Muzikland

記得1992年買來兩張娛樂唱片的懷舊動語歌曲CD時﹐個人非常喜歡﹐雖然歌詞有點粗俗﹐但是已是59/61年的製作﹐但是錄音音色極具水準﹐而且編曲方面很摩登洋化﹐所以聽起來感覺很諧趣。

曾經把這些歌曲推薦給好友欣賞﹐後來友人複述他媽媽的形容﹐謂這都是電影插曲﹐雖然電視台早把這些舊粵語電影放在粵語長片時段播放﹐而筆者也是從小小年紀看到成長﹐然而卻是一點印象都沒有。

這一次要談的是“電影名曲選” ﹐這張於1961年出版的唱片﹐由紅色半透明膠印製﹐收錄歌曲只有8首。雖說是電影歌曲唱﹐不過有兩首歌並沒有註明來自那一套電影﹐大部份的歌曲來自新馬師曾及鄧寄塵主演的“兩傻” 系列電影﹐想來當時這系列相當賣座﹐所以共拍了四套﹐而且歌曲改錄為唱片版。

8首歌曲全數為改編作品﹐全所是40/50年代流行一時的國語或西洋歌曲﹐並由胡文森寫詞﹐顧嘉輝編曲。許多人對“詐肚痛” 都會相當熟識﹐因為70/80年代曾版改編為某一種止濕成藥的廣告歌。當中許多歌曲除了原曲流行一時外﹐也被改編無數版本﹐“甜言蜜語” 便是改編自國語時代曲“第二春”﹐ 可是同期也有另一個改編版“叮噹歌”﹐由周聰﹑呂紅所唱。而“兩傻窺”跟“歡場三怪” 都是改編西洋歌曲 Button & Bows﹐更同是由鄧寄塵﹑鄭君綿﹑鄭碧影所唱﹐可見當時粵語歌曲非常缺乏創作人﹐而電影力求快速﹐也不惜把熟識旋律一而再﹑再而三的改編。


電影名曲選 (1961/娛樂) Track List:
01 甜言蜜語 (電影分期付款插曲) - 鄭碧影 / 鄭君綿
02 詐肚痛 - 鄧寄塵 / 鄭碧影
03 遊十殿 (電影兩傻捉鬼插曲) - 鄧寄塵 / 鄭君綿
04 選美雜架攤﹕鄭君綿﹑鄭碧影﹑鄧寄塵
05 兩傻窺 - 鄭碧影 / 鄧寄塵 / 鄭君綿
06 一身蟻 (電影搭錯線插曲) - 鄭碧影 / 鄭君綿
07 兩傻賣汽球 (電影兩傻捉鬼插曲) - 鄧寄塵 / 鄭君綿
08 窮風流 (電影兩傻捉鬼插曲) - 鄧寄塵﹑鄭碧影


甜言蜜語﹕鄭碧影﹑鄭君綿合唱﹐是電影“分期付款” 插曲﹐不過唱片出版之時﹐似乎只有一套“分期付款娶老婆”而已。原曲為董佩佩的“第二春”﹐收錄於“第二春”(1956/百代) 留聲唱片中﹐其後也有周采芹的英語版 Ding Dong Song (1959/Decca)。
曲﹕姚敏
詞﹕胡文森

(女唱) 含情又細聲低叫一句心愛打令
(男白) 吓 (唱) 我又還禮含笑 低叫一聲我既心肝打令
(女白) 吓 (唱) 我地成雙共對學陀共秤
(男唱) 我地成世談笑我伴愛卿
(女唱) 甜言蜜語道愛情
(男唱) 好似味甜蜜糖埕

(女唱) 檀郎貌美兼英俊可算知心打令
(男白) 係唔係既啫
(男唱) 你亦人見人愛令人肉緊叫聲心肝打令
(女白) 吓 (唱) 我願同哥共醉盡情盡興
(男唱) 我願成世陪你慰問愛卿
(女唱) 羅幃靜俏夜訴情
(男唱) 相對舉杯飲勝

(女唱) 無人夜半相擁抱低叫知心打令
(男白) 吓 (唱) 最合情侶談愛盡情盡歡 叫句心肝打令
(女白) 吓 (唱) 對住情哥漫唱願郎和應
(男唱) 對住情侶彈唱多令多喻
(女唱) 情狂熱舞盡訴情
(男女合唱) 鴛侶並頭痛熱情 起舞高歌歡興

**********

詐肚痛 (剪輯試聽版)﹕鄧寄塵與鄭碧影合唱﹐原曲為Rico Vacilon﹐筆者首次認識此曲為Tommy Dorsey Orchestra的演奏版本﹐收錄於“Tea For Two Cha Chas ”(1958/Decca) 專輯中。
曲﹕Rosendo Ruiz Jr
詞﹕胡文森


