南話樂園

8/23, 8/24,阮一家9个儂,0歲 kaur 80 外歲, 做夥去台北市 thit'tho5. 轉 kaur 茨逐个攏感覺, 猶是 tuar 台南市上好.

因為阮後生猶未 tooxtse3, 而且逐个嘛毋捌坐過"高鐵", 所以決定坐看覓. 阮某負責訂票, 訂好就給我講"高鐵"訂票服務果然有夠差. 電話等真久才接會通, 一 pai2 限制訂10 張, 來回票分開算, 所以阮 9 个儂來回18 張, 愛卡兩 kai2 个電話. 閣阮一个孫子愛提早轉來, 所以伊轉來个票閣愛另外卡電話訂,真正裝 siau2--ex. 尾也佮伊 lu5 歸晡, 才講會使做夥訂, 但是票愛做夥 theh8, 若卜單獨 theq 迄張票愛報阮某个身份證號碼. 我猶想無這種訂票系統个 algorithm.

卜安怎去高鐵个車頭嘛是愛事先討論.公車錢算算哩, 佮寄車差不多, 閣考慮 theq 行李坐車無方便, 轉來个時間等等因素, 決定駛車去車頭. 透早一陣儂來 kaur 高鐵車頭, 真闊真舒適, 佮中型機場候機室真 siang5. 佇一樓有提供食物个商店, 裡面已經有幾位儂客, 若是按飲食面來看, 卡佔贏面 --e 是西式, 清氣閣方便.

上去二樓, tox 看見入口个門 tshuann3, 將票按圖樣 long1 --入去, 就拍開互儂入去. 愛致意个是開車前兩分鐘開始, 門 tshuann3 暫時 bwex 有作用, 所以提早入來等卡妥當. 佇遮有幾排椅子會凍夆(hongv) 坐咧等, 若是儂濟就愛用 khia7 --e. 坐車个月台閣愛起頂懸層, 因為無冷氣會有淡薄熱. 所有个樓仔攏有電動梯相 thang3, 若是無方便 khia7 gimf-a2 个儂, 嘛有電流籠(電梯)會使用, 但是愛 tshuex 高鐵个服務員起動才會行. 有一班無停台南个車咻一个過去, 互阮佇月台等車个儂攏去扇著風, 感受高鐵个車速.

上車了後, 無啥感受車速个大變化, 真平穩. 坐台鐵有時會卡衰, 司機技術 bai2, 逐站起磅攏會頓一下. 不二過當車速 siunnf 緊, 耳空會怪怪. 第六車是商務座位, 一排四個, 比阮坐个一排五個有卡闊, 閣有服務員, 但是貴真濟. 聽講補習班趕場个名師攏改坐高鐵, 對 in 錢毋是問題, 享受才是重點. 除了 sak' 車賣物件个服務員, 嘛會凍看見一个查某儂頭前 phainnx 一 khaf 袋仔 tehr 巡垃圾, 但是佮台鐵个差足濟, 完全 bwex 來甲汝問抑是 tshiauf 坐位, 干單行過去爾爾, 有卜 tanr 垃圾就家己主動. 車頂有飲料自動販賣機, 價數合理, 生理 bwex bai2.