靚 B 太生活札記

今日喺一個叫 Annie & Chi 嘅 blog, 入面有一篇名為 當媽的勇氣嘅文章, 入面講咗呢位媽咪對陌生人對佢仔仔嘅讚美同摸佢個仔仔嘅感受, 令我諗起一個問題: 如果你有 BB, 你會唔會俾陌生人摸佢呢?


俾:
- 你 BB 得意人地先會摸
- 通常 D 爸爸媽媽都唔好意思叫人停, 好似唔係幾好, 尷尷尬尬咁 ...繼續閱讀

肥盈: 見你先幾日俾人約咗去迪士尼... 外圍嘅地方行而無入迪士尼, 我透過好多人事關係加睇過好多機密文件, 得到一 D 迪士尼入面嘅相, upload 咗上 flickr, 自己去睇啦, 俾埋 Kurt Kurt 同媽咪睇喎 (如果媽咪有興趣), 睇完鍾意邊 D 就自己 save, 我等你睇完應該會 delete.


陳小 B 阿媽: 見你先幾日俾人約咗去迪士尼入面, 我透過好多人事關係加睇過好多機密文件, 從你手中得到一 D 迪士尼入面嘅相, upload 咗上 flickr, 自己去睇啦, 俾埋陳小 B 同你個妹睇喎 (如果你個妹有興趣), 睇完鍾意邊 D 唔使話我知, 你自己有 copy 嘛, 我等肥盈睇完應該會 delete.

自從肥盈 send 咗 D 中國人在他鄉嘅 blogs 俾我之後我就日 blog 夜 blog, 睇人地嘅 blog 啦, 寫自己嘅 blog 啦, 睇吓有無人留言俾我啦 (有嗰陣真係好開心 o架), edit 我個 blog site 啦, 又寫自己嘅 blog 啦, 就係咁 blog 嚟 blog 去, 連老公尋日都忍唔住笑我好忙. 有人分享我嘅生活鎖事真係好開心, 見到其他人喺其他地方有住 D 唔同又有趣嘅生活又忍唔住搭嘴. 睇怕我上咗 blog 癮喇. :P

呢一套係喺 1997-2003 年 美國 HBO 製作嘅電影節目, 首先, 我要警告: 呢套係非常暴力嘅 show, 佢集超色情, 超暴力, 超粗口於一身, 接受唔到任何一樣都唔好睇 (我唔係好接受到色情同暴力, 睇嗰陣每逢有 D 咁嘅情景我都要"呢喺" 老公後面, 有 D 意識實在超大膽). 故事係環繞 Oswald Maximum Security Correctional Facility,

今日下晝同老公睇咗旺角黑夜, 呢套係佢第一套由頭睇到落尾嘅香港電影, 但係唔係第一套佢睇過 嘅香港電影 trailer (我地喺芬蘭睇戲嗰陣, 預告片竟然係李心潔嘅見鬼!), 亦唔係佢第一套睇過而又認得 D 演員嘅電影 (第一套係新紮師妹). 佢而家已經認得楊千嬅, 吳彥祖同鍾洛海 - 方中 Sir 喇!

呢一套係喺 1994-2001 年喺英國嘅電視節目, 形式有 D 似早期嘅歡樂今宵或者笑聲救地球 (except Fast Show 好睇同好笑好多), 裡面包括好多好好笑嘅短故事, 而每個喺 Fast Show 入面嘅演員都一人分飾多角, 當你睇嘅時候你實在唔能夠唔佩服佢地嘅扮演能力. 咁多個故事之中, 我首推 Ted and Ralph, 我實在太鍾意 Ralph 呢個角色喇,

我喺網上面見到呢篇文章, 覺得好啱好實用, 實在要同大家分享:


"昨晚我參加一個的安全防範的研習會，讓我很驚嘆！這場研習會是由一個叫 Pat Malone的人主持，他是知名人士的保鑣，也為FBI工作，並教授警察及海軍的SEALS徒手格鬥。以下建議非常實用，多看幾次，受用無窮！

