鹭水芗南－闽南语部落-有ê無ê

鹭水芗南－闽南语部落-有ê無ê http://blog.roodo.com/limkianhui/archives/cat_13720.html      -[網站簡介]有狀元學生,無狀元先生。@世間,我佮汝……留話簿仔||學閩南語||笑詼譀古||龜挪鱉趖||在地歌詩||在地料理||言語文字||文化民俗||外國童話（闽南语版）||白話字正字法母語消息||講經説道||廈語文音||古册古典||時事開講||技能技巧||闽南俗語||闽南漢字||泉州講古||閩南歌謠||聽歌學閩南語 zh-tw Roodo Blog System All Rights Reserved Blog搬家公告 Kok-ūi hó pêng-iú, ta̍k-ê hó, sió-chām ùi kin-á-ji̍t khí têng-chí tòa leh "http://blog.roodo.com" chit-pêng ê keng-sin. Sin bāng-chām ê bāng-chí sī : http://amoy.czm.cn/cittolang/, kám-siā ta̍k-ê kè-sio̍k kā gún phâng-tiûⁿ, kó·-lē kah khan-kà. Nā bô saⁿ-khì-hiâm, chiah lâi-khì sio-chhōe-chē. To-siā.

Limkianhui / 2006.11.21

===================================================

各位朋友好！小站即日起將停止在“蕃薯藤-樂多”網誌的更新。新站網址是http://amoy.czm.cn/cittolang/，謝謝大家一直以來的關心、鼓勵和指教。新家同樣歡迎朋友們的光臨與參與，謝謝大家。

Limkianhui / 2006.11.21 ]]> http://blog.roodo.com/limkianhui/archives/2502795.html http://blog.roodo.com/limkianhui/archives/2502795.html 有ê無ê Mon, 20 Nov 2006 23:39:04 +0800 逐个來開講 …走東走西，走壯丁，走偏財～～』

☆★☆★☆

Chia是本部新開發的一个單元，本底是按算講beh邀請《當代泉州音字彙》（網路版）的編著者——黃晉波先生佮滯佇台灣彰化縣二林鎮的緣投少年家——楊境韜先生來開講。Taⁿ黃先生呣知是呣是傷過無閒抑是安怎，soah直直互咱"等無儂"……Ah無要緊啦，kah nā安呢，無…換招咱chiah-ê五路好朋，士儂工商，做伙來拍喙股，牽尪仔補雨傘。感謝逐个…… ]]> http://blog.roodo.com/limkianhui/archives/2054385.html http://blog.roodo.com/limkianhui/archives/2054385.html 有ê無ê Wed, 23 Aug 2006 12:53:10 +0800 暂时离开网路世界，请逐个也保重
各位亲爱的朋友、乡亲序大，逐个好。小弟我，因为某物仔原因，着嗳佮恁逐个暂时来作一个告别，hoan-se真久真久真久boe佫来上网……离开即个美丽的网路世界，实在真无彩……Ah呣佫，我會珍惜各位对我的即份关怀佮疼爱，我會共恁永遠记在心肝裡。感谢逐个，咱有緣再相會。我會佫倒转來，請恁相信我，感谢感谢。

普通话：

各位亲爱的朋友们，各位乡亲父老，大家好。由于某些原因，小弟我必须要暂时告别网际网路一段时间，并在此向各位好朋友说一声再会了。可能，许久许久，我都将无法上网。告别这个多彩的网路世界，的确让人难以释怀……不过，无论如何，我都会珍惜大家长久以来对我的鼓励和关爱，会将这份情永远藏在心里。谢谢大家，期待再相会。我想，我将会再回来的，谢谢了。 ]]> http://blog.roodo.com/limkianhui/archives/1595547.html http://blog.roodo.com/limkianhui/archives/1595547.html 有ê無ê Fri, 12 May 2006 19:26:33 +0800 中國解除對Blogsome的封鎖《六月無善北》peh會得去囉！敢講是中國解除對blogsome的封鎖啊呣？有即款代誌？佫試一遍看māi，精實有影neh！即擺，無信聖（sìn-siàⁿ）嘛著噯暫時bóng信。是講，ah這是tī 時的代誌咧？頂一暫仔，我會記得 oân-á 捌超工佫 kā 試咧，ah hit 陣明明著猶佫 teh 封鎖，想bōe遘無偌久了後的今仔日，封鎖 soah 解除啊。

中國開始封鎖blogsome，是舊年（2005年）熱儂，遘taⁿ 算算咧，已經強卜9月日久啊。舊年blogsome拄拄hông封鎖hit陣，國裡外著有bōe少儂徛出來講話，通過各種方式對GFW即種違背基本人權的漚步，表示譴責佮不滿。當時，tòa佇國外的“马乐伯乐谷”有寫一篇報導——《Don’t stand between me and my Blog！》，對GFW的行為進行摳削佮 phì相。我感覺即篇報導寫了真讚，當時著有kāi翻譯做閩南文，題目無變，共款號做《Don’t stand between me and my Blog！》。

當時，GFW會想卜閘blogsome，嘛呣知是為著啥物原因，kiám-chhái是因為即間外國的blog網站傷過頭「自由」，有足儕中國儂佇hia拍拼佮行踏。儂講「儂儕，話著儕」，會講東講西，該講的攏講啊，不該講的嘛攏講講出來，安呢一下來，儕少著會去礙著咱偉大祖國的政權，「破害」著安定團結的政治局勢。所以，當然是噯閘起來！Ah GFW拄仔好是in飼的一隻狗。儂講「恨攑刀兮，無恨刣儂兮」，無法度，GFW hoān-sè 也有伊家己的苦衷，不而過，為著飯碗，明知影顧儂怨，嘛只好歹儂做遘底。

時間過去卜9月日囉，blogsome總算洗清冤枉，無罪釋放。9月日，實在無算短，講咔歹聽的，he「連囝嘛生出來啊」，對一个網路傳媒來講，時間著是錢銀，儂客著是財路，損失，是起碼的代誌。對中國的blogger來講，減一个blogsome，hoān-sè bōe有啥物實質性的損失，顛倒會當透過即款的事件重新佫來看清楚即个社會，跋一倒，加得著一份智慧。

