Michael Keung - 雲影內心隨想

前言：
菲律賓D特蠢部隊，特別無種，無基本常識，無計劃，無部署，無組織，無善用裝備，無談判技巧，無專家，無腦，最重要的是無顧及同考慮人質的性命同安全

感想：
1.槍手無打算傷害老弱婦孺，甚至送公公婆婆出車，證明佢一開始並不是太激動，只是想達成自己目的，不想傷害任何人
2.從相片和片段可見槍手曾經把槍掛在腰間送人質出車外，Sniper作用在那？
3.其實警方有冇諗過係送食物同飲品時加料整暈佢地或者整到佢地肚痛減低槍手防備？當然要有談判專家的技巧同分散注意力才可確定槍手會食下那些加料食品
4.從佢張貼的字就可以知道，槍手只是要求向傳媒交代事件同復職，佢又唔係要求大飛著草，又唔係做唔到的要求，咩都應承佢佢跟本唔會走或殺人質
5.如上，佢要求的是"復職"，佢跟本唔想走，先打爆車軚做乜？刺激下佢，暗示比佢知佢一出車就爆佢頭？
6.當消息指槍手有機會殺人質的時候，決定突入是一個正常決定，但警方就好似完全無準備，拿著正常裝備圍著車箱，10個鐘完全無調查一下車箱既設計如何方便突入或放煙霧彈
7.續上，鏡頭曾經多次映著前車門同後安全門，唔知警方是否認為槍手已經把兩隻門完全封鎖，又或者派助手把守前後門，最後總之佢地覺得爆窗係最容易方法...
8.續上，看來警方和槍手都已經有共識窗口而不是門口是最容易和唯一出路，最後每隻窗下面都派一名警方守住以防佢爆窗逃走！
9.續上，成班警方想爆後窗或前窗突入，點知成班爆左三個字都爆唔到，最大問題佢地繼續認為槍手自己一個人可以爆窗逃走，警方繼續堅守窗口位！
10.呢班"特種部隊"看來嚴重缺乏專業知識同工具，其實唔難知道一般鎚係爆唔到這類玻璃，只需用Glass Break Hammer一秒唔使就爆，想明白箇中原理可以參考(33:32開始) http://v.youku.com/v_show/id_XNDkxOTU3MjA=.html
11.成班試完後面唔得，繼續爆前面，佢地應該唔係想入去，係示意槍手會有警方想爆窗而入！
12.千辛萬苦爆到玻璃，冒著被槍手打中既風險拋支螢光棒入去......佢認為入面開緊演唱會？定係確定一下槍手是否逃去？你拋個摧淚彈大家辛苦D，或者放迷煙整暈全車人，我都唔會怪佢地
13.用另一架車"拉"爆前車門，有冇諗過"推"開佢或者車外安全掣會容易一點？有沒有想過一般旅遊車度門係向內開較為容易？警方有冇諗過點解可以拉爆度門但唔會係佢地架車車尾俾度門拉爆......佢地拉爆架車都未爆到度門啦，連基本爆門工具都無！
14.警方完全沒有理會車箱設計，可能有些旅行車底層行李位是可以進入的，最後咪又係開安全門！
15.門開了，進入，警察怕死是正常，但槍手亦不是白痴的，係出面搞完一場大龍鳳你唔係當佢唔知下化，開左安全門成班又唔轉移槍手視線一擁而上，速度又唔快，出入位得一個人通過，成班警察好似推前面果位去死咁，用槍指住佢背後，完全覺得支槍唔會走火咁打中自己人或人質，最後好明顯被槍手發現，看來警方不是想突擊或偷襲，只是進去探班
16.探班完後激怒槍手射了十多發，進入車箱速度唔快，但撤退卻奇快，一瞬間車箱周圍四下無人，大家在等槍手發泄不滿後才"部署"下一輪拯救行動
17.確定槍手死後，警方進內救人，先不理小小的車箱內要用這麼多時間，因為可能未能確定傷者能否移動，但菲律賓警方可唔可以唔比這麼多沒關係的平民食花生圍觀？會不會有少許阻礙救援？早知可以自出自入就唔使菲律賓警方幫手，我地派一支談判專家或者飛虎隊去而家全部人返得黎香港啦

願死者安息，祝福還在生的人

雖然從前的妳時常說還有很長很長的路才2字頭，轉眼已剩下一年了吧 (笑)
無論如何，路還是要走的，就算妳想停下來，時間也不會讓妳停下。
是時間改變妳的人生，還是人生善用妳的時間，都是妳自己的選擇。
我時常說妳是一個"空有理想卻不懂如何實踐理想"的人，看來再說，妳的選擇"咪又係咁"，大家實在太清楚妳了 XD 算吧啦~