(女) 你詐肚痛去廁所排長龍 詐詐諦做工夫詐肚痛
(男) 你去買餸又吼岩蛇王榕 你兩個拍起拖四處貢
(女) 你正哀公枝竹正孤獨蟲
(男) 唔在怕我夠靚做人輕鬆
(女) 你似足一碌竹一生無用
(男) 我大疊水週身西紙刮左粗龍
(女) 你無貴格鼻哥尖時時紅
(男) 正貴格馬票都會買中
(女) 我咒你病躝疸成年窮
(男) 我咒你手生瘡夾眼痛
(女) 你詐肚痛去廁所排長龍 詐詐諦做工夫詐肚痛
(男) 你去買餸又吼岩蛇王榕 你兩個拍起拖四處貢
(女) 你耳兜風週身郁眼圈又紅
(男) 你唇上竅夾斜膊擰頭偃胸
(女) 你腳瓜浪生孖瘡一個個烘
(男) 病壞豬週身都腫似足碌棕
(女) 我發惡撞起火無人同
(男) 當臭四我識穿你個櫳
(女) 喂我摑你亂巴冚玲玲瓏
(男) 你掂我當偷雞咪靠碰

**********

遊十殿﹕鄧寄塵﹑鄭君綿合唱﹐是1959年電影“兩傻捉鬼” 插曲﹐改編自“平湖秋月”。
曲﹕呂文成
詞﹕胡文森

(乙白) 嘩 阿六呀 乜咁凍架
(甲白) 呢度係地嶽黎呀
(乙白) 個個肥佬係邊 一個呀
(甲唱) 個個係閻羅王 眼瞓僕低掹扯鼻鼾
(乙唱) 有個攪鬚叫造宋帝王 殿前責罰阿飛 個個叫做貓王
(甲唱) 落油鑊炸 凌遲亂割 要勾佢條脷根 更兼瞓叻床
(乙唱) 到了閻羅王殿 佢話我今世塵緣未了陽壽再加將我送還陽
佢話行程例要張証 雙証 單証 我唔知要得邊一樣咯
(甲唱) 馬面 帶路歸家兩兩邊望 叫孟婆亭有水分派 個的水凍又透心涼
(乙唱) 凡係人飲過 就日會將世間既事完全忘記清光
(甲唱) 唔吼 (乙唱) 唔飲 (甲唱) 唔要
(合唱) 個班馬面監硬要逼我回走步 心急急到跌左落塘
(甲白) 嘩 擺命呀 瞓得好地地 推人落地既
(乙白) 哦 阿六 乜你呀 我以為係牛頭馬面添
(甲白) 你死啦 呢到係陽間 遲到有牛頭馬面得架
(乙白) 吓頭先我好似同你遊十殿咁既
(甲白) 你發夢咩 天光嘞
(乙白) 嚇 天光嘞 哦 係呀
(唱) 雄雞 (甲唱) 個度 (乙唱) 長叫
(合唱) 驚醒惡夢擘大眼睇真 唔係醉 瞓得腰軟跌左落床

**********

選美雜架攤﹕鄭君綿﹑鄭碧影﹑鄧寄塵合唱﹕原曲為周璇的“賣雜貨” ﹐收錄於“五更同心結”(年份不詳/百代) 留聲唱片中。
曲﹕黎錦光 (改作)
詞﹕胡文森

(男唱) 黎呀啦 睇野呀
(女唱) 選美大會別號雜架攤
(男唱) 喂有酸有辣鹹
(女唱) 肥團揸腰 水磨腳睜
(男唱) 呢各位請坐定
(女唱) 喂喂提防肉彈
(男唱) 個的生藕 亂擘四圍棧
(男白) 老友 唔好斬眼呀 有野呀
千祈咪走雞呀 嗱黎叻 黎叻 睇野呀嗱 睇到嗎
(男唱) 佢三百幾斤別號肉彈 夠福有運行
(女唱) 嘻嘻鹹鹹濕濕 呢呢個兜老坑 眼甘甘咁望
(男唱) 坐低呀 喂
(女唱) 喉擒大膽 想摸兼錫啖 要懲辦
(男白) 喂 老友 眼看手勿動呀 坐低呀 喂喂
(伯父白) 有乜所謂丫 呀 睇吓唔緊要呀馬
(男白) 睇呀 坐低呀 坐低 嗱 又黎叻 黎叻 黎叻
(瘦女唱) 我嬌俏身驅別號瘦蜢 似飛燕下凡
(男唱) 嘩 成排Sellophone 瘦骨珊珊 碰親梗噲爛 猶如蛋散 最慌吹跌落坑渠椪
(瘦女白) 喂喂唔好咁得罪法噃 而家我好輸餂咩 我瘦的之馬
(男白) 亦唔算肥呀 吓 (女) 哼
(男白) 喂 睇野 老友 又黎叻 又黎叻
(老盲女唱) 食完壽桃我六十有三 我制跛眼又盲
(賭女唱) 我時時賭錢 色仔與番攤
(男唱) 嘩好歹有限 完全唔贃 正一寃爛臭鹹蛋

