呢盒過晒 best before 好耐，原味低脂優格係二月某日清雪櫃時喺個角角位摷出嚟 ©﹏© 自從老公經常要出差以來，雪櫃都冇密質質現象，都唔知點解會有呢盒漏眼之「格」。我並非一個閒時買定急時用嘅人（除咗屋企附近勁難買到嘅或勁重我拎得好辛苦如 1 pack 6 樽 1.5公升嘅水），甚至減價貨品我都唔會買定多啲，我唔係唔貪平，係我對「囤積」（除咗錢 ^++++^）呢個概念唔多 buy。我亦唔鍾意嘥食得嘅嘢，因此日常食品我唔會多買喺屋企，況且呢排多數係我一丁人自煮自吃，食唔晒變劣變壞仲衰 -﹏-
咁呢盒「嘢」我咪要一路哦自己一路掉咗佢呢？
我呢個 cheapy 師奶冇掉佢呀 ^++++^ 因為我記得幾年前意大利網友小龍講過俾我聽：佢有個朋友係時時用優格捽手護膚，好掂架喎！
我諗住過晒期食就唔嘞，拉開個蓋聞過冇變酸變臭又冇發霉，掂過個質感又冇變，一於就攞嚟嗰晚沖涼時玩下護膚 ^++++^ 我大冇畏冇有怕，成盒夠搽勻全身，跟住捽捽按摩下，呵呵〜〜 沖完身果然幾滑滑喎， 事後又冇話敏感添！
 |  |
之後有一次我行 Botanicus，見到有呢舊梘，買咗一舊試下，尋晚開始用，幾好喎：洗完軟軟滑滑，不過我係唔鍾意陣蕉味啫 -︵-|| 我呢邊啲原味低脂優格好平，唔駛HK$2 一盒，而家我久不久都俾一盒皮膚「索」下 ^___^