話說這年來最多人對我說的話就是"算吧啦"，而我最常說的是"唉~算啦~"，大家都聽都厭了。但是對我來說有一件事不能就此算了，"對不起"是我今天想說的話，妳可能不太明白我想說的是什麼，但是這件事一直放在心裏真的不太好受，希望有機會跟妳說說此事。

話又說得太遠了，祝妳生日快樂，身體健康，快高...(被打 XD)，減肥成功(個蛋糕... XDDD)，仲有工作順利同學業進步！最緊要的還是妳開心就好了 =]

首先，借歐小姐的位置說一下，我要說的是，我還沒放棄這裏......
的確，我很久沒更新了，因為我不想太多人知道這裏，知道我的事，所以好像漸漸遺忘這裏，等一些只是普通路過的人遺忘，等懂得用RSS / Google Reader的人還看見我的更新。對，我這一年變了很多，越來越少找其他人了，我相信慢慢我會離開的...

好了，回正題，今年真的不用再多在這裏說了吧，妳的要求和希望沒有100分也有90分吧 =]
生日的說話不說太多了，私底下說了太多，在這裏說一聲「生日快樂」~
亦要多謝妳這一年來的陪伴，無論是平時上街還是在心靈上的。在我還沒放手的時刻，我什麼都沒有時，至少還有妳這個朋友的支持和打擊(笑)。

我的確很想在這裏說一下心裏的事情，但這一年來都不知怎樣說起，是逃避還是沒時間我也搞不清，但的確現在的我什麼都不想說給別人知，亦不想找任何人。

希望有機會在這裏能說一點事情吧...
希望歐小姐妳能好好珍惜這最後一年1字頭的時光，就算沒我的存在，再找不到我也好，妳的身邊還有很多人。

以上

大家只期待下一秒的來臨，卻不懂珍惜這一秒的可貴。

剛剛收到Kay forward來的E-mail，不禁要在此分享一下：

今天是Kenny最後一天@Hong Kong了，可以去一年Australia Working Holiday真好呢~~~我都要開始準備一下了。

祝Kenny你一路順風(最緊要飛機還是逆風好了)，身體健康，順順利利，如果辛苦一年可以由肥仔減磅就更好了 XD

算了，Farewell太多次了，希望一年後還見到你 / 你還見到我。

P.S. 記住寄Post card給我，謝 OTL

〈三十日〉，首先要說明一點，我寫這個blog有樣東西是很少做的，就是直接貼上歌詞，就算寫得幾差都好大多是原創的，點都是自己寫的東西，唔想貼上別人所寫的就算。

〈三十日〉，但為何今日的標題是〈三十日〉呢？歌詞我不會全貼了，大家自己很容易在網上找到，原因亦保持我一貫風格......講D唔講D(這個大家會覺得很煩 XD)。Hints有兩個，第一個會係這個blog的舊post找到，第二個就是〈三十日〉的第一句歌詞 — "逐晚倒數　為見你(妳)準備"。

不說太多了，估中問我攞獎 XD "今日"所講就係咁多。

本來是沒打算在出院後再交代我出院的事，但是實在要感激各位朋友在電話、SMS、在這個blog、Facebook、Twitter或其他渠道祝福、問候和關心，因為實在太多朋友要多謝，所以不能在此一一多謝大家 T^T 我是完全感受到大家的關心的。在這篇標題方面，不是用"出院了"，很明顯我要表達的就是我"沒事了"，對，要說清楚一點，就是我沒有事呢 ^^ 手術很成功(是小手術了吧...)，最擔心鼻咽的問題也沒有，當然最好還是年年檢查呢~

