死大肥數學佬，我都忍得你夠，我今日唔咒到你半身不遂我跟你姓．半時解書唔清唔楚，我忍你．唔備課，上課解讀練習解到亂七八糟，我忍你．反正我一向都係靠自己去睇書睇習題而識．但係今次ｅｘａｍ我問心果句，我真係盡晒我全力，病緊都要記公式，走去圖書館借解答題借到圖書館姐姐都認得我，如果我到最后响考試果時都係做唔到的話，我認命，係我笨．但返嚟的結果係，我用功冇白費，我所做的答案都啱晒．但我都係得89分，就差果一分就可以攞A．究竟錯係邊？錯係錯在個死肥佬出題時唔小心，將代數字母調亂咗，而我就跟住果ｄ錯的字母去做．我冇做錯，我只係跟住公式去做，我到最后，我仍然俾扣分．因為個死肥佬雖然認自己寫錯，但就話點解我地唔話佢知？？玉皇大帝呀！你係先生，你出題係點，我地係冇人知架，我地全世界點知你係出錯咗呀？？而且，依ｄ都唔係我地做學生的責任，如果我做學生可以一眼睇得出你係錯的話，咁我唔駛做學生，我去做先生啦，好唔好？

做錯事唔認的人，冇得救！
做錯事承認自己錯，但死都唔肯改的人，係終極冇藥可救！

最后，最后，到最后，學生同佢反映！佢竟然講一句：
“I really don't want to hurt you．”

哈哈～！天下間最大的笑話，咁我攞刀挏完你，再同你講：“I am so sorry!!．”得唔得？

死肥佬．．．
鬼唔望你食豆腐頂住喉嚨（但千其唔好死），俾人打劫出唔到聲叫救命，打到你口腫加甩鼻．
食Pizza肚疴疴到腳弱，食一個疴十個，越疴就越肥，冇氣冇力冇工開，但脂肪膽固醇持續上升．
飲汽水中毒出紅斑，頭痕腳痕全身無處不痕，一日24小時抓足24小時，最痛苦無比係個肚腩大過人，彎唔到身去抓．哈哈哈．．．

死肥佬你幫我記住，如果我因為今次的分數而响依班攞唔到Ａ的話，我一定上英文網數臭你．不過，就算我唔數臭你，你個名都唔方香得去邊．第一期考試，全班23人，４個Ａ，１個Ｂ，３個Ｃ，５個Ｄ，１０個Ｆ．第二期考試全班１９人，１個Ａ，２個Ｂ，０個Ｃ，１個Ｄ，１５個Ｆ．呵呵～！可以教出咁“勁”的成績，你都算係一個“超級好”老師．

鬧完人，要鬧下樂多，成日抽風，搞到我篇鬧人文鬧到一半失鬼咗，又要再鬧過，你如果再抽風，我就連你都咒埋．

聽日有日文考試，哥哥你要保佑我，一定要攞好成績．