好耐冇做阿茂（整餅），又玩下！加上五月啱啱旅行前隔籬屋請咗兩件超難鯁蛋糕嗰時隻碟仲未還，正好唔會「吉碟回歸」，禮尚往來..... 跟 為食貓嘅雜錦牛油曲奇食譜 為基本麵糰，三款饀料自訂～

最近問過老公：最鍾意嘅甜品係乜？佢好慎重咁諗咗一陣，答我話係 tiramisu～ 而我雖然知佢鍾意，但唔會經常整。原因好簡單：Mascarpone 好高脂而老公可以一次過食好多！

我哋出街食飯其實都好多時可以點 tiramisu，不過佢反而唔常點，因為佢對 tiramisu 味道有一套：鍾意酒味濃嘅，而且要係 Amaretto。

咁又到「好」老婆出場嘞，今次重手落咗差不多五湯匙 Amaretto（比一般食譜起碼多一倍）...... 老公食到 lam lam 脷，一面滿足

至於我嘅至愛甜品：咪係雪糕囉～

行到呢處其實有啲攰，因為自從五月開始我有輕微花粉症狀，打唔少哈嚏、流眼水同埋鼻水長流，再加上呢日曬到屎屎吓，大半日不停行來行去都幾係嘢～ 因此我後尾係影少咗相、同冇乜留意究竟睇咗乜..... 而靚景 Patio de Los Leones 同個獅子噴泉又在整修中，所以覺得自己有啲草草行埋影下算數～

Puerta del Vino

入口

一開始我哋已經預咗要去 Granada 兩次，因為要一日睇晒所有景點係會好趕（以兩條老柴嚟計）。不過勢估唔到都唔係咁遲去到 Alhambra 售票處都買唔到早上入場券，只好買下晝兩點飛，而入 Palacio Real 嗰部份亦被排到五點鐘，咁我哋只好買完飛跟住行返落 Granada 市中心逛。所以........ 假若只想用一日時間盡睇 Granada 的話，Alhambra 一定要預先買飛，而且分到個越早入 Palacio Real 嘅時段越好！因為嗰 part 最多嘢睇，假若冇興趣睇埋其他，睇完走頭都唔駛咁晏嘛！

為咗就返要到五點先有得入 Palacio Real，我哋嗰日行嘅路線 → Alhambra Alta → Jardines del Generalife → Generalife → Palacio de Yusuf III → Jardines del Partal → Alcazaba → Palacio Real。

我唔解釋景點位置同詳情嘞，有興趣的話去下面兩個連結慢慢刨喇

• Alhambra de Granada 官方網站
• Alhambra de Granada 維基百科描述

上年11月返香港時都冇時間兼唔記得去食碗雲吞麵，咁見到急凍貨式都「殺」喇

其實我唔係極之鍾意食蝦子麵，不過就係因為 N 咁多年冇食，就買一包  細妹細佬 & friend 搭機走嗰日晏晝已經煮咗五個麵餅，剩返五個我自已慢慢「歎」～

細妹細佬 & friend 晌德國返到捷克我哋又帶佢哋去德國玩 去近近哋嘅 Amberg。今次俾我見到間中國商店，即刻入去八下有冇筍嘢賣，冇期望情況下果然有驚喜，買咗五十幾歐元嘢，仲問阿楊生攞埋電話、喵址：佢叫我有乜想訂就話佢知。呵呵～老公見到有菜訂就眉開眼笑，阿楊生又送咗一盒一公升芒果汁，好開心。

先來第一波...... 上海白菜 aka 小棠菜 又名青江菜。七棵約1.5kg，約3.5歐元。即晚已經蒜蓉炒咗四棵，好耐冇食實好味