靚 B 太生活札記

終於借到好想借嘅 《奇妙小熊大旅行》 啦!!!!!! *極喜*

用微波爐叮熱嘢大部份人都試過, 用焗爐焗燶嘢都實有試過, 咁用微波爐叮熱叮燶嘢你試過未呀?

話說先幾日喺麵包店買麵包, 頭先諗住叮返熱食 (個包入面有朱古力流出, 正呀!), 因為唔知用咩 setting, 結果用 default 嘅高火叮咗兩分鐘。叮完後發現 - 個麵包燶咗, 入面冒緊煙! 結果徙咗個麵包, 要問老公用咩 setting 先啱。 係微波爐新手嘅我睇怕都有排學喇 >_<

我已剪短我的髮, 不過唔係超短, 只係短過平時。 洗剪吹 $55﹐ 服務費 $10﹐ 承為 $65.

"小熊流浪大世界 - 不少人旅行時總愛帶個布公仔，為它拍照留念。《奇妙小熊大旅行》的作者，將心愛小熊的遊歷公諸同好，出版成書。本書從小熊環遊世界的角度出發，踏足阿拉斯加、紐約、加勒比海、阿根廷、印度……所有想得到和想不到的地方都一一走遍。小熊背包帶了哲古華拉的《The Motorcycle Diaries》與Jack Kerouac的《在路上》，學習面對世界角落的奇人異事和不同風俗，享受流浪世界的快活與風流。「流浪就是擺脫人生虛幻的安全網、痛痛快快走出人生的常軌」小熊如是說。隨著這奇妙小熊的腳步，你或會懂得遠離世俗繁囂，看出大世界的奇妙來。 "


一本好有趣嘅書, 小熊周遊列國, 又筆記又影相, 佢連墨西哥都去過! 不過本書太貴喇, 我都係去圖書館借好D.

話說上回講到我地得到 free upgrade, 坐商務客位由墨西哥飛去加拿大, 今次比以前好, 原因唔係個 free upgrade, 而係可以同老公一齊飛, 唔駛一個孤伶伶. 順利抵達加拿大, 因為安全理由所有 transit 嘅乘客都要拎埋 D hand-carry 落機喺 transit-room 度等, 因為要等超過一個鐘, 我同老公就開始玩啤牌. 點知玩玩吓我竟然俾人叫名! ...繼續閱讀