靚 B 太生活札記

我地唔係行咗好耐就到 Palacio de Bellas Artes (Palace of Beauty Arts / Palace of Fine Arts).


...繼續閱讀

第二朝我地約好喺 El Angel 附近嘅 Sanborns 等, 當所有人齊晒我地五個人就喺 Sanborns 食早餐, 埋單連貼士承為 300 pesos (約 220 蚊港幣). 之後我地途經 El Angel (The Angel, 正名為 Monumento a la Independencia, 係紀念墨西哥獨立戰爭一百週年嘅紀念塔), 搭的士去墨西哥城嘅中心 downtown, 參觀墨西哥城其中一個最重要嘅景點: Catedral Metropolitana (Metropolitan Cathedral, 墨西哥大教堂). ...繼續閱讀

因為老公有親戚到訪, 我地就盡地主之誼帶佢去觀光 (其實係老公阿哥個女友做導遊, 因為佢知道去邊度好), 而個親戚就喺我地屋企瞓兩晚. 我地約好星期二夜晚七點喺屋企附近嘅 Plaza Loréto 入面嘅 Farolito (食肆) 出面等, 貪佢喺正個 plaza 嘅入口, 易見嘛. 我同老公準時七點到達, 老公親戚打俾老公話佢地搭緊 metrobus ...繼續閱讀

距離搬去香港仲有兩個禮拜多 D D, 嚟咗墨西哥成十四個月有好多嘢都未試過, 估唔到因為有老公親戚到訪而做就咗好多個第一次:

- 第一次食壽司 / 亞洲菜 (Sushi Itto)
- 第一次有 fortune cookie!
- 第一次去觀光
- 第一次去 downtown
- 第一次飲 Bailey's
- 第一次一架的士坐五個人
- 第一次因為架的士太逼而要坐喺老公大髀
- 第一次喺飲 tequila 之前加鹽喺塊檸檬度, "lam" 完飲晒個 tequila shot
- 第一次試本地零食 pulparindo
- 第一次喺廁所 (屋企嗰個) 同人傾計 (無辦法, 佢太嘈)

D 第一次有 D 幾好笑, 不過呢兩日真係好舒服, 大家有傾有講, eat drink and be merry, 正!

今日實在好有興致, 先改版面, 再幫自己做咗個小圖章:



得意呢? 可愛呢? 羨慕呢? 哈哈哈哈哈哈哈哈哈哈哈哈哈哈!!!!!!!!!!!

"Come and share the taste of Starbucks Christmas drinks with your friend - On Dec 23 (Friday), BUY a starbucks Christmas drink and Starbucks will treat your friend a SECOND Starbucks Christmas drink.

於 12 月 23 日 (星期五), 顧客凡購買一杯星巴克聖誕特飲, 你的朋友即可獲試飲相同價值聖誕特飲一杯.

- Gingerbread Latte 薑汁鮮奶咖啡
- Peppermint Mocha 薄荷朱古力咖啡
- Toffee Nut Latte 拖肥果仁鮮奶咖啡"

如果呢度都有就好喇, 我好鍾意 peppermint mocha! *thumbs up*

啱啱睇完 The Apprentice season 4 嘅 finale, Randal 贏咗, 但係我對佢就非常失望. 無錯, 佢一直嘅表現都好好, 佢嘅對手 Rebecca 係佢一直以嚟嘅好拍擋, 表現都係好好, 結果 Randal 贏咗, okay 無問題. 佢贏咗之後 Donald Trump 問佢, 如果你係我你會唔會請埋 Rebecca, Randal 嘅答覆係唔會. 好明顯 Donald Trump 想請埋 Rebecca, 但係因為 Randal 嘅自私就犧牲咗 Rebecca, 佢答完之後台下有好多人 "hur" 佢, 亦有好多本來支持佢嘅人都對佢失望. 無錯, 佢係贏咗, 但係對於一個自私, 唔識識英雄重英雄嘅人, 贏咗又點呢? Donald Trump 有咁多 project 喺手, 你慌 Rebecca 都加入 Trump Organization 會搶走你 D project 咩? 今日佢可以為咗咁而犧牲個好拍擋, 難保第日佢會因為覺得受威脅而唔知人善用. 唔好以為識英雄重英雄只可以得個講字, 喺 The Ultimate Fighter season 1, Light-heavy weight division 最後兩強 Forrest Griffin 同 Stephan Bonnar, 為一份六位數字嘅合約打 final, 兩個都係好 fighter, skillful, 又強, 嗰場 final 到而家都俾人 refer to as "the best fight ever". 結果 Forrest 贏咗, Stephan 戥佢高興, 後來 UFC President Dana White 宣佈佢地會簽埋 Stephan, Forrest 有無抗議呢? 有無黑面呢? 無, 因為佢知佢地兩個都係好 fighter, 佢地仲係好朋友添. 呢 D 先叫真正嘅 winner, Randal 點學都唔會學到.

唔駛懷疑啦, 要搬屋嘅咪就係我同老公囉, 我對上一次搬係由香港搬嚟墨西哥同老公開始我地嘅新生活, 今次係第一次同老公一齊搬屋. 而我地將會搬去嘅地方距離我地住緊呢度 14133 km, 實在有 D 遠, 不過嗰度咩都好方便, 治安比呢度好, 我同老公搵工都應該無問題, 最重要係, 我同老公鍾意墨西哥, 不過更加鍾意嗰度, 所以咪搬囉. 各位觀眾: 我地搬去香港啦!

尋日去咗俾機票錢, 今日 send 咗 email 去會住個半月 (因為會租嗰間屋要到三月先搬得入去, 逼住要住喺酒店先囉) 嘅酒店訂房, 只要等酒店 confirm 埋咁我就會正式話俾屋企人知, 所以知嘅人千祈唔好話俾我屋企人知住呀! 當係我送俾佢地嘅聖誕禮物囉. 呢次會係第一次同老公一齊搬屋, 亦係第一次一齊搭飛機; 今年會係第一年我同我老公都喺香港過生日, 老公第一次過農曆新年, 亦係第一年派利是! 心情興奮, 希望一切會順利啦.

自從老公嘅文件攪掂後我地就開始 work on 我嘅文件, 入文件嗰日個 staff 叫我地一個月後去 check status, 我地五個禮拜後先去, 結果都係 pending. 真係好唔鍾意去 immigration, D 人做嘢慢, 又要等好耐, 去完呢個 counter 又要去第二個 counter, 總之就唔想去啦, 不過唔想去都要去. 上次去 check status 嗰陣好好笑, 由於老公係白人而我又係中國人, 出街成日都有 d 奇異嘅眼光, 有時直情覺得 d 阿媽好似想拉開 d 仔女咁, 有 d 好笑. 上次喺 immigration 準備走嗰陣, 有兩個白人小妹妹見到我老公竟然好熱烈咁同佢揮手! 最好笑嘅係: 我老公竟然有揮手回應, 攪到 d 小妹妹鬼死咁開心! :P

今日有興緻, 走咗去玩 Yahoo Literati, 等同 scrabble. 運氣唔錯, 一局內有三次可以放晒所有字, 攪到我對手投降唔玩, 有 d 無癮. 跟住嗰個仲奇, 玩 scrabble 梗係要諗 o架啦, 佢話我諗咁耐係咪去查 reference, 都無佢咁好氣, 咪唔睬佢繼續玩囉, 唔睬佢又話我默認, 又話我要為 cheating 感到高興, 真係俾佢激死. 已經唔係第一次o架啦, 點解 d 人唔明白有 d 人有運氣或者經驗贏嘅機會自然會高 d o架呢? 唉...