September 19,2006
2005年中國十強縣市區
中國上好額的所在，“全國十強縣市”，江蘇省 上第一（siāng-tē-it） 排址（pâi-chí），佔6成咔加；chhun 的，照原互老牌的廣東省佮浙江省 hô·-hô· 去。外電報導：9月18號，佇荣成（地號）召开“2006中国发达县域经济论坛”，宣佈舊年（2005年）中國十强縣市評選的結果。因為出現並列情況，“十強”實際來講有11个縣（市、區）上榜(chiūⁿ-pńg)。其中，江蘇省上排址，攏總11席，in 佔去7席，算講連sòa兩三年攑頭旗。Ah nā 即擺照原搶無著頭香的老字號——廣東省，會使講是“輸儂呣輸陣”，好歹嘛猶佫tio̍h兩个名额。Hām 廣東省 sio-siâng 佔兩席的省份是浙江省，不而過 in 的排名略仔有咔輸面淡薄。
即11个縣市區，taⁿ 按排名前後的次序，數个（siàu-ê）唸互逐个知：江蘇省昆山市、廣東省順德區、江蘇省張家港市、江蘇省江陰市、廣東省南海區、江蘇省常熟市、浙江省蕭山區、江蘇省武進區、江蘇省太倉市（並列：江蘇省吳江市）、浙江省紹興縣。
聽咧講，2005年十強縣市區，人均GDP是6萬6千箍（人民幣）；人均地方財政收入卜倚（beh oá）4000箍（人民幣）。Nā照人均GDP來看，十强縣（市、區）的經濟發展水平即陣soah贏過京（北京）、津（天津）、沪（上海）chiah-ê直轄市城區的平均水平。十強縣（市、區）農民人均純收入是8663箍（人民幣），ah nā城鎮有頭路的職工，人均年薪收入達到2萬4千箍人民幣。In講，照比並（pí-phēng），即款的生活條件，比起中等發達國家是有咔贏，無咔輸。
即11个縣市區，taⁿ 按排名前後的次序，數个（siàu-ê）唸互逐个知：江蘇省昆山市、廣東省順德區、江蘇省張家港市、江蘇省江陰市、廣東省南海區、江蘇省常熟市、浙江省蕭山區、江蘇省武進區、江蘇省太倉市（並列：江蘇省吳江市）、浙江省紹興縣。
聽咧講，2005年十強縣市區，人均GDP是6萬6千箍（人民幣）；人均地方財政收入卜倚（beh oá）4000箍（人民幣）。Nā照人均GDP來看，十强縣（市、區）的經濟發展水平即陣soah贏過京（北京）、津（天津）、沪（上海）chiah-ê直轄市城區的平均水平。十強縣（市、區）農民人均純收入是8663箍（人民幣），ah nā城鎮有頭路的職工，人均年薪收入達到2萬4千箍人民幣。In講，照比並（pí-phēng），即款的生活條件，比起中等發達國家是有咔贏，無咔輸。
March 21,2006
破空 傷大 補bōe離， 專家 建議 tàn IE
http://tech.163.com 2006-03-21 09:17:08 消息源頭: 驱动之家(郑州)上新的網路安全通告講，佫再發現著MS（微軟） IE瀏覽器存在一个真正嚴重的破空。報導透露講，目前針對即个危險漏洞的「概念驗證型代碼」嘛已經出來囉，並且真簡單著 聽好（thèng-hó） 互 IE 神魂四散、死kah硬硬，用戶 准講 是 kā Windows XP SP2 提前注射預防（拍補丁）嘛共款無咔choa̍h。
安全研究人士Michal Zalewski透露講，即个破空出現佇MSHTML格式庫 當中。攻擊者 會當製造一个特殊的HTML標簽，當中有帶著大量需要處理的腳本（kioh-pún），一旦用戶無細膩去訪問著有帶即款標簽的夭壽網站，安呢，IE著會因為緩沖溢出，soah 接載(chih-chài) bōe-tiâu，最後 lian--去。
Zalewski猶佫講，Firefox佮Opera chiah-ê其它品牌的瀏覽器攏無即款問題。伊暗示網路用戶考慮放捒IE。
Symantec佇伊的DeepSight病毒威脅管理系統當中，已經確定即種「概念驗證型代碼」確實會當佇某種情形之下，送IE去見閻羅王，雖然即款的情形呣是逐擺攏發生。McAfee嘛公佈了一个新的簽名，會當檢測著即種代碼。
Symantec嘛警告講，問题可能呣kan-na是浏览器lian--去chiah簡單niā。現子時，in猶佫咧做進一步的調查，目的是卜瞭解講 導致即種惡意代碼運行的機率有偌懸。
目前，MS公司並無隨做出回應，嘛呣知影 下月日 掠漏（lia̍h-lāu），是呣是 會 順sòa 發佈 相關 的 安全補丁。
October 21,2005
小泉拜鬼，中國有好無bái
小泉 照时照顿 去咧 拜鬼，诚侪 中国侬 气kah phut-phut-tiô，一腹火 强beh 忍 bōe 落来。我讲中国侬实际免hiah紧张，若会当暂时先将道义放一边，换一个角度，泠静来看待小泉即出小鬼仔步，形势 hoān势 soah拢变倒过来，变kah对中国真有利。敢有影安呢？看māi 汝着知：
日本军国主义阴魂不散，着若像「互汝跋倒」（哈利伯特）即出故事内面 hit箍 伏地魔，不管时着咧走找机会，数想beh借尸还魂。侪年来，关于日本政客朝拜靖国神社的问题，一直是东亚地区和平佮安定的一粒定时炸弹。Nā即点，中、韓、朝三国拢诚清楚，呣佫世界真侪国家拢看无、想无。即摆，好佳哉 是 日本仔数想beh做联合国常任理事，想kah beh起痟，又佫车盘hiah-nī thiám，才来引起中朝韩三国民众强烈反弹，几落千万侬相争签名顿印起抗争，着是安呢，世界才通了解日本万恶、卑耻的真面腔，才通了解日本侬无影咧改过自新。即mái 拄好遘kah世界各国纪念反法西斯战争60周年的流摆，iah日本侬偏偏beh伫咧即款敏感时期硬斗拜神祭鬼。中国 本成 有空着咧找无榫啊，即摆拄好趁着机会，顺sòa无加工，tiàm联大kā修理理的，tu̍h一个互去哀父叫母。这敢讲呣是好代誌？Iah nā即阵，上无， 白当大日 无侬敢讲日本政府拜靖国绝对hām往早罪恶的历史无牵碍。会用讲，中国阻挡日本入常，不但代表着本国佮侪侪厝边国家的民意，又佫是有效来约束着日本国内愈来愈chhàng鬚的军国主义。中国即mái手头攑的即叢旗，讲咔水气的，he是表示讲咱全心全意咧维护反法西斯战争的胜利成果，咧维护联合国的宪章，咧保卫地区佮全世界的和平！咱是咧替天公伯维护正义！这叢旗当然嘛嗳攑，攑愈悬愈好。
即叢旗，着亲像照妖镜，呣管伊日本仔道行偌悬，见着镜总是嗳现原形。伫国际场合，面对着正义的压力，碍膦 kah 无天无地的日本仔——小泉，孤不而将 嘛着嗳 假空 道歉 会失礼。伊nā 假忏悔、假收骹洗手，暗静咧招兵买马，只要中国chang bōe着尾，找无借口，结果嘛是无伊法。不而过，伊偏偏着是bōe忍性，生成着是chiah hiau-pai 兼 碍膏，昨日拄才会失礼niâ，今仔日随反面 佫再 去咧 拜鬼。小泉稳当想讲，好啦，有心beh chhiâu 着咔大摊的，伤 sán摊 是 歹看相。这着是日本仔的传统。安呢当然真好，证明伊小泉进前的道歉拢是咧搬戏讲鬼话。像即款讲一套做一套，敢做呣敢担当的国家，中国当然bōe使 互伊做常任理事。
小泉定著有伊家己的借口——横直中日关系嘛无可能变kah真好，ah我小泉做好做歹拢无啥要紧。小泉 即个 侬 nā准 无 阴琛，我看伊 定著 是 一条肠仔thàng尻川——直lòng-sòng，伊佮 hit阵（tīn） 右翼死党 可能犹佫无想着安呢的一条道理：虽然“bōe真好”，不过嘛无一定会变“真害”。Ah事实上，中日关系恶化对日本造成的伤害hoān-sè咔大过中国。现白讲啦，伊小泉一再chhōa头去kā 战犯亡魂磕头（kha̍p-thâu），中国靳膦（gīn-lān）歸靳膦，实际根本嘛无损失着啥货，iah汝日本咧？日本自战後遘今（kàu taⁿ）thūn几落萬億美金，嘛 了60外年的时间，真无简单才伫国际上chhāi即支「正面招牌」，soah为着汝小泉一时的愚图（gû-tû）佮莽撞（bóng-chōng）来毁毁掉。这叫做「造铳拍家己」，中国实在应该替伊感觉欢喜，呣好挡伊。像即款出头，舞愈侪摊是愈好，对中国加真有利。
中国 即阵 thèng好 放心仔修理日本：阻挡伊「入常」、mài佮伊谈东海问题（时机未遘，谈 嘛是无彩工）、六方会谈的时mài佮伊协调（nā谈无结果，thèng好 使弄 美国去找伊 出水）、拒绝高层会晤、使弄朝韩佮伊 对khia̍t……横直，伊nā一工呣改邪归正，咱着永远mài佮伊好。中国现阶段beh出招，步数是真侪，政治、经济拢免靠伊。想beh找中国的麻烦，恐惊是找呣着时阵囉。
中国永远嗳会记得：呣通想讲日本即mài无做歹，着来奖赏伊。一定嗳等遘伊真心悔改，表现良好，才通hiù一枝骨头互伊囓。小泉为着即摆谈判，kán-ná有心beh格屎，按算讲beh用停止拜鬼来交换东海利益，或者要求中国 手势攑悬 放伊 入常过关。小泉会安呢考虑，并呣是完全无根据，因为咱中国自来oân-á诚糊涂，捌算呣捌除，常在咧食chit-lō亏。
日本侬 生成 鸡仔肠、鸟仔肚，爱小贪、爱计较，nā讲起外交，实在是 顸颟 kah 准ná 牛。Tng-tang时，想beh 讨 北方四岛，看着 俄国侬 bōe-giàn，伊soah提出八项条件，想讲安呢做 上起码 会当 保tiâu 四项……这实在会互侬笑死。M̄-nā安呢niā，汝看伊beh拼「入常」进前，开钱ná liah纸，银票（纸字）sì-kòe掖；不而过，一下看见无望，赶紧喝讲beh来减会费……按头遘尾，着ná像戏棚顶的小醜仔。中国对付日本的策略，上好上好是嗳定定kā使弄、kā刺激，互伊加做一寡戆代誌，呣免佮伊对面起冲突，佫咔呣通佮伊咧军事对抗。
中国的外交官，脑筋实在呣好 缚緪緪（pa̍k ân-ân）！
日本军国主义阴魂不散，着若像「互汝跋倒」（哈利伯特）即出故事内面 hit箍 伏地魔，不管时着咧走找机会，数想beh借尸还魂。侪年来，关于日本政客朝拜靖国神社的问题，一直是东亚地区和平佮安定的一粒定时炸弹。Nā即点，中、韓、朝三国拢诚清楚，呣佫世界真侪国家拢看无、想无。即摆，好佳哉 是 日本仔数想beh做联合国常任理事，想kah beh起痟，又佫车盘hiah-nī thiám，才来引起中朝韩三国民众强烈反弹，几落千万侬相争签名顿印起抗争，着是安呢，世界才通了解日本万恶、卑耻的真面腔，才通了解日本侬无影咧改过自新。即mái 拄好遘kah世界各国纪念反法西斯战争60周年的流摆，iah日本侬偏偏beh伫咧即款敏感时期硬斗拜神祭鬼。中国 本成 有空着咧找无榫啊，即摆拄好趁着机会，顺sòa无加工，tiàm联大kā修理理的，tu̍h一个互去哀父叫母。这敢讲呣是好代誌？Iah nā即阵，上无， 白当大日 无侬敢讲日本政府拜靖国绝对hām往早罪恶的历史无牵碍。会用讲，中国阻挡日本入常，不但代表着本国佮侪侪厝边国家的民意，又佫是有效来约束着日本国内愈来愈chhàng鬚的军国主义。中国即mái手头攑的即叢旗，讲咔水气的，he是表示讲咱全心全意咧维护反法西斯战争的胜利成果，咧维护联合国的宪章，咧保卫地区佮全世界的和平！咱是咧替天公伯维护正义！这叢旗当然嘛嗳攑，攑愈悬愈好。
即叢旗，着亲像照妖镜，呣管伊日本仔道行偌悬，见着镜总是嗳现原形。伫国际场合，面对着正义的压力，碍膦 kah 无天无地的日本仔——小泉，孤不而将 嘛着嗳 假空 道歉 会失礼。伊nā 假忏悔、假收骹洗手，暗静咧招兵买马，只要中国chang bōe着尾，找无借口，结果嘛是无伊法。不而过，伊偏偏着是bōe忍性，生成着是chiah hiau-pai 兼 碍膏，昨日拄才会失礼niâ，今仔日随反面 佫再 去咧 拜鬼。小泉稳当想讲，好啦，有心beh chhiâu 着咔大摊的，伤 sán摊 是 歹看相。这着是日本仔的传统。安呢当然真好，证明伊小泉进前的道歉拢是咧搬戏讲鬼话。像即款讲一套做一套，敢做呣敢担当的国家，中国当然bōe使 互伊做常任理事。
小泉定著有伊家己的借口——横直中日关系嘛无可能变kah真好，ah我小泉做好做歹拢无啥要紧。小泉 即个 侬 nā准 无 阴琛，我看伊 定著 是 一条肠仔thàng尻川——直lòng-sòng，伊佮 hit阵（tīn） 右翼死党 可能犹佫无想着安呢的一条道理：虽然“bōe真好”，不过嘛无一定会变“真害”。Ah事实上，中日关系恶化对日本造成的伤害hoān-sè咔大过中国。现白讲啦，伊小泉一再chhōa头去kā 战犯亡魂磕头（kha̍p-thâu），中国靳膦（gīn-lān）歸靳膦，实际根本嘛无损失着啥货，iah汝日本咧？日本自战後遘今（kàu taⁿ）thūn几落萬億美金，嘛 了60外年的时间，真无简单才伫国际上chhāi即支「正面招牌」，soah为着汝小泉一时的愚图（gû-tû）佮莽撞（bóng-chōng）来毁毁掉。这叫做「造铳拍家己」，中国实在应该替伊感觉欢喜，呣好挡伊。像即款出头，舞愈侪摊是愈好，对中国加真有利。
中国 即阵 thèng好 放心仔修理日本：阻挡伊「入常」、mài佮伊谈东海问题（时机未遘，谈 嘛是无彩工）、六方会谈的时mài佮伊协调（nā谈无结果，thèng好 使弄 美国去找伊 出水）、拒绝高层会晤、使弄朝韩佮伊 对khia̍t……横直，伊nā一工呣改邪归正，咱着永远mài佮伊好。中国现阶段beh出招，步数是真侪，政治、经济拢免靠伊。想beh找中国的麻烦，恐惊是找呣着时阵囉。
中国永远嗳会记得：呣通想讲日本即mài无做歹，着来奖赏伊。一定嗳等遘伊真心悔改，表现良好，才通hiù一枝骨头互伊囓。小泉为着即摆谈判，kán-ná有心beh格屎，按算讲beh用停止拜鬼来交换东海利益，或者要求中国 手势攑悬 放伊 入常过关。小泉会安呢考虑，并呣是完全无根据，因为咱中国自来oân-á诚糊涂，捌算呣捌除，常在咧食chit-lō亏。
日本侬 生成 鸡仔肠、鸟仔肚，爱小贪、爱计较，nā讲起外交，实在是 顸颟 kah 准ná 牛。Tng-tang时，想beh 讨 北方四岛，看着 俄国侬 bōe-giàn，伊soah提出八项条件，想讲安呢做 上起码 会当 保tiâu 四项……这实在会互侬笑死。M̄-nā安呢niā，汝看伊beh拼「入常」进前，开钱ná liah纸，银票（纸字）sì-kòe掖；不而过，一下看见无望，赶紧喝讲beh来减会费……按头遘尾，着ná像戏棚顶的小醜仔。中国对付日本的策略，上好上好是嗳定定kā使弄、kā刺激，互伊加做一寡戆代誌，呣免佮伊对面起冲突，佫咔呣通佮伊咧军事对抗。
中国的外交官，脑筋实在呣好 缚緪緪（pa̍k ân-ân）！
October 18,2005
小泉拜鬼，中日緊張
昨昏，中国為着日本首相小泉纯一郎佫一摆参拜靖国神社做出强烈的反应，外交部长李肇星紧急召见日本驻华大使表示严厉的谴责；这以外，原底按算beh坫北京举行的朝核问题协商嘛随取消去。
李肇星昨昏下晡紧急召见日本驻华大使阿南惟茂，向伊表达中国政府对小泉纯一郎参拜靖国神社的不满佮抗议。
李肇星说，“伫咧近代历史上，日本军国主义对中国人民的伤害第一深、第一重”，小泉纯一郎“甘愿将数十年来两国侪侪先辈为着中日友好事业所拼来的、所粒积的成果矴擜捒（tàn-hì-sak），硬斗beh行即条错误又佫危险的路，这真正互侬感觉愤怒，互侬无法度吞忍。”
李肇星警告讲：“小泉首相著嗳敢做敢当，嗳对家己的错误，佮所造成的严重政治后果承担全部的责任。”
