靚 B 太生活札記

尋:

1. 菠蘿雞柳
2. 香芒雞柳
3. 香檸雞柳
4. 甜酸醬

材料及製法, 尤其是個醬汁嘅整法, 當中以媽咪整嘅方法為佳, 所以肥盈麻煩你幫我問媽咪點整丫, 唔該晒﹗

已經七個月無扒飯, 係無扒飯唔係無食飯喎. 通常我地食飯會用碟同刀叉食, 但係尋晚我地用碗同筷子食, 我用我地嘅 Hello Kitty 碗每人裝一碗飯, 然後用個 mixing bowl 裝老公嘅拿手小菜: Cream Cheese Chicken, 就係咁我地就坐喺張床度邊食飯邊睇 Spin City. 太耐無扒過飯, 感覺好好笑. 今次係第一次用筷子食飯, 亦係第一次共同 share 一碟餸, 通想我地會似每人一碟碟頭飯多 D. 我覺得 喺不久嘅將來我地會再用筷子食飯 (因為尋晚有飯餸食淨). :P

食緊塊有十二種唔同穀物嘅麵包, 唔知整乜鬼食落個味竟然似豬肉鬆...

尋晚晚餐煮咗碗雞絲磨菇公仔麵 (生菜絲伴碗) 俾老公, 老公好鍾意食, 感覺好開心, 好幸福呀!



D 雞絲, 磨菇同生菜絲都排得井井有條 o架!

呢包就係價值 7.8 pesos 嘅公仔麵喇, 佢話係 Producto de Japon 喎, 其實係 Made in USA... 不過都唔差丫.

今日, 我隻腳化身為金華火腿, 有一個紫色嘅印.

Update:

攝於 28/5 1.38pm, 仲紅仲瘀.

攝於 28/5 3.59pm, 再紅再瘀.

攝於 28/5 8.59pm, 開始同芋頭雪糕一樣色.

今日有好多嘢做, 好耐無去超級市場買日用品, 係時候去番轉, 最重要係, 要買衣物柔順劑, 唔買無得洗衫 (通常我 set 星期五為 Laundry Day). 收到肥盈嘅 message 話 netmeet, 好呀, 點知個 webcam 唔係 plug and play, 要 download 個 driver 先得. 同爹地媽咪同 Kurt Kurt netmeet, 好 relax, 因為爹地媽咪無再追問我幾時搵工 (點知同日我打電話俾阿嫲佢又追問, 唉...), 就係咁閒話家常, 互問對方近況一個鐘, 之後佢地要瞓所以就停.

同老公一齊出門口, 佢返工我去超級市場, 天氣唔錯, 有太陽, 小熱. 買完嘢去咗我屋企附近個 Friday market (淨係 Friday 先有 o既 market :P) 閒逛咗一陣, 買咗兩個 size 係大過椰皇細過椰青嘅哈密瓜 (25 pesos, 好甜), 咗兩紮晾衫繩 (其實一紮已經夠, 不過我誤解咗個阿伯講嘅嘢, 我以為 5 pesos 一米, 咪諗住買兩米囉, 點知係 5 pesos 一紮, 好彩都唔貴, 無所謂. 返到屋企即刻洗咗 D 床單, 諗住等埋 D 毛巾, 一次過上天台晾衫, 順手綁新買嘅晾衫繩去我地個 cage 度啦, 點知 by the time 洗完 D 毛巾, 個天陰晒, 拿拿臨晾快 D, 諗住應該唔會咁快落雨呱, 通常都到傍晚先落出雨, 洗埋我地個 cage 笪地就返落樓, 點知一返到入屋就落出雨, 又拿拿臨上返天台收返 D 衫.

難題嚟喇, 有五張床單 (三張係 for 被, 一張用嘅床單, 一張替換) 四個枕頭袋, 兩條大毛巾, 五條細毛巾, 襪 x 唔知幾多對, 仲有 D 內衣褲 (我點知佢會咁快收太陽啫), 今晚就要四張床單兩個枕頭袋, 屋企邊度有位晾呢? 跟住我就嘗試用一張上下格床嘅床 "peng" (即係一張上下格床, 中間嗰 D 全部唔要, 淨係得床 "peng", 分開 o架喎, 基本上係一個木框, 中間有打斜格嘅鐵片), 將我新買 嘅晾衫繩串過 D 斜格, 點知唔係好得, 一擺 D 床單上 D 繩度兩邊床 "peng" 就郁, 諗住轉個位再試啦, 點知一放張床單上去, 一邊床 "peng" "臨" 咗落嚟! 最重要係, 佢 "責" 中部吸塵機同我隻左腳小腿上面嗰 part! 拿拿臨推返正個床 "peng", 然後即刻 check 部吸塵機睇吓有無事. 奇怪嘅係, 以我怕痛又易喊嘅性格, 咁大又咁重嘅床 "peng" "責" 落嚟咁痛我應該即喊 o架喎, 但係我又無 (註: 老公唔係屋企, 想詐嬌都無得詐). 跟住我開始抹地, 喺等 D 地下乾之前我就熨乾 D 床單同枕頭袋. 唔知整乜, 我吸塵嗰陣 (我抹地前一定吸塵) 又俾吸塵機嗰支嘢掟中我右腳腳指公, 我開始諗係咪個天唔想我做家務. 幾經辛苦我終於都做完大部份家務, 太攰, 無洗碗. 奉爹地媽咪喻打俾我阿嫲, 我最喜愛嘅六姑姐聽電話, 閒談咗一陣 (好好笑同好開心) 就同我阿嫲傾 (唔好笑, 無嘢講又唔開心, 佢又問我幾時先搵工, 好大壓力, 老公養得我起因而我唔駛搵工, 唔係好事咩?), 跟住沖涼, 之後開始寫呢篇 journal entry, 寫寫吓實在太攰, 走去刷牙洗面訓 lu. 喺半夢半醒嘅時候我竟然仲間唔中同老公講幾句 (佢仲未瞓), 最搞笑係我竟然講咗廣東話! 最後老公都瞓, 我就真真正正瞓著, 奈何成晚每當我靠左邊瞓, 我隻左腳一掂到張床就好痛... what a day...

p.s. 肥盈, 唔好講俾媽咪聽, 費事佢擔心.

p.p.s. 祝賀肥盈搵到 summer job!!!


傷口特輯:

攝於 27/5 晚沖完涼後, 傷口大概 5 cm x 5 cm, 又紅又瘀.

攝於 28/5 朝沖完涼後, 傷口 size 無變, 多咗紅又多 o左瘀, 十足十荔芋油鴨煲 D 荔芋咁.

別傳:

係咪好掛住我嘅鼻貼 look 呢? :P

未結婚之前我鍾意戴戒指, 銀色, 有小小 "水晶" 嘅, simple but nice, 有幾隻唔同款. 後來同老公開始一齊, 有一隻純銀戒指, 訂婚又一隻, 結婚又一隻, 都已經無戴其他嗰 D lu (另一個原因係我無帶到嚟墨西哥, 好掛住我 D 戒指, 耳環同手鍊 :/ ). 平時日日都會帶結婚戒指, 另外時不時戴埋另外嗰兩隻. 本來無乜嘢, 點知今日上網見到呢隻戒指, 好鍾意: