南話樂園

拜三阮 tsit' 組 ef 同事佇下晝開會 suah，做夥去食暗，主人是組裡上資深，嘛是現任 ef 主任秘書。

照我小小頭殼 ef 判斷，若去，一定愛 limf 酒。本散先最近身體lam'lám --ax，愛固本轉去顧某囝，所以編一個理由落跑。九點半轉去辦公室吹冷氣納涼，順煞上網seqse̍h --leq (surfing)，無疑誤隔壁个同事拄轉來一下仔，叫我過去陪伊開講。

Tsit' 位同事佫另外一位是共期个，入來兩冬矣，算是上菜 --ex。所以食飯 limf 酒，姻兩儂 hongv 灌上濟。想當時我上菜 ef 時，雖然大大細細 khangfkhwè 做兩冬，無儂愛接，不二過猶無去 tngx tioq hongv 灌酒个代誌。姻來了後，這是第三攤。第二攤我有去，嘛是 bí --luq (beer) limf 袂少，茫茫轉去睏，隔工猶有臭酒味。Hit' 時我才知影「一手」是指六罐矸仔裝个 bí --luq。酒甌仔 luf 來 luf 去，上菜个 limf 上濟，阿若愈資深，職位愈峘个，一杯會使凹 tit' 別儂四五杯。所以 tsit' kái max 差不多，三份二个酒攏是走 uir 兩個菜鳥同事个腹肚內。

Limf 也 lim，什麼時陣才會煞？做過兵个攏捌經歷過痟狂个退伍酒。好佳哉，阮毋免舞甲安尼。若是 limf bí --luq，走便所小解是免不了 --ex。阮 tsit'ef 主任秘書有一個習慣，只要 hoox 伊走七遍个便所伊就滿足甲會唱歌。為甚麼是七遍呢？哈哈，該袂是暗示什麼吧！唉，卜60歲个查甫郎，可能是感覺神經鈍去，愛去 sak' 七遍才會爽甲暢。