日本驻华大使馆发言人昨昏讲，原底定伫咧北京举行的中日外交部关于朝鲜核问题的协商已经取消，参加协商的日本外交部亚洲大洋洲局局长佐佐江贤一郎已经离开北京倒转去日本。
即位发言人并无说明协商因何来取消，不而过分析人士认为，这明显是中国对着小泉纯一郎参拜靖国神社采取的报复措施。
日本驻华大使馆昨昏发出一份警告，苦劝hiah-ê蹛伫中国国内的日本侬，若看有中国侬咧集会，上好mài近倚，嗳知通徛咔远的，咔bōe去踏着铳子。
昨昏下晡，北京几落个民间团体，拢总派十外外名代表，来遘日本驻大华使馆的门骹口咧抗议，抗议小泉参拜靖国神社。北京警方是惊kah六六七，大气喘bōe离。
研究中日关系的中国学者讲，为着小泉纯一郎即摆参拜靖国神社，近期内中日之间的政治关系beh改善基本是无望，中国也无可能佫chhām小泉政府讨论如何恢复双方高层交往的话题，中国甘愿将改善两国关系的希望寄伫小泉的接班侬身上(sin--siōng)，也着是下一届的日本政府。
中国社科院日本研究所对外关系研究室主任金熙德伫咧接受访问的时表示讲，本然中日高层交流的气氛着无kài好，iah即摆小泉佫再参拜靖国神社，会用讲是「燃柴添火着」，愈舞愈大空。伊嘛认为讲，近期内中日关系无啥有可能改善。
金熙德主任佫讲，小泉纯一郎从（chêng）做着日本首相了后，先后伫「靖国神社」、「历史教科书」、「东海问题」、「台湾问题」等等chiah-ê中日敏感问题顶面直直来咧剌激中国，数想beh用伊个人的意愿来改变即30外年来 一寡仔 两国拢chiâu有承认的共识。不而过，从遘今（chêng-kàu-taⁿ)，中国根本无法度，嘛无可能接受伊的所作所为。
面对着国际的压力，面对着国内一半咔加的民众咧反对，小泉 因何 佫beh chiah gâi-ko，照原逐年去拜神社咧？金熙德主任分析讲，小泉主要是考虑着百年后伊本侬伫日本历史上的地位佮名声，「侬死留名，虎死留皮」，伊安呢逐年去拜，作为一种“政绩”来讲，会通永远记入历史，成做日本右翼信徒心目中的万代英雄。
李肇星昨昏下晡紧急召见日本驻华大使阿南惟茂，向伊表达中国政府对小泉纯一郎参拜靖国神社的不满佮抗议。
李肇星说，“伫咧近代历史上，日本军国主义对中国人民的伤害第一深、第一重”，小泉纯一郎“甘愿将数十年来两国侪侪先辈为着中日友好事业所拼来的、所粒积的成果矴擜捒（tàn-hì-sak），硬斗beh行即条错误又佫危险的路，这真正互侬感觉愤怒，互侬无法度吞忍。”
李肇星警告讲：“小泉首相著嗳敢做敢当，嗳对家己的错误，佮所造成的严重政治后果承担全部的责任。”
日本驻华大使馆发言人昨昏讲，原底定伫咧北京举行的中日外交部关于朝鲜核问题的协商已经取消，参加协商的日本外交部亚洲大洋洲局局长佐佐江贤一郎已经离开北京倒转去日本。
即位发言人并无说明协商因何来取消，不而过分析人士认为，这明显是中国对着小泉纯一郎参拜靖国神社采取的报复措施。
日本驻华大使馆昨昏发出一份警告，苦劝hiah-ê蹛伫中国国内的日本侬，若看有中国侬咧集会，上好mài近倚，嗳知通徛咔远的，咔bōe去踏着铳子。
昨昏下晡，北京几落个民间团体，拢总派十外外名代表，来遘日本驻大华使馆的门骹口咧抗议，抗议小泉参拜靖国神社。北京警方是惊kah六六七，大气喘bōe离。
研究中日关系的中国学者讲，为着小泉纯一郎即摆参拜靖国神社，近期内中日之间的政治关系beh改善基本是无望，中国也无可能佫chhām小泉政府讨论如何恢复双方高层交往的话题，中国甘愿将改善两国关系的希望寄伫小泉的接班侬身上(sin--siōng)，也着是下一届的日本政府。
中国社科院日本研究所对外关系研究室主任金熙德伫咧接受访问的时表示讲，本然中日高层交流的气氛着无kài好，iah即摆小泉佫再参拜靖国神社，会用讲是「燃柴添火着」，愈舞愈大空。伊嘛认为讲，近期内中日关系无啥有可能改善。
金熙德主任佫讲，小泉纯一郎从（chêng）做着日本首相了后，先后伫「靖国神社」、「历史教科书」、「东海问题」、「台湾问题」等等chiah-ê中日敏感问题顶面直直来咧剌激中国，数想beh用伊个人的意愿来改变即30外年来 一寡仔 两国拢chiâu有承认的共识。不而过，从遘今（chêng-kàu-taⁿ)，中国根本无法度，嘛无可能接受伊的所作所为。
面对着国际的压力，面对着国内一半咔加的民众咧反对，小泉 因何 佫beh chiah gâi-ko，照原逐年去拜神社咧？金熙德主任分析讲，小泉主要是考虑着百年后伊本侬伫日本历史上的地位佮名声，「侬死留名，虎死留皮」，伊安呢逐年去拜，作为一种“政绩”来讲，会通永远记入历史，成做日本右翼信徒心目中的万代英雄。
October 15,2005
《讀賣新聞》社論呼籲日本政府檢討太空戰略
2005年10月12號中國成功發射「神舟六號」太空飛船，隔轉日，日本《讀賣新聞》隨發表社論講，中國的航天科技當咧快速發展，並且已經取得了真大真好的成就；講日本過去確實傷過看輕中國強大的科技實力，（日本）佇航天領域已經輸中國輸足儕足儕。
中國航天科技發展有夠緊
社論講，神舟六號上天，將beh佇太空踅5工的時間，並且佇hia做一寡生物實驗佮其它方面的實驗。中國航天科技近年來進展誠緊，顯示中國當咧一步一步落實全方位的太空計劃，並且愈行愈步在。
佮2003年「神舟五號」無共款的著是，即擺神舟六號將beh佇太空進行某寡技術的測試，目的是保障中國航天員會通佇太空停留咔久的時間。社論講，按即陣開始遘kah兩年後，中國將beh按計劃實現航天員佇外太空kiâⁿ-sóa，也著是佇太空飛船外口活動；這以外，此去中國佫按算beh起太空實驗室；利用當咧研究的大功率火箭，建造家己的太空站。
日本低估中國科技實力
社論講，hiah-ê關注中國太空科技的日本官員確實是傷過看輕中國佇即方面的實力。進前，日本的專家透底認為講，中國制造航天飛船攏是靠俄羅斯的技术援助，認為中國的力草猶未夠，猶佫誠幼chíⁿ。
不而過，發展太空的國際環境，咧變化實在真緊。進前有俄國、有美國，即陣佫加一个中國，整個的局面soah變kah加真多元。中國航天科技的發展，定著會提懸中國佇亞洲地區的影響力。
日本tè bōe著中國，輸中國輸真thiám
社論講，中國發展太空科技，穩當會hām軍事牽牽做一下，美國嘛煩惱中國一旦建造空間站會引發「國際安全問題」。呣佫，北京已經明確表示講，中國發展太空的目的是為著「和平」咧考慮。
日本希望會當利用家己研製H2-A運載火箭發射人造衛星，呣佫，H2-A佮中國的火箭相比確實輸真儕真儕。日本航天科技支柱産品的能力，實在互儂感覺真懷疑、嘛真煩惱。日本政府該當徹底來檢討太空戰略，重新考慮beh如何走chhē太空發展方面的國際合作。不而過，遘taⁿ，日本國內並無hit-lō討論太空戰略的組織。
ps.原文（華文）——《日本:低估中国强大实力 日须检讨太空战略》（新加坡《联合早报》）
中國航天科技發展有夠緊
社論講，神舟六號上天，將beh佇太空踅5工的時間，並且佇hia做一寡生物實驗佮其它方面的實驗。中國航天科技近年來進展誠緊，顯示中國當咧一步一步落實全方位的太空計劃，並且愈行愈步在。
佮2003年「神舟五號」無共款的著是，即擺神舟六號將beh佇太空進行某寡技術的測試，目的是保障中國航天員會通佇太空停留咔久的時間。社論講，按即陣開始遘kah兩年後，中國將beh按計劃實現航天員佇外太空kiâⁿ-sóa，也著是佇太空飛船外口活動；這以外，此去中國佫按算beh起太空實驗室；利用當咧研究的大功率火箭，建造家己的太空站。
日本低估中國科技實力
社論講，hiah-ê關注中國太空科技的日本官員確實是傷過看輕中國佇即方面的實力。進前，日本的專家透底認為講，中國制造航天飛船攏是靠俄羅斯的技术援助，認為中國的力草猶未夠，猶佫誠幼chíⁿ。
不而過，發展太空的國際環境，咧變化實在真緊。進前有俄國、有美國，即陣佫加一个中國，整個的局面soah變kah加真多元。中國航天科技的發展，定著會提懸中國佇亞洲地區的影響力。
日本tè bōe著中國，輸中國輸真thiám
社論講，中國發展太空科技，穩當會hām軍事牽牽做一下，美國嘛煩惱中國一旦建造空間站會引發「國際安全問題」。呣佫，北京已經明確表示講，中國發展太空的目的是為著「和平」咧考慮。
日本希望會當利用家己研製H2-A運載火箭發射人造衛星，呣佫，H2-A佮中國的火箭相比確實輸真儕真儕。日本航天科技支柱産品的能力，實在互儂感覺真懷疑、嘛真煩惱。日本政府該當徹底來檢討太空戰略，重新考慮beh如何走chhē太空發展方面的國際合作。不而過，遘taⁿ，日本國內並無hit-lō討論太空戰略的組織。
ps.原文（華文）——《日本:低估中国强大实力 日须检讨太空战略》（新加坡《联合早报》）
October 14,2005
日本驚中國愈粗勇，家己愈無蹦（注1）
因為中國咧發展實在真緊，進前日本已經為著中國來改變地緣戰略，即擺連國內的政治趨勢嘛受著中國的影響。對日本來講，自1990年出現泡沫經濟過後，十幾年來，伊上煩惱的著是即个厝邊一工一工咧轉大。
Khêng實互日本儂感到第一煩惱的，呣是中國目前的政治、經濟佮軍事實力。Beh講經濟，現子時 中國對日本並無形成明顯的威協，顛倒是兩國之間的互補愈來愈明顯，汝共看：日本的優勢在電子産品、工程技術佮汽車工業；ah nā中國的優勢是hiah-ê勞力成本咔kē的加工製造業。韓國一寡仔一粒一的跨國公司才是日本真正的對手。Nā高科技即方面，中國對日本的競爭猶比bōe過意大利（義大利）。
真正的威協，呣是即陣，是未來。假使中國的經濟、軍事實力照目前的速度發展落去，免30年，中國著有能力去影響整個的亞洲。遘hit陣仔，其它的亞洲國家定著會相爭來佮中國結緣，ah中國著有能力成做全亞洲的主裁，包括能源、貿易、投資、環境佮區域安全。
Ah nā安呢，是定著會去傷著日本儂的民族自尊，佫會嚴重阻礙日本的國家利益。因為日本的野心著是beh做全亞洲唯一又佫永遠的主裁。所以，日本儂才會煩惱kah……最近，日本國內支持右翼勢力的儂愈儕，排華的聲勢嘛愈大。
不而過，日本今後正確的外交政策應該是加去參與一寡區域性的組織。設使中國的經濟愈來愈強勢，安呢日本著無機會佫佇咧即个地區做頭。呣佫，即款的競爭，對中日兩國來講攏呣是好代誌，造成的後果可能會真嚴重。日本上好的戰略是利用區域性的協議佮條約來分散中國的影響力，運用一種框架規則佮秩序來約束國家之間的合作。安呢嘛有助日本佮其他亞洲國家建立同盟的關係。
「小泉首相上任遘taⁿ，堅決支持美國，加強日美關係，主張強化『東亞共同體』，主張東亞國家佇安全佮經濟領域加強合作。即兩條政策是thèⁿ起日本安全戰略的兩叢大柱。」東京大學東洋文化研究所所長田中明彥是安呢講的。
假使日後亞洲地區會出現親像歐盟即款的組織，hit時，日本肯定無願意互中國唱主角。過去，見nā講著日本，定定會互儂想起德國，因為怹攏是二戰時期的戰敗國。不而過實際上，日本的情況顛倒咔siâng英國，因為怹平平攏是美國的盟友。有噹時仔，日本佮美國的關係甚至佫比厝邊國家咔bā斗。呣佫，佇未來即數十年內，日本hoān-sè著噯斟酌去研究法國成功的經驗。法國佇歐盟內底，為著防止「互儂放bōe記」，往往噯倚靠各種的協議來達著目的，siâng時佫會通提懸國際地位佮名望。
ps. 原文（華文）登佇《经济学家》(2005.10.6)，標題《新东亚旧宿敌》，董国明译；荆楚新闻网（中国）、联合早报（新加坡）轉載
〖添注〗1．無蹦：bô-peⁿ，佮儂無tè比，bōe比並。
Khêng實互日本儂感到第一煩惱的，呣是中國目前的政治、經濟佮軍事實力。Beh講經濟，現子時 中國對日本並無形成明顯的威協，顛倒是兩國之間的互補愈來愈明顯，汝共看：日本的優勢在電子産品、工程技術佮汽車工業；ah nā中國的優勢是hiah-ê勞力成本咔kē的加工製造業。韓國一寡仔
真正的威協，呣是即陣，是未來。假使中國的經濟、軍事實力照目前的速度發展落去，免30年，中國著有能力去影響整個的亞洲。遘hit陣仔，其它的亞洲國家定著會相爭來佮中國結緣，ah中國著有能力成做全亞洲的主裁，包括能源、貿易、投資、環境佮區域安全。
Ah nā安呢，是定著會去傷著日本儂的民族自尊，佫會嚴重阻礙日本的國家利益。因為日本的野心著是beh做全亞洲唯一又佫永遠的主裁。所以，日本儂才會煩惱kah……最近，日本國內支持右翼勢力的儂愈儕，排華的聲勢嘛愈大。
不而過，日本今後正確的外交政策應該是加去參與一寡區域性的組織。設使中國的經濟愈來愈強勢，安呢日本著無機會佫佇咧即个地區做頭。呣佫，即款的競爭，對中日兩國來講攏呣是好代誌，造成的後果可能會真嚴重。日本上好的戰略是利用區域性的協議佮條約來分散中國的影響力，運用一種框架規則佮秩序來約束國家之間的合作。安呢嘛有助日本佮其他亞洲國家建立同盟的關係。
「小泉首相上任遘taⁿ，堅決支持美國，加強日美關係，主張強化『東亞共同體』，主張東亞國家佇安全佮經濟領域加強合作。即兩條政策是thèⁿ起日本安全戰略的兩叢大柱。」東京大學東洋文化研究所所長田中明彥是安呢講的。
假使日後亞洲地區會出現親像歐盟即款的組織，hit時，日本肯定無願意互中國唱主角。過去，見nā講著日本，定定會互儂想起德國，因為怹攏是二戰時期的戰敗國。不而過實際上，日本的情況顛倒咔siâng英國，因為怹平平攏是美國的盟友。有噹時仔，日本佮美國的關係甚至佫比厝邊國家咔bā斗。呣佫，佇未來即數十年內，日本hoān-sè著噯斟酌去研究法國成功的經驗。法國佇歐盟內底，為著防止「互儂放bōe記」，往往噯倚靠各種的協議來達著目的，siâng時佫會通提懸國際地位佮名望。
ps. 原文（華文）登佇《经济学家》(2005.10.6)，標題《新东亚旧宿敌》，董国明译；荆楚新闻网（中国）、联合早报（新加坡）轉載
〖添注〗1．無蹦：bô-peⁿ，佮儂無tè比，bōe比並。
September 15,2005
千金買厝，萬金買厝邊
三不五時，看見一寡中國ê網民佮對岸ê網民佇網頂咧冤（像這、這、這……），透底是為著政治信念無共款，見擺戰kah烏煙乒乓①，刣kah血流血滴……看著實在真艱苦，心肝頭久久攏bōe快活。
進前，家己直直咧強調講無beh póe會（póe-hōe） 政治，嘛罕得坫家己ê Blog議論政治（有是有，無儕啦，涉及中台關係ê，佫咔是少）。Soah呣知影即个世界本底著是hiah-nī仔狹②，愈驚愈著骹脊骿③，愈無合意ê代誌，串串④定定會拄著。
政見無siâng，信念無siâng，信仰無siâng，人生ê態度嘛無siâng。汝有汝ê想法，我有我ê看法，實在無必要強求逐个攏sio-siâng。不而過，雖然想法無siâng，若是逐个攏會當互相尊重、互相體諒，凡勢即个世界著無hiah-nī儕拗橫⑤佮抗爭，社會嘛會 加咔 安和樂利。
做呣著代誌，噯有擔當ê勇氣；講呣著話，噯知通檢討家己。儂講「是呣是，罵家己」，各儂若會當退讓一步，著無hiah-nī儕 銃煙 佮 火藥味。
即mái 有寡仔中國儂有夠 無路幹⑥，khang-khè呣去做，規工 食飽閒閒 四界趖，beh 去插⑦儂ê閒仔代，煩惱儂「建國」、煩惱儂「加入聯合國」、煩惱儂「選總統」……Kâng管hiah儕 beh乜代⑧？食飽換枵 咧 討皮疼。He攏儂ê家內事，hām汝soah有治代nih?
