退色的面貌猶原(iu5-goan5)溫純

雨tih-tih-tah-tah拍ti7厝頂e5鉛片

厝已經老去

人為三頓漂流

路燈e5光霧中

雨絲仔若千百支針插落來

拆一半e5老夜市仔文化路

四十冬無變蚵仔煎的香味

噴水圓環七彩e5燈火

照出一個失落銅像e5座位

空去e5厝

空去e5座位

曾是民主聖地

今連對抗e5對象嘛失去

靜靜落雨暝

老山城行入新e5一年



photos by Judie35

        殖民時代所栽種

        椰e5大葉掠風玩風

        椰e5大葉離樹摔落地

        樹身用一箍痕跡記念葉仔

        以及濟濟其它e5故事

        曾佇回國的船頂跳出「美麗島咱台灣」的新生命的少女蔡瑞月，是戰後台灣文化新生命的活力的象徵，總是，威權時代的暴力與壓迫，戴著死亡的面具出現，欲將此款的青春的氣力消滅。佇少年的時，單純的蔡瑞月女士就經驗著政治壓迫的恐佈。她與她所愛的人被逼，來分離，她自己經驗著受關監的苦楚，一世人的藝術創作，攏佇威權壓迫的陰影中間來進行。佇政治的壓迫中，佇驚惶與困苦的中間，跳舞的身體m7曾停落來，她的腳手，她的面貌，永遠是遐呢青春，威權的恐嚇，嘛一直隨著她，互她驚惶，互她佇半暝會著驚，大聲哀叫。

她曾用Franz Schubert的「死亡與少女」弦樂四重奏第二樂章編舞來跳。

        此個主題，將蔡瑞月的舞推向一個普世的層面，她超越族群與文化的限制，與所有佇死亡的面頭前繼續勇敢來跳舞、來唱出生命的歌曲的女性生命結連作夥。佇Schubert的音樂陪伴中，我心內浮出濟濟相關的故事，in親像四重奏，用無相款的樂器，個別獨立的旋律，互相交織，成作美麗的樂曲。

所以我佇此想欲做的，就是透過「死亡與少女」四重奏的音樂，將蔡瑞月女士的生命，與幾位款面對暴力與死亡的窘迫的女性的生命故事編織作伙。

出自對蔡瑞月女士的敬意，我想欲用蔡女士的母語來發表此篇文章。

        Judie佇病院，我佇無閒，總是有媽媽與爸爸來照顧，人生kiam2有歸擺此款的幸福？

　　
        媽媽是恬靜的人，有她佇病人的身軀邊，實在真好。她kan-na7驚她自己腳手無夠敏掠，因為過去她照顧人的經驗並無真濟。她嘛驚佇病院會睏袂去，吃愛睏藥，一瞑好睏到天光。

        媽媽佇幾冬前，嘛有一擺佇聖誕節的期間入院手術。因為m7是大手術，厝內大家攏在無閒，聖誕暝並無人佇她的身軀邊。自細漢的時陣開始，媽媽逐冬聖誕節攏是佇教會，唱歌，讀聖經，報佳音。她m7-bat自己一個人過聖誕節。彼冬佇病院，後來她是將尿袋提leh，與探訪的人作陣去唱歌報佳音。