儂講「樹身徛得正，呣驚樹尾儂搖風」，烏雲，咔厚嘛bē久長；日頭總是噯出來。今仔日blogsome放出來啊，咱teh歡喜，teh紀念，呣佫，逐个呣通bē記得，猶佫真儕真儕佮 blogsome共款運命，甚至佫咔慘的，taⁿ 猶佫ut佇「籠仔裡」（lông-á-lāi）做著hit款佮in的身份無對同（tùi-tâng）的「監囚」（kaⁿ-siû）。到底 in 是犯著啥物天條？敢攏無天公地道啊？咱祝願chiah-ê「監囚」會當早一日見著日頭光。 ]]> http://blog.roodo.com/limkianhui/archives/1286678.html http://blog.roodo.com/limkianhui/archives/1286678.html 有ê無ê Mon, 20 Mar 2006 14:15:14 +0800 「茄」佮「蟯」《干證大理概》，當中有講著一寡lio̍h-á 咔臊（chho）、咔薟（hiam）的，我摘錄一段互儂bóng鼻芳，大概是安呢：

「Masturbate」佇閩南語裡底上蓋捷（chia̍p）講做「拍手銃」，嘛有 khah 孽--ê thiau-kang kā 號做「五个拍一个」、「chek 豆奶」佮「溜膦」--ê，……thang 用「手淫」來表示……

朋友敢捌聽過一句俗語話，號做「三條茄，呣值得一粒蟯」(saⁿ-tiâu kiô, m̄-ta̍t-tit chi̍t-lia̍p giô)？這意思是講：三个諸夫儂（cha-po·-lâng：男子），咔輸一个諸姥儂（cha-bó·-lâng：女子）。「茄」本成著是一條長長，著親像諸夫儂「下底hit 叢『第三支跤』」，所以，「茄」是代表「諸夫儂」。Ah nā 「蟯」本成是生活佇水底的軟體動物，佮「蚶仔」啦、「蜊仔」啦、「九孔」啦…平平攏是共一類的，比論講「粉蟯」（北京話：文蛤）。北京話咧講的即个「田蚌 / 蚌殼」，漳州話號做「田棓 / 蟯棓」（chhân-pe / giô-pe），這嘛有用來咧罵--儂，意思佮「膣bai」（chi-bai）共款，表示「陰戶」。因為漳泉儂自來 kā 諸姥儂「hit-ê所在」（陰戶）比論做「蟯」，所以，有噹時仔，儂咧講「蟯」，he著是代表「諸姥儂」（女性）的意思啦。

翁仔姥鬥陣做夥，常在(chhêng-chāi) 咧做 hit-lō「工課」（khang-khòe）、穡頭，這是「天公地道」的代誌。Nā 即款「工課」，儂講「lu田」或者「犁田」、「駛田」。佇咧猶未開始正式「犁田」進前，往往著噯加少安呢「thoáⁿ 一寡草仔」、「戽（hò·）淡薄田水」，thang 為小停正式「駛田」來做準備。這號做「熱車」啦。這oân-á 有一招，儂講「69式」的，kài時行，會使講是中外有名，世界通儂知（kan-na 活死儂呣知niâ）。講著即招，呵呵，凊彩用跤頭u 想想咧，嘛知影he著噯男女雙方相互配合chiah有通sńg。正港是「錢無兩个，poa̍h bōe鏘」。即中間，諸姥儂做的工課，儂講「含茄」（kâm-kiô），ah 諸夫儂做的工課，儂講「舐蟯」(chi-giô)。 ]]> http://blog.roodo.com/limkianhui/archives/1146243.html http://blog.roodo.com/limkianhui/archives/1146243.html 有ê無ê Sun, 19 Feb 2006 21:36:04 +0800 華視8點檔《舊情綿綿》，有儂講「漚戲拖棚」，敢安呢？華視8點檔電視連紲劇《舊情綿綿》搬百幾集啊，自舊年8、9月仔搬遘taⁿ，猶佫未煞，聽講已經是換第三代演員囉。會記得，頂擺的頂擺（舊年啦），我倒去廈門，注死tn̄g著即齣《舊情綿綿》拄好開始佇咧搬，hit擺，拄好我請成禮拜的假期，嘛拄好是阮牽手兮佮阮丈姆婆仔in兩个母仔囝一工遘暗咧看台灣的電視，我「局不局」趁in直直看，攏總看差不多卜5~6集。初初看即齣戲，感覺hàm-hàm niā、普通普通啦，總是，無通真好，也呣是講偌bái--安呢。這是我對即齣戲，上頭仔的印象。

路尾，佫過久久，差不多有一月日hiah-ni̍h久，我佫轉去廈門，無疑悟即齣戲soah猶佫佇咧搬。呣佫，即擺，我並無注神坐落來斟酌kā欣賞，原因是，第一，hit擺倒去，有足儕代誌噯做，確實真無閒，當然嘛無心情（sim-chiâⁿ）好好坐落來看電視；第二，是我家己的思想咧作弄，我想講像即款戲搬chiah久，穩當又佫是hit-lō「漚戲咧gâu拖棚」，mài看也罷！因為有安呢想，所以，佫咔無可能tiām-tiām-á 坐落來觀賞……等我代誌chhiâu好勢，著做我佫轉去工地做工囉。

最近即擺，是拄好sòa著春節假期，通好佫一擺轉去閩南過新正。想bōe遘，真正想bōe遘，想bōe遘即箍「華視」猶佫佇hia咧「舊情綿綿」……阿娘喂，擋chiah久，真正無簡單！

逐个hoān-sè會小可佇咧起誤會，當做講我是存辦咧摳削儂，其實呣是。我顛倒是卜來講好話nah。儂講「親年頭、舊年尾，著講好話」，我汰討（thài-thó）敢講「歹話」，著無咧「破格」、「歹吉兆」咯！真正的，我即擺真正是去即齣戲迷去啊，去趿著（sahⁿ--tio̍h）啊 to̍h tio̍h啦！

