鹭水芗南－闽南语部落

辷首《琵琶行并序》，原在(gôan-chāi) 是唐朝大诗人白居易先辈啲著作。写及(kah)躼躼长，造词揀字吤水气。规首诗文，对头遘尾充满着柔情佮凄凉，用现代啲话来比论，he可比是"美酒"透 "咖啡"，互侬啉落去遘底(kàu-tè)，有迄款(hit-khóan)"甘甜"又佫"苦涩苦涩"啲味素伫咧(tī-leh)。总是，虽莾是经过千百年啲历史，当今来读，犹原感觉嚇呢仔Romantic，实在互侬愈看心愈蟯(ngiau)，想及(kah)规暝睏朆去.....

正文部分：

序：元和十年，予左迁九江郡司马。明年秋，送客湓浦口，闻船中夜弹琵琶者，听其音，铮铮然有京都声；问其人，本长安倡女，尝学琵琶於穆曹二善才。年长色衰，委 身为贾人妇。遂命酒，使快弹数曲，曲罢悯然。自叙少小时欢乐事，今漂沦憔悴，转徙於江湖间。予出官二年恬然自安，感斯人言，是夕，始觉有迁谪意，因为长句 歌以赠之，凡六百一十六言，命曰琵琶行。

（踏头话：唐宪宗元和十年，我被降职做着九江郡啲司马。第二年秋季，有一工，送朋友(人客)遘kah湓浦口，暗暝听着渡船顶头有侬咧弹琵琶(pî-pê)。听he乐器声，叮叮咚咚，带着当今(tong-kim)京都当咧(tng-leh)流行的曲调。探听辷个侬，了解伊原底是长安城啲歌女，曾经(chêng-keng)向穆、曹两位琵琶大师拜师学艺。后来年岁有喽，青春不再，就安呢嫁互生理侬(seng-lí-lâng)做家后(ke-āu)。我叫侬安排酒桌，顺绁(sūn-sòa)央伊注心来弹奏几若条啲曲调。她弹煞了後，假那(kán-ná)郁闷郁闷，朆啥快活啲款，伊家己soah来讲起着往过少年时代虚花啲往事，无疑误(bô-gî-gō·)现主时soah来落衰(lo̍h-soe)、落魄，姑不将(ko·-put-chiong)四界(sì-kòe)流浪。我从(chêng)离开京城出外做官两年外来，事事项项拢诚凊彩(chin-chhái)，罕得计较，辷阵互he歌女啲话促着(chhiok--tio̍h)，才真正有感觉着当當时(tng-tong-sî)嘛是互侬降职。就安呢，我写辷首长诗来送互伊，拢总六百一十六字，题目号做《琵琶行》。）

Sîm-iông kang-thô· iā sòng khek, hong-ia̍p te̍k-hoa chhiu siat-siat.

浔阳江头夜送客，枫叶荻花秋瑟瑟。

Chú-jîn hā-má khek chāi sôan (siân), kú chiú io̍k-ím bô kóan-hiân.

主人下马客在船，举酒欲饮无管弦。

Chùi-put-sêng-hoan chhám chiong pia̍t, pia̍t-sî bông-bông kang chìm go̍at (gia̍t).

醉不成欢惨将别，别时茫茫江浸月。

Hut bûn súi-siōng pî-pâ-seng, chú-jîn bōng-kui khek put-hoat.

忽闻水上琵琶声，主人忘归客不发。

Sîm seng àm būn tân--chiá sûi, pî-pâ-seng thêng io̍k gú tî.

寻声暗问弹者谁，琵琶声停欲语迟。

î-sôan siong-kīn iau siong-kiàn, thiam-chiú hôe teng tiông khai iàn.

移船相近邀相见，添酒回灯重开宴。

Chhian-ho·-bān-hòan sí chhut-lâi, iu phāu pî-pâ pòan chia-bīn.

千呼万唤始出来，犹抱琵琶半遮面。

Chóan-tio̍k poat-hiân sam-lióng seng, bī-sêng khiok-tiāu sian iú-chêng.

转轴拨弦三两声，未成曲调先有情。

Hiân-hiân iám-ek seng-seng su, sī sò· pêng-seng put-tek-chì.

弦弦掩抑声声思，似诉平生不得志。

Te-bî sìn-siú sio̍k-sio̍k tân, soat-chīn sim-tiong bô-hān sū.

低眉信手续续弹，说尽心中无限事。

Kheng-lōng bān-lia̍p bo̍at hok thiāu, chho· ûi gê-siông hō· lio̍k-iau.

轻拢慢捻抹复挑，初为霓裳后六么。

Tāi-hiân chô-chô jû kip-ú, siáu-hiân chhiat-chhiat jû si-gí.

大弦嘈嘈如急雨，小弦切切如私语。

Chô-chô chhiat-chhiat chhò cha̍p tân, tāi-chu siáu-chu lo̍k gio̍k-pôan.

嘈嘈切切错杂弹，大珠小珠落玉盘。

Kan-koan eng-gú hoa-té ha̍t, iu-iat chôan-liû chúi-hā than.