好啦，準講過去、過去ê過去；古早、古早佫古早，怹確實捌互汝管有份，安呢是佫會當安怎呣？儂即mái 呣佮汝好啊，bōe-giàn認汝啊，ah汝soah面皮厚厚 硬beh佮儂 牽 麵線親，安呢敢好意思？敢bōe傷過 自是？敢呣驚儂愛笑？佫講啥物「主權」、啥物「同胞」、啥物「統一」，真正會笑死儂！He攏空ê啦、冇ê⑨啦，是會食得呣？一斤值偌儕？所以講，為著即款無意義、無任何意義ê代誌，也佮儂諍kah頷管筋⑩大條細條，佫 hông 詈kah、譙kah、幹kah、肏kah，有影 咔衰若（ná）膦鳥！
總是，kâng罵也呣好，hông罵也呣好。Beh佮儂冤家，噯看是為著啥物代誌，有價值抑無？有一款中國儂，生成 著是 手咔賤，「狗無吠，撓(lā)狗喙」；好死呣死，beh講儂ê閒仔話，佫kâng訕siâu⑾，才來hông蹧躂，佫害咱chiah-ê無辜ê儂，嘛soah互儂罵摻落去。
我講chiah-ê中國儂，實在真bōe曉通想。講一句咔現實ê，taⁿ家己本國嘛呣是講真好過，插插儂hiah儕 是beh含膦，「家己睏桌骹，煩惱別儂ê厝漏」，真正「戇giàn頭」！咱希望chiah-ê厚話ê中國儂，會當冗早⑿來覺悟：中國現子時上要緊做ê代誌，是拼經濟、拼建設，呣是beh佮拼喙舌，嘛呣是beh佮儂 搭戰棚。
〖添注〗
①.烏煙乒乓：o·-ian phīn-phōng。華語，烏煙彌漫。
②.狹：oe̍h / e̍h（漳腔）
③.骹脊骿：kha-chiah-phiaⁿ。華語，後背。
④.串串：chhoàn-chhoàn。恰恰。
⑤.拗橫：àu-hoâiⁿ，拗蠻。華語，蠻橫。
⑥.無路幹：bô-lō·-kàn，無路用、無路駛。華語，沒出息。
⑦.插：chhap，管。
⑧.乜代：mih-tāi。華語：幹嘛、幹什麽。
⑨.冇：phàⁿ，空冇（khang-phàⁿ）。華語，空泛不實。
⑩.頷管筋：ām-kún-kin。華語，頸部血管。
⑾.訕siâu：soan-siâu，「摳洗」。華語，訕笑。
⑿.冗早：liōng-chá，趁早。
進前，家己直直咧強調講無beh póe會（póe-hōe） 政治，嘛罕得坫家己ê Blog議論政治（有是有，無儕啦，涉及中台關係ê，佫咔是少）。Soah呣知影即个世界本底著是hiah-nī仔狹②，愈驚愈著骹脊骿③，愈無合意ê代誌，串串④定定會拄著。
政見無siâng，信念無siâng，信仰無siâng，人生ê態度嘛無siâng。汝有汝ê想法，我有我ê看法，實在無必要強求逐个攏sio-siâng。不而過，雖然想法無siâng，若是逐个攏會當互相尊重、互相體諒，凡勢即个世界著無hiah-nī儕拗橫⑤佮抗爭，社會嘛會 加咔 安和樂利。
做呣著代誌，噯有擔當ê勇氣；講呣著話，噯知通檢討家己。儂講「是呣是，罵家己」，各儂若會當退讓一步，著無hiah-nī儕 銃煙 佮 火藥味。
即mái 有寡仔中國儂有夠 無路幹⑥，khang-khè呣去做，規工 食飽閒閒 四界趖，beh 去插⑦儂ê閒仔代，煩惱儂「建國」、煩惱儂「加入聯合國」、煩惱儂「選總統」……Kâng管hiah儕 beh乜代⑧？食飽換枵 咧 討皮疼。He攏儂ê家內事，hām汝soah有治代nih?
好啦，準講過去、過去ê過去；古早、古早佫古早，怹確實捌互汝管有份，安呢是佫會當安怎呣？儂即mái 呣佮汝好啊，bōe-giàn認汝啊，ah汝soah面皮厚厚 硬beh佮儂 牽 麵線親，安呢敢好意思？敢bōe傷過 自是？敢呣驚儂愛笑？佫講啥物「主權」、啥物「同胞」、啥物「統一」，真正會笑死儂！He攏空ê啦、冇ê⑨啦，是會食得呣？一斤值偌儕？所以講，為著即款無意義、無任何意義ê代誌，也佮儂諍kah頷管筋⑩大條細條，佫 hông 詈kah、譙kah、幹kah、肏kah，有影 咔衰若（ná）膦鳥！
總是，kâng罵也呣好，hông罵也呣好。Beh佮儂冤家，噯看是為著啥物代誌，有價值抑無？有一款中國儂，生成 著是 手咔賤，「狗無吠，撓(lā)狗喙」；好死呣死，beh講儂ê閒仔話，佫kâng訕siâu⑾，才來hông蹧躂，佫害咱chiah-ê無辜ê儂，嘛soah互儂罵摻落去。
我講chiah-ê中國儂，實在真bōe曉通想。講一句咔現實ê，taⁿ家己本國嘛呣是講真好過，插插儂hiah儕 是beh含膦，「家己睏桌骹，煩惱別儂ê厝漏」，真正「戇giàn頭」！咱希望chiah-ê厚話ê中國儂，會當冗早⑿來覺悟：中國現子時上要緊做ê代誌，是拼經濟、拼建設，呣是beh佮拼喙舌，嘛呣是beh佮儂 搭戰棚。
〖添注〗
①.烏煙乒乓：o·-ian phīn-phōng。華語，烏煙彌漫。
②.狹：oe̍h / e̍h（漳腔）
③.骹脊骿：kha-chiah-phiaⁿ。華語，後背。
④.串串：chhoàn-chhoàn。恰恰。
⑤.拗橫：àu-hoâiⁿ，拗蠻。華語，蠻橫。
⑥.無路幹：bô-lō·-kàn，無路用、無路駛。華語，沒出息。
⑦.插：chhap，管。
⑧.乜代：mih-tāi。華語：幹嘛、幹什麽。
⑨.冇：phàⁿ，空冇（khang-phàⁿ）。華語，空泛不實。
⑩.頷管筋：ām-kún-kin。華語，頸部血管。
⑾.訕siâu：soan-siâu，「摳洗」。華語，訕笑。
⑿.冗早：liōng-chá，趁早。
August 15,2005
我著是番仔，我驚啥？！
(Limkianhui編譯)
最近伫民意論壇，有看著幾若篇文章，透底是咧強調“漢文化對台灣來講真正重要”即款啲主题，除去進前蘇菲亞講遘台語（譯者注：闽南语）著是文言文以外，6月11號，踮民意論壇，又佫看著（台北市台語漢文教學研究會會長）陳殿冠先生發表啲文章。伫即篇题目號做“擴大支持人數才是保台獨之道”啲文章内底，猶原是會當來鼻著“不可割断漢文化”即款啲氣味，不而过，文中所透露啲訊息，筆者實在是無法度認同。
頭起先，陳先生講遘怹院啲內底，儕儕長老级啲，透底拢幐(thīn)綠營，有啲儂看著台日（譯者注：台灣日報）啲讀者咧評論講「大多數台灣儂啲祖先是百越人」了後，竟然當場掠狂起來：「看bōe落去也，唉 (hé)…講恁父是番仔！」……陳先生伫文章内底佫寫講，共款啲情形，一年外來，伊是定定有咧拄著。
文中另外有一段佫講：「即擺有儂講台灣儂是『百越人』，鼓吹台灣儂著噯放捒『漢人情結』……這拄好違背人類『認同高尚』啲天性」。
看遘遮，筆者實在完全無法度相信家己啲雙目，taⁿ啥物時代也，猶佫有儂用即款漚古啲眼光，看bōe起「番仔」、看「番仔」無目地。設假怹家己啲祖公祖嬷確實呣是漢人，是真真正正啲百越人，安呢是叨位咧可耻？是叨位咧呣好？敢講百越著一定是番仔，敢講番仔著咔無路駛呣？平平拢是出世來做儂，敢講汝漢人著咔高貴，亦番仔儂著咔低路呣？
何況講，在筆者目前所瞭解，講遘台灣儂啲血脈，到底佮所謂啲漢人有啥款啲關係，佫需要學界進一步來分明﹔往過透底食認家己是漢人、祖先全部拢是唐山儂，這犯勢有真大啲問題。手咧寫中文漢字，喙咧講中原古音啲台语、客语，實際無一定是漢人。数十年來，台灣啲變化吤緊，頂缘啲序大儂，客话、台语透底猶佫诚輪轉，不而过少年囡仔诚儕拢bōe曉通講也，怹啲「母語」，事實已經變成華語。照即款笵勢（pān-sè）佫过一代，若准無儂講起，我看迄陣啲台灣儂，定著會認定怹家己啲家族本底著是華語族群。強食弱，勝者為王，佫加政治勢力鬥推捒，遘尾仔強勢文化完全食掉、完全改造弱勢文化，實在呣是啥物怪巧啲代誌。所以，現此時，認定講家己著是正港啲漢人，應該是猶chhōe bōe著硬拄硬啲理由佮根據，講咔透白啲，只不过是“家己講家己話”爾爾。
用筆者家己啲經歴來做一个比論，細漢時接受國民（黨）教育，直直當做家己是中國儂，有時佫會去比照一寡課外册，注心卟伫家己啲身躯頂揣出“正港漢人”啲特徵，若有揣著相共啲著歡喜kah、畅kah。這以外，因為教科書啲「介紹」，頭壳内一直透存在著一寡错误啲歷史印象，定定想講（認為）伫中國即塊土地上，除去漢人以外著無别啲族群，其他族群拢踮伫中國以外啲所在咧哼呻(hàiⁿ-chhan)﹔又佫相信講，台灣四百外年前是無儂徛起啲孤島，島上四界拢焦一寡野獸精牲，一直遘kah漢人來台開荒(khui-hng)了後，台灣chiah開始脫離hit款“穢世（è-sè）” 佮“野蠻”，chiah真正“活起來”。後來，慢慢仔瞭解著佫咔儕啲课外智識，原底hiah-ê錯誤的觀點，自安呢沓沓仔(ta̍uh-ta̍uh-á) 拚拚擜捒(hìⁿ-sak)，開始重新來思考家己啲根源，思考咔早呣捌思考过啲事事项项。遘尾仔，chiah知影講以早硬互儂灌落“漢人沙文主義”啲迷魂藥，實際是“家己看bōe著耳仔”，著親像古井底啲水雞，bē佫厚性地。
路尾，嘛是序大儂來講起，筆者chiah知影講，家己啲阿嬷是平埔番，iah自使講筆者啲阿公啲阿公真正是按中國福建某一个所在蹽过來啲，he嘛干凋代表筆者有一部份漢人啲血脈而己，假使若硬卟照搬頭先hit个 “掠狂啲”啲理路，安呢，筆者知影講家己有透濫平埔族血統了後，呣著噯開喙幹三代：「啥物仔碗糕！經體我番仔著准煞也，佫kā恁父詈雜種仔！」
相信講儕儕認同台灣國家主體性啲朋友拢有共款啲看法，強調血統實在無啥意義，陳殿冠先生啲文章嘛有講遘，無論種族、文化、語言、風俗，只要認同台灣即个國家就是台灣儂。不而过，筆者卻是伫hit个起狂啲朋友身上，鼻著真重真重啲“漢人沙文主義思考模式”啲氣味，bōe輸只要有儂講汝呣是漢人、呣是正港啲漢人，汝著講儂呣著、講儂無尊重汝（在筆者對中國歷代變遷啲認識，認為講台灣並無正港啲漢人）。即款啲思考模式，敢講bōe龜怪？
當然，去中國化呣是卟放捒中國文化，前者是咧講政治、後者是咧講文化，漢文化伫台灣文化當中佔重要地位，這是事實，不而过，萬项拢卟强求正統漢族文化，絕對無健康，對台灣啲國家正常化嘛無任何啲幫助。若卟讲漢文化對台灣有啥呣好啲，筆者啲觀點是：死守正統、重古輕今，正正是漢文化束縛台灣正常發展啲一个真不利啲因素。
PS.