        阮圍佇病床邊，聽媽媽回想她彼冬佇病院過聖誕節的情景，一家夥仔此幾冬來，其實真罕得有此款的聚會。

Photo:Judie35

            這是禮拜日早起，冬天的日頭溫溫純純，天真清，黃色的蝴蝶自由飛。

            行出病院大門，抬頭看見清清的天，心頭忽然互一陣溫暖的愛所包圍，足濟需要感謝的代誌，互我的目屎滴落來。

          我通親愛的姊姊Judie因為子宮腺瘤的手術入院。12月11日開刀。

  濟濟冬前，一位妹妹腹內生真大的瘤，接受真復雜的切除手術，復元中種種的艱苦，猶留佇厝內的人的記憶內。此回，大家擱緊張起來囉。

萬物結實的時

落盡一樹粉紫的苦戀花

萬物結實的時

通光通光的雨水含果子

萬物結實的時

雨過了

有雲隨風經過

無張無遲

將她的影

印佇水中央

水歡喜

雲自在

無得失

佇萬物結實的時

佇看著此齣簡潔清楚的短片以前，先放另外一位少年人所拍的長片，是虛無混亂，有實驗性，總是無真濟內容的八十分鐘長片。片中的少年男女學生，一直pok薰，一直灌酒，一直行來行去，一直無有目的在坐車旅行，一直用足無清楚的字句，講一寡無法度表達in的內心的理論。真正是有寫實啦！不過，就是親像台灣即馬的報紙遐呢無聊歹看。若逢（「互人」的連音）看三十分鐘，是猶有寡趣味，會激人想物件，想即馬的少年人真歹溝通。總是，若逢看八十分鐘，就有一點點仔虐待觀眾，會激人受氣。我（=恁祖媽）也嘸是你的老師，也嘸是你的父母啊！是安怎著坐佇秋風的暗夜中，忍受你長長講昧息的，半成品的無聊論啊？

只不過是想欲等「苦瓜道人的唱片行」出場。

     
圖片by Judie35

    秋天的風，真正有吹到台南

    可惜等我歡歡喜喜踏入去鄭成功家廟的庭裡，才聽到主辦單位講，今仔日是先欲放另外兩齣紀錄片，關係苦瓜道人的片是明仔載。

    明仔載我就無閒呢！我講。主辦單位一直會失禮。

    無要緊，我講，有緣就有機會看。

    出來，看著中正路「林百貨」的遺蹟互強烈的電火光照甲真有一款超現實的趣味，就向比彼位去，想講既然影片看昧到，寧可就沿中正路行去「惟因唱片行」，拜訪苦瓜道人本人。

佇路nih就先去知本滯chit8工，泡溫泉。想起濟濟冬前與阿母佇關仔嶺的情景。

佇此將我自己真愛的舊詩貼佇此。

（台文）

早起時聽Bavaria廣播電台，聽著演員Ulrich Muehe因為胃癌過身的消息。心頭受振盪。他最後的作品”竊聽風暴”（Das Leben der Anderen)，是一齣受人讚美koh一再討論的電影，我卻一直猶無機會看著。

　　十二年的納粹政權在德國社會刻下的傷痕，五十年的時光也無法使它消失。在一個混亂的﹑殘酷的時代，受害與被害的界線是否存在？人可以為大潮流中的命運擔負多少責任？這些問題，一直到二十世紀末，都還是可以成為文學的主題。五十幾年的時間距離，雖不能使傷痕全然痊癒，但可將許多糾葛的情結，仇恨的衝動稍稍沉澱，五十幾年的時間距離，終於使戰後的作家有能力不再以憤怒的激情，而能以細膩的柔情解剖殘酷的歷史，解剖糾葛的愛恨罪責。
　　柏林洪堡大學憲法學的教授施靈克(Bernhard Schlink)在1995年出版的「朗讀者」(Der Vorleser)一書，就是這麼一本以柔情解剖殘酷歷史的書。「朗讀者」以五十年代一位少年與一位中年女子的戀情為主線，展開一場對納粹往事的探索，也成為一場情慾﹑罪疚﹑揭露與贖罪的複雜心情迷宮的探險。這本書用獨特的﹑個人史讀歷史觀點描述納粹夢魘，引發眾說紛紜的討論。「朗讀者」的文筆流暢﹑故事引人入勝，講述殘酷的情事，卻不誇張哀號，對人物心理刻畫精密，成為暢銷書，流行至今。
 「朗讀者」一書，不但在德國擁有廣大的讀者群，還被譯成二十九種文字，法文版得到法國翻譯文學獎，英文版登上了美國「紐約時報」的暢銷書排行榜。這是近年來的德國通俗小說難得一見的成功例子。