1.警方的 提醒： 手肘是身體最有力的部位。距離夠近，就善用手肘！

2. 假如歹徒向你要皮夾或錢包，不要遞給他，而是 將皮夾或錢包往遠處丟去。歹徒很可能對財物比對你有興趣，他會去拿皮夾或錢包，這是你逃跑的機會。 往反方向拼命跑！！ ...繼續閱讀

可能我天生 EQ 低, 由細到大都好易喊. Trigger 嘅嘢有好多: 整親好痛啦, 套戲好感人啦, 好唔舒服啦, 情緒低落啦... 嚟咗墨西哥之後通常有兩個原因: 1. 好愛好愛老公, 老公又好愛我, 覺得自己好幸福, so very deeply in love; 2. 好掛住香港嘅人同事, 尤其是而家講嘢好叻, 活潑又 mostly 聽話嘅 Kurt Kurt. 先幾晚準備瞓覺, 老公 set 咗 D 好舒服嘅 ambient, 裡面有一種聲 reminds me of 細個嗰陣去動植物公園 (又稱兵頭花園, 雖然我一直都以為係兵球花園) 一定聽到嘅動物叫聲, 諗吓諗吓, 唔記得有無同過 Kurt Kurt 去嗰度, 好似無, 覺得好遺憾, 又好掛住佢, 諗吓佢 o個陣做緊咩 (喺學校), 諗吓諗吓眼淚就係咁流出嚟. 試過嘗試忍住, 猛諗其他嘢, 但係唔 work. 其實易喊都無乜問題丫, 喊唔代表軟弱, 只不過係舒緩 / 發洩情緒嘅一種 o者, 點解有 D 人會唔明嘅呢?

今日 o係 blog sites 跳嚟跳去, 跳到一個叫布里斯托! Life嘅 blog, 入面有個 category 叫《結婚日記》, 裡面記錄咗 blog 主人同佢未婚夫 (而家係老公) 點樣籌備婚禮同有關嘅嘢, 睇見 blog 主人所經過嘅同到最後個婚禮好順利咁進行, 讀到喺 wedding ceremony 上所發生嘅事實在動人, 令我替佢地高興, 亦不禁走去攬實我最愛嘅老公. 一面睇, 一面諗返起我結婚嗰陣嘅嘢, blog 主人同佢未婚夫有好多家人幫忙所有事, 而我就有家人幫忙揀同訂酒席同陳小 B 阿媽幫忙揀婚紗, 有時都覺得一個人 (基本上) 決定同安排所有事係好吃力, 有時仲覺得無助添 (直到我真係結咗婚之前仲有人擔心同對我 o既決定有保留), 但係到老公到咗香港之後就即刻覺得, 一切都係值得. 由認識到結婚到真真正正喺埋一齊之間所發生嘅事實在太多同太令我心力交瘁, 所以我更加享受同珍惜我而家平淡同安穩嘅生活.

如果你有睇過同墨西哥有關嘅戲, e.g. Traffic, 你就會發覺成套戲入面, 只要係有關墨西哥嘅部份就會黃 "咁咁", 而且往往都係好危險, 好似你一出街就會有時發生, 當中尤以美國人最鍾意咁做. 點解呢? 點解佢地要特別張墨西哥整到咁頹廢, 咁沙塵滾滾, 咁危機四伏呢? 有趣嘅係, 好多墨西哥人想去美國過 D 好 D 嘅生活, 但係又會唔鍾意美國人 (佢地有個可以係 positive 又可以係 negative 嘅稱號: gringo); 同一時間又有好多美國人唔鍾意墨西哥人去美國, 但佢地又: 1. 去墨西哥旅行兼 feel superior than 墨西哥人, 2. 去墨西哥著草避風頭. 好玄妙嘅關係. 喺嚟 呢度之前都有 D 擔心 (尤其係睇完 Man on Fire 之後), 但係嚟咗呢度之後感覺好唔同, 當然有 D 事同有 D 地方你係唔應該做同應該去 (喺香港都有啦), 但係只要你小心, 其實喺呢度都可以好舒服 (唔係講緊類似 Cancun o個 D 旅遊區).