原文：華文，作者：阿君仔，發表伫“台灣日報民意論壇（2005/06/12 ）”，標頭：是番仔何辱之有？（原標頭：是番仔又如何？）
最近伫民意論壇，有看著幾若篇文章，透底是咧強調“漢文化對台灣來講真正重要”即款啲主题，除去進前蘇菲亞講遘台語（譯者注：闽南语）著是文言文以外，6月11號，踮民意論壇，又佫看著（台北市台語漢文教學研究會會長）陳殿冠先生發表啲文章。伫即篇题目號做“擴大支持人數才是保台獨之道”啲文章内底，猶原是會當來鼻著“不可割断漢文化”即款啲氣味，不而过，文中所透露啲訊息，筆者實在是無法度認同。
頭起先，陳先生講遘怹院啲內底，儕儕長老级啲，透底拢幐(thīn)綠營，有啲儂看著台日（譯者注：台灣日報）啲讀者咧評論講「大多數台灣儂啲祖先是百越人」了後，竟然當場掠狂起來：「看bōe落去也，唉 (hé)…講恁父是番仔！」……陳先生伫文章内底佫寫講，共款啲情形，一年外來，伊是定定有咧拄著。
文中另外有一段佫講：「即擺有儂講台灣儂是『百越人』，鼓吹台灣儂著噯放捒『漢人情結』……這拄好違背人類『認同高尚』啲天性」。
看遘遮，筆者實在完全無法度相信家己啲雙目，taⁿ啥物時代也，猶佫有儂用即款漚古啲眼光，看bōe起「番仔」、看「番仔」無目地。設假怹家己啲祖公祖嬷確實呣是漢人，是真真正正啲百越人，安呢是叨位咧可耻？是叨位咧呣好？敢講百越著一定是番仔，敢講番仔著咔無路駛呣？平平拢是出世來做儂，敢講汝漢人著咔高貴，亦番仔儂著咔低路呣？
何況講，在筆者目前所瞭解，講遘台灣儂啲血脈，到底佮所謂啲漢人有啥款啲關係，佫需要學界進一步來分明﹔往過透底食認家己是漢人、祖先全部拢是唐山儂，這犯勢有真大啲問題。手咧寫中文漢字，喙咧講中原古音啲台语、客语，實際無一定是漢人。数十年來，台灣啲變化吤緊，頂缘啲序大儂，客话、台语透底猶佫诚輪轉，不而过少年囡仔诚儕拢bōe曉通講也，怹啲「母語」，事實已經變成華語。照即款笵勢（pān-sè）佫过一代，若准無儂講起，我看迄陣啲台灣儂，定著會認定怹家己啲家族本底著是華語族群。強食弱，勝者為王，佫加政治勢力鬥推捒，遘尾仔強勢文化完全食掉、完全改造弱勢文化，實在呣是啥物怪巧啲代誌。所以，現此時，認定講家己著是正港啲漢人，應該是猶chhōe bōe著硬拄硬啲理由佮根據，講咔透白啲，只不过是“家己講家己話”爾爾。
用筆者家己啲經歴來做一个比論，細漢時接受國民（黨）教育，直直當做家己是中國儂，有時佫會去比照一寡課外册，注心卟伫家己啲身躯頂揣出“正港漢人”啲特徵，若有揣著相共啲著歡喜kah、畅kah。這以外，因為教科書啲「介紹」，頭壳内一直透存在著一寡错误啲歷史印象，定定想講（認為）伫中國即塊土地上，除去漢人以外著無别啲族群，其他族群拢踮伫中國以外啲所在咧哼呻(hàiⁿ-chhan)﹔又佫相信講，台灣四百外年前是無儂徛起啲孤島，島上四界拢焦一寡野獸精牲，一直遘kah漢人來台開荒(khui-hng)了後，台灣chiah開始脫離hit款“穢世（è-sè）” 佮“野蠻”，chiah真正“活起來”。後來，慢慢仔瞭解著佫咔儕啲课外智識，原底hiah-ê錯誤的觀點，自安呢沓沓仔(ta̍uh-ta̍uh-á) 拚拚擜捒(hìⁿ-sak)，開始重新來思考家己啲根源，思考咔早呣捌思考过啲事事项项。遘尾仔，chiah知影講以早硬互儂灌落“漢人沙文主義”啲迷魂藥，實際是“家己看bōe著耳仔”，著親像古井底啲水雞，bē佫厚性地。
路尾，嘛是序大儂來講起，筆者chiah知影講，家己啲阿嬷是平埔番，iah自使講筆者啲阿公啲阿公真正是按中國福建某一个所在蹽过來啲，he嘛干凋代表筆者有一部份漢人啲血脈而己，假使若硬卟照搬頭先hit个 “掠狂啲”啲理路，安呢，筆者知影講家己有透濫平埔族血統了後，呣著噯開喙幹三代：「啥物仔碗糕！經體我番仔著准煞也，佫kā恁父詈雜種仔！」
相信講儕儕認同台灣國家主體性啲朋友拢有共款啲看法，強調血統實在無啥意義，陳殿冠先生啲文章嘛有講遘，無論種族、文化、語言、風俗，只要認同台灣即个國家就是台灣儂。不而过，筆者卻是伫hit个起狂啲朋友身上，鼻著真重真重啲“漢人沙文主義思考模式”啲氣味，bōe輸只要有儂講汝呣是漢人、呣是正港啲漢人，汝著講儂呣著、講儂無尊重汝（在筆者對中國歷代變遷啲認識，認為講台灣並無正港啲漢人）。即款啲思考模式，敢講bōe龜怪？
當然，去中國化呣是卟放捒中國文化，前者是咧講政治、後者是咧講文化，漢文化伫台灣文化當中佔重要地位，這是事實，不而过，萬项拢卟强求正統漢族文化，絕對無健康，對台灣啲國家正常化嘛無任何啲幫助。若卟讲漢文化對台灣有啥呣好啲，筆者啲觀點是：死守正統、重古輕今，正正是漢文化束縛台灣正常發展啲一个真不利啲因素。
PS.
原文：華文，作者：阿君仔，發表伫“台灣日報民意論壇（2005/06/12 ）”，標頭：是番仔何辱之有？（原標頭：是番仔又如何？）
倒訕《以早，我捌是一个下路ê中国侬》
譯文：闽南：Limkianhui
(原文——華文:《反击“我曾是一名丑陋的中国人”》 作者:中国深圳 伍 2005-06-23)
前几日，伫早报(注:联合早报)顶面看著一篇号做”《我捌做过下路(kē-lō·)啲中国侬》”(華文:《我曾是一名丑陋的中国人》)啲文章，看了感觉真bōe爽。本然想讲犯勢无侬会同意即款糞扫(pùn-sò)文章，無疑悟路尾soah收著幾若张共款啲转发邮件，看勢是有必来回手一下，咔bōe互侬白白布染遘乌。为著方便起见，下底用《下》文来代表迄篇代替迄篇文章。
《下》文作者写kah躼躼长，讲kah喙角全波，结无非著是：中国侬四界呸痰、呣排队、乱矴糞扫、呣捌字兼無卫生、素質真害…所以是下路啲中国侬；当中又佫掩勘著另外一个结论：即个侬（作者本身）以早共款是一个下路啲中国侬，呣佫即陣bōe下路喽。（呣知即擺伊是呣是将家己当作是一个飘撇、高尚、有素质啲中国侬？若精實安呢想，伊啲脸皮著有影咔厚屎礐梆！）
讲遘中国侬乌白呸痰、呣排队、无卫生即款不良习惯，咱食认，有影，啥物侬也bōe當诤讲無。若看bōe著事實，自欺欺人，有影吤可耻，不而过伫《下》文作者眼内，中国侬soah因此行遘十足下路啲地步，按即个侬吐出來啲话屎当中，互侬产生即款啲印象：全世界，整个啲地球，四界(sì-kòe)告示满满是，而且拢全写中文，写中国侬啲见笑代！即个侬有影是hàm kah bōe穿蠓罩！若像全世界拢咧用中文，中文已经普及遘地球上啲任何一个角落，连臭水沟嘛拢有tah中文告示！先mài讲中文敢有影已经全世界通侬咧用，中国侬敢有影一四界拢有tè拄——若精實安呢来讲，中国呣著沖kah無tè比喽！干凋beh讲hiah个标语，即个侬啲观点是全世界即款啲标语，干凋用中文来写，干凋beh写互中国侬看啲！有影譀古兼离經！略仔有淡薄仔智識啲侬拢嘛知影，中国以外啲国家，共款嘛常在(chhiâng-chāi)用怹本国啲文字来写、来警告侬“呣通乱矴糞掃”、“保持安靜”等等。日文写啲、英文写啲敢讲著無呣？伫中国国内，hiah-ê用英文写啲警告标语敢讲是beh中国侬看啲呣？即个侬若是食饱閒閒無代誌，嘛聽好(thèng-hó)用baidu去chhiau看嘪咧！
《下》文作者伫文中捷捷讲一寡侮辱人格啲语词：丑陋(下路)、呣知廉耻(呣知见笑)、弱智(愠忳、無头壳)、低贱(爛chōaⁿ)等等——白纸乌字，讀者聽好去看，犹佫真儕伫咧。伊共家己pûn kah偌仔文明、偌仔缘投、偌仔巧、偌仔高尚，其實咧，ùi chiah-ê语词拄拄互咱看出伊本底啲性素：一个真正下流、无耻、假君子真小人啲術仔，比hiah-ê互伊看做下路啲中国侬佫咔下路！（本底無想beh 用即款语词，为著回手，孤不而将！）
即个侬竟然替日本仔讲话，讲中国咧干涉日本。看遘遮，我开始僥疑伊敢真正是中国侬。伊那咧訶咾韩国侬如何注心国家建设，佫那咧呸相(phì-siùⁿ)中国侬放蕩樂畅，呣涨志(chiáng-chì)，磕bōe著beh干涉日本侬。敢讲伊拢呣知影韩国侬是上吤怨恨、上吤討厌、chheh日本chheh kah 入骨啲呣？咱承认“共侬侵略”佮“去互侬侵略”是无论过去、现在、抑是未来拢有可能发生啲代誌，敢讲因为咱以早比侬咔软汫(nńg-chiáⁿ)、别侬比咱咔勇健(ióng-kiāⁿ)，怹著应该来共咱侵犯、亦咱著应该互怹侵犯呣？敢讲因为東條英機是日本侬啲英雄，咱就应该bōe記伊是咱啲冤仇侬呣？敢讲連beh詈骂侵略者也bōe使得呣？——安呢咱参亡国奴有啥分别？敢讲讉責日本了後咱soah呣知通建设国家，呣知通拍拼奮鬥呣？實在想無即个侬头壳是安怎咧想！即个侬佫讲遘日本侬、美国侬是安怎拄安怎咧紀念怹啲戰爭英雄，我颠倒想beh问伊，伊是了解幾个中国抗日英雄咧？
即个侬佫讲著中国啲经济。认为讲外国侬不時咧麻醉中国侬，有時暗勘中国啲成績，有時佫假意訶咾。咱食认确實有即款啲外国侬伫咧，国内确實也有一寡侬，略仔出淡薄仔成绩著畅kah 逐项bōe记了了！不过，看即个侬啲意见，若像全世界伊上知势，bōe输除了伊，著無侬了解代誌啲真相。是讲，伊啲真相又佫是啥貨咧？是中国根本無任何进步，無任何成功，干凋偆“落後”佮“下路”。真正有够厚面皮汝看！我想大多数啲侬拢会客观看待中国啲经济，有成绩嗳肯定，做呣著啲嗳改正，做无够啲嗳提悬。烏白樂畅無咔cho̍ah，磕bōe著悲观失志、看輕家己佫咔是呣通！
即个侬佫讲遘中山市有一个护士小姐去印度旅游啲代誌。凭he，伊就认定中国伫亚洲比bōe著日本侬、韩国侬，连泰国侬嘛咔赢咱。若中国咧？“哼！散kah鬼beh掠去！！”……連印度侬也呣相信去旅游啲黄种侬竟然是中国侬。讲著這，干凋会当说明一个问题：即个侬oân仔佮hit个印度侬共款：古井水鷄，呣捌食过猪肉佫呣捌看过猪行路！
即个侬又佫讲遘世界顶啲三个民族，伊认为he是上吤优秀啲三个民族：德国侬、犹太侬佮韩国侬——當然bōe包括中华民族——佳哉伊犹呣敢共日本侬算在内。咱無beh議论别啲民族安怎拄安怎，不过咱知影，凡物(mi̍h)拢bōe使脱离各自啲环境，干凋用个别数字來做断定佮评判。也著是讲咱bōe使用即款步数來判定叨一个民族咔优秀、叨一个民族咔無路驶。可比讲，即个侬摕(the̍h)德国ＧＤＰ佮中国啲ＧＤＰ來相比了後，竟然得出“德国侬比中国侬咔优秀”即款啲譀古代！咱實在呣知伊讀册讀伫叨位。亦若(iah-nā)讲遘“诺贝爾奖”，咱beh请伊先去了解一下仔诺贝尔奖啲背景佮世界政治局势啲背景，了後chiah佫來讲。若讲著战争，输赢佫咔是平常代誌，是啦，中国有影互侬拍败过，是讲世间是叨一个国家呣捌互侬拍败过？亦是安怎呣讲汉唐盛世咧？巴勒斯坦侬受以色列犹太侬啲压迫，遘taⁿ犹咧为建国大業拍拼奮鬥，無beh认输，亦若照即个侬啲思路，巴勒斯坦侬呣soah比犹太侬咔优秀？！伊佫放風讲韩国侬啲国际地位咔赢过中国侬，犯勢有影啦，不过he拢嘛靠實力咧做保证？亦佫会当算啥？敢讲這soah会使當做韩民族（朝鲜族）比中华民族咔优秀啲理由呣？亦若(iah-nā)日後换中国侬啲地位比韩国人咔悬高，安呢呣著嗳佫扳(péng)过來讲？朝鲜佮韩国敢呣是共民族啲，這又佫怎样解说？干凋希特勒、日本仔会去鼓吹(kó·-chhui)啥物“德意志民族是上优秀啲民族、大和民族是上优秀啲民族，别啲民族拢總是糞掃！……”遘尾咧？结果呣免我讲，逐家拢知！就使是安呢，無…上起码怹佫算讲是咧鼓吹家己啲民族，亦若即个侬咧，伊soah咧鼓吹别侬啲民族！真正赦死赦衆！
即个侬佫遘著“AA制”。伊用“討厌”來比论中国侬啲作風，说明讲伊有影怨中国怨kah入骨！咱讲，中国侬佮美国侬，各侬啲文化無共，“AA制”無一定 to̍h拢適合中国侬。美国侬beh安呢做原在有怹啲因端。不而过，因为安呢soah互咱看出即个“土番仔”啲虚伪，伊根本呣捌中国侬啲人情关怀、呣捌中国侬啲情感、伊看bōe著中国侬伫咧互相帮赠(pang-chān)、互相悿痛(thiàⁿ-thàng)；伊干凋看著伊本身佮伊啲利益；伊干凋会曉有样学样！當然，话讲倒转來，咱呣是讲中国侬啲做法有偌好，不过起码咱嘛应该嗳實事求是！Tio̍h著是tio̍h，呣tio̍h著是呣tio̍h！
讲遘有一个中国啲技工咧学習德文啲時，即个侬得出一个结论：漢语伫英语面頭前认路输啲時，嘛共款嗳向德語认输，讲13亿中国侬拢是一陣茬骹数(lám- kha-siàu)，创造啲财富比bōe著8000萬德国侬，所以汉语局不局(kio̍k-put-kio̍k)嗳食認咔输侬德语。這是啥款啲理路？實在譀kah無譜！若照安呢讲，he美国侬嘛咧学中文，安呢英语呣著嗳自认咔输汉语？！亦美国侬啲素質呣soah佫咔害？！總讲一句，即个侬不但看bōe起中国侬、看bōe起中华民族，連中华民族啲语言伊嘛看bōe起！咱真正想無中国犹有啥物物件伊bōe討厌啲——我看，犯勢干凋bōe討厌家己爾！
即个侬竟然佫讲遘计划生育，佫咔互侬生氣！英国番仔讲hit句“中国有上吤讚啲节育措施，因为中国查某全世界上吤下路兼愠忳！”這明显是經體佮侮辱侬。著是即句话，即个侬竟然认为he只不过是一句咔特别啲言语爾爾(niā-niā)！是安怎特别，伊無解释。颠倒soah共(kā)国民啲愤怒讲做是“神經过敏”！对即款啲话，伊当然是無咧佮侬“敏感”，拍pho̍k仔著驚bōe赴咧，哪会敏感？！即个侬竟然用“下路、爛chōaⁿ”來咧蹧蹋hiah-ê超生啲母亲！呣知即个侬敢犹有做侬上吤起码啲道德佮尊重！伊無了解hiah-ê母親是安怎beh超生，無了解怹啲生活佮想法！竟然佫用hiah-nī仔恶毒啲話來經體怹！就使讲(chiū-sú-kóng)hiah-ê母親生佫咔儕，he嘛不过是怹一時想無遘、受環境影响，或者讲暂時無了解飼囝艱难 chiah会安呢！怹啲頭脑犹佫真傳统、真閉四(pì-sù)，呣佫he绝對呣是“下路、爛chōaⁿ”，按無共啲角度來看，怹嘛真伟大！即个侬用即款啲言话來共侬抠洗，颠倒互侬感觉真正下路啲侬是伊本身！
