<< Wikipedia, 去互Tiong-kok吊鼎…… | 回blog首頁 | 阿啄仔：我總算會曉聽北京話，呣佫 廣東話 照原 聽無 >>

October 30,2005

闽南汉字

闽南语虽罔是汉语系的一种语言，不而过，呣是每一个音节拢有汉字通写。这是因为：
  • 閩南語內底有足儕古漢語的成分。千百年來，中國歷代的教育部門攏無共閩南語當作正規語文，學校攏無咧教閩南語。致使會捌閩南語字的儂愈來愈少，有的音節已經拍交落（phah ka-la̍uh），遘今無法度稽考，無「本字」通寫，或者是無法度確定「本字」是啥。根據瞭解，佇現代閩南語當中，有咔加５％的音節，屬於「上古漢語」的成分。
  • 現代閩南語猶原保留一部分古早時代「閩越」語言的成分。即部分音節oân-á無法度用漢字來寫（噯佫造字）。
  • 千百年來，咱儂（漳泉儂）佇咧勞動、種作、生産的過程中，家己發明的「土話」、「土音」。
  • 番仔話借音、借詞。


總是，nā的確 卜用漢字來寫閩南語，定著噯造字，或者借用訓讀字（像粵語漢字安呢）。當然，這牽涉著「正字」佮「標準化」的問題…這日後nā有閒工，chiah佫 ta̍uh-ta̍uh-á 來議論。

今仔日順手做一寡「閩南漢字」的尪仔標，囥佇 本部落 頭頁「邊欄」的「告示牌仔」內底（嘛 會當 看即張網頁）。安呢，寫網頁的時陣，著thèng-hó用著即个家俬頭仔，有影加真利便。即陣，著來kā小介紹一下——
  1. ：tháu，[動詞]，華語「解開、松開」。詞組「索仔」（華語：解繩）；
  2. ：tân，[動詞]，華語「響、叫」。詞組「雷公」（華語：打雷）；
  3. ：siâng，[形容詞] [副詞] [合音字]，華語「相同」。詞組「款」（華語：同樣）；「相」（華語：同樣）；
  4. ：sán，[形容詞]，華語「瘦」。
  5. ：pûn，[動詞]，華語「吹」。詞組「火」（華語：吹火）；「雞胿」（華語：吹牛）；
  6. ：phóe（廈） / phé（漳），[名詞] [量詞] 。詞组「喙」（華語：臉頰）；
  7. ：bāi ／māi，[動詞]，華語「看、瞅」。詞組「試看」（華語：試看看）、「一下」（華語：瞅一瞅）；
  8. ：mài，[副詞] [合音字]，華語「不要、甭」。詞組「去」（華語：甭去）
  9. ：kô，[動詞]，華語「攪動、糾纏」；例句「囡仔 beh 食 四秀仔」（華語：小孩吵著要吃零食）。
  10. ：khiū，[形容詞] 現代媒體寫做「Ｑ」，華語的意思是「韌」、「彈性好」。詞組「粿真」（米糕很韌）。
  11. ：khám，[形容词] 脫線、頭殼無好勢。北京話「傻」。
  12. ：in，[代詞] 第三人稱「伊」的複數形式；
  13. ：hûi，[名詞] 華語「瓷器」；
  14. ：gâu，[形容詞] 意思是「勥」（khiàng），華語「能幹」。詞組「真」（華語：很能幹、出色）。
  15. ：chông，[動詞] 華語「闖」。詞組「來去」（華語「闖來闖去」）；「走」（華語：闖蕩）
  16. ：chiáⁿ，[形容詞]，華語「味淡」，「鹹」的反義詞。
  17. ：chhē / chhōe，[動詞] 華語「找、尋」。詞組「走」（華語：尋找）；
  18. ：chhōa，[動詞] 華語「帶領、引路」。詞組「路」（帶路）
  19. ：chhio，[動詞] [形容詞] 華語「勃起」、「很屌」、「性致勃勃」。詞組「起」（華語：發春、勃起）；「雞」（華語：正發情的公雞）；「kiak-kiak」（華語：很衝，充滿挑釁性）
  20. ：bōe / bē，[合音字]，華語「不會」。詞組「使」（華語：不可以、不能）。
  21. ：lia̍h。[名詞] 詞組「筊 ／ka-lia̍h」，竹做的箩（lôa）。
  22. ：tēng（漳）／tūiⁿ（泉）／tāiⁿ（同安），[形容詞] 華語「硬」。
  23. ：thit （泉）／chhit（漳） 。[動詞] 詞組「chhit-thô／thit-thô」，民間透底寫做「 迌」，嘛有中国的學者寫做「佚佗」。華語的意思是「玩、耍」。
  24. ：gân（泉）／gàn（漳），[形容詞] 寒、涷。比論講：氣溫降落來，水變kah真。
  25. ：thīⁿ，[動詞]，用針來縫、補。比論講：衫褲破去，用針線。
  26. ：thang，[名詞]，「窗」的本字。
  27. ：poe（泉）／pe（漳），[名詞]，外形扁扁、略仔長長的物件。詞組「船」（華語：船漿）、「球」（華語：球拍）、「撓／lā-pe」（華語：琵鷺）；俗語「死鴨仔 硬 喙」
  28. ：koāⁿ，[量詞]，詞組「一」（華語：一串）。
  29. ：nih，[動詞]，華語「合眼」。詞組「 目」（華語：眨眼）
  30. ：kán，[名詞]，華語「女婢」。詞組「查某」（華語：女婢）
  31. ：pih，[動詞]，華語「卷起」。詞組「襒手」（華語：卷袖口）、「襒裤骹」（華語：卷裤管）
  32. ：phih [動詞] [詈語]，漳州、同安腔口。表示「相幹」（性交）的動作，嘛用來罵儂。
  33. ：ńg，[名詞] 華語「袖口」。詞組「手」。


