鹭水芗南－闽南语部落

《石鼓歌》（Se̍k-kó•-ko)

作者：韓愈 (Hân-jū)

Tiong-seng siú chhî se̍k-ko•-bûn, kòan gó• sì chok se̍k-kó•-ko.
張生手持石鼓文ⓐ，勸我試作石鼓歌。

Siàu-lêng bû jîn tek-sian sí, châi po̍k chiong-nāi se̍k-kó• hô!
少陵無人謫仙ⓑ死，才薄將奈石鼓何！
Chiu-kong lêng-tî sù-hái hùi, Soan-ông hūn khí hui thian-ko.
周綱淩遲四海沸，宣王憤起揮天戈。
Tāi-kai bêng-tông siū tiâu-hō, chu-hô• kiàm pōe bêng sio mô·.
大開明堂受朝賀，諸侯劍佩鳴相磨ⓒ。
Siu û Kî-iông théng hiông-chùn, bān-lí khîm-siù kai chia-lô.
搜於岐陽騁雄俊，萬裏禽獸皆遮ⓓ羅。
Koan kong le̍k-sêng kò bān-sè, cho̍k se̍k chok kó• hui chô-gô.
鐫功勒成告萬世，鑿ⓔ石作鼓隳嵯峨。
Chiông-sîn châi-gē hâm tē-it, kán-sóan chōan-kek liû san-o.
從臣才藝咸ⓕ第一，揀選撰刻留山阿。
Ú-lîm ji̍t-chek iá-hó•ⁿ liâu, kúi-bu̍t siú-hō• hôan hui ho.
雨淋日炙野火燎，鬼物守護煩撝呵。
Kong chiông hô-chhù tek chí-pún, hô-hoat chīn-pī bû chha-gô.
公從何處得紙本？毫髮盡備無差訛。
Sû giâm gī bi̍t tho̍k lân hiáu, jū-thé put-lūi lē ú kho.
辭嚴義密讀難曉，字體不類隸與蝌。
Liân sim khí-bián iú khoat hōa, khòai-kiàm khám-tōan seng kau-gô·.
年深豈免有缺畫ⓖ，快劍砍斷生蛟鼉。
Lôan siông hōng chù chiòng-sian hā, san-hô• phek-sū kau ki-kho.
鸞翔鳳翥眾仙下，珊瑚碧樹交枝柯。
Kim-sêng thiat-sok só-liú chòng, kó•-téng io̍k súi liông thêng so.
金繩鐵索鎖鈕壯，古鼎躍水龍騰梭。
Lō•-jû pian-sī put siu-ji̍p, jī-ngá pián-pek bû ui-î.
陋儒編詩不收入，二雅褊迫無委蛇。
Khóng-chú se-hêng put-tò Chîn, kí-chek seng-siù ûi hi-gô.
孔子西行不到秦，掎摭星宿遺羲娥。
Chia û hò•ⁿ-kó• seng khó• bóan, tùi-chhú thè-lūi song phông-tô.
嗟予好古生苦晚，對此涕淚雙滂沱。
Ek sek chho• bông phok-sū teng, kî-liân sí kái chheng Gôan-hô.
憶昔初蒙博士征，其年始改稱元和。
Kò•-jîn chiông-kun chāi Iū-hú, ūi ngó• to̍k-liông ku̍t kiū-kho.
故人從軍在右輔，為我度量掘臼科。
Ta̍k-koan bo̍k-io̍k kò chè-chiú, jû-chhú chì-pó chûn khí-to?
濯冠沐浴告祭酒，如此至寶存豈多?
Chian pau se̍k kó khó li̍p tì, si̍p kó• chí chài sò• lo̍k-tô.
氈包席裹可立致，十鼓只載數駱駝。
Chiān chu Thái-biāu pí kò-téng, kong-kà khí-chí pek-pōe kò!
薦諸太廟比郜鼎，光價豈止百倍過！
Sèng-un jio̍k hú liû thái-ha̍k, chu-seng káng-kái tek chhiat-chho.
聖恩若許留太學，諸生講解得切磋。
Koan keng Hông-to• siōng thian-iat, chō-kiàn kú-kok lâi pun-pho.
觀經鴻都尚填咽，坐見舉國來奔波。
Oan thâi thek sián lō• chhiat-kak, an-tì tó-thiap pêng put-pho.
剜苔剔蘚露節角，安置妥帖平不頗。
Tāi-hā sim-iâm ú kài-hok, keng-le̍k kiú-oán kî bû-tô.
大廈深簷ⓗ與蓋覆，經歷久遠期無佗。
Tiong-tiâu tāi-koan ló û sū, kū-khéng kám-kek tô• iám-o.
中朝大官老ⓘ於事，詎肯感激徒媕婀。
Bo̍k-tông khau hó•ⁿ-giû lē kak, sûi ho̍k tio̍h-siú ûi mô•-so.
牧童敲火牛礪角，誰復著手為摩挲ⓙ？
Ji̍t-siau go̍at-siok chiū bâi-bu̍t, lio̍k-liân se-kò• khong gîm-gô.
日銷月鑠就埋沒，六年西顧空吟哦。
Hi-chi sio̍k-su thìn chu-bī, sò•-chí siōng-khó bo̍k pe̍k-gô.
羲之俗書趁姿媚，數紙尚可博白鵝。
Kè Chiu pat-tāi cheng-chiàn pā, bû jîn siu-si̍p lí chek ná.
繼周八代爭戰罷，無人收拾理則那。
Hong-kim thài-pêng ji̍t bû-sū, pèng-jīm jû-su̍t chông Khiu Kho.
方今太平日無事，柄任儒術崇丘軻。
An-lêng í chhú siōng lūn-lia̍t, gōan chek piān-khó• jû hiân-hô.
安能以此上論列，願借辯口如懸河。
Se̍k-kó• chi-ko chí-û chhú, o•-ho• gô•-ì kî chho-tô !
石鼓之歌止於此，嗚呼吾意其蹉跎！