**********

兩傻窺﹕鄭碧影﹑鄧寄塵﹑鄭君綿合唱﹐ 1959年電影“搭錯線”插曲。同期也有芳一個同曲異詞的粵語版本“歡場三怪”由鄧寄塵﹑鄭君綿﹑鄭碧影合唱。原曲為Dinah Shore的“Button & Bows”(1948/Columbia)﹐而國語版就有姚莉“莫奔跑”(年份不詳/百代)。
曲﹕J. Livinton / R. Evans
詞﹕胡文森

(女唱) 蘭麝暖水用靚梘 梘泡香氣味奇特 香水櫛 櫛兩滴
洗過就皮軟滑 人潔白 皮幼肉軟輕輕刷
(甲男白) 嘩 有野睇 (乙男白) 真係
(甲男唱) 房內女仔學戲水 聲與歌唱混嘈雜
聽的聲都有味 稔佢係肥夾白 嘩皮軟滑 皮靚肉靚面無打摺
(白) 吁 阿伯話事計 爽咯
(乙男唱) 撩動情急煞 妙計偷鬼夾滑糨 大眾低 揀一撻
(甲男唱 ) 踎呢撻 (乙男唱) 踎呢撻 啱啱好咁黑
(甲男唱) 嘩蓮步柳腰肉有香 腰姿婀娜又肥白
(乙男唱) 的寡佬心暗動 雙眼定 暈半日 傻半日, 求接近佢又無乜法
(乙男自) 嘩 楊貴妃一樣呀
(甲男白) 乜野話 楊貴妃
(乙男白) 係呀 (甲男續) 靚過楊貴妃呀
(乙男白) 哈哈 我係唐明皇
(甲男白) 乜野話 你係唐明皇
(乙男白) 係 (甲男白) 我係唐明皇呀馬
(乙男白) 咁我呢 (甲男白) 你唔係之多係安樂山囉
(乙男白) 安樂山 (甲男白) 係定叻 (乙男續) 都好 飽吓眼福
(甲男白) 嘩 益日下你叻 細佬
(乙男白) 笑話 我睇見先架馬
(甲男白) 乜乜野話我話過你知日架
(乙男白) 咪嘈 咪嘈有福同享
(甲男白) 又好 有野同睇 (乙男白) 望住 (甲男白) 睇住
(兩男) 嘻嘻 哈哈 哈哈
(女唱) 門外人抵殺 鬧句衰公古夾惑 夜晚洗身 專我 真衰格應該拉去拍
(二男合唱) 其實靠撚係有心演下姿態肉肥白
(女唱) 睬 睬一睬 睬過就衰百日 狼似賊 你無發達 人格盡喪又低摑
(甲男白) 睇見叻 睇見我地叻
(乙男白) 走啦 (甲男白) 行啦 (乙白) 咁你仲企係處

**********

一身蟻﹕鄭碧影﹑鄭君綿合唱﹐1958年電影“兩傻遊天堂”插曲。原曲Harry Belafonte的 Banana Boat Song (1955/RCA)﹐同期香港也有方靜音的國語版“香蕉船”﹐ 收錄於“香蕉船”(年代不詳/百代) 留聲唱片中。
曲﹕Belafonte / Burgess / Attaway
詞﹕胡文森