Ā好ah！我實在無想beh佫写落去喽。即个作者伊話屎咔儕狗毛，佫写kah不答不七，無影無一迹，若beh一條仔一條宽宽仔(khoaⁿ-khoaⁿ-á)來共伊thuh，來共伊giah，實在是拍爽(phah-sńg)我啲烏墨、了我啲喙水。
即个侬ùi骨底看中国侬無目地，拍死呣做中国侬！因为中国侬犹未完全进化，垃圾(lap-sap)兼愠忳(ùn-thùn)！呣知即个侬敢有了解：伫中国上吤茬骹(lám-kha)啲時陣，尊敬啲吉鸿昌将军伫国外啲时，胸前定定爱吊一tè有写“我是中国侬”啲牌仔，he是为beh互天下间啲侬拢知影讲伊是一个堂堂啲中国侬、有志氣啲中国侬！伫国家遭受强摃(kiông-kòng)蹧蹋佮踳踏(thún-ta̍h)啲時，有hiah儕英勇啲华夏囝孫，为 beh做一个有志氣、有氣魄啲中国侬，甘願性命放呣挃(m̄-ti̍h)，也beh佮敌人拼生死！
即个侬写文章写kah长躼sò，按内底，咱聽好了解伊根底著是一个無民族自尊、無民族自爱、無民族自重啲侬；一个食認衰bái、看bōe起家己、将外国侬当做怹祖宗咧奉侍啲侬，伊啲人格是hiah-nī歪cho̍ai、失常！
即个侬将家己讲出kah bōe输若“真gâu，真排祉(pâi-chí)，真了不起”，好親像全世界伊上文明啲款。不而过，伊soah用“愠忳(ùn-thùn)、下路”即款卑耻佫恶質啲字眼来經體(keng-thé)中国侬；伊声声句句讲言论自由，呣佫soah共别侬啲批评讲做是“有空咧chhōe無榫”！有喙讲别侬，無喙讲家己。若像伊讲chiah著，别侬讲啲拢总呣著！有影是号做“也beh做婊囝，也beh装婌女”，bōe見bōe笑！即个侬kán-ná佫因為家己 chông bōe著錢，咧bōe爽，竟然也佫讲出来，佫共責任在(chhāi)蹛别侬啲身上，膦鳥歪牽拖尿桶漏，牛母bōe生牽拖厝邊，可見伊啲面皮有偌厚，厚 kah三粒铳籽也拍bōe迵(thàng)。即个侬认为讲中国侬若拢讲究卫生、拢讲文明，安呢中国著随强起来、随勇起来，soah bōe曉通想讲，自开世地(khai-sì-tē)以来，hiah-ê出賣国家、出賣民族啲漢奸、糞掃侬，拄好嘛是hiah-ê穿kah齊斩斩(chôe -cháⁿ-cháⁿ)、水噹噹啲侬（親像讲“汪精卫”、“李登輝”即款侬）。咱讲安呢并無代表讲咱著会使呣免讲究卫生佮文明，這是两回事，魚還魚、蝦還蝦。国民素質beh好，beh提悬，he需要国家啲经济、文化等各方面同齊、共步來发展！国家beh强、beh勇，he需要咱嗳有自尊、嗳有志氣、嗳共心，嗳有为国牺牲、奉献啲意志佮勇氣！亦外国侬上惊著是即款啲中华民族！
是啦，现taⁿ中国侬确實有真儕欠点伫咧，比論hit个作者所讲著hiah-ê毛病。咱每一个中国侬嘛定著嗳不断改进、不断提悬！做呣著啲，咱嗳改；做无够啲，咱嗳用心做。不而过，咱无需要自卑，无需要看輕家己，咱嗳有志气。这呣是大曳(tāi-ia̍t)，咱需要用客观啲态度来看待咱家己！
咱需要别侬的批评佮漏氣，嘛嗳自我批评佮检討，不而过咱无需要侮辱！亲像即种侬，用即款”东方不败式”啲批评——“beh练拳頭，先割裤頭”，这咱需要！中国侬无hiah下路！无hiah爛 chōaⁿ！中华民族自三皇五帝开始，中华文化傳湠(thn̂g-thòaⁿ)五千年，呣是一半个仔恶質兼无才、狡怪(káu-kòai)兼诙諧(khe -hâi)啲讀册侬，凭三两篇仔糞掃文章著会当共车倒啲！中华民族一屑仔也bōe输侬！中国历史上，分分合合，有汉唐啲興旺，也有四散五路(sì- sòaⁿ-gō·-lō·)時啲衰败，亦呣佫幾若千年过去喽，中国侬嘛犹原伫世界顶徛在在。虽然讲即一外百年來，咱一再去互侬侮辱佮凌迟，不过這拢算是小插曲，早慢会过去。优秀啲中华民族犹原会佫再徛起，向前行去！最後實现民族复興！
(原文——華文:《反击“我曾是一名丑陋的中国人”》 作者:中国深圳 伍 2005-06-23)
前几日，伫早报(注:联合早报)顶面看著一篇号做”《我捌做过下路(kē-lō·)啲中国侬》”(華文:《我曾是一名丑陋的中国人》)啲文章，看了感觉真bōe爽。本然想讲犯勢无侬会同意即款糞扫(pùn-sò)文章，無疑悟路尾soah收著幾若张共款啲转发邮件，看勢是有必来回手一下，咔bōe互侬白白布染遘乌。为著方便起见，下底用《下》文来代表迄篇代替迄篇文章。
《下》文作者写kah躼躼长，讲kah喙角全波，结无非著是：中国侬四界呸痰、呣排队、乱矴糞扫、呣捌字兼無卫生、素質真害…所以是下路啲中国侬；当中又佫掩勘著另外一个结论：即个侬（作者本身）以早共款是一个下路啲中国侬，呣佫即陣bōe下路喽。（呣知即擺伊是呣是将家己当作是一个飘撇、高尚、有素质啲中国侬？若精實安呢想，伊啲脸皮著有影咔厚屎礐梆！）
讲遘中国侬乌白呸痰、呣排队、无卫生即款不良习惯，咱食认，有影，啥物侬也bōe當诤讲無。若看bōe著事實，自欺欺人，有影吤可耻，不而过伫《下》文作者眼内，中国侬soah因此行遘十足下路啲地步，按即个侬吐出來啲话屎当中，互侬产生即款啲印象：全世界，整个啲地球，四界(sì-kòe)告示满满是，而且拢全写中文，写中国侬啲见笑代！即个侬有影是hàm kah bōe穿蠓罩！若像全世界拢咧用中文，中文已经普及遘地球上啲任何一个角落，连臭水沟嘛拢有tah中文告示！先mài讲中文敢有影已经全世界通侬咧用，中国侬敢有影一四界拢有tè拄——若精實安呢来讲，中国呣著沖kah無tè比喽！干凋beh讲hiah个标语，即个侬啲观点是全世界即款啲标语，干凋用中文来写，干凋beh写互中国侬看啲！有影譀古兼离經！略仔有淡薄仔智識啲侬拢嘛知影，中国以外啲国家，共款嘛常在(chhiâng-chāi)用怹本国啲文字来写、来警告侬“呣通乱矴糞掃”、“保持安靜”等等。日文写啲、英文写啲敢讲著無呣？伫中国国内，hiah-ê用英文写啲警告标语敢讲是beh中国侬看啲呣？即个侬若是食饱閒閒無代誌，嘛聽好(thèng-hó)用baidu去chhiau看嘪咧！
《下》文作者伫文中捷捷讲一寡侮辱人格啲语词：丑陋(下路)、呣知廉耻(呣知见笑)、弱智(愠忳、無头壳)、低贱(爛chōaⁿ)等等——白纸乌字，讀者聽好去看，犹佫真儕伫咧。伊共家己pûn kah偌仔文明、偌仔缘投、偌仔巧、偌仔高尚，其實咧，ùi chiah-ê语词拄拄互咱看出伊本底啲性素：一个真正下流、无耻、假君子真小人啲術仔，比hiah-ê互伊看做下路啲中国侬佫咔下路！（本底無想beh 用即款语词，为著回手，孤不而将！）
即个侬竟然替日本仔讲话，讲中国咧干涉日本。看遘遮，我开始僥疑伊敢真正是中国侬。伊那咧訶咾韩国侬如何注心国家建设，佫那咧呸相(phì-siùⁿ)中国侬放蕩樂畅，呣涨志(chiáng-chì)，磕bōe著beh干涉日本侬。敢讲伊拢呣知影韩国侬是上吤怨恨、上吤討厌、chheh日本chheh kah 入骨啲呣？咱承认“共侬侵略”佮“去互侬侵略”是无论过去、现在、抑是未来拢有可能发生啲代誌，敢讲因为咱以早比侬咔软汫(nńg-chiáⁿ)、别侬比咱咔勇健(ióng-kiāⁿ)，怹著应该来共咱侵犯、亦咱著应该互怹侵犯呣？敢讲因为東條英機是日本侬啲英雄，咱就应该bōe記伊是咱啲冤仇侬呣？敢讲連beh詈骂侵略者也bōe使得呣？——安呢咱参亡国奴有啥分别？敢讲讉責日本了後咱soah呣知通建设国家，呣知通拍拼奮鬥呣？實在想無即个侬头壳是安怎咧想！即个侬佫讲遘日本侬、美国侬是安怎拄安怎咧紀念怹啲戰爭英雄，我颠倒想beh问伊，伊是了解幾个中国抗日英雄咧？
即个侬佫讲著中国啲经济。认为讲外国侬不時咧麻醉中国侬，有時暗勘中国啲成績，有時佫假意訶咾。咱食认确實有即款啲外国侬伫咧，国内确實也有一寡侬，略仔出淡薄仔成绩著畅kah 逐项bōe记了了！不过，看即个侬啲意见，若像全世界伊上知势，bōe输除了伊，著無侬了解代誌啲真相。是讲，伊啲真相又佫是啥貨咧？是中国根本無任何进步，無任何成功，干凋偆“落後”佮“下路”。真正有够厚面皮汝看！我想大多数啲侬拢会客观看待中国啲经济，有成绩嗳肯定，做呣著啲嗳改正，做无够啲嗳提悬。烏白樂畅無咔cho̍ah，磕bōe著悲观失志、看輕家己佫咔是呣通！
即个侬佫讲遘中山市有一个护士小姐去印度旅游啲代誌。凭he，伊就认定中国伫亚洲比bōe著日本侬、韩国侬，连泰国侬嘛咔赢咱。若中国咧？“哼！散kah鬼beh掠去！！”……連印度侬也呣相信去旅游啲黄种侬竟然是中国侬。讲著這，干凋会当说明一个问题：即个侬oân仔佮hit个印度侬共款：古井水鷄，呣捌食过猪肉佫呣捌看过猪行路！
即个侬又佫讲遘世界顶啲三个民族，伊认为he是上吤优秀啲三个民族：德国侬、犹太侬佮韩国侬——當然bōe包括中华民族——佳哉伊犹呣敢共日本侬算在内。咱無beh議论别啲民族安怎拄安怎，不过咱知影，凡物(mi̍h)拢bōe使脱离各自啲环境，干凋用个别数字來做断定佮评判。也著是讲咱bōe使用即款步数來判定叨一个民族咔优秀、叨一个民族咔無路驶。可比讲，即个侬摕(the̍h)德国ＧＤＰ佮中国啲ＧＤＰ來相比了後，竟然得出“德国侬比中国侬咔优秀”即款啲譀古代！咱實在呣知伊讀册讀伫叨位。亦若(iah-nā)讲遘“诺贝爾奖”，咱beh请伊先去了解一下仔诺贝尔奖啲背景佮世界政治局势啲背景，了後chiah佫來讲。若讲著战争，输赢佫咔是平常代誌，是啦，中国有影互侬拍败过，是讲世间是叨一个国家呣捌互侬拍败过？亦是安怎呣讲汉唐盛世咧？巴勒斯坦侬受以色列犹太侬啲压迫，遘taⁿ犹咧为建国大業拍拼奮鬥，無beh认输，亦若照即个侬啲思路，巴勒斯坦侬呣soah比犹太侬咔优秀？！伊佫放風讲韩国侬啲国际地位咔赢过中国侬，犯勢有影啦，不过he拢嘛靠實力咧做保证？亦佫会当算啥？敢讲這soah会使當做韩民族（朝鲜族）比中华民族咔优秀啲理由呣？亦若(iah-nā)日後换中国侬啲地位比韩国人咔悬高，安呢呣著嗳佫扳(péng)过來讲？朝鲜佮韩国敢呣是共民族啲，這又佫怎样解说？干凋希特勒、日本仔会去鼓吹(kó·-chhui)啥物“德意志民族是上优秀啲民族、大和民族是上优秀啲民族，别啲民族拢總是糞掃！……”遘尾咧？结果呣免我讲，逐家拢知！就使是安呢，無…上起码怹佫算讲是咧鼓吹家己啲民族，亦若即个侬咧，伊soah咧鼓吹别侬啲民族！真正赦死赦衆！
即个侬佫遘著“AA制”。伊用“討厌”來比论中国侬啲作風，说明讲伊有影怨中国怨kah入骨！咱讲，中国侬佮美国侬，各侬啲文化無共，“AA制”無一定 to̍h拢適合中国侬。美国侬beh安呢做原在有怹啲因端。不而过，因为安呢soah互咱看出即个“土番仔”啲虚伪，伊根本呣捌中国侬啲人情关怀、呣捌中国侬啲情感、伊看bōe著中国侬伫咧互相帮赠(pang-chān)、互相悿痛(thiàⁿ-thàng)；伊干凋看著伊本身佮伊啲利益；伊干凋会曉有样学样！當然，话讲倒转來，咱呣是讲中国侬啲做法有偌好，不过起码咱嘛应该嗳實事求是！Tio̍h著是tio̍h，呣tio̍h著是呣tio̍h！
讲遘有一个中国啲技工咧学習德文啲時，即个侬得出一个结论：漢语伫英语面頭前认路输啲時，嘛共款嗳向德語认输，讲13亿中国侬拢是一陣茬骹数(lám- kha-siàu)，创造啲财富比bōe著8000萬德国侬，所以汉语局不局(kio̍k-put-kio̍k)嗳食認咔输侬德语。這是啥款啲理路？實在譀kah無譜！若照安呢讲，he美国侬嘛咧学中文，安呢英语呣著嗳自认咔输汉语？！亦美国侬啲素質呣soah佫咔害？！總讲一句，即个侬不但看bōe起中国侬、看bōe起中华民族，連中华民族啲语言伊嘛看bōe起！咱真正想無中国犹有啥物物件伊bōe討厌啲——我看，犯勢干凋bōe討厌家己爾！
即个侬竟然佫讲遘计划生育，佫咔互侬生氣！英国番仔讲hit句“中国有上吤讚啲节育措施，因为中国查某全世界上吤下路兼愠忳！”這明显是經體佮侮辱侬。著是即句话，即个侬竟然认为he只不过是一句咔特别啲言语爾爾(niā-niā)！是安怎特别，伊無解释。颠倒soah共(kā)国民啲愤怒讲做是“神經过敏”！对即款啲话，伊当然是無咧佮侬“敏感”，拍pho̍k仔著驚bōe赴咧，哪会敏感？！即个侬竟然用“下路、爛chōaⁿ”來咧蹧蹋hiah-ê超生啲母亲！呣知即个侬敢犹有做侬上吤起码啲道德佮尊重！伊無了解hiah-ê母親是安怎beh超生，無了解怹啲生活佮想法！竟然佫用hiah-nī仔恶毒啲話來經體怹！就使讲(chiū-sú-kóng)hiah-ê母親生佫咔儕，he嘛不过是怹一時想無遘、受環境影响，或者讲暂時無了解飼囝艱难 chiah会安呢！怹啲頭脑犹佫真傳统、真閉四(pì-sù)，呣佫he绝對呣是“下路、爛chōaⁿ”，按無共啲角度來看，怹嘛真伟大！即个侬用即款啲言话來共侬抠洗，颠倒互侬感觉真正下路啲侬是伊本身！
Ā好ah！我實在無想beh佫写落去喽。即个作者伊話屎咔儕狗毛，佫写kah不答不七，無影無一迹，若beh一條仔一條宽宽仔(khoaⁿ-khoaⁿ-á)來共伊thuh，來共伊giah，實在是拍爽(phah-sńg)我啲烏墨、了我啲喙水。
即个侬ùi骨底看中国侬無目地，拍死呣做中国侬！因为中国侬犹未完全进化，垃圾(lap-sap)兼愠忳(ùn-thùn)！呣知即个侬敢有了解：伫中国上吤茬骹(lám-kha)啲時陣，尊敬啲吉鸿昌将军伫国外啲时，胸前定定爱吊一tè有写“我是中国侬”啲牌仔，he是为beh互天下间啲侬拢知影讲伊是一个堂堂啲中国侬、有志氣啲中国侬！伫国家遭受强摃(kiông-kòng)蹧蹋佮踳踏(thún-ta̍h)啲時，有hiah儕英勇啲华夏囝孫，为 beh做一个有志氣、有氣魄啲中国侬，甘願性命放呣挃(m̄-ti̍h)，也beh佮敌人拼生死！
即个侬写文章写kah长躼sò，按内底，咱聽好了解伊根底著是一个無民族自尊、無民族自爱、無民族自重啲侬；一个食認衰bái、看bōe起家己、将外国侬当做怹祖宗咧奉侍啲侬，伊啲人格是hiah-nī歪cho̍ai、失常！
