南話樂園

今仔日學長來揣我，做夥食暗頓，加減開講。伊對客家族群 tsit' 幾冬得著真濟補助，但是鶴佬攏無啥補助真不滿。

舊年選縣市長，伊對台北縣 ef 羅文嘉真有意見，因為阿扁作台北市長 ef 時投入袂少 ef 資源佇客家活動，嘛有客家廣播。羅 ef 政見互伊真煩惱是毋是 behr 甲台北縣變做客家縣。

今年客委會 kap' 文建會做夥推 sak' 桐花季，客家鄉鎮有補助，但是台北土城嘛有真濟桐花，提出申請夆撲回票，因為毋是客家鄉鎮。另外教育部也 bat' 向新竹苗栗附近 ef 科大提出建議，希望校方增設客家相關 ef 課程互學生選課。這嘛互伊真感冒，因為師資 kap' 學生中客家 ef 比例並無懸。文建會主委李永得先生講應該按照台灣人口客家 ef 比例，新聞時間按比例播送客家相關新聞。尤其真濟鶴佬文化社團，國民黨執政時猶經營會落，阿扁做總統，因為無補助矣， tox 收收起來，親像黃香蓮歌仔戲團。但是客家文化活動攏有客委會讚聲補助，嘛有家己 ef 客家電視台。一 thoflak'kuh4 (拖拉庫)互伊袂爽 ef 代誌。

國民黨執政，獨尊華仔話歧視鶴佬話等等，但是會 khiu' 客家儂支援。阿扁上台，共款 khiu' 客家儂，開始補助客家活動，若是鶴佬儂，歹勢，錢 tox 赫濟，無夠分啦。結果是鶴佬話抑是活動 no'sut4. 伊認為宜蘭 kap' 嘉義市民進黨落選，真好，才袂互儂當作毋免照顧 ef 鐵票。

總是，我有一個疑問，台灣社會，鶴佬儂除了鶴佬話以外，敢有共同 ef 認同象徵？