追尋天使

        －讀柯柏榮的詩

 

        我真愛駱維道牧師翻譯、作曲的一首新聖詩「在莓內有一朵sui2花」，裡面有一句講：「在繭內有隱藏應允，小蝴蝶beh得自由。」看起來醜、靜、無活氣的物，內底隱藏活潑、美麗的生命。基督復活，見證此款的活氣，互人充滿向望。在人間，咱嘛有時會當在受侮辱與損害的人中間，聽見著著繭內小蝴蝶在變化，在振動，咱就通知，充滿色彩與活氣的翅，有一日會展開。

        讀獄中詩人柯柏榮先生的詩，會當感受著即款繭內的振動。

        在台文詩作若春天的花蕊開滿即片先輩開墾出來的新土地的時陣，有一蕊面貌樸素，但是互人無法度放忘記去的花蕊，就是柯柏榮先生的詩。他是在2003年，才開始在獄中學寫詩，詩齡無長，由模仿別人的風格開始，在他的詩內，會鼻到黃勁連、方耀乾、陳金順等的詩味，若深入品味其中的意像、節奏，卻會透露他自己特別有的眼光與感觸的能力。

...繼續閱讀

八月三十一是馬來西亞獨立紀念日。什麼時陣咱才有台灣獨立紀念日？

我一直感覺馬來西亞是一個真有意思的國家，民族濟，語言濟，信仰濟，非常複雜的權力衝突關係，竟然有辦法做夥建國，居起將近五十冬？

 

1957年，是掙脫殖民地身份的希望與榮耀，將無相款的族群結連做夥。49年後，這份希望與榮光，看起來已經變成失去氣力的暗淡記號。在全球化的經濟體系浮沉的生理人，結合政治有力者的氣力，將首都裝飾起來，四界攏看會著國旗，七彩燈火將大樓與街路照甲光映映。

...繼續閱讀

一本小說辛辛苦苦印出來，m7知著安怎來宣傳，少年輩的朋友講：簡單！設chit8-e5　blog，透過部落客中間的串連來宣傳。若無blog，in就m7知會當安怎為我來推冊。

所以我就得到阿鯉e5幫助，佇網路頂，設一個自己的岫。

有人問我部落格的意思到底著安怎來講較好？網誌？罔記？他講：一個開放的私人空間？

一個開放的私人空間。真好的講法！阿鯉是將它比喻作客廳，人客歡喜就來坐。無法度時常見面的朋友，透過blog的寫作分享自己的心情，是私人的分享，m7-si7公共的論壇。總是因為是開放的空間，大家自由行踏，互相傳播，新的朋友與氣噗噗的冤仇人嘛也出現來看你所寫的。將自己的私人心靈空間公開化，是值得興奮的分享，同（kang5）時陣嘛是需要有較粗的神經線的冒險。

不過，成作部落客，該成就會有一個力佇遐在搡，逼人去創作與發表，經驗著人客禮貌的拜會了，就會感覺：m7-thang互即個客廳傷過安靜寂寞啊！第一步踏出去，就甘願來冒險。

 

...繼續閱讀

神學院的老蓮霧樹

葉若玉

花若雨

老蓮霧樹

粗樹皮

包的是

受剉掉的樹枝

所留落的傷跡

猶舊若佇熱天日頭曝

滿樹蓮霧就若鈴鐺仔

青白與粉紅相滲色

清清芳芳

淡薄澀澀

佇命運擱再出手以前

阿爸用歡喜感激的心

行過此欉老樹

曾聽見它五六十冬來

聚集佇樹身內面的歌

圖：Judie35

 

德國寫戲劇的名筆與詩人Bertolt Brecht過身50冬。

想起我有譯過一寡他的詩，將in攏整理佇此所在，算是紀念他，嘛紀念我自己所行過的路。

布雷希特詩選

一、佇烏暗e5時代

佇烏暗e5時代

敢通擱來唱歌？

佇烏暗e5時代

著要有歌詩

來唱明

烏暗e5時代 

戰爭若開始

恁e5 兄弟會變面

變ka2人攏認袂出

總是恁

著毋通變

In會去戰場　毋是

親像豬羊去受屠　是為著

欲去成就大事業　In會將

一切攏放袂記

總是恁

一項攏毋通放袂記

人會用燒酒來灌恁

親像對待其他所有e5 人

總是恁

著保持清醒

...繼續閱讀

佇什麼所在會當真方便買到“天使”？

佇台南就是“新樓冊房”（青年路），”府城舊冊店”(前鋒路，台南後驛對面)，以及”貧乏物語”(育樂街179號)。

府城舊冊店是阮真愛去的所在。第一擺去就發現有真濟遠景出版社與前衛出版社的新冊，是新冊neh!一口氣就買千外箍的冊。因為阿鯉買一本紀念遠景出版社老闆沈登恩的冊，老闆看著真興奮，自我介紹他自己與遠景的淵源，掀出冊內他與沈登恩的合影，看會出他嘛是一個為著出版與推廣好冊打拚夠底的人。此擺復較深談，知影老闆的名是潘勝夫，出身烏牛瀾巴宰族，真正是一位為冊癡狂的人。

 

 

...繼續閱讀

有朋友講我的小說裡底討論真濟與母親的關係，老爸的形象相對真弱。

我想這是因為此幾冬真正較有思考著母女與母子的關係，老爸的部份傷複雜。

嘛有可能是老爸真正是較”無在場”。

去想著過去寫的一首詩，叫作”棗仔園內的紅雞規”（棗園紅汽球），配一張用電腦繪的圖貼出來互大家看咧，嘛算是過父親節。

...繼續閱讀

（攝影：judie35）

石頭所記憶的代誌

千萬年前的火山噴出

金映映(kim-iaN3-iaN3)的熔岩

積（cheh）作山

滴落海

今變成作冷冷的

烏色大山大石

日光照 

雨水沃

青翠的樹木與草葉

為石山蓋一領綠色的被

...繼續閱讀

與阿鯉去南鯤身（應是魚＋身，電腦內尋無字）探班，看今年的鹽份地帶文學營，順遂推銷”天使”。

是中元瞑，月娘照在大廟的廟埕，照在槺榔山莊，日時鬧熱滾滾的廟埕完全無人影，兩三隻狗仔睏在廟前，有一款真平和，寂莫的氣氛。此暝，我經歷著失望，嘛由已經過身的柯旗化先生身上，得到新的氣力。

...繼續閱讀

海湧的聲

神秘的藍
無法度測度的深淵
集中氣力
拍上火燒島的石岸
散作歸片雪雪白
hong2—
soa3— soa3—

熱帶的日
是殘酷抑是慈悲？
燒滾滾的囚室
利利利的樹影
囚人看昧著海
hong2—
soa3— soa3—

受隔離佇海的彼旁
溫暖的母土有強壯的心跳
生活就是安呢照常在過
阿母啊！
會記得妳的子兒(kiaN2-ji5)
佇火燒島失去人的尊嚴的日子否？

暝與日
日與暝
囚人看昧著海
耳空邊是海湧的聲
hong2—
soa3— soa3—