靚 B 太生活札記

話咁快已經秋天, 皮膚都開始乾燥, 秋蟬都猛咁嘈, 最適宜做咩? 正所謂 "秋風起, 三蛇肥", 梗係最好食蛇羹啦, 不過無, 所以選擇咗另一樣啱做嘅嘢: 換秋裝! 講緊嘅唔係我, 而係我個 blog, 舊嗰個都睇到有少少悶. 花咗一日, 搞到而家咁, 未完全搞掂不過都算 okay 啦. 各位, 點睇?

第一次玩完美少女夢工場 4, 我嘅目標係個女嫁俾人類王子, 好好做個公主 / 王子妃. 結果? 嫁到啦!

...繼續閱讀

坐喺張凳度, 我見到一個非常可觀嘅 - 胃腩! 無錯, 自從老公媽咪到訪, 晚晚都有 regular 兼大碟嘅晚餐, 如果老公媽咪出街佢又會買嘢俾我食 (e.g. 蛋糕), 經過十八日嚟, 我已經變到好肥! (之前都恐怖, 而家更甚!) 以為唔舒服會無乜胃口啦, 點知食得仲多! 等到老公媽咪一走, 我一定會努力 workout! (只限老公唔喺屋企嘅日子, 我始終過唔到霸住老公部電腦 (得佢部機有 DVD drive), 一邊睇住隻 DVD 一邊喺佢面前做 D 動作有時好 silly 嘅 kickboxing! 胃腩! 肚腩! 身上所有嘅肥膏! 求求你地快 D 走啦. 徵: 減肥好祕方 (減肥一定要做運動, 我指嘅係可以幫助清腸胃等等嘅方法). 問: 一個人每日要飲大概 2L 嘅水, 如果我飲多過 2L 我係咪會有水腫? 點減?

老公媽咪下個星期五就返芬蘭, 尋日就係佢走之前最後一個星期六, 所以大家決定去 Coyoacan (老公媽咪鍾意去, 我都鍾意). 基於有感冒在身, 出發之前老公問我病況, 經過一輪檢查之後證實我可以去! 跟住我地一行三人 (之後係四人, 老公阿哥自己去) 就搭的士去 Coyoacan. ...繼續閱讀

你知唔知邊個係姆明? 你知唔知佢有個朋友叫史力奇? 無錯, 史力奇 (Snufkin) 終於都開始寫 blog 喇! 作為佢嘅朋友, 我特登喺 sidebar 加咗佢嘅 update, 等大家可以知道發生咩事嘛. 你只要 click 走馬燈內任何一個 title 就會跳去 Snufkin 個 blog 度 o架喇, 另外喺連結都有 link 去佢個 blog. 佢係一位由好遠嘅地方嚟嘅朋友, 大家多多支持啦!

真係有感冒, 好攰, 連新嘅 Princess Maker 4 都無心機玩. 煲咗粥, 唔係好綿不過都 okay. 好掛住豬肉鬆同咸蛋...

尋日同今日都要好早起身, 因為要去 immigration extend 我嘅 tourist visa 同搞老公嘅 visa. 本來尋日主打係搞老公嗰個先, 明明張紙寫住淨係要交錢, 相同交某份文件連 copy, 點知尋日去 information counter 一問先發現仲有其他嘢要交, 然後得到嘅係一列 required documents. 好彩今日先係 deadline, 尋日仲有時間準備, 如果唔係真係俾佢地玩死, 結果就 extend 我嘅 tourist visa 先. 最後一次 extension 喇, 一個月後我就一係要離境 (之前試過, 詳情請見我的小旅程 + 在家千日好之一, 二同完結篇), 一係就入我嘅文件申請成為老公嘅 dependent, 但係老公嘅文件未掂, 所以暫時都未知會點. 我唔係好擔心我要點, 而家只係 focus 喺老公 D 文件度. 佢好唔鍾意去 immigration (我都係), 因為次次搭車都要半個鐘至一粒鐘, 喺 immigration 要排隊交呢樣交嗰樣, 跟住又要去銀行交錢, 跟住又要影印呢樣嗰樣, 到你交文件, 以為可以鬆一口氣嘅時候, 佢又要你再交文件, 墨西哥 D 人做嘢就係咁 o架喇, 試問有邊個會鍾意丫. 因為老公交文件個 counter 辦案時間只係 9 am - 12.30 pm, 今朝要好早到, 令平時已經唔鍾意去 immigration 嘅老公更加 "炆", 所以尋晚我出盡法寶努力令佢 relax, 而自己就 triple check 完又 triple check D 文件, deadline 就係 deadline, 連無 required 嘅電話費單都帶埋, 安全第一嘛. 今朝要 8.20 am 出門口, 為咗等老公可以瞓耐 D, 我 7.50 am 就起身再 triple check D 文件同整咖啡. 因為驚唔知醒, 尋晚我分別喺四點幾, 六點幾, 六點幾同七點幾擲醒咗. 搞掂晒 D 嘢就出發, 根據 Murphy's Law 我地梗係截唔到的士啦, 上咗的士又塞車, 結果我地遲過老公阿哥到, 之後又係填 form, 影印再影印, 然後就等. 再過咗一陣以為搞掂晒啦, 點知要十月七號再去, 但係起碼之前都唔使諗佢住. 老公嘅長期抗戰抗咗差唔多兩年, 到佢嘅搞完又到我嘅, 呢場抗戰真係有排抗, 不過抗戰尚未成功, 我一定會繼續努力!

你以為我唔知呀? 仲要特登放 D 有魚嘅相喺 Flickr?!?! 你地去咗玩! 你地去咗癲! 你地去咗 OCEAN PARK!!!!!

屋企三個人, 三個人都唔舒服:

- 老公媽咪: 輕微感冒
- 老公: 感冒加肚痛 (痛咗一朝就停咗)
- 我: 肚痛 (痛咗日半仲痛緊)

基於我同老公星期五晚出街食飯, 食嘅同飲嘅都完全一樣, 第二朝一起身兩個都肚痛, 極度懷疑係 D 意大利菜, 嚴重考慮唔再去嗰間餐廳...

肥盈唔好話俾媽咪聽, 費事佢擔心

我婚前四年至婚後四個月的家有爸爸, 有媽媽, 有姊姊, 有妹妹, 還有一個藝藝. 婚前六年 (及以前) 我住的房間有三位租客 (其中一位十分野蠻, 不顧他人感受, 人前人後兩個樣, 是一位很差的租客), 房間氣氛不和諧, 常夾雜著吵鬧聲. ...繼續閱讀