上年大麥留低嘅種籽長大咗嚕
兩個幾禮拜嘅繁忙喧鬧香港行話咁快就過咗，星期日返到寧靜平淡嘅 Plzeň， 我有莫明嘅輕鬆，我諗我真係完全變成「鄉下人」嘞 -__-||
屋企附近嘅菜田喺我離開嘅短短時間變成一片金黃，今日趁住老公放假而天氣大好（我喺香港時，Plzeň 差不多日日都好天），出去行個圈順便試下個新相機 ^o^
...繼續閱讀
係巧合？定係 destiny？
每每我種嘅植物 settled down，開始信任我並非 'green killer' 而放心成長開花，我哋就有郁郁貢機會出現。
老公公司歐洲區 CIO 之前已經探過口風，問我哋有幾 flexible。今個禮拜呢位先生嚟咗布拉格，會同老公嘅上司、上司嘅上司詳談。
我對非本地人響捷克工作情況冇第一手經驗，全部都係聽老公「哦」返嚟，佢曾經做過呢個比較：意大利一般公務員起碼會扮忙唔理你，捷克人唔騷你根本唔 bother 扮忙！佢嗰啲同事唔少係冇能之輩，但晌歐洲呢邊炒人好難又好貴，headcount 就俾呢啲正宗大食懶霸住！
老公直言喺捷克做嘢冇滿足感：捷克人嘅 gloom & doom 性格，同埋冇時冇刻需要 close supervision，令佢不成比例地多花額外精神去完成並非繁複嘅工作，我成日笑佢兩鬢嘅頭髮係同事夾手夾腳整白嘅。
今次若果要去嘅地方唔係極「山卡喇」，而個 package 又滿意的話，我諗我哋會再度起錨，追逐另一片水草而居！
呢盒過晒 best before 好耐，原味低脂優格係二月某日清雪櫃時喺個角角位摷出嚟 ©﹏© 自從老公經常要出差以來，雪櫃都冇密質質現象，都唔知點解會有呢盒漏眼之「格」。我並非一個閒時買定急時用嘅人（除咗屋企附近勁難買到嘅或勁重我拎得好辛苦如 1 pack 6 樽 1.5公升嘅水），甚至減價貨品我都唔會買定多啲，我唔係唔貪平，係我對「囤積」（除咗錢 ^++++^）呢個概念唔多 buy。我亦唔鍾意嘥食得嘅嘢，因此日常食品我唔會多買喺屋企，況且呢排多數係我一丁人自煮自吃，食唔晒變劣變壞仲衰 -﹏-
咁呢盒「嘢」我咪要一路哦自己一路掉咗佢呢？
...繼續閱讀
星期日朝早喺 Hypernova（另一 hypermarket） 見到呢包 69Kč （約 HK$25）奧地利風味小食 ，好奇買嚟睇下咩味 ^++++^
唔係買到 super 正牛肉，呢兩舊係我哋平日食嘅貨色，大約 HK$ 12 一舊，咁有乜令我咁興奮呢？咪係嗰個牛牛標貼囉 ^++++^
喺捷克某啲 hypermarket chains 一早已經好似咁標明係邊部份嘅肉，但我屋企附近嘅小超市一路以來嘅包裝都冇呢個標貼，我又唔識捷克文又唔夠叻，除咗一認就講得出係牛展、牛腩、豬腩、豬腳之外，買親都係估估下 -__-|| 不過今日去到見到所有鮮肉嘅包裝上面都有標貼，好開心哩 ^_____^ 呢個 feature 對於我來講非常合用貼心，我嘅捷克生活又加多一個「舒適點」。
有冇人會認唔出呢 pack 係雞脾？不過既然要做，梗係做足全套喇 ^++++^
