 7:56am |  11:41am |
尋晚臨瞓前望天打卦：冇雲見到星星。心諗：聽朝會凍〜〜果然！同老公喺廚房一齊飲 cappuccino 時，望出花園見草地結霜，再望下溫度計：0°C......
晏少少落花園睇下，遲開嘅橙色、紫色芍藥花同葉都被凍傷，明年請早嘍 ~︵~ 不過若果持續凍落去唔再回暖，我又可以開始「埋頭」嘞 ^____^ 早成個月前已經買咗幾包新頭諗住埋喺大門樓梯隔籬，增加 curb appeal ^+++++^
7:56am | 11:41am |
尋晚臨瞓前望天打卦：冇雲見到星星。心諗：聽朝會凍〜〜果然！同老公喺廚房一齊飲 cappuccino 時，望出花園見草地結霜，再望下溫度計：0°C......
晏少少落花園睇下，遲開嘅橙色、紫色芍藥花同葉都被凍傷，明年請早嘍 ~︵~ 不過若果持續凍落去唔再回暖，我又可以開始「埋頭」嘞 ^____^ 早成個月前已經買咗幾包新頭諗住埋喺大門樓梯隔籬，增加 curb appeal ^+++++^
唔覺唔覺，嚟咗捷克整整兩年，真係「快活」不知時日過！仍然唔識講本地話，只係停留喺 good day (dobrý den), goodbye (na shledanou), yes (ano), no (ne), please (prosím), thank you (děkuji)嘅階段〜〜
我哋冇打算喺呢度長住，但係暫時未有計劃去第二個國家。此時此刻只有一個諗法：繼續努力喺 Plžen 開開心心冇冇聊聊過日子 ^____^
 |  |
尋晚中秋夜睇唔到月亮哩 -__- 老公又喺斯洛伐克未返嚟 -__- 又冇月餅食 -__-
哈哈哈〜〜 其實我過咗唔少冇氣氛嘅中秋節，慣晒嚕！ 早幾日摷番N年前買咗又冇玩過嘅紙燈籠出嚟，掛上窗簾棍度，即刻多咗少少節日色彩 o(￣︶￣)o
我哋兩年前初到布拉格時，諗住第一個 apartment 只係臨時住六個月，冇要求業主安裝 ADSL，不過......... 六個月後，因為老公個 department 醞釀搬竇至 Plzeň ，但又冇明確日期喎，攪到我哋搵緊屋搬都要 hold 住，直至公司有決定先睇下繼續住喺布拉格，定移居 Plzeň ；亦係咁，我哋繼續過冇 Internet 嘅日子〜〜〜 直至 05年6月，老公有一個同事約滿離開捷克，佢將個 mobile modem 同 user account 轉讓俾我哋，呵呵呵〜〜郁記於是有得玩嘞 ^__^其實 mobile connection 唔係好穩定兼夾速度慢，但基於懶（足足一年），遲遲都冇去睇下有乜 ADSL 嘅服務供應商 -__-: 不過冇理由有平啲又質素好啲嘅嘢唔要咁笨嘛，終於扚起心肝去攪〜〜 19/9 終於收到 modem 同安裝妥當，從此郁記睇 video 唔會等到頸長又唔會斷開一段段 ^o^
之前用 mobile modem 時，為咗攞至佳 connection 位置，部 notebook 係擺喺餐枱尾，好怪 -__-: 不過安好 ADSL 就要頭痛要喺 living room 搵位放我指定要買嘅電腦枱同埋轆轆櫈 ^++++^
電腦枱係我喺 catalogue 睇中嘅，上星期日（24/9）我哋趁住去朋友屋企之前去 Ikea 買， 原來兩樣嘢都要去5分鐘車程之外嘅貨倉攞貨；等到倉務員將所有嘢執齊，至發覺個枱面太大，我哋架車放唔落 @_@ 要返去 shop 度個客服 counter 落送貨 order ..... 兜兜轉轉...... 玩咗一餐...... 好彩第二日星期一（25/9）下晝就送貨。因為要就張枱同衛星電視條cable， 其他傢俬都要執位〜〜〜〜 終於星期四（28/9）朝早，趁住係公眾假期，我哋夾手夾腳攪掂嘞！
 |  |
回想上年今日，兩公婆營營役役螞蟻搬竇，由布拉格嚟到 Plzeň，真係話咁快就過咗四季〜〜
郁記同爆牙嘅 Plzeň 生活非常平淡（相對來講），一人二狗終日騰上騰落、騰出騰入、跑跑跳跳 ...... 不過我好滿足呀 ^0^ 希望呢種平靜乏味但冇風冇浪嘅日子唔會突然消失改變〜〜 畢竟郁記同老公都不再年輕力壯：精彩刺激、夜夜笙歌嘅生活已經冇福消受，只可以喺回憶中重溫 ^___^
 |  |
 |  |
 | |
Hedgehog 又嚟嘞 ^0^ 爆牙部住吠到拆天呀 -︵- 今次呢隻幾大，啲刺又尖又硬，不過我等咗好耐佢都唔郁〜〜
後記：
今晚（12/9）又有 hedgehog 現身，不過呢隻細啲，應該唔係尋晚嗰隻。老公見我咁興奮，佢戴上園藝手套小心捧起隻刺蝟俾我影相，我仲摸咗佢手仔同肚"dum"添，原來啲肚毛好滑一啲都唔拮手架 ^___^
 |  |
 |  |
 | |
老公叫我用隻碟載啲啲鮮奶引佢飲，我哋睇住佢唔飲喎 -__- 又閃燈又捧起，我唔想打攪佢咁耐就返入屋。跟手上網 search 資料先知 hedgehog 係lactose-intolerant 但鍾意飲奶 @_@ 我唔會再放低奶或其他嘢食，費時整病佢哋〜〜
