以話最耍家
一的無假 完全真話
管理妥善 全俱新式化
真巴閉真聲價 完全唔同人個家
唔係認沙塵 下巴輕輕你信我確係有揸拿
唔係求其認名家 真正頂瓜瓜
用最新科學 揾芥辣餵豬乸
生親 豬仔 必有一打
唔駛時時糟豬花 雞公更曉生蛋真歷馬

**********

電燈著
曲﹕佚名
詞﹕佚名
主唱﹕鄭君綿 / 梅欣

(鄭唱) 夜夜電燈著心郁郁好似上身
(梅唱) 夜夜電燈著不出街點會咁笨
(鄭唱) 係會跳舞既就黎 夜總會玩玩有益身心
熱鬧又舒服淺斟慢飲 要經鬆不必拘謹
(梅唱) 夜夜為享樂高歌熱舞 兩個老友記雙腳又痕
成夜唔睡 喚朋友開心到唔恨
(鄭唱) 熱舞面抱柳腰 慘得過有緣份
(梅唱) 夜夜電著鬼盟腳扭勢扭身
(鄭唱) 夜夜電著鬼盟腳 乜都有我份
(梅唱) 若你無興趣夜遊 大可搓幾圈不傷身
靜靜局要樂舒適萬分 有得賭咁至開心
(鄭唱) 夜夜聚賭輸得多心就震 勸你咪上癮賭博累人
無論男女實情晚晚賭錢最愚笨
(梅唱) 係叻老友記你啱既 不應太過胡混
(鄭唱) 點似跳舞咁潤肺 揾吓打令講吓心
跳到腳軟頭暈 又飲番一杯香檳
(梅唱) 做慣夜鬼易上癮 咁樣梗變光棍
(鄭插白) 稔落都係唔啱既 (唱) 實在夜生活傷身體應要關心
(梅唱) 實在夜生活贃花錢贃吓呻笨
以後你我兩個做人 絕不可貪玩愛惜光陰
(鄭唱) 夜夜為享樂通宵亂滾 正懵仔蠢到生根
(梅唱) 誓絕夜生活 天一黑就瞓 兩個老友記改過做人
(鄭梅合唱) 我地唔學人懶 實行發奮咁樣至行運
自我勉勵最要緊 修心更要勤慎

**********

係唔係既者 (剪輯試聽版)﹕此曲由兩首歌組合而成﹐中段跟黎文所與鍾麗蓉所唱的“小冤家”(1956/南聲) 旋律相同﹐首尾為王次龍﹑韓蘭根﹑殷秀岑﹑藍蘋 (江青) 等合唱的“王老五”(1937/百代)。
曲﹕任光 / 佚名
詞﹕佚名
主唱﹕鄭君綿 / 鄭幗寶


(男唱) 你條腰 真妙既 齊共起舞款擺若條蛇
(女唱) 你大話呃我想乜者 賣吓相思 黎靠借呢 挨冬撈你做乜野
(男唱) 你艷麗似天仙應份做世姐
(女唱) 吓 係時係既者
(男唱) 實堪許配呢個白面少爺
(女唱) 吓 係時係既者
(男唱) 今晚約定無謂辭謝 一心請你去消夜
(女唱) 咁去邊者
(男唱) 都話去消夜
(女唱) 有車咩
(男唱) 買架新賓士 正斗車 共試新野
(女唱) 真開心 你係得既

(男唱) 黎到呢間太白樓 蘭麝咁香真少有 裝飾真靚溜 嘉賓最上流
(女唱) 華貴大方最上流 同聚喜得知心友 今宵真有幸 花開結並頭
(男唱) 結婚最緊要講究 豪華場面少有
(女唱) 我聽見心裡好笑 佢為人絕無知醜
(男唱) 黎叻大家飲杯酒 牛脷炸雞真講究
(女唱) 唔 我要燒鵲脷 飲香檳正合喉

(男唱) 你與我定婚千樣有 人地想嫁我都擰頭
(女唱) 哼 實在你點會咁不知醜 賣錯相思
向人地猛挑誘 我不應該向你賣生藕
(男唱) 送你別墅一間等第日接收
(女唱) 吓 係時係既者
(男唱) 去日本歐美蜜月旅遊
(女唱) 吓 係時係既者
(男唱) 包你快樂如做皇后 心心相印過春秋
(女唱) 你靠把口 不靠雙手 你有乜收
(男唱) 你不必憂我有租收 外匯都有
(女唱) 一於走 無藥可救
(男白) 係時係既者