ps.　先做一个初胚。此去chiah佫勻勻仔來補添。


Posted by limkianhui at 樂多Roodo! │23:33 │回應(2) │引用(1) │技能技巧
樂多分類：生活 共同主題：關注母語，復興母語 工具：編輯本文
Ads by Roodo! 

引用URL

http://cgi.blog.roodo.com/trackback/658220
引用列表:
学习粤语的网站非常多，而闽南语的则较少，推荐一下这个网站的林氏教程，希望对闽南语感兴趣的朋友多多支持。 鹭水芗南 留話簿仔||學閩南語||笑詼譀古||龜挪鱉趖||在地歌詩||言語文字||文化民俗||《小王子》（闽南语）||白話字正字法 母語消息||講經説道||廈語文音||古册古典||時事開講||技能技巧||闽南俗語||表情符號--尪仔標（miawko提供） http://blog.roodo.com/limkianhui/archives/cat_13714.html
推荐一下闽南语学习的网站【纯月】 at October 31,2005 16:58
回應文章
厦门童謠：

衫也破来裤也破
无某成罪过
娶呷这个某
也要花也要粉
也要胭脂涂嘴唇
也要牛肉炒冬笋
早起是慢呑呑
下昏又晚晚睏
隔壁老婶婆在炊粿
爱吃又不敢雪(讲)
掩一块ke le 肚脐尾
哎哟哟
死人粿啊无命粿
害阮肚脐烧一下臭礁咸着火

注：若用泉腔诵读更佳
请回音!
Posted by 叶克豪 at April 9,2006 16:25
叶先生，汝好。感谢汝来捧场。汝提供的即首囡仔歌（童谣），我嘛捌听过。不而过，照看是两首合做伙的款。我是听侬安呢念的（你提供的“厦门童谣”，我也曾经听过。不过，看起来应该是将两首童谣合到一块儿去了。我听到的是这样的）：
《一只鸟仔歇帘簷》（一只鸟儿宿屋檐》

