 |  |
 |  |
 |  |
佢俾手手我呀！！！尋晚以為咁啱一次半次，今日再試，真係俾呀！
可能眾多狗主 bloggers 會覺得我興奮得有啲太過，好多狗狗唔駛教好耐、有啲狗狗仲唔駛教就識，但對於我再加上呢兩隻爆牙，已經係一個少少嘅 achievement 嘞 o^__^o
我同老公除咗要爆牙聽一般必須命令如 no、stop、wait、sit、come 之外，冇特別再教佢哋啲咩：一來北京狗並非服從獎熱門得主，二來我哋都希望爆牙永遠係 puppy， care-free， 唔需要長大 ^+++++^ 其實我都有間中貪得意：捉住佢哋手仔一陣、講 'hand'、俾零食、拍拍頭仔、讚 'Good Girl'。不過我冇貫切呢個訓練，因為只係為我個人過癮，冇需要咁認真！
係咪有嘢食呀？
我由爆牙細個開始已經諗住一歲度帶佢哋做絕育手術，但係一路以來，心靈弱小嘅老公都唔想狗狗挨呢刀，再加上佢唔太convinced做咗絕育之後「老女人」病唔會出現喺爆牙身上！
咁點解佢而家又改變主意贊成呢？
因為燒賣喺旅行後期突然間有兩日冇晒心機、少少發燒、唔係幾肯食嘢、坐喺度後半身有啲震；雖然子宮蓄膿（Pyometra）一般出現喺比較老又冇絕育嘅雌犬，而燒賣亦冇discharge，我仍然擔心得好厲害 ~︵~ 後尾佢又冇事喎，可能係俾蜜蜂針到都未定。不過經此一役，加強咗我『哦』嘅決心，而老公可能俾燒賣個病樣「啟發」咗，星期五我哋就去咗獸醫度預約時間做絕育，順便清埋牙石，終於約好聽日星期一（21/8）下晝4點！6點度就可以pickup番佢！
醫生吩咐手術前24小時可飲水但禁食，今日（星期日）下晝4點我俾咗餐勁嘅爆牙食！不過燒賣係好鍾意食架，禁食24小時佢一定唔開心啫 =__=
...繼續閱讀
入夏之後，郁家人仔食得清淡咗，狗仔都唔例外，撈乾糧嘅餸多咗齋係青菜嘅次數。好在爆牙自細開始食菜，胃腸慣晒，唔會肚痾 ^___^
 白烚french beans |  白烚荷蘭豆 |