即个侬将家己讲出kah bōe输若“真gâu，真排祉(pâi-chí)，真了不起”，好親像全世界伊上文明啲款。不而过，伊soah用“愠忳(ùn-thùn)、下路”即款卑耻佫恶質啲字眼来經體(keng-thé)中国侬；伊声声句句讲言论自由，呣佫soah共别侬啲批评讲做是“有空咧chhōe無榫”！有喙讲别侬，無喙讲家己。若像伊讲chiah著，别侬讲啲拢总呣著！有影是号做“也beh做婊囝，也beh装婌女”，bōe見bōe笑！即个侬kán-ná佫因為家己 chông bōe著錢，咧bōe爽，竟然也佫讲出来，佫共責任在(chhāi)蹛别侬啲身上，膦鳥歪牽拖尿桶漏，牛母bōe生牽拖厝邊，可見伊啲面皮有偌厚，厚 kah三粒铳籽也拍bōe迵(thàng)。即个侬认为讲中国侬若拢讲究卫生、拢讲文明，安呢中国著随强起来、随勇起来，soah bōe曉通想讲，自开世地(khai-sì-tē)以来，hiah-ê出賣国家、出賣民族啲漢奸、糞掃侬，拄好嘛是hiah-ê穿kah齊斩斩(chôe -cháⁿ-cháⁿ)、水噹噹啲侬（親像讲“汪精卫”、“李登輝”即款侬）。咱讲安呢并無代表讲咱著会使呣免讲究卫生佮文明，這是两回事，魚還魚、蝦還蝦。国民素質beh好，beh提悬，he需要国家啲经济、文化等各方面同齊、共步來发展！国家beh强、beh勇，he需要咱嗳有自尊、嗳有志氣、嗳共心，嗳有为国牺牲、奉献啲意志佮勇氣！亦外国侬上惊著是即款啲中华民族！
是啦，现taⁿ中国侬确實有真儕欠点伫咧，比論hit个作者所讲著hiah-ê毛病。咱每一个中国侬嘛定著嗳不断改进、不断提悬！做呣著啲，咱嗳改；做无够啲，咱嗳用心做。不而过，咱无需要自卑，无需要看輕家己，咱嗳有志气。这呣是大曳(tāi-ia̍t)，咱需要用客观啲态度来看待咱家己！
咱需要别侬的批评佮漏氣，嘛嗳自我批评佮检討，不而过咱无需要侮辱！亲像即种侬，用即款”东方不败式”啲批评——“beh练拳頭，先割裤頭”，这咱需要！中国侬无hiah下路！无hiah爛 chōaⁿ！中华民族自三皇五帝开始，中华文化傳湠(thn̂g-thòaⁿ)五千年，呣是一半个仔恶質兼无才、狡怪(káu-kòai)兼诙諧(khe -hâi)啲讀册侬，凭三两篇仔糞掃文章著会当共车倒啲！中华民族一屑仔也bōe输侬！中国历史上，分分合合，有汉唐啲興旺，也有四散五路(sì- sòaⁿ-gō·-lō·)時啲衰败，亦呣佫幾若千年过去喽，中国侬嘛犹原伫世界顶徛在在。虽然讲即一外百年來，咱一再去互侬侮辱佮凌迟，不过這拢算是小插曲，早慢会过去。优秀啲中华民族犹原会佫再徛起，向前行去！最後實现民族复興！
真儕中國儂想攏無——新加坡哪會遮怨恨中國？
(翻譯／Limkianhui)
當今國際關系啲基本道理，會使講是純粹啲利益交關，無永遠啲朋友，嘛無永遠啲敵人，只有永遠啲利益。雖然真儕中國儂透底了解即个基本道理，不而過有時仔總是會受著感情因素啲纏絆，可比講，對待新加坡，真儕中國儂往往因為感情方面放bōe離，soah將怹當做是遠親來咧看待。中國儂定定有即款想法，認為講既然全世界啲猶太儂攏為猶太儂，安呢，全世界啲華人嘛應該為華人chiah-tio̍h。新加坡是一个華人佔多數啲國家，國土摻中國也無交插(kau-chhap)，應該無啥物利益啲沖突。過去，因為中國鬧“極左”、鬧“輸出革命”，確實捌因為安呢來影響著兩國啲關系。不而過，遐攏古早時代啲代誌嘍。“階級鬥爭為綱”早著已經過去，現此時，中國是全力來咧拼經濟，改革開放，歡迎外資。亦新加坡佮中國共文共種，佫平平用簡體字，怹不但是有了解西方，而且又佫熟似中國，定著會成做”中国改革开放、经济发展啲受益者”。所以，中國儂一貫真自然著共新加坡當做是朋友，對怹一再吞忍，一再優惠。中新建交以來，兩國貿易額、投资额大幅度增長，亦中國甚至猶佫聘请新加坡一寡仔有頭有面啲儂來做國策顧問；將海峽兩岸啲“汪──辜会谈”安排佇新加坡來舉行…應該講，中國已經真顧新加坡面子嘍。呣若安呢爾，佇東南亞金融危機啲時，中國無顧家己咧食虧，堅持人民幣呣貶值，佇關鍵啲時陣，替東南亞各國穩定貨幣行情，實際是直接來咧幫助新加坡。逐个攏知影，金融業是新加坡啲支柱產業之一。中國犧牲自已，穩定金融，即中間新加坡得著啲利益上吤儕。中國為新加坡所做的，實際上已經超越國際關系啲基本原則，一再為伊犧牲家己啲利益。中國是真真正正將新加坡當作是朋友佇咧看待。不而過，新加坡又佫是安怎來咧對待中國咧？
>新加坡早著聲明，佇東南亞，一定beh等遘最後一个chiah摻中國建交，亦建交了後照原beh維持hām臺灣啲軍事合作關系。對對，伊有影講會遘，做會遘。
> 李光耀、吳作棟一再講起：中國啲成長是世界上大啲挑戰，將來亞洲會穩定bōe穩定，噯看咱安怎對待中國啲崛起。李光耀甚至佫講，作為中國儂啲後代，伊知影中國儂真敖吞忍，嘛知影中國儂爆發力真強，真敖抾恨…東亞、東南亞啲國家咔早攏捌得失著中國，一旦中國沖起來，遮个國家必然會受著中國強烈啲報復…所以噯永遠互中國做二流國家。
>新加坡一再鼓吹美國是東南亞重要啲平衡力…美軍退出菲律賓基地了後，新加坡趕緊表示講伊願意補即个空缺(khang-khiah)，現此時，新加坡已經成做美軍佇東南亞唯一啲據點。
> 中國代先表示beh摻東盟(東協)合作。不而過新加坡為著beh平衡中國啲力量，下命主張東盟佮印度啲合作。原底，印度佇東南亞根本無法度插骹，攏是新加坡硬共拖入來啲。新加坡是東南亞頭一个佮印度實行聯合軍事演習啲國家。西元2000年啲時，印度因為堅持beh核試驗，本然猶佫暫時互儂孤立。東盟對印度啲核試驗不但無譴責，顛倒soah表示允准佮支持。即中間，新加坡啲出bōe少力。核試驗了後，印度外長上代先去啲東盟國家著是新加坡。
>中國佮東盟建立自由貿易聯盟啲時陣，新加坡定定三不五時著警告東盟國家噯團結，噯注意中國是競爭啲對手。
> 中國儂佇新加坡受著無公平啲對待，會使講呣是啥物新奇啲代誌嘍。中國女運動員佇新加坡旅游啲時，無代無誌，集體受著店頭家啲摳洗佮詈罵。新加坡啲輿論界一時soah bōe記得“儂客是上帝”、“儂客永遠是tio̍h啲”啲生理經，顛倒是趁機會放肆來咧經體(keng-thé)佮摳洗中國儂，替hit个鱸鰻店頭家辯护。
……
經歷過hit擺啲“SARS”災祸了後，中國實在是噯感謝新加坡chiah tio̍h。第一，即層災難，互儕儕中國儂看分明安呢啲一个基本問題：啥儂是中國啲敵人，啥儂是中國啲朋友；亦第二，等於是咧共中國儂補課，提醒中國儂呣通bōe記一寡國際關系啲基本常識，知影講beh摻儂交陪，一定噯細膩、噯張弛，呣免啥物代誌攏看hiah重，有啲代誌一定噯嚉反面看倒來chiah bōe食虧；第三，這嘛幫助中國放心矴掉(tàn-tiāu)一擔重擔，此去會當規心滿腹來思量本國家己啲利益，呣免佫咧“家己睏桌骹，煩惱別儂厝漏”、煩惱這，煩惱he，煩惱十三代囝孫無米通食。會使講，通过“SARS”災禍，中國儂對新加坡身上上少會當得著三條啲結論：一是呣成囝，二是呣是朋友，三是呣免共伊客氣。
所有遮个代誌攏是發生佇“SARS”爆發進前啲代誌，真儕中國儂往往共新加坡儂當作朋友弟兄，佇關鍵啲時陣出面共怹鬥相幐(thīn)，助怹渡過難關。不而過，當當(tng-tong)中國遭受著“SARS”災難啲時，新加坡又佫是咧做啥咧？
──4月6日(2003年)，新加坡总理吴作栋响应美国华盛顿邮报“封杀中国”啲号召，竟然公開表示拒絕訪問中國。《联合早报》論壇寫講“吴作栋啲作為得著东南亚国家啲訶咾kah欢迎”。
──5月2日(2003年)，吴作栋接受媒体采访啲时，公开對中国治理SARS啲能力表示懷疑，放風講中国會用兩、三年啲時間來治理SARS，鼓吹外资噯趕緊退離中國，講呣通“將所有啲鸡卵攏下(hē)佇共一奇(kha)篮仔內”。
──東盟防SARS峰會本然有考慮中國啲，是新加坡堅持講he是東盟家己啲家內事，沒必要請別儂來插一骹。會後吳作棟風龜講其他東盟國家啲頭儂攏噯看伊啲態度，是伊chhōa頭拒絕中國，講kah無輸伊著是東南亞國家啲英雄。
新加坡今仔日會做出即款啲代誌，絕對呣是單純“看汝bōe爽”遐簡單，也嘛是凊采講講無准算。會使講he是真正狼毒啲傷害，是怨汝bōe緊死，趁汝落難 beh做一困互汝無命啲敵對行動。怹計劃啲目標：第一，佇全球制造一場新啲反華風波，重新封鎖中國，徹底變歹(pìⁿ-pháiⁿ)中國改革開放、發展經濟啲環境；第二，鼓吹外資離開中國，造成中國經濟啲大災難，互伊崩盤；第三，減少中國百姓對政府抗災治國啲信心，使蛇弄鼠，互中國政府指揮失靈，引起社會動亂，最後亡國。
現此時，中國社會算講穩定，犯勢有儂會認為講頂面所講啲“傷譀”、是“無話咧講栲栳”。亦呣佫，呣通bōe記咧，正正因為新加坡是華人佔多數啲國家，嘛正正因為中國一貫共伊當做朋友，儕儕儂想講新加坡對中國啲情形上了解、上實在、上無偏見、嘛上吤權威。所以，新加坡對華啲態度如何，對其他國家影響真大。拄著災難啲時，四界攏誠青狂、誠恐慌，一句無影無跡啲無影話仔，有時聽好(thèng-hó)互儂性命無去， he著若像股市當咧危機啲時，小可仔風聲著有可能崩盤，引起股民跳樓、自殺。共款啲道理，hit陣仔SARS危機，全世界偌儕國家猶咧目睭金金、捎無頭縂 (thâu-cháng)，亦新加坡串串(chhòan-chhòan)著是佇hit時代先跳出來“軍”中國一棋，chhōa頭起來反中國，所造成啲負面影響實在比平常時加大成千倍，好話一萬句不抵歹話講一句。佳哉中國政府及時穩定局勢，佳哉中國儂會共心消滅災禍；佫佳哉國際社會呣相信中國會亂，若無，外口hit寡仔佮中國有怨仇啲儂定著會順應新加坡啲號召，燃(hiâⁿ)柴添火著(to̍h)。安呢，伊新加坡想beh利用SARS危機來舞亂中國啲臭心著有可能會實現。新加坡佇關鍵啲時陣、關鍵啲所在，共中國揬(tu̍h)即刀，這千真萬確，永遠拭bōe去。即擺中國無倒落去，he呣是新加坡手下留情，嘛呣是怹功夫學無倒，he串串是因為中國儂靠家己啲實力，靠儼硬啲個性，佮團結啲意志拍敗災難，互新加坡啲臭心毒行(chhàu-sim to̍k-hēng)破產去。
路尾，新加坡發現勢面呣著，趕緊千方百計beh共放出來啲食食倒轉去。怹動用各項輿論工具，硬拗硬拗，硬beh共關鍵時陣hit款“惡面腔”解說(kái-soeh)講是“滿面啲溫純”。就安呢，一時仔，咧替伊掩勘、替伊辯解啲文章、評論滿天颺颺飛。啥物“新加坡是独立啲主权国家，没有必要考虑中国啲利益”啦，“無歹意”啦，“國家細，孤不將”啦，“法制国家，令出必行”啦，“一貫對中國友好”啦， “平平華人國家，計較無事使”啦（taⁿ嘛好啊，當初時汝新加坡攑刀仔共中國揬落啲時，汝有nih目無？即陣chiah想著講“平平是華人”？！）。亦嘛有儂想beh趁即个時陣倒咬一喙，拍儂喝救儂，佫再搬出“民主自由”即款漚古調來譴責中國，比論有《我為新加坡辯》、《為啥物beh惩罚新加坡》、《中國噯家己來反醒》等等。（賊咔惡儂，真正是“面皮咔厚屎礐梆”！）當然，怹又佫變弄一寡小步數，想講beh來糊涂焦點，可比講，共一條報道“吳作棟佇東盟防 SARS峰會上會見中國總理溫家寶”啲消息，中文報紙報道講，吳作棟為伊進前取消訪問中國解釋並道歉；不而過英文報紙卻是連講也無講“道歉”啲代誌。表面來講，是beh互汝中國儂咔爽淡薄，亦實際根本無任何意義，因為英文chiah是新加坡真真正正啲官方語言。
新加坡即款水氣啲搬弄，實在互中國儂看kah會飽，對頭遘尾，一出國際關系啲文明戲，按拄頭仔啲“雄介介、惡劇劇(ok-khia̍t-khia̍t)”，遘路尾，變kah若 “挹尾狗仔”；按“忘恩背義”遘kah“bōe見bōe笑”；按“hiau-pai鬖鬚”遘kah“假仙假觸(tak)”…bōe輸hit號戲臺頂咧搬大戲，各種骹數(kha-siàu)攏齊備、無漏溝。即款教儂如何看儂辯儂啲教材，實在有錢無tè買。干凋憑即點，中國儂著應該好好仔向新加坡學習、共儂說多謝。
不而過，真儕中國猶原捎無：新加坡是安怎beh反華？中國到底是啥物時陣得失伊咧？（犯拄勢古早時陣蹛佇美洲啲印地安儂也有共款疑問：白儂為啥物beh刣怹，連投降了佫呣放怹煞？印地安儂到底是得失白儂啥貨？？是講，也莫怪印地安儂有hit款啲疑問，因為怹可能佫呣知影啥物號做 “刣儂放火”；呣捌聽過啥物是“豬刀”，啥物是“肉砧”。）這著是東方文明無法度理解西方文明啲原因。汝呣通想講無得失儂、對儂好，安呢著會當天下太平，現實啲世界根本無咧信奉汝即套。
東南亞各國透底有久長啲歷史、傳統佮文化，干凋新加坡無爾(niā)。新加坡原底著呣是一个國家，伊只是馬來西亞啲一部分，是因為馬來亞反對華人chiah 共怹一骹踢出來啲。雖然華人佔多數，呣佫認同中國傳統文化啲華人一貫攏是社會第一下階層(kē-chân)啲散赤儂，亦若hiah-ê“國家精英”，透底是接受過英國、抑是講西方名校全套精心教育啲“高等華人”。遮个“精英”，著是俗語講啲“芎蕉儂”──黃皮白心，雖然怹生做是華人啲范(pān)，不而過心肝內上吤看bōe 起中國文化佮中國儂，怹上敖啲一步功夫，著是踮白儂啲面頭前搖尾、扶LP；斡頭(oa̍t-thâu)佫來經體(keng-thé)、siak-sau華人同胞。（這摻中國國內hit篷“XXXX精英”會使講是共父各母──共一个種族(chéng-cha̍uh)。）所以雖然是華人佔多數，呣佫主流文化卻是東西交插(kau-chhap)，有影“貓peh樹——呣成猴”。亦hit-ê所在不但無資源，無歷史、無傳統，嘛無文化特色，真真正正是一个靠儂去造出來啲雜種、怪胎。
