靚 B 太生活札記

今日放工返屋企, 一去廚房就見到兩條, 係兩條 "yim" 蛇!!! (究竟係邊個 yim 字呢?) 嚇鬼死我, 結果又要勞煩老公殺死佢地. 當老公殺緊 yim 蛇一號嘅時候, yim 蛇二號已經 get 到個 message, 逃離現場. 都唔知做乜鬼, 已經係三日內第二次有 yim 蛇喇...

今次主角係美祿! 又係公司 pantry 有所以試, 可惜今次可能落得太多水, 上次呵力太甜, 今次美祿就太淡, 喺 pantry 淨番呵力咋, 要等下次再有美祿先可以再試 lu.

可惡嘅唇瘡又出擊, 又五日唔錫得老公喇... (註: 唇瘡係有傳染性 o架!)

細個嗰陣去茶餐廳, 飲嘢通常叫 "呵力" 或者 "華田", 大個之後就有檸蜜, 奶茶等等, 再無乜飲呵力同華田. 今朝喺 office pantry 見到有三合一好立克, 忍唔住試咗一包, 隻味係幾咁熟悉, 可惜太甜喇﹐ 不過總算對童年作出回憶.

過咗 probation 喇, YEAH!

太古城康怡廣場有個粉大個嘅加菲公仔呀!!! 地點係康怡廣場嗰間戲院出面, 快 D 去睇啦!

今日, 靚 B 太媽咪遠道而來到東區同我食晏, 仲有佢親自煲嘅靚湯, Sandi 送嘅 Godiva 咖啡粉 (好味!) 同朱古力餅乾 mix 添! 一如以往, 佢又 fill in 屋企發生緊咩事, 亦問我同我老公點. 都唔錯丫, 下次 Sandi 都一齊嚟飲茶啦!

微波爐內, 佢地霹靂啪勒咁爆發;
微波爐外, 我掩住耳仔, 又驚又喜. YEAH!

"27歲一事無成的賀拜仁夢想約佢童年偶像茱芭莉摩亞見面? 食餐飯!一個遊戲節目中，拜仁在一個名為Taboo 的遊戲節目中，答對了問題答案Drew Barrymore，獲得一筆1,100美元獎金，不知是巧合定天意，拜仁堅信這緣份，決定要把茱芭莉摩亞約出?。拜仁及他的兩位好友，來到連鎖式影音店，以好友信用卡，購買最昂貴DVD手提攝錄機，然後在30天試用期內拍下他約會”我的茱茱”過程，再退回攝錄機；再僅以1,100美金作為30天的製作費，最後他們能否完成心願親近茱茱？！"

今晚 Star Movies 有得做, 咪同老公一齊睇囉. 我覺得都幾有趣, 好唔電影 (雖然講到明係 documentry), 但係都幾好睇. 奇怪嘅係, 喺香港竟然未上畫, 要 6 月 15 號先開畫! 講真, 即使佢幾好睇, 但係去戲院睇又唔值喎...