先說說這次入院的經歷，首先因為有保險的關係，今次係入住私家醫院的(算是第一次)，就是所謂"法國醫院"的"聖德肋撒醫院"，又話說我遲了入院(者係俗稱"遲到"la，大家應該知了 XDDD)，而我既保險係包三至四人房的，點知無哂房位，就是這樣俾我免費upgrade左去一間二人房 XD 首先不說房間入面的事，我已發現那個護士好掂(喂)，完全係我喜歡的類型(乜你唔係只係鍾意... XD)，笑容甜美la，靚女la，制服誘惑la(<- 活在自己世界中...人家真的是護士...)，服務親切la......(下略千字 XD)，果然無選擇錯誤(講到好像搵老婆咁... XD)，最緊要係serve我麻 ^^ 說回房間，很大，剛好初入來時隔離床位未有人入住，好似私人房咁，仲要大果隻，基本設備都有，洗手間，電視等等，跟住......映相(相再後補) XD 好似唔知邊個鄉下落來生仔咁 XD 完全好似入住酒店，又可以call機叫野食，又可以叫姑娘(者係護士...唔好諗錯隔離 XD)......題外話，話說夜晚我的主診醫生來到巡房時之前說那個護時陪伴在旁，唔知點解係度傻笑，俾我同佢講野時得知佢原來就收工，但明天中午返，唔知我做完手術見唔見到佢，最可惜係無一齊映相......(看來呢個人入醫院唔係check鼻，係check腦... XD)。其實隔離床那位病人去到九點多才入住，但去到十點幾就要走去做咩"睡眠測試"之類的東西，成晚都唔會返......其實我明天中午都會出院了，者係變相住了一晚私家房，成晚係度睇電視打PSP(醒目有帶者，仲有叉電) ^^ 好似渡假一樣~ 但其實還是有點緊張，雖然醫生已經開了訓覺藥，但仍然訓唔著，話哂真係有點擔心......

第二朝七點多就俾人叫醒拖入手術室(講到好似俾人打咁 XD)，因為有上次做手術的經驗，知道只係著手術衫，所以都唔出奇，但同上次係公立醫院唔同的地方係手術室，上次係兩間房，waiting room同operation room，我記得operation room冷冰冰的，好少人...但今次估唔到的是waiting room係叫護士室，那裏齊集了同時間要做手術的人士，好多人同護士，之後入每間不同的手術室做手術......重點來了，見到麻醉師自我介紹同講解麻醉內容，因為係局部麻醉唔係全身，但會打訓覺針，佢話我會有意識同會講說話......但醒來時就自然會唔記得所有野，我問佢幾時醒，佢話一做完手術就會剛好醒...我對佢個評價是 — 強(Sorry，主診醫生，其實你都好勁，但我自己真係無記憶 XD)，我被拖入手術室後只記得幾件事：1.一間都幾多人(俾上次多)的手術室 2.見到上面的手術燈 3.見到主診醫生滴左D藥水落我個鼻 4.見到麻醉師插針入我隻手，跟住見佢打藥，我當時諗會唔會有道氣由我手上到個腦之後就訓，究竟幾時訓呢......諗完呢句後當我有返意識時剛好拖出手術室，有人對我說，剛好做完手術，我的第一個諗法係時間好準，個麻醉師真係好勁......但當其時無人講我知有冇事，而我其實完全唔記得發生咩事，醫生之後同我講手術成功左 ^^ 無其他有問題(問題唔係有病，只是比較粗大和近表皮同脆弱)的血管，而鼻咽的結果是positive(佢前一晚巡房話上個月發現左六定七個鼻咽cancer，未試過咁多，我諗唔會+1掛 XD...醫生仲即刻為自己加保) \ ^O^ / 即刻放下心頭大石來~ 佢仲話我做手術時有回答同講野(short架，完全無印象...)，談話內容佢就無講到，神神秘秘咁(好驚ar > <)，只係講笑話我講昨晚個護士好靚(佢同個護士一齊巡房，雖然係心果句 XD 但我好肯定我唔係講佢...)，現在大家都想知做手術當時的對話內容 XDDD (我下星期覆診一定問佢！)

之後下午就出院了，辦出院手續時仲想搵下那個護士多謝佢(係唔係傻架... XD)，最後終於見到佢剛好返工，但已經有野做緊，所以最後都係無打擾佢lu > < 就咁出左院~

夜晚回家後都有D攰，所以好夜先在此講返呢兩日入院既事，再次多謝大家的關心，我沒事 ^^

健康的問題今日總算暫時解決和放下，下一個問題又來了...究竟報讀邊間大學的Master course？同我究竟真係需要讀邊科...... /_\

(P.S. 雖然已經多野煩，同好大壓力，但仍然最大的問題是......今個復活節，有機會會說說這件事)

本來想在入院做手術前寫埋最後一篇文回應各位朋友的關心同解釋一下這三個星期所發生的事和自己的感情事，如果手術有什麼意外的話都總算有個交代，又或者算是最後的說話，又或者作個記錄吧了，但是其實又不是什麼大手術，沒事的 =] 不過那篇文實在不知應該寫什麼，不夠時間寫了，看來要手術完了後才會作回應(如果沒事的話 / 我會在醫院裏寫的)......

