南話樂園

看別儂做老爸真簡單，佇茨裡嘛真慣習做儂序細个角色。結婚了後，開始佇後生kap' 翁婿个兩爿撟角度，tsit'má 閣加擔一個做老爸个責任，真濟看起來簡單个代誌，因為阮某个感受，開始複雜起來。

兩個無共家庭背景个儂，處理代誌个方式精差介濟。阮某姻兜會使為著卜去叨位 thit'thô 開會討論三四遍，最後由阮丈儂爸正式決定，安呢才是有結論閣有決定。若是阮兜，意見真濟，無有儂是最後个決定者，時間若卜 uá，電話卡卡撟撟--leq，無意見--ex就是去叨位攏好，若卜嫌別儂个，就家己愛有卡好个建議，橫直最後 tshun--落來个，tox six 提出个儂全權負責，其他个儂 tuer lehr sńg tox 好。所以若無即時表達家己个意見，會 hoox 儂當做無意見，max bwex 閣再問一遍，有意見个儂家己私底下撟撟--leq 叨好。