间关莺语花底滑，幽咽泉流水下滩。

Chúi-chôan léng-siap hiân gêng-cho̍at, gêng-cho̍at put-thong seng chiām hiat.

水泉冷涩弦凝绝，凝绝不通声渐歇。

Pia̍t iú iu-chhiû àm-hūn seng, chhú-sî bû-seng sèng iú-seng.

别有幽愁暗恨生，此时无声胜有声。

Gîn-pêng chà-phò súi-chiong pèng, thiat-kī tu̍t-chhut to-chhiong bêng.

银瓶乍破水浆迸，铁骑突出刀枪鸣。

Khiok-chong siu-poat tong sim-he̍k, sú-hiân it-seng jû lia̍t-pe̍k.

曲终收拨当心画，四弦一声如裂帛。

Tong-sôan se-hòng chhiau bô-gian, ûi-kiàn kang-sim chhiu-go̍at pe̍k.

东船西舫悄无言，唯见江心秋月白。

Tîm-gîm siu-poat chhap hiân-tiong, chéng-tùn i-siông khí liām-iông.

沈吟放拨插弦中，整顿衣裳起敛容。

Chū giân pún-sī Keng-sêng lú, ka chāi Hâ-bâ-lêng hā-chū.

自言本是京城女，家在虾蟆陵下住。

Si̍p-sam ha̍k tek pî-pâ sêng, bêng sio̍k kàu-hong tē-it pō·.

十三学得琵琶成，名属教坊第一部。

Khiok-pā chêng kàu siān-châi ho̍k, chong-sêng múi pī chhiu-liông tò·.

曲罢曾教善才服，妆成每被秋娘妒。

Ngó·-lêng liân-siàu cheng tiân-thô·, it-khiok hông-siau put-ti sò·.

五陵年少争缠头，一曲红绡不知数。

Tiān-thô· ûn-pī khek-chiat sùi, hiat-sek lô-kûn hoan chiu-o·.

钿头雲篦击节碎，血色罗裙翻酒污。

Kim-liân hoan-siàu ho̍k bêng-liân, chhiu-go̍at chhun-hong téng-hân tō·.

今年欢笑复明年，秋月春风等闲度。

Tē chó· chiông-kun a-î sí, bō·-khì tiau-lâi gân-sek piàn.

弟走从军阿姨死，暮去朝来颜色故。

Bûn-chiân léng-lo̍k ku-má hi, lāu-tāi kà-chok siong-jîn hū.

门前冷落车马稀，老大嫁作商人妇。

Siong-jîn tiōng-lī kheng pia̍t-lî, chiân-go̍at Hô·-liông mái-tâ khù.

商人重利轻别离，前月浮梁买茶去。

Khù-lâi kang-khó· siú khong-sôan, jiāu-sôan go̍at-bêng kang-súi hân.

去来江口守空船，绕船月明江水寒。

Iā-sim hut bōng siàu-liân sū, bōng tê chong lūi hông-lân kan.

夜深忽梦少年事，梦啼妆泪红阑干。

Ngó· bûn pî-pâ í thàn-sek, iū bûn chhú-gú tiông chek-chek.

我闻琵琶已叹息，又闻此语重唧唧。

Tông-sī thian-gâi lûn-lo̍k jîn, siong-hông hô-pit chêng siong-sek !

同是天涯沦落人，相逢何必曾相识！

Ngó· chiông khù-liân sî Tè-keng, tek-ku gō-pēng Sîm-iông-sêng.

我从去年辞帝京，谪居卧病浔阳城。

Sîm-iông tē-phek bô im-ga̍k, chong-sòe put-bûn si-tiok seng.

浔阳地僻无音乐，终岁不闻丝竹声。

Chū-kīn Phūn-kang tē te-sip, hông-lô· khó·-tiok jiāu te̍k seng.

住近湓江地低湿，黄芦苦竹绕宅生。

Kî-kan tàn-bō· bûn hô-bu̍t, tō·-koan tê-hiat oân ai-bêng.

其间旦暮闻何物？杜鹃啼血猿哀鸣。

Chhun-kang hoa-tiau chhiu go̍at-iā, óng-óng chhú-chiú hôan to̍k-kheng.

春江花朝秋月夜，往往取酒还独倾。

Khí-bô san-ko ú chhun-te̍k, o·-a tiâu-tat lân-ûi theng !

岂无山歌与村笛，呕哑嘲哳难为听！

Kim-iā bûn-kun pî-pâ gú, jû theng sian-ga̍k jī chiām-bêng.

今夜闻君琵琶语，如听仙乐耳暂明。

Bo̍k sî keng-chō tân it-khiok, ūi kun hoan-chok pî-pâ-hêng.

莫辞更坐弹一曲，为君翻作琵琶行。

Kám ngó· chhú-giân liông-kiú li̍p, khiok chō chhiok-hiân hiân chóan-kip.

感我此言良久立，却坐促弦弦转急。

Chhe-chhe put-sī hiòng-chiân seng, bóan-chō tiông bûn kai iám-khiap.

凄凄不似向前声，满座重闻皆掩泣。

Chō-tiong khip-hā sûi chòe-to, Kang-chiu su-má chheng-sam sip !
座中泣下谁最多，江州司马青衫湿！