■台灣論壇：馬.扁.李.連.宋.吳攏去落18層地獄啦!
■本壇免募款(免親像魚夫去賣血)亦無網管&園丁! 更加免驚予人浸水桶～♫～
■欲【與霉體對抗】免落【煤坑】

－跟逆境乾杯，向敵人致敬－台文寫作

　企在人生成敗關頭，處在每遍個人的危機當中，雖罔有外人的勸解或者威脅，擔任上重要及最後決定的，猶原是咱家己的判斷能力，自主性的思想是寂寞的工課。

　這款來自囡仔時代孤單無伴令咱驚惶無助，抑是威權體制及教育使咱有耳無嘴的壓逼，毋管曷一項，攏成作等咱成年轉大人以後的挑戰。

　自主是上天所賜的，是自由人的主要特質，Thomas Jefferson在獨立宣言第１次草稿中主張：人毋na是生來『平等』而且是生來『自主』。國家的自主是上迫切的要務，個人在任何團體及環境的平等自主卻是終其尾上要緊的目的。

 　民主及伊的全部優點攏暗槓１項危機：一致性的脅逼力量將會妨礙個人創造的可能能力及空間。在團體當中，通常會輕視有關個人的聲音，毋管這個聲音有合法、合理、合情否？團體利益能使用各種美麗的包裝，成作眾人維護的焦點。

　在這種坎站，『跟逆境乾杯，向敵人致敬』成作個人修為的考驗。這個時陣，若是能使化折磨為動力，化困境為動能；彼陣打擊汝的人，就是上天送予汝上尊貴的活菩薩，ma是上天賞賜予汝上好的禮物。

 　其實，咱攏應該學會曉感恩，感謝所有的曾經予咱踣1倒的朋友甚至是敵人，因為，成功有可能來自貴人的提拔牽成，ma有真大的機緣是來自崽仔抑小人的刺激鼓舞，若無重重踣倒過，就未想欲風風光光復企起來。

　『跟逆境乾杯，向敵人致敬』，英雄往往就是誕生在這款的時刻，這ma是咱重新認識家己的關鍵。

 　只有面對逆境的時，猶挺好夠笑笑面以對，在困境當中學會曉感謝，咱纔能脫離人生的困境，行向新的未來。

　因為，歷史上真正會產生有價值、有影響力的人，攏是在逆境當中復會開懷大笑３聲的人。 

朋友！何必形色匆匆？除了這篇，請駐足分享源自台灣最美的天籟！
雨夜花．咱的故鄉台灣．台灣最偉大的2位音樂家．上美的花．1947序曲