***********

摩登觀音兵
曲﹕佚名
詞﹕李願聞
主唱﹕鄭君綿 / 李紅

(引子) (生) 真幽靜 真幽靜 步上梯級一路平
(旦) 半山區真好風景 山花競開旭日睛
(旦白) 呢度真好風景叻
(生白) 睇你重好過睇風景啦
(生) 你熱情健美真有型 樣子極似柯德莉夏萍
(旦) 你美醜不分口輕輕 高帽亂笠失禮夏萍
(生白) 真架打令 我無比高帽你戴架 睇落你重靚過佢添
(旦白) 真既 (生) 風不定 風不定
(旦) 蕩柳吹花不願停
(生) 呢位太空摩登觀音兵 一生對待女仔最熱情
(生白) 唔係嚇你 我呢個摩登觀音兵 跟女仔尾挽鞋都制架
(旦) 你擰頭擰腦口無停 好似巴揸二姑嘆情
(生) 唔你咁鬼心歪想揾我丁 當你街邊隻大蛤乸捉你入埕喇
(旦摘白) 哈哈 有咁大隻蛤乸隨街跳
(旦) 真起勁 真起勁 步到山邊一樂停
(生) 叫一聲買打令 去加多利山溫吓舊情喇
(旦) 你未曾直說我心已明
(生) 我係摩登既活濟公早著盛名
(旦) 上得山多心驚驚
(生插白) 驚乜野者 (旦) 打令你內心太熱情
(生笑插白) 嘻嘻 驚我太熱情 哈哈哈
(生/旦) 哈哈哈哈

**********

行正桃花運
曲﹕佚名
詞﹕佚名
主唱﹕鄭君綿 / 李紅

(男) 我為人正經無鬼馬 做你老公最啱啞
絕對好仔慳家無大話 唔係亂認靠把牙
(女) 求其結婚決不嫁 定要細心去揀吓
任你講得幾好當夢話 個樣撈骨鬼都怕
(男) 我夠晒英俊和文雅 標青更瀟晒
(女) 你個相好似人頭馬 身軀似衣架
(男) 人人見親我都讚 話我個樣確歷馬
絕無亂嗡誇張發暗話 如若大話跌下扒

(女) 窮人咪想我吼你 定要闊佬至肯嫁
重要送我幾間靚大廈 唔係日後無揸拿
(男) 財神見到我都怕 大個闊佬無花假
就算送你千間靚大廈 有乜相干駛乜講價
(女) 我要你一世為牛馬 真心愛嬌娃
(男) 永遠相愛情無詐 包管無心花
(女) 男人個心最鬼怕 又怕會俾你燃化
(男) 絕對打開天窗說亮話 咁好夫君應該嫁

(女) 若果配錯婚嫁 等於守生寡
倘糊塗亂嫁 弊過崩口無下扒
(男) 絕非有意燃化 居心欺詐
真情唔容易變卦 望你相信休驚怕
(女) 你想我肯嫁 必須鑽石幾千卡
更要去東京嘆吓蜜月 四處賞櫻花
(男) 日本去過多次 我密密飛歐亞
不如乘船赴美國 直去紐約睇跑馬

(女白) 老實講 我唔係拜金既女人黎既 不過試吓你者
(男白) 咁就真正行正桃花運咯
(女) 男人有錢我不嫁 實際我經己睇化
共你說幾句知心老實話 情願淡飯與清茶
(男) 原來你都咁鬼馬 又話要闊佬至肯嫁
害我死頂死充說大話 靠呃車天增聲價
(女) 少女應要擇人而嫁 休貪厚身家
(男) 我當你中意揾財神嫁 點知會睇差
(女) 同人結婚要講價 實最無解太不雅
(男) 大眾應該虛心說實話
(男女合) 結婚不應相欺詐

**********

賭仔回頭 (剪輯試聽版)﹕原曲為張帆的“滿場飛”﹐收錄於“滿場飛” (1938/麗歌) 留聲唱片中。
曲﹕金鋼 (黎錦光)
詞﹕龐秋華
主唱﹕鄭君綿


講到麻雀術非我自誇讚 我一向唔曾撞過板
點知昨晚黑 真正彎真正彎 輸錢夾要受彈
唉 我既牌最爛 實覺心淡 打到忘形亂晒坑
俾佢截正糊 真正慘真正慘 激得我手都冷
出鈗最多 輸親四番 牌運確衰 整定破產
叫二五八三飛即食兩番 我因貪隻發字想暴大棚

點知唔夠運 自怨睇差眼 一吓糊塗就斷纜
想話食滿糊 啱啱相反 輸到我火遮眼
打左八圈食過一鋪兩番 想落確慘 祇為太貪
有鋪為博多番貪白板 打生張八萬 單吊住南
可惜行錯路弊過頂心杉 重要出鈗平湖撞正板
瓜直無扳得番個光蛋 的錢有去無退