        啟：1947的一場變局，留落傷痕到佇今日。

        應：醫治復和的路上，莿帕、石頭滿滿是。

啟：平安路是十字架的路，咱著背十字架隨主來行。

應：平安路是十字架的路，咱知主會與咱相同行。

啟：著拭去受傷害的人的目滓，盡心來聽隱密心底的故事。

應：著趕除台灣人心頭的驚惶，好膽來疼這片土地。

啟：基督為咱揹十字架，經過暴力、死亡的深淵。

應：基督復活賞賜勇氣，小膽心靈變勇壯。

啟：著跟隨救主，抬十字架。

應：用咱青春的血汗，代替二二八無辜的血。

啟：為公義，為真理，付出愛的代價。

應：咱的行動，欲成做一首勇敢的歌。

啟：唱互全世界的人來聽，

應：顯明上帝公義愛痛。

          *                  *                              *

啟：二十冬久公義和平運動來醫治，

應：著互二二八成做咱的逾越節！

應：咱有對奴隸的心態得解放，用自由的腳步向前行！

啟：親像以色列百姓出埃及，著互二二八成做咱的逾越節！

應：自由的路途無好行，腳步錯亂閣沉重。

啟：總是上帝搡咱行，祂欲導咱入平安。

應：著互二二八成做咱的逾越節，

應：記念得解放的日子。

啟：著互二二八成做咱的逾越節！

應：苦難的記憶成做盼望的氣力。

啟：平安的異象在引導，

應：基督的愛助咱來行。

啟：衝突攏欲息，利刀打做犁頭，

應：此國無舉刀攻擊彼國；in也無閣學習交戰。

啟：上主的永遠的平安臨到，

應：人人安然坐佇自己的葡萄樹腳，

應：無擱有驚惶與死失。

啟：上主親嘴來應允，

應：公義平安今相親。

獅仔燈

足濟足濟冬前

姑丈為我糊一隻

獅仔燈

用幼幼輕輕e5竹篾仔

綁一粒圓圓e5頭

兩片尖尖e5耳仔

圓圓e5腹肚內

有機關

竹篾仔綁作腳

釘踮一塊柴板仔頂

柴板仔下腳

有紅色e5輪仔

足久無挈畫筆，已經袂記得水彩安怎用，筆嘛毋知丟去什麼所在。

總是彼日去大林附近，看油菜花開，油菜花的黃與一款特別幼秀的青翠，互我的心內有動力。轉來厝裡，就將濟濟事先放一邊，揣出紙筆顏料，想欲將油菜花的色彩留落來，想欲將即片土地極美的情景留落來。

有一位朋友(雙餘館的Arkun)講油菜花是”地裡射出來的日光”。我真愛這個比喻。油菜花田互嘉南平原的冬天變ka2真正光。油菜，阮兜的人講是”油甘菜”，有加一字”甘”，氣味好親像就變好，變有甘味。光中有甘味，讚！

.安靜離開的故人

沉重的腳手已經化做蝴蝶的翅

佇日光所照的所在

油菜花黃燦燦

記「虱目仔e滋味」與「天使」的新冊發表會

「虱目仔e滋味」與「天使」的新冊發表會結束，滿心感謝、感動，位台北倒轉來台南。手內抱一把用粉茄仔色的紙包ka2真正sui2的藍色蓮花，這把互人欣羨的、甜蜜的祝福，是位瑞典倒轉來的黃晴美姊所送的。她的出現，互我一個足大的surprise，因為並無料到她此時會佇台灣。

 　佇日日備課的壓力下面，koh經過一禮拜囉。藍色的蓮花度過thong7-sui2的時，今已經開始lian—ki3。總是佇新冊發表會所感受到的，所有文友交織出來的廣闊氣力，猶著搡我向前，真濟的話題，猶佇我的心內佇發酵。