靚 B 太生活札記

Nivea, 呢個 brand 你應該好熟啦? 咁 Labello 又點呢? 如果你去開萬寧或者屈臣氏你就會見到呢個 brand 嘅 products – 潤唇膏. 我從來都未試過佢嘅 products, 因為我未聽過佢嘅名, 所以我通常都買 Nivea 嘅潤唇膏. 尋日我睇一間超級市場嘅 weekend promotion material (類似萬寧屈臣 嗰 D 薄薄地嘅 promotion material 呢), 嘩! 我愛死佢呀, 今期有幾版係化妝品 promotion, L’oreal 啦, Revlon 啦, Maybelline 啦, Nivea 啦, Covergirl 啦, Ponds 啦… 咦…? 整乜 Nivea 嗰版下面嗰 part 個 product 咁熟口面 o既? 呀, 我 喺香港買嗰支 Nivea 潤唇lip gloss. 唔係喎… 唔同 brand o架喎, 係 Labello 喎… 我之前都已經懷疑佢地係一間公司 o架喇, 佢地 D 潤唇 o既 size 同 packaging 都一樣嘅, 今次仲係一模一樣嘅添! 走去 Labello 個網頁睇啦, 佢地唔止得一種一樣嘅 product, 連我喺香港買嗰支 Nivea Milk & Honey 潤唇膏都有! 我得到 嘅 conclusion 係: 佢地一定有 mutual 仲 identical 嘅 products, 好可能根本所有 products 都係一模一樣, 只係喺唔同嘅地方佢地用唔同 o既 brand 出. 以後無論係 Nivea 定 Labello 嘅潤唇膏我都無所謂 lu.

去芬蘭嘅時候因為生理需要而要買 da da 巾, 見到一個 brand 叫 Always (作為 da da 巾嘅名真係唔係幾好 :/ ), 佢嘅 packaging 好鬼死似香港嘅 Whisper (護舒寶, 係囉, 又保護又舒服咪幾好), 買返去睇埋裡面, 連裡面嘅 design 都好似, 我嘅 conclusion 係: 佢地喺唔同嘅地方用唔同嘅名. 喺呢度佢都係叫 Always, 不過佢最長嘅 size 都無香港最長嘅 size 咁長, 有 D 唔係咁開心. 呢度連 Kotex 同 Carefree 都有, 見到自己熟悉嘅 brand 真係安心 D o架. :P

啤 (beh), 即 stare, 啤牌, 就即係啤住 D 牌, 就即係當你玩啤牌時做嘅嘢. 點解叫做 peh paai 而唔係 beh paai 呢? 我唔係好清楚. 已經唔記得對上嗰次玩啤牌係幾時, 今次買咗副啤牌, 終於可以玩喇. 我嘅洗牌技術因為太耐無練而差咗好多, 連老公都笑我. 因為兩部電腦都 defrag 緊, 所以佢尋日放工返嚟我地就玩啤牌. 首先我地玩 “500”, 一個要策略嘅遊戲, 我地只係玩咗 4 鋪佢就夠 500 分. 跟住同佢玩 “琴” 棉 “台”, 我贏咗! 再玩潛烏龜, 又贏! 開心到叫 咗出嚟. 其實我想玩鋤大 Dee o架, 不過佢好似無乜興趣. 一得閒又或者當我玩夢幻蛋糕屋我就邊玩邊練洗牌, 我一定要將我嘅洗牌技術練到爐火純青!!

飛機一到步我即刻快速步向 immigration 嗰 part (1. 我知佢喺邊所以可以快速; 2. 我知要等好耐所以要快速; 3. 我知由我落機嗰度到 immigration 要行好耐所以要快速), 條人龍已經好長, 排啦. 嗰度又熱又焗, 好彩我喺面衫下面著咗件背心, 我一定要除件面衫, 太熱喇. 依然想嘔, 不斷用本 passport 同D form 撥涼, 有個小妹妹頂唔順, 嘔咗出嚟. 係咁等, 死啦, 老公話佢會兩點到機場, 班機兩點半到, 仲要慢慢排隊, 佢咪要等好耐? ...繼續閱讀

到步! 望落個機場整乜令我諗起香港嘅呢?

我唔鍾意美國, at least 呢個機場嘅 staff. 一到步就受害於美國嘅 paranoid, 我嚟一嚟就走, 我又唔係過夜, 咁我又點會有住址呢? 寫咩呀? 假設我只係去 mall shopping, 我寫個 mall 嘅地址呀? “XX 商場三樓間 Victoria’s Secret” 呀? 過咗一陣又有另一個人問同樣 嘅嘢, redundancy, 炒佢地啦! 終於輪到我, 個 officer 又問長問短, 唔通呢個世界上真係無人會即日來回去 shopping? ...繼續閱讀

呢篇會好長好長, 最好有心理準備.