(間奏) 輸到氣都咳 定左眼 賭博原來係咁慘
若好賭 一世橫一世橫 家產也可傾散
不可猛賭 衹可當玩 賭就會輸 輸就吊罅
任你點咩都撞板 賭錢有害休當為閒
我說真話 絕有虛泛 賭博沉迷
實聽彎一定無板 悔初當古板不聽老妻規諫

**********

和氣生財 (剪輯試聽版)﹕由兩首歌曲組成﹐分別是周璇的“花花姑娘”(1940/百代) 及1948年的粵語電影“蝴蝶夫人” 插曲“載歌載舞”(即“賭仔自嘆”原曲)。
曲﹕嚴華 / 胡文森
詞﹕佚名
主唱﹕鄭君綿 / 李紅


(生) 真羞辱 叫我點心服 實難下氣娶妻驕惡無得郁
佢直情面無三兩肉 一聲呼喝 眼碌碌俾佢日日凌辱
(旦) 正式一碌木 週身粗俗 做人做到執金都懶得郁
未曾賺過三分六 洗衫洗褲都要督促 搞到重話唔服
(生) 哼 你至會享福 咪當我亞福 你隻鐵咀雞 攪到自認賢淑

(生) 當我一碌木要我洗衣服 鬧人鬧到通街都震似鬼哭
你真情係隻鈴霖六 死充生晒當天駛 心裡實在唔服
(旦) 想孤獨 快的執包袱 面皮又厚週身衰氣更古宿
重唔岔氣不甘雌伏 一身污穢更酸宿 抵你面貌黃熟 氣到我眼碌碌
(生) 氣到我肚谷谷 老虎乸想去亂食人肉

(生) 真羞辱 實太陰毒 衰過擔架慘過做奴僕
(旦) 叫你服侍吓妻房唔係算陰毒 洗腳遞煙工夫要貼服
(生) 難為我一生做亞福 份應和氣大家始有福
夫婦應互愛 莫個學夠毒 兒女好養育 父母得滿足 親親蜜蜜大眾享吓福
(旦白) 無錯夫婦係咁至啱既 (生白) 和氣生財呀嘛
(旦) 福哥講得對 係我太反覆 難為左亞福 話過不反目

(生) 哈哈真舒服 (旦) 嘻嘻真舒服 共談共笑相親相愛無拘束
(生) 老婆又唔鬧我一碌木 夫妻享吓太公福 好過日日食龍肉
(旦) 真不俗 真不俗 就算做牛做馬都心服 夫婦恩愛已心足 應要份外和睦
(生) 㷛豬肉僅僅熟 二人食到週身滾晒肚谷谷 食完學吓鴛鴦出浴
(旦) 你真識講笑老虎乸 俾你只大笨象降服 吃到耳仔郁
(生) 笑到我捧腹 (二人合) 兩夫妻好似蜜運成熟 哈哈哈

**********

煲濃粥﹕原曲為Brian Hyland 的Sealed With A Kiss (1962/ABC-Paramount)。
曲﹕Gary Geld / Peter Udell
詞﹕佚名
主唱﹕鄭君綿 / 林艷

(生) 你重弊過煲濃粥 確係鬥毒
劏晒我籠雞真殘酷 重慘過割我心胸一忽肉
(旦) 我點會咁毒 實在我看雞鴨 乃是侮辱
難怪我唔識唔熟 並非鬥氣因所學非畜牧
(生) 你鬼五馬六 唔理我祇顧口福 明鬥氣詐認唔熟
(旦) 平素最不喜養家畜 重怕與獸類接觸 天天看護雞屋 氣味穢濁
(生) 你個性認真孤獨 亂劏殺雞鴨 為乜憎厭六畜
(旦) 嫌做到我呆木



筆者相關文章介紹﹕
四傻狂想曲 - 鄭君綿 / 梅欣 / 俞明 / 西瓜刨
群星 - 中國上海三四十年代絕版名曲第一輯
群星 - 中國上海三四十年代絕版名曲第四輯
和聲唱片 - 周聰 / 呂紅 / 鄭君綿 / 許艷秋
Brian Hyland - Sealed With A Kiss
鄭君綿 / 文千歲 / 李芬芳 - 馬迷狂想曲 / 打情罵俏
兩傻遊地獄 - 鄧寄塵 / 李寶瑩 / 鄭君綿
電影名曲選 - 鄧寄塵 / 鄭碧影 / 鄭君綿
呂紅 / 鄭君綿 - 幸福鴛鴦 / 鵬程萬里
鄭幗寶 / 鍾麗蓉 / 黎文所 - 恭喜發財 / 中馬票
鄭幗寶 / 鄭君綿 - 我愛阿哥哥