麥田秋秋

上次小鹿斑比同學叫我professor怪，澄清一下，我從來無話過自己係professor，只係一個凳鄧登，想同大家分享一些學習的心得而已。

嗯嗯...就是這樣...
正所謂「一理通，百理明」。擔水砍柴，也是悟道。今次同大家研究如何----剪你個頭!!!!

1. 飛髮一定要有信心，舉手不回，大刀闊斧。如果沒有信心，驚剪衰，就沒有辦法剪。左度右度，「咦...左邊好似短左d喎...」唯有剪下右邊，輪到右邊短左d，又剪下左邊...大家都知結果會點...

2. 對待畫紙如己出之頭髮，需然剪衰左，都會再生返，但你唔會攞自己個頭較飛，小心每一步，不想有行差踏錯，因為每一步都會留下不可磨滅的痕跡。

3. 「工欲善其事，必先利其器」，可是我只有一把文具較剪。買飛髮較剪，固然可以剪靚一些，金較剪都有，可是...有時d野就係咁(你明啦)...我唔敢話技術可以補救，但是其實...套用徐氏3家姐一句:「都係平剪0者...」嗯嗯...

4. 想第一次剪就剪到好似出街剪咁，係無可能的。平時要多搵d朋友練習，研究研究。可是...咁點解唔索性出街剪呢？原因不用多講，因為唔想被人搞到變左MK，比個3唔識7人同你懶熟咁問你「讀書定做野呀睇唔出喎讀XX出來係做咩架......不如做color染金毛丫？唔想染？點解呀？比個discount你丫...不如電髮丫....仲剪？仲剪成個男仔咁架喇播...」

5. 無可否認，你搞到自己好樣衰，但無論點都係你自己搞出來的...無得怨人......結果係唔重要(就假)，當中的悲慘教訓，非當事人不能了解。好心人會話...「唔係丫，幾好丫」...如果你信左就大鑊喇。

6. 層次。要順著頭型和頭髮生長的方向來剪，每個人的髮質、硬度都唔同，也是最好玩的地方。熟習了之後可以大膽嘗試，創造獨一無二的髮型。

7. 慳返舊水用來買筆。











(完)


p.s.因為太樣衰，麥同學應該有排都唔會同大家見面。

原來，這不是一個愛情故事。