南話樂園

四月初，以早攏有春假，但是前幾年 tox 取消，tshunf 4/5 清明節通好放假歇睏。也職个時陣，max 定定遇著基督教个復活節。

清明个時，「潤餅kauh」是一定有个。自細漢清明節對我來講，放假第一。尤其讀國小个時，4/4是兒童節，雖然上半工課，但是有物仔通 sa，不只仔快樂。自從被封做民族救星个某儂去蘇州賣鴨卵以後，4/5職工个電視節目彩色个閣會變黑白。

若是掃墓，阮兜攏是佇復活節，去甲阿公阿嬤插花。逐冬復活節个日期無固定，算法是過春分了个第一個滿月，閣來所遇著个頭一個禮拜日。職工个禮拜大部分會唱真濟詩歌，結束个時會分「紅卵」，tsit'má 攏改做用彩色个玻璃紙包 saq si̍k 个卵。有个教會會佇復活節舉行「洗禮」，今年我嘛卜 tshuax 阮後生去受洗。