這三個星期裏除了感情事外其實另外一件令我擔心的就是做手術了，雖然四年前其實曾經做個一次小手術(割粉瘤)，而那次手術的確一生難忘(有些朋友我已經說過了，想知可以問我)和今次手術的確正如之前所說是小手術(又不像上次要開刀)，但是對我來說做手術始終是擔心和有壓力的。而今次除了做手術外亦會照鼻咽鏡，鼻咽的問題對我來說是一個陰影(這亦是我最擔心的地方)，因為我的父親是鼻咽癌過身的，某程度上這種病唔多唔少都會有遺傳，而這也是我其中一個唔找女朋友的原因，因為每一次看見母親的辛苦，我也不想最後這種痛苦會放在我所愛的人身上。

多謝各位朋友的開解和幫忙，我真的沒事，今次也一定會沒事的 ^^，為了大家和我所愛的人......

交代一下，我會在今日七點鐘入院，明天早上八時做手術。

祝福你們生活幸福快樂，身體健康(每次寫生日咭我都必定寫的說話，明白了沒？)，亦在此祝福我所愛和另一半(不是我la XD)甜甜蜜蜜，永遠幸福開心。
希望大家能祝福我。

剛在公司收到來電，是從家中打來的......
對了！是媽咪終於回家了 T^T
她突然(係真係突然，今日講俾我知聽日就去)去了旅行三個星期，係三個星期，話多唔多，話少唔少......
但這三個星期裏，真係發生左好多好多事，感情事、公司事、學業、健康問題......對我來說，這三個星期就好像過了三十年一樣(雖然我的人生都未有三十年 XD)，我這一輩子都唔會忘記這三個星期......

P.S. 多謝咁多朋友的幫忙和開解 T^T 當知道我一有事時就出來陪我......我其實已經想在這幾天在此解釋這幾星期發生的所有事......係要交代一下，至少回應大家的意見和我現在的想法......

我記得今日係妳正日生日ar XD 所以特意在此開新的post ^^
18歲la，18歲la，終於18歲la，大個女la
祝歐小姐18歲生日快樂
　要日日都開開心心、快快樂樂
　魔術越玩越勁，工作順順利利
　壽司越食越多，感情事事開心
　當然唔少得愛情甜甜蜜蜜la \ ^O^ /
　最緊要當然仲有身體健康~

P.S. 多謝妳和家欣這一年來時常陪我，帶給我很多回憶，有開心的，有傷感的，無論如何看見妳們已經成長了不少(但高度方面... XD)，而我亦在妳們身上學習了很多，估不到妳們亦令我成長了(但當然我在高度方面亦... XDDD)，多謝，多謝妳們。希望我們永遠都是好好好好好朋友 ^^

因為放低了這個blog一排沒更新了，所以沒有在此和這三個月來生日的朋友說聲生日快樂。Sorry先，在此補數 XD
To一月的Apple，David，Kenny：
生日快樂，希望大家能身體健康，工作順利。
To二月的Kammy：
Happy B-day ^O^ 希望妳身體健康，工作順利，蜜運成功，甜甜蜜蜜，開開心心~

公司朋友的事、身邊朋友的事、感情事，所有事情都令我很煩惱。

冰封三尺，非一日之寒；
水滴石穿，非一日之功。

情人節晚所有事情應該都不關我的事，當晚亦因不關我的事而發怒。
以下是當Kenny知道後在blog中的回應：
Kenny The Lord - 為何而怒!?
事後本人很快已經冷靜下來，聽了各方朋友的說話，包括朋友、感情的事，其實事前已經聽了很多，以前的我對每種正面的意見都會作出回應，大家的意思我也明白，最後無論是口硬心軟好或是自己犯賤好，其實大家都不太明白。

無論如何，對於今次所有朋友或是感情的事我只作以下回應：
不再作任何回應
這就是我最後的回應

情人節快樂

--------------------------------------------------

情人節不快樂，25年一個人的情人節一點兒也不快樂。
我決定了下年不會再過第26年一個人的情人節。
方法只有兩個：
1. 下年情人節前找一個女朋友
2. 下年情人節前死

新年快樂 \ ^O^ / 在此祝願大家心想事成，身體健康 ^^

遲少少再說說新一年的願望

--------------------------------------------------

我最唔鍾意做一些"吃力不討好"的事情，但往往自己所做的不單不能討好，而且時常給人發泄對象，那"吃力"來甚麼？

(後按：我只想妳過得開心，如果我的出現使妳煩惱的話，我只好選擇離開。)

