郁郁貢的爆牙

嗱嗱嗱～ 咪話暴走爆牙一張狗狗相都冇呀  我有努力，不過一隻（燒賣）一味要帶頭；另一隻又用個 pat pat 向鏡頭咋

大大太陽（但唔會曬燶嗰隻）+ 尋日業主剛剛剪好嘅草地 = 2008 1st BBQ 場景！

Mel R 玩鼠中......

上年我仲言之鑿鑿話唔會買嚟試，星期六朝早晌超市 shopping 時就抵唔住好奇嘞～

呢兩個星期，老公有幾日要搭早機去出差，五點鐘黑鼆鼆就爬起身揸車去布拉格機場，咁我呢個「背後嘅熟女」都有係咁意支持下：佢梳洗完畢出門口之前我梗整好 cappuccino 一齊歎吓。每每呢啲時刻，見到兩隻爆牙攣埋一舊好舒服咁晌高床軟枕度打鼻鼾，老公就好想做狗........

p.s. 上圖係 Mel R （我決定咗以後網誌內稱呼佢哋為 Mel R 同 Mel S）星期一下晝晌我門口蹺埋手晒太陽瞓覺，歎得佢吖！

春回大地，樹林雖然未有增添好多色彩，不過新生命嘅來臨亦令人步伐都輕盈啲！

當然唔係我生日，我係 "Boxing Gal"；係「春之子」－我老公。

佢尋晚捧住個紙袋返嚟，話係同事送嘅禮物，當中有：直徑約 25cm 重 1kg 嘅「掟死狗」麵包，一包 250g 奧地利牌煙肉，一包 85g Parma ham，一條 100g 本地煙腸，同埋一餅 240g 法國綿羊奶芝士。

係咪有啲 R 頭，咁「騎厘」嘅生日禮物！？其實老公晌部門出名唔鍾意食公司 canteen 大鑊飯，佢差不多日日 lunch 都係食麵包（晌 canteen 買或我整嘅），爭在係夾啲乜餡啫。所以同事係投其所好，件禮物好得佢心！

今朝佢五點鐘就要爬起身去布達佩斯出差，夜晚九點幾、十點先返到，唔會有慶生晚飯嚕，佢話明天（03/22）先食喎，仲話佢煮添，嘿嘿～ 不過我下晝整咗佢至鍾意嘅 panna cotta，風塵撲撲返到嚟都有啲甜品獎勵下咁喇

頸梗已經第五日嘞，仲係要就住就住，郁唔啱位的話，真係痛到哇一聲大叫出嚟 都未試過咁慘慘，成日要記得唔好整到左邊頸，打哈嚏、呻鼻涕都痛呀～ 乜都要慢動作～

我已經好乖嚕喎  唔該快啲好返喇～

警告：內有圖片可能引致閣下不安，小心！