講怹怪胎是怪胎，不而過儂怹攏嘛種(chéng)有著大英帝國啲hit款“hiau-pai佮鬖鬚，三不五時著膨風(phòng-hong)講怹咔早是大英帝國佇亞洲上大啲軍事基地。Hit時，怹看著白儂bōe輸若看著怹祖公，驚kah呣敢講話攏呣敢大細聲；不而過怹對待亞洲各國啲人民，又佫是hiah-nī大曳(tāi-ia̍t)。佇怹啲心肝內，亞洲各國啲人民攏是一寡“土公仔儂、倯儂、無路用儂”。不而過，花無百日紅，真緊大英帝國著來落衰，新加坡嘛無法度佫再“踏馬屎傍官氣”，孤不而將，噯家己去討趁。中國啲經濟猶未沖起來進前，新加坡拄著好狗運， “貓仔無在家，鳥鼠仔咧khiau骹”，怹啲金融業、出口加工業、旅游業、航運業等等各行各業攏舞kah鏘鏘滾，一時互儂比喻做亞洲啲一尾龍，日子嘛過 kah真四序、佫真chhiaⁿ-iāⁿ。不而過，自中國啲經濟沖起去了後，新加坡hiah-ê“二步七仔”著變kah愈來愈無路幹。
東南亞其它國家透底有家己啲歷史、傳統佮資源優勢，怹佮中國啲經濟有互補啲關系，面對中國發展，怹除了看著挑戰以外，嘛會當看著真儕有利啲機會。怹beh適應中國啲發展，呣免傷努力(ló·-la̍t)。相比來講，新加坡著無即款啲機會，怹有做會遘啲，中國早慢嘛會當，甚至做了佫比怹咔讚。利用共文共種、中西通食啲優勢，抾中國發展經濟啲白肉油仔，對新加坡來講，本底應該是簡單kah親像桌頂拈柑，不而過，假使若beh安呢做，新加坡定著噯先收煞“二總管” 啲氣頭(khùi-thâu)，公平來對待一貫互怹看無目地啲中國儂。亦實際上，這對新加坡hiah-ê“國家精英”來講，咔慘ti̍h怹啲性命。李光耀啲言論清楚表達出新加坡統治“精英”啲心聲，he著是“一定噯永遠互中國做二流啲國家”。只beh中國永遠做二流，安呢怹新加坡著是一流，永遠懸汝一級，永遠蹛汝啲頭殼尾頂咧放屎放尿。莫怪東南亞有遐儕國家，串串只有新加坡規工咧哭父“中國威脅論”；也莫怪新加坡狂beh請美國啲海軍倒轉來駐點，牽豬哥仔 ——趁暢！（有影“一世婊，萬世婊”，“牛牽遘北京嘛是牛”。）新加坡真清楚，只beh中美對抗，美國儂著肯出錢維護軍事基地。所以，透白講，新加坡呣是咧驚汝中國亂，是咧驚汝中國呣亂！新加坡規工se̍h-se̍h唸，幫助中國佮厝邊頭尾結冤仇，互中國佮厝邊之間關系愈來愈緊張，怹唸咪招來美國軍艦，唸咪餳(siâⁿ)來印度兵仔，亦動著佫噯唱一葩仔“中國威脅論”，目的無非是為著beh提懸怹國內軍事基地啲地位佮行情。
總講一句，新加坡過去的繁榮是建立佇中國落後散赤、軟汫好偏(nńg-chiáⁿ hó-phiⁿ)啲基礎上。因為中國崛起，形勢有所改變，阻礙著新加坡啲利益，亦新加坡又佫無願意適應新的形勢，家己想beh好過，佫bōe別儂好額。所以，新加坡chiah會千方百計beh來阻擋、破害、乾擾中國啲發展。這著是新加坡為啥物beh用即款歹失德啲步數對待中國啲根本原因。這佮“是呣是華人”無治代。無雄萬代窮！面對著新加坡啲破害佮陷害，中國一定噯佇必要啲時陣回敬對方，絕對呣通軟心，手頭佫咔bōe當落軟。真簡單，因為安呢符合中國啲國家利益，免了偌儕工，beh chhōe理由嘛真簡單。中國代先噯看分明，新加坡對中國啲傷害是透根透底啲傷害，除非汝中國家己甘願beh看衰家己，甘願beh自動破產，若無，實在無理由互新加坡踮hia咧好食睏。這呣是汝中國有得失伊無得失伊啲問題，是儂伊根本著是beh食汝三注遘(saⁿ-tù-kàu)。講咔透白啲，按算beh 欺負汝，呣免等汝得失伊。
逐个嘛噯清醒，對待新加坡啲破害，中國實在是bōe當據在伊去。因為即款惡質啲影響實在有夠厲害，臭柑過籠，過kah規大片，變成“烏鴉鑿石螺”(眾矢之的)，遘尾仔，是非烏白分bōe清，白白布硬互儂染遘烏，安呢著害a。新加坡不時著咧展講“其他東盟國家頭儂攏噯新加坡對華啲態度來確定怹啲對華政策”。假使真正有影安呢，著聽好(thèng-hó)證明新加坡是東南亞反華勢力啲根底，擲(tēⁿ)死一个新加坡，順紲佫兼鎮煞。亦若假使無影安呢，he證明新加坡只不過是“蟑蜍展氣功——膨風”爾。對付即款行江湖啲“老仔”(láu-á)，一定噯徹底liah 破怹啲假面腔，咔免佫四界去共儂術。新加坡啲騙術，上根本啲一招，著是互儂認為講是中國家己將怹當朋友，亦怹反華可以呣免受處罰。伊拍汝十下，汝上無嘛噯還伊五下，若無，新加坡啲無影話仔著會那來那儕儂相信，日後對中國啲危害嘛會那來那大。即个世間，本成(pún-chiâⁿ)著是賊咔惡儂；飯照食、鷄照掠；汝噯伊死、伊噯汝無命。beh對付小人，其實嘛吤簡單，因為小人透底博(po̍ah)軟無博硬。汝今仔日放過一个，伊眠仔再著會bok出一堆。拍死一个，教乖一陣。所以講對付小人一定噯用小人步，有仇報仇，呣免驚伊無命，割頭割遘斷。
用君子之道對付小人，現白講，正港目睭糊著蜊仔肉——青瞑。中國beh收拾新加坡其實吤簡單，呣免動刀動銃(chhèng)，嘛呣免起鑼動調。只beh中國儂日後mài佫將怹當朋友，公事公辦，安呢怹自然會真歹食睏。呣通想講這是簡單啲一句話，過去中國著是因為安呢，呣知受過偌儕冤枉代，食過偌儕虧！呣免講傷遠啦，干凋進前亞洲金融危機，中國為beh 穩定亞洲金融，家己食虧無講，扎有著啲，香港掠外，佫來著是新加坡。中國是驚講新加坡經濟若崩盤，會愈哭父“中國威脅論”。因為安呢，本然有寡仔對中國有利啲代誌，驚講對新加坡會造成阻礙，最後中國soah攏來放棄。可比講，泰國咧央(ang)中國合作修建克拉地峽運河，技术佮财政來講，這並無啥物難度，亦一旦工程完成，日後著呣免定定倚靠馬六甲海峽。這對中國佮泰國啲經濟來講，攏嘛有好無bái，不而過對新加坡啲航運業來講是大大啲不利。亦事實上，中國正正著是顧慮著新加坡啲利益soah一直無做最後啲決定。佫比論講，有儂建議中國噯摻緬甸合作開發输油管道、陸路運輸，安呢一下來，著會當減少中國對東南亞各國啲依賴。亦呣佫中國最後嘛無安呢做，這嘛是帶念著hām新加坡啲關系。
即擺，新加坡變面kán-ná狗，完全無共中國看在眼內。所以，此去中國咧考慮chiah-ê經濟建設項目啲時，嘛會使完全呣免插潲伊新加坡會安怎。安怎想，著安怎做，啥物儂也免佫來比手劃刀、比手弄蹄。這對中國來講，可比“放牛擔”，絕對呣是歹代誌。佫來，若beh摻東南亞國家交關，中國聽好(thèng-hó)直接chhōe怹各國著好a，無需要通過 “東盟”。東盟實際只是新加坡弄嘉禮戲啲戲臺，是助新加坡脹懸身價啲戲臺，實在對中國佮其它國家無任何利益可言。此去中國聽好直接摻各國拍交關，共東盟 hiù蹛邊頭，拆新加坡啲臺仔，互即箍術仔囝無機會通佫再“術”落去。中國安呢做，對任何儂攏bōe造成傷害，除了新加坡以外。這以外，假使中國完成克拉地峡运河工程或者緬甸陆路运输工程，美国利用新加坡做基地來封鎖中國啲可能性著會降下(kàng-kē)。安呢，准講新加坡有心beh做婊賣肉，犯勢著無儂beh買。有tè賣是上好，不而過真正遘kah hit个時陣，犯勢伊新加坡上吤想beh對付啲儂，已經呣是中國，顛倒是厝邊兜hiah-ê穆斯林國家。Hiah-ê厝邊兜一定bōe放新加坡煞尾，因為怹oân仔有生目睭，怹攏呣是khám–ê。安呢，呣免中國動手，新加坡自然著會死kah真歹看。
正正因為新加坡是華人為主要啲國家，又佫是反華啲先鋒，所以中國beh對付國際反華勢力，實際應該刣鷄教猴，先共新加坡捎(sa)起來刣，安呢咔無副作用。新加坡定定想講伊咔懸儂一級，磕bōe著，beh共比骹比手，實際上，佇國際社會中間，肯對伊死忠、願意幐(thīn)伊遘tè啲儂實在真少，亦佫咔無儂願意犧牲家己啲利益來保全伊新加坡。所以，收拾新加坡不但bōe加大“中國威脅論”啲聲說(siaⁿ-seh)，佫會當真好來教示hiah-ê專題靠反華食半暝仔飯啲華人“精英”：呣通想講規工踮hia咧咒懺(chiù-chhàm)中國有儂喝好，時遘若真正著衰是無儂會插潲汝！中國安呢做，對家己有利，對其它國家嘛有利，只有對新加坡無利。新加坡呣是定定愛講“新加坡是主權獨立啲國家，bōe當為中國啲利益犧牲新加坡啲利益。”真好！中國嘛會使講“中國是主權獨立啲國家，無法度為著新加坡犧牲中國啲利益”。Hiah-ê新加坡啲“精英”，敢呣是上吤看無起中國文化？安呢嘛好，即招號做，“以其人之道，還治其人之身”，福建話叫做“用伊涂糊伊啲牆”。中國只有安呢做，無選擇！！！
當今國際關系啲基本道理，會使講是純粹啲利益交關，無永遠啲朋友，嘛無永遠啲敵人，只有永遠啲利益。雖然真儕中國儂透底了解即个基本道理，不而過有時仔總是會受著感情因素啲纏絆，可比講，對待新加坡，真儕中國儂往往因為感情方面放bōe離，soah將怹當做是遠親來咧看待。中國儂定定有即款想法，認為講既然全世界啲猶太儂攏為猶太儂，安呢，全世界啲華人嘛應該為華人chiah-tio̍h。新加坡是一个華人佔多數啲國家，國土摻中國也無交插(kau-chhap)，應該無啥物利益啲沖突。過去，因為中國鬧“極左”、鬧“輸出革命”，確實捌因為安呢來影響著兩國啲關系。不而過，遐攏古早時代啲代誌嘍。“階級鬥爭為綱”早著已經過去，現此時，中國是全力來咧拼經濟，改革開放，歡迎外資。亦新加坡佮中國共文共種，佫平平用簡體字，怹不但是有了解西方，而且又佫熟似中國，定著會成做”中国改革开放、经济发展啲受益者”。所以，中國儂一貫真自然著共新加坡當做是朋友，對怹一再吞忍，一再優惠。中新建交以來，兩國貿易額、投资额大幅度增長，亦中國甚至猶佫聘请新加坡一寡仔有頭有面啲儂來做國策顧問；將海峽兩岸啲“汪──辜会谈”安排佇新加坡來舉行…應該講，中國已經真顧新加坡面子嘍。呣若安呢爾，佇東南亞金融危機啲時，中國無顧家己咧食虧，堅持人民幣呣貶值，佇關鍵啲時陣，替東南亞各國穩定貨幣行情，實際是直接來咧幫助新加坡。逐个攏知影，金融業是新加坡啲支柱產業之一。中國犧牲自已，穩定金融，即中間新加坡得著啲利益上吤儕。中國為新加坡所做的，實際上已經超越國際關系啲基本原則，一再為伊犧牲家己啲利益。中國是真真正正將新加坡當作是朋友佇咧看待。不而過，新加坡又佫是安怎來咧對待中國咧？
>新加坡早著聲明，佇東南亞，一定beh等遘最後一个chiah摻中國建交，亦建交了後照原beh維持hām臺灣啲軍事合作關系。對對，伊有影講會遘，做會遘。
> 李光耀、吳作棟一再講起：中國啲成長是世界上大啲挑戰，將來亞洲會穩定bōe穩定，噯看咱安怎對待中國啲崛起。李光耀甚至佫講，作為中國儂啲後代，伊知影中國儂真敖吞忍，嘛知影中國儂爆發力真強，真敖抾恨…東亞、東南亞啲國家咔早攏捌得失著中國，一旦中國沖起來，遮个國家必然會受著中國強烈啲報復…所以噯永遠互中國做二流國家。
>新加坡一再鼓吹美國是東南亞重要啲平衡力…美軍退出菲律賓基地了後，新加坡趕緊表示講伊願意補即个空缺(khang-khiah)，現此時，新加坡已經成做美軍佇東南亞唯一啲據點。
> 中國代先表示beh摻東盟(東協)合作。不而過新加坡為著beh平衡中國啲力量，下命主張東盟佮印度啲合作。原底，印度佇東南亞根本無法度插骹，攏是新加坡硬共拖入來啲。新加坡是東南亞頭一个佮印度實行聯合軍事演習啲國家。西元2000年啲時，印度因為堅持beh核試驗，本然猶佫暫時互儂孤立。東盟對印度啲核試驗不但無譴責，顛倒soah表示允准佮支持。即中間，新加坡啲出bōe少力。核試驗了後，印度外長上代先去啲東盟國家著是新加坡。
>中國佮東盟建立自由貿易聯盟啲時陣，新加坡定定三不五時著警告東盟國家噯團結，噯注意中國是競爭啲對手。
> 中國儂佇新加坡受著無公平啲對待，會使講呣是啥物新奇啲代誌嘍。中國女運動員佇新加坡旅游啲時，無代無誌，集體受著店頭家啲摳洗佮詈罵。新加坡啲輿論界一時soah bōe記得“儂客是上帝”、“儂客永遠是tio̍h啲”啲生理經，顛倒是趁機會放肆來咧經體(keng-thé)佮摳洗中國儂，替hit个鱸鰻店頭家辯护。
……
經歷過hit擺啲“SARS”災祸了後，中國實在是噯感謝新加坡chiah tio̍h。第一，即層災難，互儕儕中國儂看分明安呢啲一个基本問題：啥儂是中國啲敵人，啥儂是中國啲朋友；亦第二，等於是咧共中國儂補課，提醒中國儂呣通bōe記一寡國際關系啲基本常識，知影講beh摻儂交陪，一定噯細膩、噯張弛，呣免啥物代誌攏看hiah重，有啲代誌一定噯嚉反面看倒來chiah bōe食虧；第三，這嘛幫助中國放心矴掉(tàn-tiāu)一擔重擔，此去會當規心滿腹來思量本國家己啲利益，呣免佫咧“家己睏桌骹，煩惱別儂厝漏”、煩惱這，煩惱he，煩惱十三代囝孫無米通食。會使講，通过“SARS”災禍，中國儂對新加坡身上上少會當得著三條啲結論：一是呣成囝，二是呣是朋友，三是呣免共伊客氣。
所有遮个代誌攏是發生佇“SARS”爆發進前啲代誌，真儕中國儂往往共新加坡儂當作朋友弟兄，佇關鍵啲時陣出面共怹鬥相幐(thīn)，助怹渡過難關。不而過，當當(tng-tong)中國遭受著“SARS”災難啲時，新加坡又佫是咧做啥咧？
──4月6日(2003年)，新加坡总理吴作栋响应美国华盛顿邮报“封杀中国”啲号召，竟然公開表示拒絕訪問中國。《联合早报》論壇寫講“吴作栋啲作為得著东南亚国家啲訶咾kah欢迎”。
──5月2日(2003年)，吴作栋接受媒体采访啲时，公开對中国治理SARS啲能力表示懷疑，放風講中国會用兩、三年啲時間來治理SARS，鼓吹外资噯趕緊退離中國，講呣通“將所有啲鸡卵攏下(hē)佇共一奇(kha)篮仔內”。
──東盟防SARS峰會本然有考慮中國啲，是新加坡堅持講he是東盟家己啲家內事，沒必要請別儂來插一骹。會後吳作棟風龜講其他東盟國家啲頭儂攏噯看伊啲態度，是伊chhōa頭拒絕中國，講kah無輸伊著是東南亞國家啲英雄。
新加坡今仔日會做出即款啲代誌，絕對呣是單純“看汝bōe爽”遐簡單，也嘛是凊采講講無准算。會使講he是真正狼毒啲傷害，是怨汝bōe緊死，趁汝落難 beh做一困互汝無命啲敵對行動。怹計劃啲目標：第一，佇全球制造一場新啲反華風波，重新封鎖中國，徹底變歹(pìⁿ-pháiⁿ)中國改革開放、發展經濟啲環境；第二，鼓吹外資離開中國，造成中國經濟啲大災難，互伊崩盤；第三，減少中國百姓對政府抗災治國啲信心，使蛇弄鼠，互中國政府指揮失靈，引起社會動亂，最後亡國。
