■台灣論壇：馬.扁.李.連.宋.吳攏去落18層地獄啦!
■本壇免募款(免親像魚夫去賣血)亦無網管&園丁! 更加免驚予人浸水桶～♫～
■欲【與霉體對抗】免落【煤坑】

利用台灣人普遍傳統的忠厚戇直本性，替馬英9梳妝打扮，已經是『顧面桶』頂下目前上重要的工課，在馬英9引用「日久他鄉即故鄉」的詩句及怹阿嬤、老爸都『埋葬?』在台北市，表達家己認同台灣是伊的故鄉。阿扁仔總統馬上以『馬英九父親的金斗甕仔頂面有「反獨漸統、振興中國、邁向一統」等文字，批評馬英九認同台灣的說詞只是騙人』。（註：『埋葬?』: 金斗甕仔挺好隨時揹leh走）

阿扁仔總統話１講煞，燃眉（liam-mi）引起『扶馬部隊』以『無尊重往生者』的大罪名龕在伊的頭殼頂，我想欲先問台灣人１個問題：『詎真正人若往生就攏未使磕－包括在生為非亂作、喪盡天良？』

准講：『顧面桶』真正認為往生者攏總需要尊重，怹啥麼時陣對『２２８事件』及『白色恐怖時代』所有的冤魂有過真正的尊重？

馬英９今日若是一般平民，怹老爸的金斗甕仔欲刻『共產黨萬歲』，甚至將伊十數名『客查某囝』攏刻在頂面，奚是怹兜的代誌，任何人若提來議論，攏有可能觸犯刑法第312條『侮辱誹謗死人罪』。

問題是馬英９是欲選台灣總統的人，馬英９家己形容馬鶴凌是伊這世人上好的老師和朋友。伊長期復處處扮演出１個孝子的形象。

當馬鶴凌『特立遺囑，寄望馬英九繼志述事，適時全力以赴』的時，馬英９必須向全台灣人民講清楚－『伊有欲遵照老爸的遺言否？』。

馬鶴凌的遺言『化獨漸統，全面振興中國』、『協強扶弱，一起邁向大同』清清楚楚刻在金斗甕仔頂面－毋是阿扁仔總統去刻的啦！