靚 B 太生活札記

B 生 B 太下個禮拜正式進駐港島東!

唔駛懷疑啦, 要搬屋嘅咪就係我同老公囉, 我對上一次搬係由香港搬嚟墨西哥同老公開始我地嘅新生活, 今次係第一次同老公一齊搬屋. 而我地將會搬去嘅地方距離我地住緊呢度 14133 km, 實在有 D 遠, 不過嗰度咩都好方便, 治安比呢度好, 我同老公搵工都應該無問題, 最重要係, 我同老公鍾意墨西哥, 不過更加鍾意嗰度, 所以咪搬囉. 各位觀眾: 我地搬去香港啦!

尋日去咗俾機票錢, 今日 send 咗 email 去會住個半月 (因為會租嗰間屋要到三月先搬得入去, 逼住要住喺酒店先囉) 嘅酒店訂房, 只要等酒店 confirm 埋咁我就會正式話俾屋企人知, 所以知嘅人千祈唔好話俾我屋企人知住呀! 當係我送俾佢地嘅聖誕禮物囉. 呢次會係第一次同老公一齊搬屋, 亦係第一次一齊搭飛機; 今年會係第一年我同我老公都喺香港過生日, 老公第一次過農曆新年, 亦係第一年派利是! 心情興奮, 希望一切會順利啦.

話咁快已經秋天, 皮膚都開始乾燥, 秋蟬都猛咁嘈, 最適宜做咩? 正所謂 "秋風起, 三蛇肥", 梗係最好食蛇羹啦, 不過無, 所以選擇咗另一樣啱做嘅嘢: 換秋裝! 講緊嘅唔係我, 而係我個 blog, 舊嗰個都睇到有少少悶. 花咗一日, 搞到而家咁, 未完全搞掂不過都算 okay 啦. 各位, 點睇?

你知唔知邊個係姆明? 你知唔知佢有個朋友叫史力奇? 無錯, 史力奇 (Snufkin) 終於都開始寫 blog 喇! 作為佢嘅朋友, 我特登喺 sidebar 加咗佢嘅 update, 等大家可以知道發生咩事嘛. 你只要 click 走馬燈內任何一個 title 就會跳去 Snufkin 個 blog 度 o架喇, 另外喺連結都有 link 去佢個 blog. 佢係一位由好遠嘅地方嚟嘅朋友, 大家多多支持啦!

話說靚 B 太個妹開始做 Final Year Project, 點知一開始就遇到難題: 同 groupmate 有唔同嘅意見. 作為靚 B 太我好想幫佢, 所以麻煩各位就以下兩幅圖 (一幅係靚 B 妹嘅, 一幅係佢 groupmate 嘅) 講出你嘅意見, 同埋你鍾意邊幅多 D, 可以嘅話 forward 俾多 D 人, 等靚 B 妹有多 D 意見 (好與唔好). 靚 B 太感激不盡!! (Urgent o架) ...繼續閱讀

呢兩日 base on 舊版面將 d codings 改呀改, 新版面都係以簡而清為 theme, 不過顏色就改咗, 以我最愛嘅白色同粉紅色為主; 以前個版面太窄, 改闊咗感覺舒服好多; 改咗個 banner, 有三張 Kitty 嘅 polaroid; sidebar 嘅嘢加加減減, 仲喺度搞緊. 而家嘅版面更加係我!

喂, 今日走咗去你嘅 online journal 度閒逛, 又走咗去你嘅 webshots 度, 不過有好多都話無 public 嘅相, 無得睇. 睇見你張幼稚園學生相不禁笑咗出嚟 (好得意呀! 不過我得意 D), 睇見其他嘢又令我諗起而前嘅嘢, 我仲記得我地去 Starbucks 之前去咗味千 (定係別府?), 喺 Starbucks 又見到 Doris 同完美. 以前嘅片段湧吓湧吓, 掛住你呀, 得閒寫多 D 嘢俾我啦, 有心事留言又好 email 又好, 同我講啦, 嚟咗呢度之後時間係我比較多嘅嘢 (僅次於磅數), 有留言或者 email 我實覆嘅 (唔信問陳小 B 阿媽). 我知你好忙, 得閒都寫返一兩句俾我, 等我更新吓你嘅 status 嘛. 係咁啦!

p.s. 我中五俾你寫嗰本麥嘜紀錄冊呢? 我婚都結咗喇喎

佢為你帶嘅歡樂, 佢令你見識到呢個世界係幾咁大, 佢令你嘅情感得到舒緩, 佢令你感受到人與人之間嘅關懷同溫暖. 你愛佢嗎? 你有無盡你所能去愛佢, 去保護佢? 你有 install anti-adware, anti-spyware 同 anti-virus softwares 嗎?

好多人都會安裝 anti-virus softwares, 但係佢地就淨係裝, 久唔久覺得部電腦有問題就 check for virus, ...繼續閱讀