靚 B 太生活札記

終於都的起心肝寫喇, 由墨西哥搬到香港呢個旅程真係波折重重. 搭飛機之前個朝去 immigration 度拎我出境嘅文件, 之前個職員叫我地朝早九點去拎, 點知我地十點幾去到都未得, 要一點再去過. 第二日就走 D 文件仲未得, 梗係擔心死我啦, 好彩到最後 D 文件都 okay. 嗰晚我地同老公阿哥同女友食飯, 之後就 final pack 所有嘢, 然後就瞓. 四點半起身, 沖個涼再 final check, 因為我同老公都傷風, 所以自備咗好多 tissues. 六點鐘我地 book 咗嗰架的士到咗, 拎晒 D 嘢就同間屋講 byebye, 向機場進出發! ...繼續閱讀

今朝 10.30am 要去間 job agency 度 interview, 歷時一個鐘頭, 好緊張!

以前做過嘅工:

- 銅鑼灣三越文具部 sales (暑期工, 唔使正式 interview)
- 金鐘連卡佛 sales (暑期工, 要 interview, 不過唔係超 formal)
- 維園花市內為一個 website 做 promoter (唔使 interview)
- 恆隆新住宅 information officer (暑期工, 要 interview 但係唔太緊張)
- 幫一間公司用英文寫 marketingmaterial (要 interview 但係唔太緊張)
- 大學做 part-time student assistant (要 interview 但係唔太緊張)
- 大學做 research assistant (唔使 interview, 因為係同一個老細)

可見得我 interview 經驗係幾少, 所以而家好緊張, 不過我一定會全力以赴, 做到最好!

15 號抵港, 努力忙碌中, 會盡快向大家報告最新狀況兼描述波折多多嘅旅程, 等等啦!

踏入倒數階段, 三日, 三日後呢個時間我地會喺飛機上, 準備飛往溫哥華. 所有嘢都準備得七七八八 (加埋今日聽日咪九九十十囉), 對到咗香港之後嘅嘢我地已經有晒計劃, 希望屋企人唔會俾壓力我地啦. Email 咗舊老細攞 recommendation letter, 佢叫我返到香港打俾佢, 星期一啦, 如果佢有工介紹又合我心意我唔介意呀, 如果無淨係想 catch up 都得. 搵工計劃都有, 不過最重要係出電話先, 無電話號碼無得搵工. 另外我會買本 schedule, 過咗新年咁耐唔知仲會唔會有又靚又正嘅 schedule 呢? 至於生日, 謝絕慶祝同探訪, 今次係第一次同老公喺香港慶祝, 我想成日都唔被騷擾. 不過最終, 所有嘢都要等到到咗香港先可以真正決定同做, 而家又繼續等喇.

- Pack 好 D 要寄去香港但係又唔 urgent 嘅嘢 唔使 lu, pack 晒入行李
- 幫小珠寶搵一住好人家 有位鍾意小動物嘅女仕認咗頭喇, 佢地幾夾得嚟 o架
- 去 immigration 搞離境手續 今日去咗搞手續, 下個星期四再去多次攞文件就得
- 將資料 send 去酒店 喺陳小 B 阿媽嘅協助下搞掂啦!
- 將屋企唔要嘅嘢送出或掉走
- 準備好喺機上嘅娛樂 啤牌乙副, Travel Scrabble, Discman

仲等緊 sandi 寄嚟嘅包裹, 希望佢會喺我地走之前到啦 仲未到, 心痛都無辦法, 唯有希望佢地會被打回頭啦

病人: "醫生, 我隻手一咁郁就好痛呀"
醫生: "咁你就唔好咁郁佢啦!"

平時喺屋企會邊聽歌邊唱歌, 語言包括英文, 廣東話同國語, 唔識廣東話同國語嘅老公竟然識分我唱緊廣東歌定國語歌, 準確度有 99%!! 老公好叻呀!!! *陶醉*

有無試過喺唔睇嘅情況下飲百事同可樂? 你分唔分得出邊隻打邊隻? 先幾晚同老公玩, 我斟咗每樣各一杯, 睇吓佢估唔估到, 結果佢掉亂咗. 到我喇, 我估第一杯係可樂, 第二杯係百事, 點知老公狂笑, 因為兩杯都係百事!!! 真係俾佢激死. 幾好玩 o架, 得閒不妨試吓丫!

唔知點解, 每次瞓覺覺得熱我就一定發惡夢. 臨瞓嗰陣覺得有 D 熱, 諗住算啦, 好眼瞓, 瞓吧啦. 點知就係因為懶, 無拎開一張被就發惡夢喇. 個夢令我好不安, 好驚會係真, 一起身就攬住老公喊, 跟住發現自己成頭汗, 果然係因為太熱. 仲好驚, 仲好不安, 好彩老公發咗個好夢, 講俾我聽後我都覺得舒服咗. 你地瞓覺如果太熱會唔會好似我咁嘅呢?