一只鸟仔歇帘簷，(Chi̍t-chiah chiáu-á hioh nî-chîⁿ)
无姥真侪年。(bô bó· chin chōe nî :无妻很多年 )
衫也破，裤也破，无姥真罪过。(Saⁿ iā phòa, khò· iā phòa, bô bó· chin chē-kòa : 衣也破，裤也破，无妻很是凄惨落魄)
卖塍卖厝紧来娶。(bōe-chhân bōe-chhù kín lâi chhōa : 卖田卖地赶着娶)
娶着好姥侬疼爱，(Chhōa-tio̍h hó-bó· lâng thiàⁿ-ài: 讨到好妻人人疼爱)
娶着歹姥绝三代。(chhōa-tio̍h pháiⁿ-bó· choa̍t sam-tāi: 讨到恶妻绝三代。)
一灯火油纺无一钱纱，(Chi̍t teng-hé iû pháng bô chi̍t-chîⁿ se: 一盏油灯（用尽）却织不到一丁点的纱线)
规日食饱管大家。(kui-ji̍t chia̍h-pá koán ta-ke: 整天添饱肚皮净会管婆婆)
一担来，一担卜，(Chi̍t-tàⁿ lâi, chi̍t-tàⁿ beh: 一担（杂货）来，一担要)
害阮老父有鞋穿kah无鞋底，(hāi gún lāu-pē ū oê chhēng kah bô oê-tóe: 苦了俺爸有鞋穿到无鞋底，)
有裤穿kah无裤底。(ū khò· chhēng kah bô khò·-tóe: 有裤子穿到无裤底)

犹佫一首，着是（还有一首，是这样的）:

《愛食粿》

Cháu--ah cháu, cháu kah hāng-á-kháu,
走啊走，走kah巷仔口，

Khoàⁿ-kìⁿ Káu-chím-pô--á leh chhoe-kóe.
看见九婶婆仔咧炊粿。

Ài chia̍h m̄-káⁿ the̍h,
愛食呣敢摕，

Ké-khang beh tiám-hóe, liân tiám sì-gō·-kòe.
假空卜點火，連點四五過。

Chi̍t-chhiú hian lâng-sn̂g, chi̍t-chhiú thau-ni kóe
一手掀籠床，一手偷拈粿。

Siu tī pak-tó·-bóe, sio kah chhàu-ta kiam to̍h-hóe.
收佇腹肚尾，燒kah臭焦兼著火。

Sí-lâng kóe, bô-miā kóe,
死儂粿，無命粿，

Ài chia̍h ka-tī chhoe.
愛食家己炊。


请看本站的网页：http://blog.roodo.com/limkianhui/archives/1240357.html

汝写讲（你写道）：
"隔壁老婶婆在炊粿
爱吃又不敢雪(讲)
掩一块ke le 肚脐尾
哎哟哟
死人粿啊无命粿
害阮肚脐烧一下臭礁咸着火

注：若用泉腔诵读更佳
请回音!"

真好，我佫共汝小可chhiâu一下，像安呢：（很好，至于你的用字，我稍微给你处理一下，如下）
隔壁老婶婆在炊粿,(keh-piah lāu-chím-pô leh chhe-ké)
爱食佫呣敢说。(ài-chia̍h koh m̄-káⁿ seh. : 想吃又不敢说。泉州话的“说”读同“雪”，但实际的本字就是“说”。)
挹一块 khè咧 肚脐尾 （iap chi̍t-tè khè leh tō·-châi-bé : 偷一块藏于肚脐下腹部）
哎哟哟 （ai-ioh-oeh)
死人粿啊无命粿，（sí-lâng-ké ah bô-miā-kè: 杀千刀的年糕啊、短命的年糕啊)
害阮肚脐烧一下臭焦兼着火。（hāi gún tō·-châi sio chi̍t-ē chhàu-ta kiam to̍h-hé : 害俺烫一个皮肉烤焦，差点没着火。）
Posted by limkianhui at April 9,2006 19:02


回最上方