(男唱) 唉唷唉唷 週身躝得一身都蟻
(女唱) 唉唷唉唷 週身躝得一身都蟻
(男唱) 拮得猶如用利錐拮入格肋底 拮一拮拮得有郁身郁勢
(女唱) 拮得痕痕癢癢真犀利似錐仔 拮幾拮拮得西身西勢
(男唱) 西吓西吓 西幾西西甩呢一身蟻
(女唱) 郁吓郁吓 心急急急得擺手擺勢
(男唱) 蟻咬暗暗抵咯 詐詐諦諦
(女唱) 喂 猛跳震跌的蟻 詐詐諦諦。
(女白) 吓 邊個咁抵死 放的蟻落我地身上面呢吓
(男白) 泵大力的躉甩佢喇
(女白) 死叻 泵到鞋踭都甩左囉
(男白) 除左佢喇傻鬼
(女白) 係噃 哎吔 嘩撞鬼你咩 泵親我隻腳趾添
(男白) 對唔住 我除埋鞋陪你
(女白) 喂 不如唔好跳咯
(男白) 唔得架 跳舞比賽呀嘛 不能夠中途退出口架
(女白) 你睇吓 跳到我週身都濕哂咯 成額頭都係汗
(男白) 我唔止出汗添 而咦 罩忌咯
(男唱) 哎吔 弊 皆因搖頭泵地衫盟爛 褲都甩 架刁清今晚認真倒米
唉唷唉唷 西不甩點西都一身蟻
(女唱) 唉唷唉唷 西不甩點西都一身蟻
(合唱) 當作跳舞姿勢詐詐諦諦 我當跳舞新法夠晒架勢
個個讚我好野你咪當曳噃 失禮 失禮

**********

兩傻賣汽球﹕鄧寄塵﹑鄭君綿合唱1959年電影“兩傻捉鬼”插曲。原曲為周璇的“拷紅” ﹐收錄於“月圓花好”(1940/百代) 留聲唱片中。
曲﹕黎錦光
詞﹕胡文森

(甲白) 喂 細佬買個啤啤啦 好正呀
(乙白) 係囉 細佬 買個啤啤啦
(甲白) 喂亞婆 買個番去比個仔就夠好啦
(乙白) 幫趁啦亞婆 (甲白) 老伯 來啦 靚呀
(乙白) 喂 黎啦 喂 買波嗱 又平又靚
(甲唱) 吹得脹 有圓又有長 橡皮球用氣黎放一鬆左氣
會啤啤響 圓泵多靚極咁好波 卜卜脹
(白) 嘩你睇吓幾好波 唔買都睇吓喇朋友
(乙唱) 紅白有間黃 調和色澤靚 買個波波去泵老婆 細蚊一見會搶
(白) 買個波俾細路喇朋友
(甲唱) 圓淨似個地球 猶如人造衛星下降 飄飄蕩 向住雲層太空放
(乙唱) 輕汽球 高飛入雲飄飄過大西洋
(白) 嘩 快過坐無機呀
(甲唱) 載住你 環繞個地球 輕鬆夾疏肝
(白) 唔信都試吓喇朋友
(乙唱) 呢個波上到天宮參觀月光
(白) 學唐明王遊月殿呀 嘩
(甲唱) 又能夠造成汽球飛艇 當飛機打仗
(合唱) 吹波可以造炮彈 (白) 泵 (唱) 打破城門撞霖牆

**********

窮風流 (剪輯試聽版)﹕鄧寄塵﹑鄭碧影合唱﹐1959年電影“兩傻捉鬼”插曲。原曲為Isle Of Capri。
曲﹕Kennedy / Williams
詞﹕胡文森


(男唱) 橫財就手 買 Winner叫造 Sure Win
(女唱) 贏來廿蚊 飲一餐 慶賀宴
(男唱) 求其盡喫 喫清晒喫後再算
(女唱) 起勢食 駛到清 咪預算
(男唱) 成條石班 㗎哩雞 美味新鮮
(女唱) 成壺露酒 靚花彫 要座暖
(男唱) 成盆燉鴨 咁好喫 嘆極無厭
(女唱) 飽到漏 飲到清 腳又軟咯
(男唱) 學吓跳新舞 學人Rock蓬拆燃花臣轉圈
(女唱) 活潑似足快活神仙 猛跳猛唱歌 好似癲
(男唱) 皮鞋爛底 老青裝 褲爛衫穿
(女唱) 長裙薄恤 戴鮮花 撥爛扇
(男唱) 窮人爛褲 闊幾寸 厚又夠暖
(女唱) 天跌落 當被冚 無恨怨咯
(男唱) 係有癮請喫竇坭煙 唔駛死充揀靚煙
(女唱) 爛被當冚駱駝毛氈 夾布被單 加被面
(男唱) 窮人重好 愛嬌妻 志定心堅
(女唱) 窮人重好 有真心 無話變
(男唱) 窮人伴侶 有真愛 老實無變
(合唱) 心快活 不怕苦 無恨怨



PS﹕感謝 Mr Cheng Fat Ming協助。



筆者相關文章介紹﹕
周采芹 - The Ding Dong Song / Second Spring
Tommy Dorsey Orchestra - Tea For Two Cha Cha / Rico Vacilon
我的十大 All Time Favorites (西洋流行歌曲 1930-1962)
鄧寄塵 - 歡場三怪
兩傻遊地獄 - 鄧寄塵 / 李寶瑩 / 鄭君綿