 |
唔相信自己已經完全豁然放開，不過默默流淚嘅時間大大減少。日常生活中實在有太多事物惹我傷心，每每眼淚將要湧出時就會吸啖氣忍住...... 經常晌街邊喊苦喊忽會嚇親街坊途人哩～
我覺得自己年紀愈大愈容易喊，亦愈不遮掩自己嘅情緒，可能唔再工作嘅緣故，唔需要太過顧慮影響身邊嘅其他人。不過..... 平常嘅我，過一般淡如開水嘅日子，根本好少大喜大悲～
喊對於現在嘅我，並冇宣洩哀愁嘅功用，大喊之後亦只會鼻塞疲累，圍住心頭嘅痛楚不會減褪......
我只有等.......等時間去慢慢一點一滴沖擦記憶～
p.s. 各位好朋友，一次過多謝你哋嘅關愛同留言，我唔逐一回覆嘞～