【注解】
ⓐ石鼓文：是中國上早啲石刻（文字），創作佇秦代。內容大概是咧記載拍獵啲情形，書法來講，屬＂大篆＂（tāi-tōan）。作者（韓氏）瞭解無通徹，伊lia̍h准＂石鼓文＂是周宣王啲時代創作啲。＂石鼓文＂，現主時佫囥佇北京故宮博物院。
ⓑ＂少陵＂，唐代詩人＂杜甫＂啲字號；＂謫仙＂是咧講另外一個詩人＂李白＂．
ⓒ＂磨＂：讀冊音＂mô·＂,講話音＂bôa＂。比論講＂磨刀＂，閩南語講“bôa-to”。
ⓓ“遮”：讀冊音“chia”，講話音有儂講“jia”，意思著是閩南語講啲“遮勘”(jia-khàm),北京話“遮蓋”。
ⓔ“鑿”：讀冊音cho̍k,講話音“chha̍k”。當今體育比賽有一个属於"田径"類啲項目，普通話叫做“飇槍”，”飇“辷个動作，閩南語上匹配啲講法是”cho̍k"，寫出來啲漢字着是“鑿”。
ⓕ“咸”：意思是“攏是”。閩南語廈門話一個講法——“咸巴唥”（hâm-pa-lāng）,意思量其約是“全部”、“攏總”。廣東話、上海話攏有佮厦門話“咸巴唥”相親像啲講法，意思平平攏差無儕。香港廣東語透底寫做“冚唪唥”。
ⓖ“畫”：表示“筆畫”。閩南語讀册音是“hōa”（？）；講話音來講，漳泉小可仔有增差，泉州腔是“u̍ih”，漳州腔是“o̍eh”。
ⓗ“簷”：文讀音“iâm”，講話音“chîⁿ”，比論講北京話啲“屋簷”，閩南語是“簾簷”（nî-chîⁿ）。
ⓘ“老”：詩文當中，“老”著噯讀“ló”，這是讀冊音。若是講話音，著是噯講做“láu”,意思相當於北京話啲“老練”。比論講，羅大佑最近寫一條歌，號做《阿輝仔飼著一隻狗》，內底有一句歌詞寫講：“阿輝仔飼狗真正老”……辷內底講著啲“老”（láu），著是“老練”啲意思。詩文內底啲“老”，意思共款。
ⓙ“挲”：讀音是“so”。閩南語講“用手挲”（摸）、“烏白挲”……