現此時，中國社會算講穩定，犯勢有儂會認為講頂面所講啲“傷譀”、是“無話咧講栲栳”。亦呣佫，呣通bōe記咧，正正因為新加坡是華人佔多數啲國家，嘛正正因為中國一貫共伊當做朋友，儕儕儂想講新加坡對中國啲情形上了解、上實在、上無偏見、嘛上吤權威。所以，新加坡對華啲態度如何，對其他國家影響真大。拄著災難啲時，四界攏誠青狂、誠恐慌，一句無影無跡啲無影話仔，有時聽好(thèng-hó)互儂性命無去， he著若像股市當咧危機啲時，小可仔風聲著有可能崩盤，引起股民跳樓、自殺。共款啲道理，hit陣仔SARS危機，全世界偌儕國家猶咧目睭金金、捎無頭縂 (thâu-cháng)，亦新加坡串串(chhòan-chhòan)著是佇hit時代先跳出來“軍”中國一棋，chhōa頭起來反中國，所造成啲負面影響實在比平常時加大成千倍，好話一萬句不抵歹話講一句。佳哉中國政府及時穩定局勢，佳哉中國儂會共心消滅災禍；佫佳哉國際社會呣相信中國會亂，若無，外口hit寡仔佮中國有怨仇啲儂定著會順應新加坡啲號召，燃(hiâⁿ)柴添火著(to̍h)。安呢，伊新加坡想beh利用SARS危機來舞亂中國啲臭心著有可能會實現。新加坡佇關鍵啲時陣、關鍵啲所在，共中國揬(tu̍h)即刀，這千真萬確，永遠拭bōe去。即擺中國無倒落去，he呣是新加坡手下留情，嘛呣是怹功夫學無倒，he串串是因為中國儂靠家己啲實力，靠儼硬啲個性，佮團結啲意志拍敗災難，互新加坡啲臭心毒行(chhàu-sim to̍k-hēng)破產去。
路尾，新加坡發現勢面呣著，趕緊千方百計beh共放出來啲食食倒轉去。怹動用各項輿論工具，硬拗硬拗，硬beh共關鍵時陣hit款“惡面腔”解說(kái-soeh)講是“滿面啲溫純”。就安呢，一時仔，咧替伊掩勘、替伊辯解啲文章、評論滿天颺颺飛。啥物“新加坡是独立啲主权国家，没有必要考虑中国啲利益”啦，“無歹意”啦，“國家細，孤不將”啦，“法制国家，令出必行”啦，“一貫對中國友好”啦， “平平華人國家，計較無事使”啦（taⁿ嘛好啊，當初時汝新加坡攑刀仔共中國揬落啲時，汝有nih目無？即陣chiah想著講“平平是華人”？！）。亦嘛有儂想beh趁即个時陣倒咬一喙，拍儂喝救儂，佫再搬出“民主自由”即款漚古調來譴責中國，比論有《我為新加坡辯》、《為啥物beh惩罚新加坡》、《中國噯家己來反醒》等等。（賊咔惡儂，真正是“面皮咔厚屎礐梆”！）當然，怹又佫變弄一寡小步數，想講beh來糊涂焦點，可比講，共一條報道“吳作棟佇東盟防 SARS峰會上會見中國總理溫家寶”啲消息，中文報紙報道講，吳作棟為伊進前取消訪問中國解釋並道歉；不而過英文報紙卻是連講也無講“道歉”啲代誌。表面來講，是beh互汝中國儂咔爽淡薄，亦實際根本無任何意義，因為英文chiah是新加坡真真正正啲官方語言。
新加坡即款水氣啲搬弄，實在互中國儂看kah會飽，對頭遘尾，一出國際關系啲文明戲，按拄頭仔啲“雄介介、惡劇劇(ok-khia̍t-khia̍t)”，遘路尾，變kah若 “挹尾狗仔”；按“忘恩背義”遘kah“bōe見bōe笑”；按“hiau-pai鬖鬚”遘kah“假仙假觸(tak)”…bōe輸hit號戲臺頂咧搬大戲，各種骹數(kha-siàu)攏齊備、無漏溝。即款教儂如何看儂辯儂啲教材，實在有錢無tè買。干凋憑即點，中國儂著應該好好仔向新加坡學習、共儂說多謝。
不而過，真儕中國猶原捎無：新加坡是安怎beh反華？中國到底是啥物時陣得失伊咧？（犯拄勢古早時陣蹛佇美洲啲印地安儂也有共款疑問：白儂為啥物beh刣怹，連投降了佫呣放怹煞？印地安儂到底是得失白儂啥貨？？是講，也莫怪印地安儂有hit款啲疑問，因為怹可能佫呣知影啥物號做 “刣儂放火”；呣捌聽過啥物是“豬刀”，啥物是“肉砧”。）這著是東方文明無法度理解西方文明啲原因。汝呣通想講無得失儂、對儂好，安呢著會當天下太平，現實啲世界根本無咧信奉汝即套。
東南亞各國透底有久長啲歷史、傳統佮文化，干凋新加坡無爾(niā)。新加坡原底著呣是一个國家，伊只是馬來西亞啲一部分，是因為馬來亞反對華人chiah 共怹一骹踢出來啲。雖然華人佔多數，呣佫認同中國傳統文化啲華人一貫攏是社會第一下階層(kē-chân)啲散赤儂，亦若hiah-ê“國家精英”，透底是接受過英國、抑是講西方名校全套精心教育啲“高等華人”。遮个“精英”，著是俗語講啲“芎蕉儂”──黃皮白心，雖然怹生做是華人啲范(pān)，不而過心肝內上吤看bōe 起中國文化佮中國儂，怹上敖啲一步功夫，著是踮白儂啲面頭前搖尾、扶LP；斡頭(oa̍t-thâu)佫來經體(keng-thé)、siak-sau華人同胞。（這摻中國國內hit篷“XXXX精英”會使講是共父各母──共一个種族(chéng-cha̍uh)。）所以雖然是華人佔多數，呣佫主流文化卻是東西交插(kau-chhap)，有影“貓peh樹——呣成猴”。亦hit-ê所在不但無資源，無歷史、無傳統，嘛無文化特色，真真正正是一个靠儂去造出來啲雜種、怪胎。
講怹怪胎是怪胎，不而過儂怹攏嘛種(chéng)有著大英帝國啲hit款“hiau-pai佮鬖鬚，三不五時著膨風(phòng-hong)講怹咔早是大英帝國佇亞洲上大啲軍事基地。Hit時，怹看著白儂bōe輸若看著怹祖公，驚kah呣敢講話攏呣敢大細聲；不而過怹對待亞洲各國啲人民，又佫是hiah-nī大曳(tāi-ia̍t)。佇怹啲心肝內，亞洲各國啲人民攏是一寡“土公仔儂、倯儂、無路用儂”。不而過，花無百日紅，真緊大英帝國著來落衰，新加坡嘛無法度佫再“踏馬屎傍官氣”，孤不而將，噯家己去討趁。中國啲經濟猶未沖起來進前，新加坡拄著好狗運， “貓仔無在家，鳥鼠仔咧khiau骹”，怹啲金融業、出口加工業、旅游業、航運業等等各行各業攏舞kah鏘鏘滾，一時互儂比喻做亞洲啲一尾龍，日子嘛過 kah真四序、佫真chhiaⁿ-iāⁿ。不而過，自中國啲經濟沖起去了後，新加坡hiah-ê“二步七仔”著變kah愈來愈無路幹。
東南亞其它國家透底有家己啲歷史、傳統佮資源優勢，怹佮中國啲經濟有互補啲關系，面對中國發展，怹除了看著挑戰以外，嘛會當看著真儕有利啲機會。怹beh適應中國啲發展，呣免傷努力(ló·-la̍t)。相比來講，新加坡著無即款啲機會，怹有做會遘啲，中國早慢嘛會當，甚至做了佫比怹咔讚。利用共文共種、中西通食啲優勢，抾中國發展經濟啲白肉油仔，對新加坡來講，本底應該是簡單kah親像桌頂拈柑，不而過，假使若beh安呢做，新加坡定著噯先收煞“二總管” 啲氣頭(khùi-thâu)，公平來對待一貫互怹看無目地啲中國儂。亦實際上，這對新加坡hiah-ê“國家精英”來講，咔慘ti̍h怹啲性命。李光耀啲言論清楚表達出新加坡統治“精英”啲心聲，he著是“一定噯永遠互中國做二流啲國家”。只beh中國永遠做二流，安呢怹新加坡著是一流，永遠懸汝一級，永遠蹛汝啲頭殼尾頂咧放屎放尿。莫怪東南亞有遐儕國家，串串只有新加坡規工咧哭父“中國威脅論”；也莫怪新加坡狂beh請美國啲海軍倒轉來駐點，牽豬哥仔 ——趁暢！（有影“一世婊，萬世婊”，“牛牽遘北京嘛是牛”。）新加坡真清楚，只beh中美對抗，美國儂著肯出錢維護軍事基地。所以，透白講，新加坡呣是咧驚汝中國亂，是咧驚汝中國呣亂！新加坡規工se̍h-se̍h唸，幫助中國佮厝邊頭尾結冤仇，互中國佮厝邊之間關系愈來愈緊張，怹唸咪招來美國軍艦，唸咪餳(siâⁿ)來印度兵仔，亦動著佫噯唱一葩仔“中國威脅論”，目的無非是為著beh提懸怹國內軍事基地啲地位佮行情。
總講一句，新加坡過去的繁榮是建立佇中國落後散赤、軟汫好偏(nńg-chiáⁿ hó-phiⁿ)啲基礎上。因為中國崛起，形勢有所改變，阻礙著新加坡啲利益，亦新加坡又佫無願意適應新的形勢，家己想beh好過，佫bōe別儂好額。所以，新加坡chiah會千方百計beh來阻擋、破害、乾擾中國啲發展。這著是新加坡為啥物beh用即款歹失德啲步數對待中國啲根本原因。這佮“是呣是華人”無治代。無雄萬代窮！面對著新加坡啲破害佮陷害，中國一定噯佇必要啲時陣回敬對方，絕對呣通軟心，手頭佫咔bōe當落軟。真簡單，因為安呢符合中國啲國家利益，免了偌儕工，beh chhōe理由嘛真簡單。中國代先噯看分明，新加坡對中國啲傷害是透根透底啲傷害，除非汝中國家己甘願beh看衰家己，甘願beh自動破產，若無，實在無理由互新加坡踮hia咧好食睏。這呣是汝中國有得失伊無得失伊啲問題，是儂伊根本著是beh食汝三注遘(saⁿ-tù-kàu)。講咔透白啲，按算beh 欺負汝，呣免等汝得失伊。
逐个嘛噯清醒，對待新加坡啲破害，中國實在是bōe當據在伊去。因為即款惡質啲影響實在有夠厲害，臭柑過籠，過kah規大片，變成“烏鴉鑿石螺”(眾矢之的)，遘尾仔，是非烏白分bōe清，白白布硬互儂染遘烏，安呢著害a。新加坡不時著咧展講“其他東盟國家頭儂攏噯新加坡對華啲態度來確定怹啲對華政策”。假使真正有影安呢，著聽好(thèng-hó)證明新加坡是東南亞反華勢力啲根底，擲(tēⁿ)死一个新加坡，順紲佫兼鎮煞。亦若假使無影安呢，he證明新加坡只不過是“蟑蜍展氣功——膨風”爾。對付即款行江湖啲“老仔”(láu-á)，一定噯徹底liah 破怹啲假面腔，咔免佫四界去共儂術。新加坡啲騙術，上根本啲一招，著是互儂認為講是中國家己將怹當朋友，亦怹反華可以呣免受處罰。伊拍汝十下，汝上無嘛噯還伊五下，若無，新加坡啲無影話仔著會那來那儕儂相信，日後對中國啲危害嘛會那來那大。即个世間，本成(pún-chiâⁿ)著是賊咔惡儂；飯照食、鷄照掠；汝噯伊死、伊噯汝無命。beh對付小人，其實嘛吤簡單，因為小人透底博(po̍ah)軟無博硬。汝今仔日放過一个，伊眠仔再著會bok出一堆。拍死一个，教乖一陣。所以講對付小人一定噯用小人步，有仇報仇，呣免驚伊無命，割頭割遘斷。
用君子之道對付小人，現白講，正港目睭糊著蜊仔肉——青瞑。中國beh收拾新加坡其實吤簡單，呣免動刀動銃(chhèng)，嘛呣免起鑼動調。只beh中國儂日後mài佫將怹當朋友，公事公辦，安呢怹自然會真歹食睏。呣通想講這是簡單啲一句話，過去中國著是因為安呢，呣知受過偌儕冤枉代，食過偌儕虧！呣免講傷遠啦，干凋進前亞洲金融危機，中國為beh 穩定亞洲金融，家己食虧無講，扎有著啲，香港掠外，佫來著是新加坡。中國是驚講新加坡經濟若崩盤，會愈哭父“中國威脅論”。因為安呢，本然有寡仔對中國有利啲代誌，驚講對新加坡會造成阻礙，最後中國soah攏來放棄。可比講，泰國咧央(ang)中國合作修建克拉地峽運河，技术佮财政來講，這並無啥物難度，亦一旦工程完成，日後著呣免定定倚靠馬六甲海峽。這對中國佮泰國啲經濟來講，攏嘛有好無bái，不而過對新加坡啲航運業來講是大大啲不利。亦事實上，中國正正著是顧慮著新加坡啲利益soah一直無做最後啲決定。佫比論講，有儂建議中國噯摻緬甸合作開發输油管道、陸路運輸，安呢一下來，著會當減少中國對東南亞各國啲依賴。亦呣佫中國最後嘛無安呢做，這嘛是帶念著hām新加坡啲關系。
即擺，新加坡變面kán-ná狗，完全無共中國看在眼內。所以，此去中國咧考慮chiah-ê經濟建設項目啲時，嘛會使完全呣免插潲伊新加坡會安怎。安怎想，著安怎做，啥物儂也免佫來比手劃刀、比手弄蹄。這對中國來講，可比“放牛擔”，絕對呣是歹代誌。佫來，若beh摻東南亞國家交關，中國聽好(thèng-hó)直接chhōe怹各國著好a，無需要通過 “東盟”。東盟實際只是新加坡弄嘉禮戲啲戲臺，是助新加坡脹懸身價啲戲臺，實在對中國佮其它國家無任何利益可言。此去中國聽好直接摻各國拍交關，共東盟 hiù蹛邊頭，拆新加坡啲臺仔，互即箍術仔囝無機會通佫再“術”落去。中國安呢做，對任何儂攏bōe造成傷害，除了新加坡以外。這以外，假使中國完成克拉地峡运河工程或者緬甸陆路运输工程，美国利用新加坡做基地來封鎖中國啲可能性著會降下(kàng-kē)。安呢，准講新加坡有心beh做婊賣肉，犯勢著無儂beh買。有tè賣是上好，不而過真正遘kah hit个時陣，犯勢伊新加坡上吤想beh對付啲儂，已經呣是中國，顛倒是厝邊兜hiah-ê穆斯林國家。Hiah-ê厝邊兜一定bōe放新加坡煞尾，因為怹oân仔有生目睭，怹攏呣是khám–ê。安呢，呣免中國動手，新加坡自然著會死kah真歹看。
正正因為新加坡是華人為主要啲國家，又佫是反華啲先鋒，所以中國beh對付國際反華勢力，實際應該刣鷄教猴，先共新加坡捎(sa)起來刣，安呢咔無副作用。新加坡定定想講伊咔懸儂一級，磕bōe著，beh共比骹比手，實際上，佇國際社會中間，肯對伊死忠、願意幐(thīn)伊遘tè啲儂實在真少，亦佫咔無儂願意犧牲家己啲利益來保全伊新加坡。所以，收拾新加坡不但bōe加大“中國威脅論”啲聲說(siaⁿ-seh)，佫會當真好來教示hiah-ê專題靠反華食半暝仔飯啲華人“精英”：呣通想講規工踮hia咧咒懺(chiù-chhàm)中國有儂喝好，時遘若真正著衰是無儂會插潲汝！中國安呢做，對家己有利，對其它國家嘛有利，只有對新加坡無利。新加坡呣是定定愛講“新加坡是主權獨立啲國家，bōe當為中國啲利益犧牲新加坡啲利益。”真好！中國嘛會使講“中國是主權獨立啲國家，無法度為著新加坡犧牲中國啲利益”。Hiah-ê新加坡啲“精英”，敢呣是上吤看無起中國文化？安呢嘛好，即招號做，“以其人之道，還治其人之身”，福建話叫做“用伊涂糊伊啲牆”。中國只有安呢做，無選擇！！！
![[Syndicate this site]](http://cdn.rimg.tw/images/blog/rss.gif "Syndicate RSS feed"){kind=small}
![[Syndicate this site]](http://cdn.rimg.tw/images/blog/atom.gif "Syndicate ATOM feed"){kind=small}