估唔到08年得番最後幾日竟然有咁大咁突然既收穫！我可以好肯定今日係在這間公司三年(過多大半個月就三年了)以來學得最多野既一日(或者係其中一日la) \^O^/ 話說呢幾個月以來我所做既project係Production(即是出街俾人用緊) environment有top SQL(即係行得最耐)係要做tuning，果句SQL行成個幾鐘 = =" 雖然果句SQL唔係我做，但成個sub team既Production support係我負責。我自己其實在tune SQL方面所認識的真係唔多(應該說係電腦方面所認識都唔多)，淨係知少少logic上的tuning同睇explain plan來tune SQL(都係識D好簡單的...)，所以今次呢D要識多少少深入既tuning技巧就真係見真章(者係搞唔掂la XD)，有見及此，老細俾左呢條難題俾各大高手tune，最後由大家都認同的高手Alfredo(外籍人士)在唔影響其logic下(一來佢都唔知背後既logic)係放假中(到下年先見到佢)用了一個大家識係我唔識既方法搞掂左 @@"

呢個方法就係Hint，我可能唔係無聽過，係聽過唔入腦加上無用過(其實Hint係好basic既tuning技巧囉，很慚愧 / \)。既然唔識就當然問下高手la，Alfredo放假，所以即刻去搵被external同事稱為Eric神既Eirc la，之所以被稱為神，因為佢由internal出左去external成年就係整SQL，尤其係主要做SQL tuning，一問之下佢原來成日用Hint @@" 佢仲好樂意教我實際應用既技巧，點用Hint，點睇explain plan，點樣tune，點睇database statistics，佢仲send左佢整既notes俾我添 ^^ 真係好勁，有D聽都未聽過既技巧...

我知道呢個世界高手同強者真係好多，Alfredo、Eric、小影同Kenny(這個...你覺得呢 XD?)等等，其實自從中四五開始就明白自己所識的好少，越學得多，就覺得自己越來越廢 @@" 我知道自己唔係一個好勤力既人，但在這一年最後幾日裏，除了定下了下年儲錢讀Master外，今日加多一個目標，下年要學多一點IT方面的知識，包括Oracle、點樣Tune SQL和仲有一些未學過既東西(e.g. Ruby)！

我知道有時候人就算再努力，沒有緣份和機會的話都不能成功做到所想的。其實一直以來我都好想親身去睇叱咤頒獎禮，但是以前沒有機會，不過今年有了ID咭而且多得各方人士取得足夠分數(其實已經可以換四張最前A區的門票，但今年每人只可以換兩張)，所以可以一試換唔換到叱咤的門票，我知道每年打電話去換票的人非常多，有些人有分年年都換唔到 > < 所以今朝起身(專登早點起身了)時已經有了心理準備換唔到飛 / \ 隨緣la~ 其實早於一個月前已經知道小Mike Mike佢有白金咭而且有足夠分數換飛，白金咭可以早一天換優先飛的，而我朋友唔介意幫我這個忙，多謝你呀(亦多謝咁多位"幫我手"的朋友 XD) >3< 但是他打了一朝都是打唔通，最後優先飛已經換完了...無論如何，非常感激這位朋友的幫忙，我亦知道今天會有幾大機會換到 / \ ...

但是世事的事真係好難講，今早是第一天全部人換最前A區的日子，我八點九已經返到公司準備打電話，仲用齊所有電話打。很幸運，九點前(換飛時間是九時正開始)竟然已經通了，很快便在九時正登記了 \ ^O^ / 個登記號碼仲要很前呢 ^^ 但是發現有趣的地方是...電話錄音竟然問我可以用另一張咭作換飛，這時候的我二話不說便用另一電話打電話給小Mike Mike問他拿資料作登記...點知成功喎 XDDD 怪唔知咁難打電話和咁快會換哂la，原來一個電話可以無限登記唔同既咭，只要齊集朋友們的咭資料加上一個打通既電話全世界都換到 XD 無論如何大家開心la ^^

剛回家上Facebook發現原來很多朋友今日都想換，但是打了兩三個鐘都換唔到，有朋友亦說他年年有分數，但咁多年都打唔通......原來我咁好彩，既然咁難得，今年我一定會親身去一次(有朋友問我讓唔讓飛添，而網上炒到三千蚊兩張)！問題係另一張飛呢？緣份已經有了，只差有人賞唔賞面者~~~ ^^

既然大家都咁想要飛，所以決定搵齊聽日和後日想換飛的朋友一齊打電話換先，咁多個人打希望有一個人打通la。

(12月5日後按：全部失格 OTL 咁多人打成兩三個鐘都唔得...如果唔係我第一日打通左都唔知佢個電話號碼係唔係錯既...)