 |
其實好唔想寫呢篇，因為恐怕會挖開剛結成嘅痂，不過.... 仍然覺得要為生命中呢個段落劃上句號.....
| |
其實好唔想寫呢篇，因為恐怕會挖開剛結成嘅痂，不過.... 仍然覺得要為生命中呢個段落劃上句號.....
燒賣離開後兩星期，我哋一家大小努力適應新狀況，五月三日星期日我提議去平常去開嘅樹林行下。
 |
自從成為家中唯一 pet dog 後，麻煩晌屋外唔會行遠，而且經常擰轉頭 check.....（佢仲有另一個更加大嘅習慣改變，遲啲另一篇再講）
 |
一條似蛇仔嘅東東，老公話係無腳蜥蜴喎......
 |
山桑子 （bilberry）已經開始結果
 |
越橘（cowberry）一般遲熟少少，仍在開花
 |
兜完一轉行返架車度，竟然發覺司機位車門鎖被撬壞、前座乖客位車窗被打碎，glove compartment 門開咗，車內佈滿碎玻璃..... 我哋當時非常 shocked。需知樹林空曠而且我哋行得唔係好遠，架車理論上係有 alarm，但我哋一啲聲都聽唔到。再者呢個位並非完全隱蔽，前面有條路，雖然車流唔多，但亦非九世都冇車駛過嘅。
呢架係公司車，而且我哋冇任何值錢嘢放晌車內，基本上係冇損失。因為我哋唔曉捷文，打電話報警係冇用嘅！於是老公就打架車間 leasing company 嘅 helpline，解釋情況（個 operator 明幾多唔知....），佢問架車係咪仲 mobile（老公扭匙架車 start 到），但 replacement car 就要第二日再安排..... 我哋心諗咁算做備咗案，裏裏外外影晒相，掃開司機座位嘅玻璃，我就去後座抱住麻煩坐，快快返歸飲杯茶壓壓驚～
 |
點知...... 行唔夠十呎，老公話唔妥，駛埋路邊，原來右前轆被割 flat 咗～ 換 tyre 咩，老公用盡力都扭唔開嗰五粒螺絲，終於又要求救..... 好彩救兵唔係非常耐就到，光頭大肚腩哥哥熟手地好快就換好個轆，我哋十分鐘之內就返到屋企！
其實事後諗返仲驚，啲匪徒有利器可以割爛個轆，假若埋伏一邊等我哋，後果可能堪虞..... 我哋晌捷克冇親冇朋，死咗都冇人去追究...... 人在暗我在明，晌呢個經濟氣侯下，我哋唔會再去捷克樹林嘞..... 暴走爆牙系列亦告一段落～
嘩，都幾得人驚。最驚仲系無人幫到你地，真系唔簡單。
哇……真系几惊险……