靚 B 太生活札記

材料:

- 鮮蝦: 隨意 (特別鳴謝 B 太雙親贊助)
- 罐頭雜果: 1 大罐 (價錢: $14.9)
- 生菜: 1 個 (價錢: $4.5)


做法:
- 將鮮蝦灼熟, 用凍水略過冷河
- 將生菜切絲
- 將所有嘢手竹攪拌, 食嘅時候按自己嘅喜好加入沙律醬 (我推薦卡夫嘅鮮果沙律醬, 同 D 蝦嘅味好 match). 完成!

Baby, 即係我個外甥仔﹐有時真係好有趣。 尋晚去咗屋企人屋企食飯 (包括有蜜瓜豬展雞腳響螺湯﹐ 雞蛋炒蠔仔﹐ 紅黃青椒炒肥牛同另外一碟唔記得係咩), 當 Sandi 話 baby 經常性地向其他人投訴佢男友所以唔同佢玩, 點知 baby 就開始喊, 話佢地唔同佢玩. Sandi 見狀就叫 baby 一齊笑我, 喊緊嘅 baby 竟然即刻唔喊同笑我, 之前未見過呢個場面嘅我覺得實在好神奇咪笑囉, 點知 baby 又喊, 話我笑佢!! Sandi 重施故技叫佢笑我, 今次我因為驚 baby 又話我笑佢所以掩住面, 點知 baby 喊得仲勁, 話我掩住面係唔俾佢見到我笑佢!!! 真係俾佢搞到啼笑皆非, baby 有時真係鬼死咁有趣.

其實只係食晏, 但係都好緊張, 原因係我唔知會同邊個坐, 又無人孖我一齊去, 所以如果聽日坐喺我隔離嘅唔係我 supervisor, 咁我就一定係同個唔識 / 唔熟嘅人坐, worst case 咪全程 send SMS 俾陳小 B 阿媽囉, 起碼都有餐食嘛...

基於 B 生 B 太住唐樓, 我地基本上同無線電視絕緣, 長期都係睇 NOW TV. 近排見到 NOW TV 有個無線收費電視特選組合話可以試睇兩個月, 嘩! 梗係試啦, 咪打去 NOW TV 問囉, 點知結果係: 你要簽約睇個特選組合十四個月先有兩個月試睇. 吓? 咁叫試睇咩? 我試完兩個月鍾唔鍾意都仲有十二個月約喎, 咁叫簽十四個月約有兩個月免費, NOW TV 取巧實在唔啱! >_<

擺 D 私人嘢或者裝飾喺枱可以令你有安全感同歸屬感, 令到好難挨嘅幾個鐘都有 D 安慰, 而對公司而言佢地可能會覺得你好有 "向心力", 真係諗住留低幫公司. 不過要注意, 擺得太多可能會俾人好小朋友或者唔成熟嘅感覺, 更加要小心嘅係: 小心俾人偷!

對上一次同老公去戲院睇戲已經係超過年半前, 睇嘅係 The Day after Tomorrow, 平日睇戲都係睇碟多. 申請網上行嗰陣送咗兩張 UA 嘅飛, 今晚同老公去睇 Silent Hill! 之前無去戲院睇過恐怖片, 今次會係第一次, 唔知會唔會好恐怖呢? 我如果好驚咁點算呢? 好唔好帶埋張被仔去呢? (講笑啫 :P )

連續三個長假期 (復活節, 週末加勞工節假期, 佛誕加週末) 個天氣都唔太好, 出街唔係唔出街又唔係, 真係激死人!

"燒雞翼, 我鍾意食."
"但係你老母講你就快釘."
"越係快釘之所以越要整多隻, 如果而家唔食以後無機會再食."
"你真係就快釘?"
"我真係就快釘."
"如果而家唔食以後無機會再食." ...繼續閱讀

"Sprinkles! Sprinkles!" "Gummi bears! Gummi bears!" ...繼續閱讀