靚 B 太生活札記

今日，同老公傾我嘅 "事業"。最近覺得，轉咗去呢個位差唔多十個月，而家做緊嘅嘢同當初我 signed up for 嘅有出入。我承認，因為天時地利，由我一入職到而家已經有好大進步，但係工作量亦好唔同：以前嗰位秘書好似唔係好忙，我而家就由返工到放工無停手，個個都搵我幫手，得，幫到咪幫囉。工作量多咗其實唔係問題，如果係同報酬成正比嘅話。係有少少唔開心，因為我覺得我絕對值得收得多 D，奈何唔係我控制之內... 暫時都係以靜制動，時機啱我一定會同老細傾，因為我真係覺得我絕對值... 睇吓出年點囉...

平時好心幫人，得到嘅係咩？咪係俾人搵笨同俾人話囉，我唔要做好人喇...

唔經唔覺已經轉咗職一個月啦, 大致上 D 嘢都上晒手, 我而家 officially 係財務部嘅秘書, 同時亦係另外四個部門嘅秘書, 再加一個人地部門但係又係我照顧嘅人嘅秘書, 再加埋稅務部嘅打雜, 都 okay 嘅, 學多 D 嘢囉. 同同事相處都 okay, 同 key 老細開始熟 D, 希望越做越上手, 喺度長做啦!

我是一個 tax assistant

離我正式轉做 Executive Secretary 仲有四個工作天, transition 已經做得七七八八, 而家繼續做緊舊嘢, 同時又試緊做新嘢, 因為咁今日特別攰. 試緊一 D 性質同我以前做過又或者而家做緊差唔多嘅嘢, 但係唔同老闆有, 唔同性質都有, 再加上key 新老細 (係, 我破咗之前嘅記錄, 我將會有八個老細) 係公司好高層, 所以做起嘢上嚟都幾有壓力. 雖然係咁, 我會努力架!

Executive Secretary!!!

仲有十個工作天我就會正式轉返做秘書, 其實個 title 係咩都仲未知. 面對將來好多老板再加好多之前未做過嘅嘢, 我出奇地有信心, 真係難得.

喺工作上遇到逆境, 唔開咗幾日, 而家諗通咗少少, 呢段時間咪當係為好快嚟到嘅順境做準備囉, 我相信自己一定得.

一個字: Grand