郁郁貢的爆牙

麻煩：阿媽媽，我眼瞓，你可唔可以唔影我呢？你中午舞咗我兩粒鐘都仲未夠咩？去打攪燒賣喇，佢冇我咁晌花園趁，冇咁攰，你去佢床仔度喇～ 唔好煩我喇，唔該晒！
媽媽：好快啫，影幾張之嘛....... 燒賣打餅瞓睇唔到肚仔嘛，你至乖架嘞，就得嘞～

麻煩：媽媽...... zzzzzZZZZzzzzZZZZ
媽媽：真係乖又聽話嘞～

媽媽：影埋側身得架嘞......

媽媽：嘿嘿，又影一張～
麻煩：.........

呢排患咗懶 blog 症，其實都有其他攪作，其中以第一次用中種法整咗菠蘿包 & 腸仔包；又晌 Tesco 買到白菜呢兩單都藉得 blog 下（遲啲又記得的話就補返喇），不過懶嘛.... 仲有之前兩篇都未補文.....

今朝九點幾開始，歷時五粒鐘，同兩隻爆牙冲凉剪毛，因為下禮拜四我哋就出發去旅...旅...旅行嘞。今次幫兩小鬼大幅度（至少佢哋未試過一次過剪咁多）剪毛，真係好耐冇見佢哋咁短毛嚕～ 不過我嘅手勢麻麻哋，剪到一勿勿，好彩兩個傻囡唔知醜啫。未出發之前我會再修下，唔係俾人笑佢哋係鬎鬁狗哩......