雖然講，戲齣的劇情設計、安排，oân-á 佫有 bōe少無講 kài 合情理的所在，不而過，總的來講，即齣戲soah愈搬愈合我的氣口，愈哺愈有味。我咧觀賞閩南語戲曲抑是講電視劇，自來攏呣是將伊的劇情看kah真重，我攏咔致重伊的語言佮口白，看he語言運用有端的(toaⁿ-tiah)無，講了有趣味無。

即齣《舊情綿綿》會互我感覺「倒尾甜」，會直直想卜佫看紲落去，這證明伊的語言、對白有去互我憶著（it--tio̍h），會當吸引著我，互我感覺有趣味。當然，我安呢講，無代表講即齣戲的語言安插、對白對談完全攏無欠點佇咧（准講朋友汝oân-á有咧看，相信汝嘛會當定定chhōe著一寡有tāⁿ 誤，抑是講無夠水氣的字眼）。是講，我是感覺講，安呢著已經算講bōe歹啊。我看即个導演定著有用苦心佇咧。尤其是「顔麗貞」即腳（kioh：角色）（席曼寧裝的）佮「汪邦雄」即腳（龍邵華裝的），he閩南語真正講kah足讚的，足滑溜、足輦轉的，用著kài儕漳泉俗語話，像講：「pê床khàng席」、「拖屎連」、「歹心烏漉肚，卜死，著初一十五；卜埋，著風佮雨」、「洗面礙著耳」（嘛有儂講「洗面礙著鼻」）、「惡馬惡儂騎」、「火燒林投——bōe死心」、「越奸越巧越貧窮、奸奸巧巧天不從」、「火燒豬頭——面熟面熟」……其他兮，佫比論講hit个「阿源」、進前hit个「海豬仔」等等，嘛攏誠趣味、誠gâu講笑詼。

儂講「材料遘，呣是新婦gâu」，雖然，導演hoān-sè有斟酌佇咧設計臺詞，不而過，演員本身的素質應該 hàm-hàm 懸（koân）。龍邵華，我是常在（chhêng-chāi）有看伊咧搬「本土劇」，瞭解伊閩南語講了hàm-hàm讚。Ah nā 席曼寧即个諸姥（cha-bó·）演員，我著有影咔無瞭解（阮某咔知），不而過，我聽伊咧講話的屈勢，hoān-sè講了比龍邵華有咔贏無咔輸neh，即个席小姐應該是台南腔。

－－－－－－－－－－－－－－－－－－－
◎《舊情綿綿》片尾曲唱：林姍

若暎暗，我來離開汝，我呣知卜行叨位去
我以後，心情若稀微，身邊攏無汝通安慰
無論雨來抑好天，呣管海角抑天邊
深深思念汝，我對汝情綿綿
呣知是苦抑是甜
夢中叫著汝名字，夢醒心頭暗傷悲
烏雲烏雲，緊過去，汝我重新佫開始

Nā eng-àm, góa lâi lī-khui lí, góa m̄-chai beh kiâⁿ tó-ūi khì
Góa í-āu, sim-chêng nā hi-bî, sim-piⁿ lóng-bô lí thang an-ùi
Bô-lūn hō·-lâi ia̍h hó-thiⁿ, m̄-koán hái-kak ia̍h thiⁿ-piⁿ
Chhim-chhim su-liām lí, góa tùi lí chêng mî-mî
M̄-chai sī khó· ia̍h-sī tiⁿ
Bāng-tiong kiò-tio̍h lí miâ-jī, bāng-chhíⁿ sim-thâu àm siong-pi
O·-hûn o·-hûn, kín kòe--khì, lí góa tiông-sin koh khai-sí

]]> http://blog.roodo.com/limkianhui/archives/1137196.html http://blog.roodo.com/limkianhui/archives/1137196.html 有ê無ê Fri, 17 Feb 2006 20:49:44 +0800 《闽南之声》广播错误的读音实在有够侪《閩南之聲》廣播，是廈門人民廣播電臺佇舊年（２００５年）開通的一个新的廣播頻道，用閩南語放送。本然，我是久久攏無咧聽廣播囉，算算咧差不多三四年啊。Ah今仔日，想講bóng來去kā聽看māi咧。這是頭一擺聽《閩南之聲》廣播，儂佇咧外省，無法度用收音機聽，我選擇在線收聽。

進前，lio̍h-á有聽朋友講起《閩南之聲》廣播，總是「儕儂呵咾，少儂嫌」啦。見擺聽朋友講起，我攏tiām-tiām無做聲，因為我無親耳空聽著，呣敢烏白kā儂講東講西。

今仔日早起，量其約仔十點捅仔開始，佇線頂聽一tiap久仔，具體是tó一檔節目，咱mài kâng「點油做記號」啦，因為咱sòa 落來，beh講的攏是一寡kâng嫌的話，所以，mài kâng 叫名叫姓咔好啦。

雖然是聽一tiap久仔，不而過，講正經的，咱是聽 kah雞母皮強強beh giâ起來，愈聽愈掠狂，實在聽攏bōe落去啊，歸去禁禁捒（sak）咔清閒！

汝kā聽看māi咧，he "choa̍h音"啦、“誤讀”啦，chhìn-chhái 捎（sa）攏嘛規斗籠，真正互儂會「chheh心」，會「傷心」——

危樓：ûi-lâu。正音是：gûi-lâu。
原因：oân-im。正音是：goân-in。
囡仔：ín-á。正音是：gín-á。
阮：ún。正音是：gún （goán）。
刷卡：soa-khá。即个語詞，上早是按普通話來的，閩南語nā beh照字面來翻，上無嘛噯讀做：soah-khá。「刷」是入聲字，呣是舒聲，伊的讀冊音是"soat"，白話音是"soah / seh"。不而過，即个語詞，上好是mài直接去翻普通話的講法，講實在的，he無合（bô ha̍h）咱閩南語的氣口（khùi-kháu）。普通話即个「刷卡」，閩南語會當講做「luh 卡」。
恐怖：khóng-pò·。正音：khióng-pò·。即个講法，實在講，oân-á是按普通話來的，比論講「實在有夠恐怖」。當然啦，即句聽好（thèng-hó）講做「真正會驚死儂！」，安呢，hoān-sè咔有合（ū ha̍h）淡薄，看有影無？
臥鋪：ok-pò·。正音：gō-pò·

Chhun--ê，實在猶佫真儕真儕，聽了soah隨bōe記得……總是，咱發現講，in chiah-ê 電臺主持人透底將即个聲母當中本然有帶[g-]的，soah攏總來kā伊拍交落（phah-ka-la̍uh）去，變成一種佇咧社會上愈來愈普遍，愈tò·愈害的choa̍h音。

這以外，儕儕詞語攏是照搬普通話的講法，有的歸去soah唸普通話……

唉，真正是「講起來，天烏一爿去」，mài佫講，咔bōe棘心，咔省氣ló·。 ]]> http://blog.roodo.com/limkianhui/archives/985511.html http://blog.roodo.com/limkianhui/archives/985511.html 有ê無ê Wed, 11 Jan 2006 10:55:06 +0800 有聲的網誌 / 有声的blog 眠床因何會叫歌（閩南·囡仔歌）

《布斯佮布萊爾有趣味的對話》（京—閩對譯）

《林氏閩南語教程》

《满江红》 ]]> http://blog.roodo.com/limkianhui/archives/1244378.html http://blog.roodo.com/limkianhui/archives/1244378.html 有ê無ê Mon, 02 Jan 2006 15:23:05 +0800 Wikipedia, 去互Tiong-kok吊鼎…… Wikipedia chú-tiuⁿ "tiong-li̍p", "chū-iû", "khai-bêng", pò-tō chin-siòng, toân-pò· kho-ha̍k, toân-pò· tì-sek, sī chi̍t-phō chin-chin-chiàⁿ-chiàⁿ iû choân-bîn kiōng-tông chhòng-chok, kiōng-tông hōng-hiàn ê pek-kho choân-su. Wikipedia sī iu-siù ê pek-kho choân-su !

Chin put-hēng, chit-phō iu-siù ê pek-kho choân-su, tī kong-goân 2005 nî 10 ge̍h 21 hō· chit ji̍t, koh chi̍t-pái cho-siū Tiong-kok tong-kio̍h GFW lâi hong-tó·. Che sī Wikipedia le̍k-sú siōng, tē-saⁿ pái hō· Tiong-kok "kiông-kan". (Chìn-chêng nn̄g-pái hong-só hoat-seng tī 2004 nî 6--ge̍h kah 9--ge̍h). Lán bô hoat-tō· ū-kè chit-pái hong-só sī chiām-sî--ê a̍h-sī tn̂g-oán--ê.

Ē-bīn ê pò-tō, choân-pō· hām Tiong-kok ū tī-tāi, hām pa̍t-ê kok-ka kah tē-khu bô koan-hē.....

Chū-chêng (自从) kok-lāi hiah-ê " eng-châi "（精英） hoat-bêng hit thò "só·-jī tn̂g-siâⁿ" liáu-āu, chi̍t-tōa-tu kok-gōa chhut-miâ ê bāng-chām kah Blog ho̍k-bū-siong to̍h sio-liân-sòa hām Tiong-kok jîn-bîn tn̄g-lō·, khó-pí-kóng : Blogger, MSN Group, Blogcity, Blogsome t.t. ....... In-ūi "an-choân būn-tôe", chiah-ê ū-miâ ê gōa-kok bāng-chām ko·-put-jî-chiong ài lī-khui Tiong-kok-lâng ê sī-soàⁿ. Kin-á-ji̍t lûn-tio̍h Wikipedia tio̍h-soe.

Wikipedia tiàm choân sè-kài lóng-chóng ū siat 4-thò ho̍k-bū-khì. Hân-kok, Florida (Bí-kok), Amsterdam (Hô-lân), Paris (Hoat-kok) chiah 4-ê só·-chāi kok 1 thò. It-poaⁿ lâi-kóng, tòa-tī Tiong-kok ê iōng-hō· sī liân-chiap kàu Hân-kok hit-pêng ê ho̍k-bū-khì. Kun-kù liáu-kái, bo̍k-chiân GFW kan-taⁿ hong-só ūi-tī Hân-kok kah Florida chit 2-ê só·-chāi ê ho̍k-bū-khì. Sui-jiân chit-chūn Tiong-kok ê bāng-bîn iû-goân ē-tit hóng-mn̄g Amsterdam kah Paris hit-pêng ê ho̍k-bū-khì, m̄-koh ji̍t-āu ê chêng-hêng ē piàn siáⁿ-khoán, si̍t-chāi chin pháiⁿ-kóng.

Wikipedia sī 1-chō "kiōng-tông chhòng-chok" ê pêⁿ-tâi, sui-jiân chú-tiuⁿ "tiong-li̍p", "khek-koan", chòng--sī, ū-kóa-á tiâu-ba̍k (a̍h-sī bûn-chiuⁿ) lân-bián ē kah "Tiong-kok tong-kio̍k" "chú-liû koan-tiám" bô sio-siâng, he̍k-chiá sī sio-hoán-pōe. Che si̍t-chāi sī chin pêng-siông ê tāi-chì, to̍h chhin-chhiūⁿ téng-chi̍t-chām-á 1-ê Tâi-oân chok-ka tī Tiong-kok Pak-kiaⁿ Tāi-ha̍k káng-ián ê sî-chūn kóng--ê án-ne : khoàⁿ-kòe A-phìⁿ (sek-chêng iáⁿ-siōng) liáu-āu, sia̍p-ki̍p kiông-kan ê àn-kiāⁿ tian-tó ē ná lâi ná chió. Chit-kù oē khah-si̍t ū it-tēng ê tō-lí tī--leh. Ē-sái kóng, Tāi-to-sò· ê Wiki iōng-hō· lóng kū-pī hun-piān sū-hui hó-pháiⁿ ê lêng-le̍k, ká-sú nā m̄-sī án-ne, in kun-pún bô hoat-tō· chham-ú Wikipedia ê pian-chi̍p.

Sū-si̍t siōng, GFW chin-chá to̍h chhái-chhú "kòe-lū" ê chhò-si lâi chhú-lí hiah-ê "bín-kám jī", "koan-kiān jī". Nā kóng chìn-chêng ê "kòe-lū" chhò-sī khó-pí teh "iam-ke", nā án-ne chit-pái choân-bīn hong-só thèng-hó kā tòng-chòe sī "thâi-ke". Chhái-iōng chit-khoán "oân-choân keh-lî" ê àu pō·-sò·, sit-khì--ê choa̍t-tùi ài pí tit-tio̍h--ê khah chē. Sio̍k-gú kóng, bat sǹg m̄-bat tî, thó bí oāⁿ han-chî....

Siat-sú hong-só nā bô kái-tû, hoān-sè bián lōa-kú ê sî-kan, Wikipeida ê Tiong-bûn pō·-hūn (Tiong-bûn Wikipedia) to̍h ē sit-khì chú-iàu ê pian-chi̍p le̍k-liōng, iah chú-liû ê pian-siá kûn-thé mā sûi oāⁿ-chòe Tâi-oân, Hiong-káng kah hiah-ê tòa-tī hoan-iûⁿ hoan-pang ê Tiong-bûn iōng-hō·. GFW m̄-thang ké bōe-kì, tìⁿ khám-khám: hiah-ê só·-chāi lí sī khòng-chè bōe-tio̍h--ê. Tong-jiân, bô Tiong-kok-lâng, Wiki mā-sī chiàu kiâⁿ chiàu cháu, put-jî-kò, án-ne Wiki ê giân-lūn tiāⁿ-tio̍h ē tùi Tiong-kok tong-kio̍k lú lâi lú put-lī.

"Lēng-khó chhò sat 1000, put-khó lāu-siap 1 lâng", che chiah-sī GFW chin-chiàⁿ ê chok-hong, iah GFW mā chí-sī Tiong-kok tong-kio̍k chhī--ê 1-chiah káu niā-niā.

Sī-kóng, tī chia, lán iáu-sī siuⁿ-beh lâi kā GFW thê chi̍t-kóa siān-ì ê kiān-gī. GFW èng-kai chiong tiōng-tiám hē tī "Firewall", m̄-thang siūⁿ-khang siūⁿ-phāng ngē-beh lâi kā Tiong-kok ê Internet kah sè-kài ê Internet thiah hun-lî. GFW chìn-chêng tùi Google kiông-chè kòe-lū, chiâⁿ chē bāng-chām lóng cha̍h-cha̍h--khì, che i-keng kā Tiong-kok ê bāng-bîn chō-sêng chin tōa ê mâ-hoân, chit-pái liân Wikipedia soah tòng--khì-lâi, koh-khah bô jîn-tō.

"Chi̍t-chhiú jia ba̍k, bô khoàⁿ-kìⁿ tōa-soaⁿ" （一手遮目，無看見大山）, chit-ê tō-lí kám-kóng bô liáu-kái ? ]]> http://blog.roodo.com/limkianhui/archives/648644.html http://blog.roodo.com/limkianhui/archives/648644.html 有ê無ê Fri, 28 Oct 2005 19:11:16 +0800 網站簡介網站简介(Language: Amoy):

各位敬愛ê好朋友、鄉親序大，歡迎來遘小站行踏se̍h-chhit-thô。遮是一个閩南語êCLUB，頇颟頇颟ê我，著是即个CLUB ê Administrator。有緣佮汝來交陪，是小弟我ê福氣^^

本站，大概有分做即幾个專欄：“學閩南語”、“笑詼譀古”、“母語消息”、“講經説道”（母語研究）、“廈語文音”、“古册古典”、“在地歌詩”、“翻譯文學”、“技能技巧”佮一寡仔“有ê無ê”....橫直，遮伫頭頁拢看會著。

站長简介：

總是噯小可仔自我介紹一下。小弟我是漳州儂，徛家伫廈門，親情(chhin-chiâⁿ)朋友拢叫我“阿輝”。Nā我ê嵗聲....這，儂講“三十往後，才知天懸地厚”，論實在ê，我猶佫呣知天地幾斤重。

閩南語：

有ê所在叫做福建話，有ê所在叫做Holo話，iah nā beh論真講，著是漳泉語。閩南語是咱ê母語，是咱ê根本。不而过，真不幸，即陣伫咱福建南部，伫對岸臺灣，愈來愈儕ê儂共母語放捒。見擺講起即層代，小弟我是感覺真正艱苦心！

腔口：

語言平等，無分好歹。廈門話、台灣話是標准語；漳州話、泉州話是根本；廈門、台灣、同安，拢是漳泉濫。凴良心講，閩南、台灣是一个整體。

小弟我是龍海儂，自細漢講漳州腔，大漢了後學會曉廈門腔、台灣腔，嘛加少了解一寡同安、泉州所在ê腔口。

寫網頁，我用漳泉濫(chiang-choân-lām)；網頁文字：漢字、白話字(POJ)。設使汝無了解"白話字"是啥，請參看中文維基百科全書相關ê介紹；設使汝有想beh瞭解白話字（POJ）ê書寫規則，請看小站ê介紹。

Nā beh佮阮交陪ê，勞煩來去→[留話簿仔](遮是舊留話簿)。

母語文聯播網：

佇遮，beh來kā儂客吹銷即个母語文聯播網。這是一个集合各所在（BLOG）閩南語文ê聯播網，互汝呣免去四界kho̍k-kho̍k趖，著通瞭解著每一工線頂上新、上讚ê閩南語文文章。

阿輝ê地盤：

講實在話，nā電腦技能，我是無半撇。當初時，本然是想beh來去請一个“個人空間”來罔變弄，不而過，電腦智識、網路智識實在有咔欠，想罔想，正經nā beh做是“有心無膽”。路尾，聽儂講寫網誌咔簡單一屑仔，自安呢趁儂時行起來……

~·~[六月無善北]~·~[快樂ê火車頭]~·~[=白水營=...]~·~[杜蚓仔ê春天]~·~[鷺水薌南（沖繩站）]~·~

感謝汝，祝願汝平安四序、歡喜趁大錢！！ ]]> http://blog.roodo.com/limkianhui/archives/123130.html http://blog.roodo.com/limkianhui/archives/123130.html 有ê無ê Thu, 06 Oct 2005 10:56:13 +0800 婊囝無情，契兄無義
講起來話頭長。未講進前，共款卜先來澄清一下：我相信台灣國大多數的老百姓攏是善良、有智慧、捌道理，值得尊敬的人。

有山著有水，有人著有鬼；有樹著有鳥，有社著有婊。咔安怎文明的社會嘛是會出小醜仔。

昨昏無細膩一骹踏入即間賊仔店。賊仔頭、賊仔婆，猶佫有一陣牛頭馬面，圍圍做一下，當咧拆食人肉，ná孝孤ná咧肏訐譙，哭枵講人肉傷chiáⁿ 誠歹食。

聽即陣(tīn)賊星咧議論，才知影講「食人肉」即出劇情的前因後果。噹時仔是安呢啦，一个賊仔婆進前呣知為安怎hông強姦去，因為強姦犯實在傷粗勇，若卜報仇犯勢是無望。卜報chhōe無主，呣報嫌bōe爽。賊仔黨真呣甘願，見笑轉受氣，只好裝痟狗，見著生份人，呣是咬..著是吠，用安呢來排解怹的不滿。講起來有影真不幸，無偌久了後，著有一寡仔無辜的人著衰，成做即陣(tīn)狂狗賊星的目標。

初起先，咱是想講好喙來苦勸，呣才會共怹拍喙讒(phah-chhùi-châm)，叫怹呣通安呢生。無疑悟，即陣(tīn)痟人根本是非無分，不但呣聽苦勸，顛倒soah逼kah我一時「公親變事主」，衰潃衰死去掃著風颱尾。

有一句話講「人(jîn)不(put)犯我(ngó·)，我不犯人；人若(jio̍k)犯我，我必犯人」。可能是注定命中有劫數，taⁿ soah真正「頷kún仔生瘤——拄著啊」、無法度，講是講bōe清啊，閃嘛閃bōe過啊，chheh心咬齒根佮伊拼，決定卜拍kah互伊變婊囝。

我即个人有一款性地，若卜佮人相殺(siong-sat)，絕對無hiah緊放伊煞，一定噯刣kah互伊無性命才有邪。當然，我bōe佫有任何的顧慮，對付chiah-ê婊囝，本山人原在有二步七仔。既然逐个呣做「君子」，beh行「小人步」，安呢我絕對會比怹佫咔小人。「人若犯我，我必犯人」，我自然bōe佫軟心，一睏頭，將怹祖公十八代肏(chhoh)kah thàng，半个著無漏交。

不而過，想bōe遘賊仔店內底 hit箍牛膦店主 hiah-nī無擋頭，bōe堪得gêng，見笑轉受氣，soah代先拍歹遊戲規則，將本山人按算卜削怹祖公祖嬤的大細張帖仔攏總刣掉，順sòa佫臭心毒行，tiàm hia添注一chōa字：「支那豬的乞食調」……這是卜算啥？正港是：敢做婊 soah咧驚大支LC !! 即款人，我永遠看怹無目地。Chhit-thô bōe落去，遊戲煞鼓。

親像即款放蕩的人生、無聊的劇情，chhiⁿ-chhiⁿ一擺著好，收煞。 ]]> http://blog.roodo.com/limkianhui/archives/523292.html http://blog.roodo.com/limkianhui/archives/523292.html 有ê無ê Sun, 25 Sep 2005 23:27:09 +0800 食鱘——興管（興講）（寫即篇呣成文，著親像「鴨仔咧過溪——無蹽（無聊）」。各位台灣的朋友，小弟我beh先向逐家講一聲「歹勢」，sòa落來，若有得失著的所在，請諒解，感謝）

因為安呢（[1]、[2]），所以安呢——

Ringo Lin桑：

感謝汝撥工拼過來教示我即个呣知天地幾斤重的懵懂少年。歹勢啦，咱咔實猶佫真生份，進前有影是我家己咧「媠面」，我代表我家己，向汝會失禮。

照實講，汝的母語，佮我的母語，應該算共一種語言，雖然咱是蹛佇兩個無共的國家。雖然汝無當面對我講過，不而過，若照我進前一暫仔咧觀察，我感覺汝原在有同意我即句話。汝講汝呣是一个橫柴攑入灶的人，ah事實上我嘛一直相信汝應該呣是迄款人。

就事論事，對事無對人。我真心感謝汝的「看重」，會當佇汝的心內留落「單純」的印象，呣管即款印象有偌短暫，總是攏會當互我感覺歡喜。事實我嘛真想beh直直安呢單純落去~~

汝講汝無法度接受「閩」，雖然汝無講，呣過我瞭解當中是啥因依。假使汝遘即陣猶原有認同漳泉話，若安呢，我通好講汝聽，福建無人咧講「福佬話」、「河洛話」，當然佫咔無可能是台語。貴國稱呼「台語」的人，有的講遘底是無認同漳泉話；有的根本呣知影有漳泉；當然猶有的是趁人叫的（講祖傳的啦，恁的查甫祖先蹽過烏水溝了後，福建話soah變做台語）……

「台灣人出頭天是400年前　我的祖先揹皇金甕仔渡過烏水溝著定根的決心
無需要任何其他的人尊重抑是肯定……」實在誠歹勢，我又佫犯錯誤啊，即擺我知影是我呣tio̍h，我無應該濫糝「尊重」別人。

