南話樂園

最近台員有選舉，雖然毋是全國性--ex，干單是台北市 kap' 高雄市，不貳過真濟儂將伊看做是 2008 總統選戰 e 『前哨戰』，加上前一陣執政黨互中國三合一代理人(政客、媒體、名嘴)聯手修理甲 thiam'thiam2，有个福爾摩莎國民綴姻起痚穿紅杉四界亂，所以職擺興風作浪慣勢个媒體嘛繼續搬 aur 戲，其中上好笑--ex tox 是講「神主牌死了」。姻 ef 意思是指林義雄先生出來為陳菊甲謝長廷助選，互林--先失去原先所代表 ef 道德神主牌。

我感覺真錯亂。神主牌敢毋是公媽牌？神主牌也毋是生物，thair 會死呢？而且神主牌是一個有你我分別个，毋是博愛个，若無哪會講「一儂一家代，公媽隨儂tshai7」？真罕得有人毋求家己个公媽保庇，去求別儂兜个公媽。