郁郁貢的爆牙

好開心呀！今朝老公嘅同事 Tomaš 帶我哋去舖頭攞車，終於到手有得踩嘞 ^_________^ 我哋順便配埋車尾兩邊包包，兼且換咗兩個比較軟熟嘅 saddles ^++++++^

呢個男仔非常熱心，佢幫我哋落柯打、follow-up、陪一齊收貨、載架單車返我哋屋企！咁熱情唔計較幫手嘅捷克人，我哋唔係識得好多個 d^_^b

食完 lunch 我哋就去試車嚕！來回踩咗大約20km，途中吸引不少注目！或者如 Tomaš 所講：呢架極可能係全 Plzeň 暫時唯一嘅雙坐位單車，加上我哋呢對 mixed couple，特別搶眼 @__@

尋朝（星期三）喺超市踱來踱去諗夜晚食乜，老公隨口噏話不如BBQ，都好：冷藏庫仲有一舊羊肉，雪櫃仲有一舊星期二買嘅牛肉〜〜

唔知今日Plzeň有乜特別function，有啲路封咗，去唔到平時行開嗰個樹林〜〜 不過都好，行下其他地方，睇下唔同嘅景物 ^__^

尋日家姐喺倫敦打電話俾我問我Plzeň熱唔熱：有太陽嘅話日間室外都30幾度架！不過因為我屋企有地下室層，曬唔到涼滲滲（好似開咗冷氣咁），如果我將啲門、窗打開製造扯風效果，室內其實維持20幾度，再加上低濕度，爆牙都冇伸脷扯氣，入夏至今我連風扇都未駛開！我上年買咗個有轆嘅流動冷氣機，希望今年唔駛用喇 ^___^

不過每朝我望住貼喺廚房窗口，俾晨早大太陽曬到正一正嘅溫度計時，我都會諗：真係有咁熱？@_@

大約四月中開始，supermarket 度除咗蘋果、橙、香蕉呢啲大路生果，多咗時果賣：士多啤梨、桃、油桃、杏、蜜瓜、哈蜜瓜、西瓜 ...... 非常開心哩 ^______^

尋日喺屋企附近小超市都執咗幾種，每款買少少，開始大啖食生果行動 ^+++++^

柑：47.40Kč/kg 我買咗40.40Kč	桃：47.40Kč/kg 我買咗20.60Kč
士多啤梨：19.90Kč/250g	杏：56.90Kč/kg 我買咗 20.50Kč

我知其實天熱食涼冰冰西瓜至正，奈何老公唔係幾好，我一丁人好難快快手鯁得晒一個大西瓜 -︵-

** HK$1大約=3Kč

花園對開嘅麥田

呢個餸之前已經做過，就係因為好好味所以encore，今次仲可以用鮮榨青檸汁同埋鮮芫茜嚟做個酸辣汁，大開心 ^____________^

食譜在此 ^o^

對上一次bush walk已經係5月7月，差不多成個月之前！冇法 -︵- 撞啱週末都落雨，而前個週末燒賣趌跛跛，呢個weekend點都要去鬆下~~

都唔記得連續落咗幾多日雨，又濕又凍，室外得10度，已經收爐準備放暑假嘅heating都要間中開工 -︵-

今日叫做好番少少：有啲太陽又有成差唔多20度，機不可失，D師奶(!我!)一於搬啲嘢出嚟曬 ^++++^

有著落嘞 ^_______^ 之前blog tag十件最想要的聖誕禮物嘅霖巴three終於俾我望到嘞 ^+++++^

咁啱老公部門有個同事係單車迷，有朋友喺生產商做嘢，幫我哋聯絡出車。因為架車要跟據我哋嘅高度同埋配件要求customised砌出嚟，需要時間，冇咁快有得玩 -︵-

不過，好開心呀 v(^o^)v 希望到天氣真係轉好而穩定嘅時候，我哋可以騎住周圍去喇！