今朝起身見到窗外白白哋，以為落咗雪添，原來只係好 solid 嘅霜，睇下溫度計：-1°C.... 都係時候架嘞...... 再唔凍真係要過綠色聖誕 @﹏@
...繼續閱讀
 正面 |
 背面 |
我住 Plzeň 年幾以來，如果獨自去市中心都係搭電車，而車票可以喺車站附近煙報檔買到，不過我從來都係喺市中心大站路邊票機買（費事雞同鴨講丫嘛），而且一次買幾張放喺銀包。咁啱我尋日要去市中心銀行攞新提款咭、去郵局、買狗乾糧，身痕去買咗張 Pilsen Pass，我揀 300Kč 內含 200Kč credit 嘅，以後唔駛再特登一次過買幾張飛，增值就得嘞（不過冇香港咁方便，周圍都可以增值 -__-||）
...繼續閱讀 |  |
 | |
最近發現屋企附近小超市 Delvita 有硬豆腐賣，200g 約HK$6，買咗一包試下。今日 lunch：切片豆腐、紹菜、蠔菇、蝦滾埋一堆。冬天時我最鍾意呢類滾湯午餐，食晒湯水渣料，清淡得嚟飽肚保暖 ^___^
捷克人應該係臨近聖誕節做好多甜食，最近 hypermarket 多咗好多烘焙用品賣，我都喺去開嘅 Tesco 買咗一啲 ^____^ 有個雪人蛋糕模好 cute 架 *o* 不過我少焗蛋糕，忍手冇買到〜〜
 | |
 |  |
 |  |
 |  |
已經由上年冬天開始呱呱叫話要買架增濕機，因為開住暖氣真係好乾，尤其是瞓醒，喉嚨又乾又涸，攪到我不時瞓到中間都會起身飲水潤喉 -__-|||
哦功奏效，今日終於買咗嘞 ^___^ 不過唔係好多款可揀〜〜
...繼續閱讀尋日下晝4點幾已經遍佈烏雲，跟住落咗一陣細細粒嘅雹，老公放工返到嚟就話夜晚應該會落雪，果然11點度就有雪花飄下飄下。
 |  |
睇天氣預告話呢兩日都會有雪，麻煩開心呀： 又到追雪球、雪地碌地沙季節嘞 ^o^
我上星期五晚跟老公喺布拉格夜泡應酬佢個未來同事，一定係喺某間人多空氣混濁嘅 pub 惹到傷風菌 〜〜星期日已經開始喉嚨痛、關節酸軟，呢兩日就密密手「包雲吞」+﹏+ 我冇睇醫生食藥，一來我認為傷風冇藥醫，二來我又唔駛返工，喺屋企多攤抖休息飲水應該都掂。平時我飲蜜糖茶冇加檸檬，呢幾日就諗住吸收額外維他命C，每杯都放一片。我一路都算身體健康（敲下張枱先），希望快啲好番喇 ^___^