因為我嘅墨西哥簽證到期, 但係我 D 文件又未搞好, 要去一轉美國. 雖然係即日來回但係都唔鍾意, 因為我要一個人去, 老公嘅文件 in process 所以要留低. 班機 7.05am 起飛 (佢 claim), 因為要起飛前兩個鐘到機場, i.e. 五點鐘就要到機場, 加上搭車去機場要時間, 結果尋晚老公去咗屋企附近嘅 sitio (的士站) 安排一架的士今朝四點鐘嚟接我地, 四點鐘!! ...繼續閱讀

今日星期六, 朝早嗰陣陽光普照, 我花咗 D 時間 update 我嘅 journal, 跟住做咗 D 家務, 睇咗三集大長今 (起碼有 50% 俾我 fast forward 咗, 有 D part 實在係太慢喇), 好開心連生個 BB 無事 (之前我驚崔尚宮會害佢嘛), 老公喺中途加入, 然後我地一齊睇咗集 OZ. 到咗晏晝個天開始黑, 到兩點嗰陣個天黑到好似六七點咁. 老公開始 mix 歌, 我唔係好想玩電腦, 所以走咗去玩化妝. 拎咗一兩個月前老公鼓勵我買嘅 L’oreal 四色eye shadow (淺金, 啡, 綠, 藍), 用手指將藍色輕輕搽喺眼邊, 走去俾佢過目, 佢覺得幾好, 試完一輪我洗晒 D eye shadow 重新嚟過, 單眼皮想搽 eye shadow 真係又煩又難, 結果我用六姑姐俾我嗰盒 Fancl 少閃粉底 (吸油 o架), 然後用 Lancôme 試用裝mascara, 再加淺金 eye shadow, 眼邊搽 D 啡色添, 最後用 Nivea “啡色” 類似 lip gloss 嘅 lip balm (好掛住我枝 Maybelline mocha 色唇膏), 我叫佢做啡妝, 又俾佢過目, 佢話得喎, 不過我始終對自己嘅化妝無信心, 就如我對自己煮嘅嘢食一樣.

走去沖個涼兼洗甩個妝, 之後同佢一齊睇咗 America’s Next Top Model, 好開心 Michelle 仲喺度. 跟住睇咗 Ultimate Fighter, 佢同 ANTM 同 The Apprentice 基本上係同一類, 不過佢就係 mixed martial arts fighting, 嗰集係 middle weight (中量級) semi-final, 我支持嘅 fighter 叫 Diego, 打完三個 round 都無結果, 要由裁判決定, 幾驚佢贏唔到呀, 好彩都贏到.

老公又 mix 歌, 我就瞓咗喺張床度望住個天諗東諗西, 諗諗吓走咗去我嘅豉油小天地度貼 D 相喺牆度, 然後開始 draft 呢篇 journal entry. 隱約見到對面屋嘅一隻貓 (我叫佢做 Orangie, 一隻白色啡色嘅貓, 另外仲有一肥一瘦嘅暹羅貓), 即刻拎相機想影佢, 點知佢走喎, 好彩後來都俾我影到 (我仲整 D 聲等佢望鏡頭添). 有時睇住佢地上落樓梯, 又或者避開同屋隻狗都幾得意 o架.




近排嘅天氣好怪, 朝早好好天, 到晏晝就落雨兼行雷閃電, 老公話呢度嘅夏天係咁, 雨季開始 lu…





仲未收到肥盈 (雖然佢唔肥仲瘦過我, 不過我叫慣咗) 寄嚟嘅包裹, 快 D 收到就好 lu. 睇到你篇 journal entry 話你睇到我篇 comment 眼濕濕, 我都眼濕濕, 跟住見到史力奇港大之旅我笑到停唔到, 真係好好笑.