「台灣人用『支那』罵人　是決心"公嬤隨人杵"……」，嗯，有影neh！所以，我進前著捌講過啊，人bōe-giàn佮汝中國人好，bōe-giàn認汝即個親,ah汝（中國人）soah硬beh佮人牽麵線親，何必苦？我是福建人，我知影鄉土歷史有記載，講佇明、清的時代，阮福建即个散赤所在，三不五時著有人過番過洋，出外討趁。有的人siàu念故鄉，雖然佇外鄉無法度倒轉來，呣佫猶原會教示怹的囝孫序細：咱是唐人，咱的故鄉佇唐山福建。不而過，一樣飼百樣人，嘛有迄號出去了後，自願攑石頭斷路的……也莫怪啦，有的人出去了後，為著討三頓飽，hām外族合婚，在所難免。比如所謂的「印尼華人」……當然，我個人是主張福建人mài去認chiah-ê「親」。汝看，怹幾落百年來，直透hām外族合婚，講咔歹聽的，早著變種啊，敢呣是？He哪有可能佫共血蹟？！無共了了啊啦！一代親，二代表，三代無了了。自古遘今，民族的分裂、民族的形成，攏嘛照即條規律咧行。所以，貴國岩里政男先生佮伊的信徒，有時咧講，原在hàm-hàm有道理，怹講：台灣人佮中國人無共民族。真好！我今仔日甘願來擔即个「大不是」的名份，我講：台灣福佬人佮福建南部漳泉人無共民族——雖然即兩个所在，講共一種語言，看共一棚戲齣，拜共一个神明……我認為「公嬤隨人杵」有誕誤，無應該用來比論中國佮貴國台灣，因為公嬤自來無相共，佫咔免講「隨人chhāi」。

貴國「查某人訐譙」即款代誌，我實在呣通替人咧貼告示，佫四界去報人知。我驚hiah-ê來聽來看的人，顛倒會歹勢面仔紅。無影啦，我正經是驚人講我食飽換枵。我插伊beh乜代？罵去罵，管汰伊beh安怎罵，我thīn he敢有價值？所以，汝做汝放心，我呣是「扛轎的」，新娘beh放尿呣放尿，he怹兜的代誌，佮我無治代。希望伊呣通罵kah心狂火著(to̍h)，顛倒soah去礙著身命，安呢著呣好。

中國會變安怎，我無chhap。白色恐怖也好，烏色、青色、藍色……啥物碗糕色的，攏總共一樣。自然有人會去走chông，呣免我煩惱鬦添。民主、自由、進步？…假的，攏假的；獨裁、壓霸、落後？…共款，攏共款。

李敖？啥人？我的世界，無伊的存在。 ]]> http://blog.roodo.com/limkianhui/archives/518426.html http://blog.roodo.com/limkianhui/archives/518426.html 有ê無ê Sat, 24 Sep 2005 22:23:09 +0800 Bai-bai，另日再佫來 http://blog.roodo.com/limkianhui/archives/374866.html http://blog.roodo.com/limkianhui/archives/374866.html 有ê無ê Mon, 15 Aug 2005 12:49:21 +0800 新留話簿本"留話簿"佇2006年8月28號暗時11點11字收起來囥，呣佫接受新的留言。新朋友、老朋友，beh開講、交陪，勞煩來去"逐个來開講"，感謝各位。

「免錢薫，大喙吞」，有通用，做汝用，呣免躊躇，嘛免考慮……
"Bián-chîⁿ-hun tōa-chhùi thun", ū-thang ēng, chòe-lí ēng, m̄-bián tiû-tû, mā-bián khó-lū...

逐个好！歡迎來遘小站行踏se̍h-thit-thô，遮是留話簿，邀請汝做夥來練仙開講~~~~

Nā beh看往早ê留話，請汝chhi̍h舊留話簿。感謝汝！

PS. 告位網友，儂講「金千買厝，萬金買厝邊」，儂佮儂之間，本然著應該以和為貴，人生海海，做儂hàm-hàm代，呣管是新朋友，抑是老朋友，既然有緣做夥，逐家攏著噯相惜，相忍讓。當然，人生chiah-nī長，天地chiah-nī 狹，「海水阔茫茫，船頭有时會相tōng」，只beh 逐个 nā 會當互相帶念，互相退讓，「是呣是，罵家己」，即个世間著會當減少真儕無必要的對抗佮冤仇。「人情留一線，日後好相看」，連古早儂著會捌即款淺白的道理，咱現代儂佫咔噯瞭解。

感謝逐个在來對小站——《鹭水芗南－闽南语部落》的支持、鼓勵佮疼愛！祝逐个：闔家平安大趁錢；身體健康食百二。 ]]> http://blog.roodo.com/limkianhui/archives/215069.html http://blog.roodo.com/limkianhui/archives/215069.html 有ê無ê Fri, 24 Jun 2005 16:44:59 +0800 慶祝"退霜"！
一月日啲时间，害我失去有够儕……

