鹭水芗南－闽南语部落

TĒ CHA̍P-KÁU KHÒ (第十九課)
TÒA LÚ-SIĀ
滯旅社 (住旅店)

(音頻檔案download；讀全文，線頂收聽)

1. Thâu-ke, ū-tè thang tòa-hioh--bô?
頭家,有塊通滯歇無? (老闆,還有地方住嗎?)...

2. Pháiⁿ-sè neh, chiâⁿ bô tú-hó, gún chia pòaⁿ-tiám-cheng chìn-chêng to̍h tú-hó chôan-pō· khiā móa--ah.
歹勢呢,誠無拄好,阮遮半點鍾進前著拄好全部徛满也.(不好意思,説來也真不巧,我們這兒半個鍾頭以前就全部住满了.)

3. Iáu-koh ū khang-pâng, ah lín beh khiā tan-jîn-pâng, a̍h-sī siang-jîn-pâng?
猶佫有空房，嗌 恁卟徛單人房,抑是雙人房?(還有空房,那你們住单人間,還是雙人間呢?)

4. Góa beh tiāⁿ chi̍t-keng tan-jîn-pâng, ū kah sóe-e̍k-keng (e̍k-sek)--ê hit-khoán.
我卟定一間單人房,有合洗浴問(浴室)的迄款。(我要定一間單人間,配有浴房的那種.)

5. Pháiⁿ-sè--hò·ⁿ, hùi-sîn lí koh chhâ khòaⁿ-māi, khòaⁿ ū hit-lō khah toa-keng, khah gōa-khùi ê pâng-keng--bô ?
歹勢哦,費神汝佫查看 ，看有迄號咔大間、咔外氣的房間無?(不好意思,麻煩你再查一下,看有没有那種又大又豪华的房間?)

6. Lóng bô siang-jîn-pâng--ah neh, ah tan-jîn-pâng lí beh--m̄?
攏無雙人房啊呢，嗌 單人房汝卟呣?(雙人房都没了,單人房妳要嗎?)

7. Khiā chi̍t-àm kúi-îⁿ? Góan ū kùi-pin-khá, kám ū thang koah-ín? Nā ū, sī chiat kúi-siâⁿ?
徛一暗幾圓?阮有貴賓卡,敢有通割引?若有,是折幾成?(住一晚要多少錢?我們使用貴賓卡,可不可以折扣?如果能,可以打幾折?)

8. Che sī lí pâng-keng ê chōan-sî, kok-lâng ê hêng-lí ài chim-chok kò· i hó-sè.
這是汝房間的撰匙,各儂啲行李噯斟酌頋伊好勢.(這是妳房間的钥匙,請妥善保管好自已的行李.)

9. Lí ê hêng-lí-tē ài khǹg ji̍p-khì pó-hiám-kūi lāi-té, só-só hō· hó-sè, khah bōe tio̍h-chha̍t-thau lah.
汝的行李袋噯囥入去保險樻内底,鎖鎖互好勢,咔 著賊偷 啦.(請將行李放入保險樻裏面,仔細上鎖了.)

10. Chit-keng pin-kóan (ho·-té-lù) ū-iáⁿ bōe-pháiⁿ, chiâⁿ sú-sī, hok-bū kok tiám-tîn, saⁿ-tǹg leh chia̍h mā put-chí hó.
即間賓館(Ho·-té-lù)有影 歹，誠四序，服務佫點陳,三頓咧食嘛不止好。(這家賓館(hotel)的確不賴，很舒適，服務又周致，三餐吃的也很不錯。)

11. Hiang-siâⁿ chit-ê só·-chāi, tah tek-sî (chē kè-thêng-chhia) kūi a̍h sio̍k ?
薌城即个所在，搭的士(坐計程車)貴抑俗？(薌城[漳州城]這地方,打的[Take a taxi]貴不貴?)

12. Tiàm Chiang-chiu tah tek-sî pí Ē-mn̂g khah sio̍k, khí-pō·-kè kan-na la̍k-kho· niā, saⁿ kong-lí lāi m̄-bián koh thiap chîⁿ.
坫漳州搭的士比廈門咔俗,起步價干凋六箍爾,三公里内呣免佫貼錢.(在漳州打的比廈門便宜,起步價才六元钱,三公里以内不用再加價.)

13. Chhiau-kòe saⁿ kong-lí liáu-āu, piān-nā ke kiâⁿ 500 kong-chhioh, to̍h-ài ke tha̍h gō·-kak-gûn.
超過三公里了後，便若加行500 公尺，着噯加叠五角銀.(超過三公里後,每增加五百米,要多付五毛錢.)

14. To-siā lí hó-sim tàu-sio-pò!
多謝汝好心鬥相報! （感謝妳熱心指點！）

15. Thâu-ke-niû, lô-hôan kā góa ji̍p chi̍t-kòan kún-chúi lâi,hó--bô?
頭家娘,勞煩汝共我入一罐滾水來,好無?(老闆娘,有勞您帮我裝一壶開水進來,好嗎?)

16. Lâng-kheh-koaⁿ, lín nā ū siáⁿ-mi̍h su-iàu, thang sûi-sî kā gún chhe-kà, gún ē chīn-liōng àn lín hoan-hù--ê khì chòe.
儂客倌,恁若有啥物需要,通隨時共阮差教,阮會盡量按吩咐的去做.(頋客朋友,您若有任何需要,可隨時通知我們,我們會盡量為您做服務.)

17. Thâu-ke, bîn-á-chài thàu-chá góan to̍h beh lâi châu--ah, che khiā-sok ê chîⁿ lóng-chóng ài lōa-chōe, lô-hôan lí liōng-chá kah góan chheng-chheng, kiat-kiat leh.
頭家,眠仔再透早阮着卟來走也,這徛宿的錢攏總噯偌儕,勞煩汝冗早佮阮清清,結結咧。(老闆，明天一早我們就要走了，這住宿費一共多少，有勞您趁早和我們算一算、結一結。)

18. Thâu-bóe chóng--ê khiā gō·-kang, chi̍t-kang sǹg 200 pah, án-ne lóng-chóng ài la̍p 1000 kho· lah.
頭尾總的徛五工，一工算兩百，安呢 攏總 噯 纳 一仟箍 啦。(加總一共住了五天，一天是兩百元，這樣一共得付一仟元。)

您可能有興趣的文章：

林氏閩南語教程（5）