■台灣論壇：馬.扁.李.連.宋.吳攏去落18層地獄啦!
■本壇免募款(免親像魚夫去賣血)亦無網管&園丁! 更加免驚予人浸水桶～♫～
■欲【與霉體對抗】免落【煤坑】

相     思     嘆

〔相思嘆〕的詞是張木榮先生的作品, 張木榮先生的資料在現有的資料中攏無記載, 真抱歉! 咱來看伊的歌詞是焉怎寫：

　在第１段的〔月色當光照紗窗, 感覺有欠項〕, 是ka咱講月色光光有啥路用呢? 欠１個郎君在身軀邊也, 僅na月光光照落床, 相思了後亦是相思啊! 第２段的〔梳粧看鏡台, 面肉消瘦攏毋知〕, 這是１種孤單無依.攬鏡自憐的寫照, 情字這條路實在坎坷又復艱苦啦! 第３段的〔等君無返暝日哮, 病症強欲到〕, ho! ho! 這句〔病症強欲到〕實在真夭壽哦! 雖然毋是精彫細琢, 但彼種自然〔就是美〕的感覺, 予這首歌詞整個價值起來, 所以講１個好作品, 乾乾若但憑才華橫溢亦復無夠, 做人若孤僻歹翫, 像這款句逗欲擠會出來, 就像阿婆仔生囝正拼咧!

　這首歌詞有１個所在咱來做參考１下, 假使年歲年年老來ka改年歲日日老是毋是會加強日月催人老的感覺, 同時亦復會當閃掉年歲年年老的年, 連續出現的毛病, 各位朋友! 我毋是大主大意欲改人的物件, 我是在提醒有興趣寫詞的朋友來注意這點, 是焉爾爾爾。這首歌的旋律亦是張木榮先生的作品, 根據資料的顯示, 張木榮先生的作品, 獨獨只有這首爾爾, 這是真可惜的代誌。

＊以上的文字是Ringo大主大意將文隆仙ｅ的原文改少數字，上重要的是殷望：所有來巢窟聽歌的朋友，毋通僅na耳孔聽，上好請汝愛斟酌聽文隆仙ｅ者爾標準的台語，順遂對照文字。焉爾應該加減能使了解Ringo寫台語文用字的準則，感恩矣！