失去啲bōe佫來，未來咔要紧。

今仔日，快樂出帆----

中国“解冻”樂多！！
]]> http://blog.roodo.com/limkianhui/archives/211390.html http://blog.roodo.com/limkianhui/archives/211390.html 有ê無ê Thu, 23 Jun 2005 00:37:48 +0800 希望離別是暫時 Kok-ūi chhin-ài ê hó pêng-iú, kám-siā ta̍k-ê chit-tōaⁿ sî-kan í-lâi tùi "Kó·-chhéⁿ Súi-ke" ê chi-chhî kah thiàⁿ-ài! Tī chia, góa beh iōng tîm-tāng ê sim-chêng lâi hiòng ta̍k-ê soan-pò·, góa giâu-gî Tiong-kok Tāi-lio̍k í-keng tī se-gôan 2005 nî 5 go̍eh 26 hō tiong-tàu khai-sí hong-só "blog.roodo.com/****" ê bāng-ia̍h. Sū-si̍t-siōng, góa chit-ê chām-tiúⁿ ùi 2-kang chêng (iā-tio̍h-sī 5 ge̍h 26) to̍h bô-hoat-tō· hóng-būn "Kó·-chhíⁿ Súi-koe" kah kî-thaⁿ ê "樂多" blog. Hó-ka-chài chiām-sî iáu-koh ē-tàng teng-ji̍p "āu-tâi kóan-lí", Só·-í, chit-mái chiah thang koh ji̍p-lâi siá chit-tōaⁿ oē. Góa àn-sǹg koh koan-chhat chi̍t-pòaⁿ-kang, khòaⁿ tàu-té sè-bīn siáⁿ-khóan, liáu-āu chiah lâi koat-tēng beh chhái-chhú siáⁿ-khóan ê chhò-si.
Kám-siā kok-ūi!
LimKianhui kèng-siōng 2005.5.28 19:02

敬告網友：
各方好友，大家好！感謝您對小站的支持與愛護！兩天前伊始，在中國大陸的網友（包括站長我）已無法登一切帶“blog.roodo.com/***"的域名，原因可能大家已經猜到...為此，站長我只好忍痛割愛，被迫與各位說一聲暫時的道別，視事態發展再決定采取對策……
LimKianhui　2005.5.28 ]]> http://blog.roodo.com/limkianhui/archives/153926.html http://blog.roodo.com/limkianhui/archives/153926.html 有ê無ê Sat, 28 May 2005 18:43:05 +0800 Blog聯播 [留話簿]通報一下，順sòa留落貴站êfeed（rdf / xml / atom）佮站名。

有汝在身邊，我ê心，著充满了愛ê光彩……

有了汝ê愛，我一生，著沉醉在愛ê世界……

]]> http://blog.roodo.com/limkianhui/archives/124186.html http://blog.roodo.com/limkianhui/archives/124186.html 有ê無ê Thu, 12 May 2005 20:52:15 +0800 觀前無頋後今仔日透早,我早早着peh起來也,糜食食咧,着狂卟來看对方有回批抑無。呣成"網易",普通時仔着罕得看著伊出問题,哪会今仔日一透早著共我黜箠(thut-chhôe)?迄(Hit)奇(kha)批桶,我開規晡,硬死開朆開! Kah hiah 奇,昨暝明明猶佫好好...真正是急驚風去拄著慢病先生,咱卟緊,伊卟慢。好哩佳哉,總算開開也。無侬回批。白贼、哺舌，佫再去hông su̍t去。
Ah好也。。。应信(ìn-sìn)關關捒(koaiⁿ-koaiⁿ-sak)，無看著咔朆靳神(gīn-sîn)。

即阵soah有淡薄仔数念Pektiong兄晉前互我啲hit个bolg。講起來，hit个blog實在佮我真無缘，用無三工著随出代誌也，呣是真大條，干凋歹去爾，昑猶倒咧"加护病房"歇睏。
無議量，soah佫想著顶擺听侬讲“WordPress" oân仔朆bái。無，規去佫來去chhōe一个仔"WordPress"罔變弄看嘪。
想遘做遘。
即擺。。。唉，這侬若咧衰，種匏仔伊著會生菜瓜！昑也呣是咧陷眠睏無精神，注死呣死，偏偏仔去请(chhéng)著一垛(tè)"番仔地"，拢全寫番仔字，看拢無，卟變嘛變無路。
侬讲"緊纺無好紗、緊嫁無好大家"。我是"目睭花花，匏仔看做菜瓜"、蕃薯互我當作是芋仔。
常在(chhiâng-chhāi)咧"lia̍h龟走鱉"，實在讲，這拢是朆晓"觀前頋後"啲代价。 ]]> http://blog.roodo.com/limkianhui/archives/81562.html http://blog.roodo.com/limkianhui/archives/81562.html 有ê無ê Mon, 18 Apr 2005 19:15:26 +0800 舊留話簿阿娘喂!!~~~辷幾工上網雄雄佫學着幾若招，哈卟“爽”！著親像做辷本留話簿仔，共儂學啲，攏免開半銑Money……

『免錢薫，大喙吞』，有通用，做汝用，呣免驚歹勢。若有卟來交陪啲；抑是專工卟來共阮點督啲；抑是凑拄巧斡入來啲；准講干凋是卟來「訐譙」啲（講笑啦）……攏總歡迎。本站啲comment(迴響/留言)支持「html」啲語法(html教學,请參考“allproducts.com”)。 (繼續閱讀...) ]]> http://blog.roodo.com/limkianhui/archives/64113.html http://blog.roodo.com/limkianhui/archives/64113.html 有ê無ê Thu, 07 Apr 2005 01:01:25 +0800 潮州侬走來zh-min-nan.wikipedia! zh-min-nan.wikipedia hit-pêng khì. Bóng kiâⁿ bóng khòaⁿ, hiông-hiông khì bāi-tio̍h lâng tú-chiah siá--ê 1-phiⁿ bûn-chiuⁿ, tôe-bo̍k hō·-chòe "Tiô-chiu-oē". Chit phiⁿ bûn-chiuⁿ taⁿ tú khai-sí leh chhì-siá, lāi-tóe kan-ta 1-kù oē niā: "Tiô-chiu-oē sī Bân-lâm-oē gâi dôa gēh tēng gâi oē. Tâ Diô-jiǔ-oē gâi nâng sī kía Tiong-kok gâi Guāng-dōng sēng gâi nâng...". Āu--lâi, góa chiah chai-iáⁿ che sī 1-ê khiā tī Sin-ka-pho ê Tiô-chiu-lâng siá--ê,chok-chiá chhiam-miâ hō·-chòe Mr.Tan. (繼續閱讀...) ]]> http://blog.roodo.com/limkianhui/archives/62575.html http://blog.roodo.com/limkianhui/archives/62575.html 有ê無ê Tue, 05 Apr 2005 23:40:39 +0800