嚟咗墨西哥差唔多半年 lu, 基本上一常生活嘅事都習慣晒, 偶有掛住香港嘅屋企人同朋友, 但係情況唔算太壞. 邊間鋪頭買鮮奶幾錢我都知, 可惜我 D 西班牙文仲係 "muy mal" (very bad), 喺屋企我會用西班牙文試下組 D 短句睇下老公明唔明, 我有錯佢會糾正我, 真係好. 但係當我出街買嘢我又開始唔明, 佢係身邊嘅時候我唔駛講任何嘢, 我一個人嗰陣就好鬼死 challenging, D 人一輪咀咁講, 我完全唔明. 對於我西班牙文嘅程度我好沮喪, 好多時候我會好 “紋”, 但係佢會安慰我, 話佢嚟咗半年個陣 D 西班牙文都唔好, 令我舒服番D. 對於已婚生活我完全唔需要適應, 所有事都好自然, 每朝起身見到佢仲未醒個樣好可愛. 有好多細微嘅事都好 sweet, 有一次我地行去個大超級市場嗰陣 (大概要行二十分鐘) 我地傾開廣東話, 教咗佢一次之後咁就識講 “我老婆”, 聽見佢講廣東話好奇怪, 但係佢講得好 sweet, 真開心。我知大家都好想佢學廣東話, 但我真係唔想逼佢學, 佢返工都已經好多嘢煩, 返到屋企我只想佢可以完完全全咁 relax. 我當然想佢可以同我屋企人傾計, 我亦知佢地好想我地去香港探佢地, 但呢個世界有好多嘢都唔到我地控制, 我真係好希望佢地會明白。每次佢地問我都好有壓力, “你幾時返香港呀﹖”“你搵到工未呀﹖” 我地講緊係由墨西哥去香港, 唔係香港過澳門喎. 即使我知佢地出發點係好, 但係正如我所講, 有好多嘢都唔到我地控制, 佢地 keep 住咁問我只會加添好多壓力, 總知情況許可想發生嘅事就會發生, 希望佢地會真係明白啦.

我同老公喺好多方面都有共識, 喺我搵唔搵工亦一樣. 可能係中西文化嘅分別呱, 佢真係好唔 care, 我地都 prefer 多 D quality time, 錢夠用又有少少儲備金咪 okay 囉. 就正如佢媽咪唔會 keep 住問我地幾時返芬蘭又或者整乜我唔搵工, 中西文化嘅差異, 同樣係 caring, 方法就好唔同. 喺呢一方面我真係好 prefer 西方文化, 食嗰方面我就掛住香港嗰 D, 零食呀... 朱古力吐司呀... 燒肉飯加例湯呀... 我而家嘅身型好 “幸福”, 真係要好好運動吓。不過我有每日 keep 住飲茶 o架, camomile tea (西式菊花茶), 正﹗

我鍾意水晶, 我鍾意水晶仲多過我鍾意鑽石. 結婚前兩三個禮拜我係中環永吉街買 咗 D 耳環同手鍊, 我好鍾意 o架, 其中我買咗三條 “水晶” 手鍊 (十零二十蚊嗰 D 呢), 一條 D 水晶係粉紅色, 一條白色, 一條藍色, 點知結婚嗰排喺酒店唔見左粉紅色同白色個兩條! 好心痛呀. 近排好想裝扮吓, 眼見老公阿哥個女有手上面嗰抽 (係一抽, 佢起碼戴咗五條!) 手鍊, 我好想好好咁裝扮吓, 好掛住永吉街呀… 旺角中心 D 三蚊隻耳環呀… 如果任何人見到又平又靚嘅耳環同手鍊唔該話我知, 等我可以安排吓付款方法然後你就用空郵俾我 (就咁入落信封, 耳環同手鍊唔會好重嘅啫), 當然, 如果你對你以前對我做過嘅嘢良心發現, 又或者係想補送又或者係預送我咁多年來嘅新年, 生日, 情人節, 復活節, 萬聖節甚至係聖誕節禮物我都歡迎o架, 一於咁話啦!

尋晚我地出咗街,因為老公媽咪喺丹麥嘅朋友嘅侄女同 D 朋友嚟咗墨西哥玩今日就走, 所以尋晚我地就約出嚟去飲嘢 (講到好似我負責 contact 咁,其實唔係 :P). 我同老公成九點幾先出發去老公阿哥屋企會合, 十點幾先去 D 女仔住o個間酒店度接佢地. 我未去過墨西哥城嘅呢 part (墨西哥城仲大過香港, 點去勻呀), 呢度同我地住嗰區好唔同, 我地住嗰度比較舊同暗, 呢區就好新同好光, 有少少少少少似銅鑼灣利園一帶咁. 架的士轉個彎後又回復返比較舊同暗. ...繼續閱讀

大長今第六十一集早就睇完, 第六十集等鬼死咁耐都仲未得, 喺等緊嘅空檔我食住大長今個勢做咗兩個韓國 style 造型:

Formal: 傳統嘅韓國上衣加裙, 配以白色珍珠耳環, 夠晒高貴﹗
Casual: 換另一件韓國上衣, 配以白色貼身長褲, 再襯一對紅色 boot 或者高跟鞋, 去邊度玩都得啦﹗

唔錯呢﹖