Muzikland

50年代的粵語歌曲﹐許多都是非常口語化的﹐並帶有故事性﹐以3分鐘的歌曲﹐兩人對唱﹐便把一個諧趣故事唱出來﹐令人聽起來捧腹大笑。

來自一張1956年的小唱片﹐由鄭幗寶分別跟朱頂鶴與廖志偉合唱﹐並由朱紹德監制﹑劉東領導。第一首“睇花燈” 改編自廣東音樂“旱天雷” ﹐是一首耳熟能詳的調子。朱頂鶴與鄭幗寶飾演兩父女去看花燈。朱頂鶴﹐本姓韋﹐又名朱老丁﹐是20/30年代著名丑生。他唱做俱佳﹐並且熟悉排場﹐其後在唱片公司任職﹐寫了不少曲詞﹐也不時親自主唱﹐灌錄唱片。

至於第二首歌曲“揀女婿”﹐由廖志偉與鄭幗寶合唱﹐這個組合筆者比較熟識﹐因為從小家裡常播唱他倆合唱的“鐵咀雞”。這次的主題為父親為女兒選夫婿﹐正是陷於“講心定講金”的矛盾中。似乎50年代的粵語歌曲﹐都常會出現有妙想天開發達﹑嫁一個金龜婿的題材﹐或者普遍市民仍是貧窮﹐所以這類歌曲往往令人暫時脫離現實生活﹐進入一個美夢當中。縱使這些歌曲會令人發白日夢﹐但結局都頗有說教的寓意。

睇花燈 (1956/南聲) Track List:
01 睇花燈 - 朱頂鶴 / 鄭幗寶
02 揀女婿 - 廖志偉 / 鄭幗寶

睇花燈 (剪輯試聽版)﹕原曲為廣東音樂“旱天雷”﹐另有一首更流行的改編版便是何大傻的“多多福”﹐收錄於“多多福”(1959/和聲) 合輯中。
曲﹕佚名
詞﹕朱頂鶴


(男) 今晚共你同遊行 走去大街睇花燈
(女) 此乃係一年一勻 堪稱美景與良辰
(男) 人人話去睇過 就能有橫財運
(女) 我地預備實行去囉 你快的粧身喇
(男白) 我著長衫囉 (唱) 兼夾重有馬褂襯 名貴在琵琵衿
(女白) 唔好著長衫啦爸爸 (唱) 皆因太古老時代性 服裝陳舊 著起都笑壞人
(男白) 被人笑既咩 (唱) 疑式太多 點至算合襯呀 你教我粧身粧得靚 樂意應允
(女) 我勸你穿番西裝 咁至得夠派
(男) 照依你講換過第套 衹因最近講摩登 (合白) 起航喇
(女白) 嗌吔爸爸點你拈埋枝掃把柄去街架
(男) 唏 做得士的唔慌人逼 大有用處
(女) 同出門口 就轉左邊向前行
(男白) 有野睇添啦

(男) 聽見又打傍池傍 好似又打轟篤轟
(女) 好快就有魚燈黎街邊企得兩邊人
(男) 前頭係有匹馬 行到臨近
(女) 在後定然有各款花燈
(男白) 真係噃 (唱) 幾個大姐咁嬌俏 提了紅蓮燈
(女) 嗱 重有龍燈鳳燈添 (唱) 生花砌寶扇 還重有樂師成隊笙歌奏行運
(男白) 好野添 (唱) 花燈過街應要奏樂襯噃 更有舞獅子 威聲最令我興奮
(女) 看到尾一班宮燈兼扇燈傘燈
(男) 五色配起越看越靚 睇真確係好開心 (白) 過晒咯
(女唱) 睇過會景歸家大招財帛進
(男白) 今年順景喇 (唱) 哈 大把入息成揸銀紙則
(合唱) 大眾旺相 從今行好運囉 多添百福來臨

**********

揀女婿 (剪輯試聽版)
曲﹕佚名
詞﹕朱頂鶴


(男唱) 我為著你婚姻計 事成就心安慰
(女唱) 配偶係我終身計 自由選夫婿 我要親眼睇
(男唱) 我揀哩個又年少 認真骨子幼細 又靚仔
你睇見就魂魄都鉤了落黎
(女唱) 貪靚仔咩 已經多見常有累到週身閉翳
擇女婿 最緊再論情性所作行為

(男唱) 佢淡定夾好姿勢 待人又非粗禮
(女唱) 故意動作整經貴 效堂官姿勢之嗎 敢就真惡睇
(男唱) 見他裝扮又華美 料必家中富貴 又夠睇
故此我又同意選佢入圍
(女唱) 單吊西 無得頂替 還要認到通天架勢 白霍仔
嫁左佢就成世 都要坭

(男唱) 我日夜把心思費 未能選佳婿
(女唱) 我意自有鴛鴦締 實行多交際得嘞 物識親愛夫婿
(男唱) 我心想吓又何忍 令你孤單半世
任你揀 最緊再論人格個個問題
(女唱) 夫與妻 有心真愛貧富 絕對不須較計
是正體 結婚以後愉快 舉案眉齊



PS﹕感謝 Mr Ishikawa 協助。



筆者相關文章介紹﹕
和聲唱片 - 周聰 / 呂紅 / 鄭君綿 / 許艷秋
鄭佩玲 / 鍾志雄 / 鄭幗寶 - 亞玲 / 情侶山歌
廖志偉/鄭幗寶 - 鐵咀雞
新馬師曾/鄭幗寶/半日安 - 一把存忠劍